I. NAFARROAKO FORU KOMUNITATEA
Herrilanak eta Zerbitzu Publikoak
53/2002 EBAZPENA, urtarrilaren 15ekoa, Industri zuzendari nagusiak emana, Iberdrola D.E.S.A.U. enpresari Altsasun, Urdiainen eta Iturmendin goi tentsioko instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.
Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen linea elektrikoaren instalazioa baimendu, proiektua onetsi eta, zehazki, bide zortasuna ezartzearren, haren onura publikoa deklaratzeko, eta ukitutako ondasun eta eskubideen presazko okupazioa deklara dadin:
a) Eskatzailea: Iberdrola D.E.S.A.U.
b) Instalazioa jartzeko tokia: Altsasu, Urdiain eta Iturmendi.
c) Instalazioaren xedea: Urdiaingo industrialdea egiteko afekzioak.
d) Ezaugarri nagusiak: 30 kV-ko aireko lineen barianteak, Altsasu-Urdiain I eta II izenekoak (biko zirkuitua), 00-13 euskarritik, 2.518 metrokoa, LARL-175, metalezkoa, 00-25 euskarrian bukatzeko.
Deribazioa, 00-17 euskarri berritik, Ollaetxe eta Sarobe T.Z.etara, 230 metrokoa, LA-56, metazlezkoa, 64-02 euskarrian amaituko dena.
Deribazioa, 00-20 euskarri berritik, lur azpikoa, DHZ-1/150, 45 metrokoa, 75 kVA; 13,2/0,42-0,24 kV-ko barneko T.Z. berrian amaituko dena (lehen bazen kanpoko T.Z., potentzia berekoa). Lineako eta babeseko SF6 gelaxkak ditu eta Urdiaingo araztegirako da.
Aireko deribazioa, 00-21 euskarri berritik, LARL-175, metalezkoa, 168 metrokoa, 36-03 euskarrian amaitzeko "Magotteaux Navarra, S.A." T.Z.rakoa, Urdiainen.
Aireko deribazioa, 00-21 euskarritik, 38 metrokoa, LA-145, 10-17 euskarri berrirainokoa, metalezkoa, Urdiaingo "Viscofán", "Urdiaingo Udala" eta "Piensos Artoa" T.Z.etan hartunea egiteko.
e) Nongo materialak: nazionalak.
f) Aurrekontua: 72.903.056 pezeta (438.156,19 euro).
Kontuan harturik, horretarako irekitako espedientean behar ziren erregelamenduzko tramiteak bete direla.
Horiek horrela, Industria eta Teknologia, Merkataritza, Turismo eta Lan kontseilariaren urriaren 14ko 572/1999 Foru Aginduaren bidez (133. Nafarroako ALDIZKARI OFIZIALa, 99-10-25ekoa) esleitu zaizkidan ahalmenak erabiliz,
EBATZI DUT:
1. Aipatu instalazio elektrikoa jartzeko baimena ematea.
2. Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan eta abenduaren 1eko 1955/2000 Errege Dekretuaren 148 eta 149.etan aipaturiko ondorioekin.
3. Instalazio hori egiteko aurkeztu proiektua onestea eta 12 hilabeteko epea ematea lanak egiteko. Proiektu hori Iruñean datatua da, 2001eko urtarrilean, Raúl Herráez Fernández industri ingeniari jaunak sinatua.
Ebazpen honen aurka, gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, jakinarazi eta biharamunetik aitzina.
Ebazpen honen berri emanen zaie Iberdrola D.E.S.A.U.ri, Ebroko Ur Konfederazioari, Enagasi, Renferi, Nafarroako Gobernuko Herrilan, Garraio eta Komunikazio Departamentuari eta Altsasuko, Urdiaingo eta Iturmendiko Udalei, eta Nafarroako ALDIZKARI OFIZIALean argitaratuko da.
Iruñean, bi mila eta biko urtarrilaren hamabostean.-Industri zuzendari nagusia, Enrique Jiménez Goicoa.
Iragarkiaren kodea: A0200569
