I. NAFARROAKO FORU KOMUNITATEA
Herrilanak eta Zerbitzu Publikoak
31/2002 EBAZPENA, urtarrilaren 11koa, Kultura Zuzendaritza Nagusia-Vianako Printzea Erankundeko zuzendari nagusiak emana, Nafarroako Museoa garbitzeko zerbitzua Garayalde S.A. enpresari esleitzen diona, 14.000.000 pezetatan/84.142 eurotan.
Ondare Historikoaren Zerbitzuko Museo, Ondasun Higigarri eta Arkeologia Atalak txosten bat aurkeztu du eta bertan proposatu Nafarroako Museoa 2002an garbitzeko zerbitzua 14.000.000 pezetatan/84.142 eurotan (BEZa barne) eslei dadila, baldintza teknikoen eta administrazio klausula partikularren pleguaren arabera.
Horrenbestez, Hezkuntza eta Kultura kontseilariak, irailaren 30eko 340/1999 Foru Aginduaren bidez, eman dizkidan eskurantzak erabiliz,
EBATZI DUT:
1. Nafarroako Museoa 2002an garbitzeko zerbitzua Garayalde S.A. enpresari, A3128390 IFZ duenari, esleitzea, 14.000.000 pezetatan/84.142 eurotan (BEZa barne).
2. Administrazio klausula partikularren pleguetako 11. puntuarekin bat, fakturak eta garbitzen diharduten langileek Gizarte Segurantzari eginiko kotitazioen ordain-agiriak aurkeztu ondoren ordainduko da kontratuaren zenbatekoa. Esleipenaren zenbatekoaren hamabirena hilabete bakoitza bukatzean pagatuko da, konturako ordainketen bidez, Museo, Ondasun Higigarri eta Arkeologia Atala ados egonez gero. 2002rako luzatu diren aurrekontuetan Kultura Zuzendaritza Nagusia-Vianako Printzea Erankundeari dagokion 450000 progamako "Garbiketa zerbitzuen kontratazioa" izeneko kontusailetik finantzatuko da.
3. Ebazpen hau jakinaraztea Ondare Historikoaren Zerbitzuari, Museo, Ondasun Higigarri eta Arkeologia Atalari, Zuzendaritza Nagusi horretako Administrazio Orokorraren Bulegoari eta interesatuei, behar diren ondorioak sor ditzan.
Iruñean, bi mila eta biko urtarrilaren hamaikan.-Kultura zuzendari nagusia, Juan Ramón Corpas Mauleón.
Iragarkiaren kodea: A0201026
