64. ALDIZKARIA - 2026ko martxoaren 31

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

538/2026 EBAZPENA, martxoaren 10ekoa, Nafarroako Unibertsitate Publikoko kudeatzaileak emana. Haren bidez, hautaprobetarako deialdiak onesten dira izangaien bi zerrenda osatzeko, mantentze-lanetako kudeaketari izateko lanpostua betetzeko (B maila), bata administrazio araubideko aldi baterako kontratazioaren bidez eta bestea prestakuntzako zerbitzu berezien egoeraren bidez, betiere Nafarroako Unibertsitate Publikoan sortzen diren beharrak betetzearren.

2025eko urtarrilaren 28ko Gobernu Kontseiluaren Erabakiak, teknikariak eta kudeaketako eta administrazioko eta zerbitzuetako langileak administrazio araubidearen arabera eta aldi baterako kontratatzeko izangaien zerrendak kudeatzeko arauak onesten dituenak, xedatzen du aldi baterako langileak deialdi bidez aukeratuko direla, eta deialdi horretan berdintasun-, merezimendu-, gaitasun- eta publizitate-printzipioak bermatuko direla.

2014ko azaroaren 25eko Gobernu Kontseiluaren Erabakiak, Nafarroako Unibertsitate Publikoko administrazioko eta zerbitzuetako funtzionarioen prestakuntza eta lanbide-hobekuntza arautzen dituenak, bestalde, xedatzen du ezen Nafarroako Unibertsitate Publikoak, aldi baterako kontratazioa egin baino lehen, bere funtzionarioei eskainiko dizkiela bete nahi dituen lanpostuak, horretarako hautaprobetarako deialdia eginez, zeinak aldi baterako kontratazioetarako izangaien zerrendak osatzeko hautaprobekin batera eginen baitira.

Nafarroako Unibertsitate Publikoaren langile premiak kontuan harturik, eta sortuko direnei erantzuteko, bidezkoa da hautaprobetarako deialdiak onestea, izangaien bi zerrenda osatzeko, mantentze-lanetako kudeaketari izateko lanpostua betetzeko (B maila), bata administrazio araubideko aldi baterako kontratazioaren bidez eta bestea prestakuntzako zerbitzu berezien egoeraren bidez.

Ikusirik Teknikariak eta Kudeaketako eta Administrazioko eta Zerbitzuetako Langileak Kudeatzeko Ataleko buruak egin duen txostena, zeina ontzat eman baitu Giza Baliabideen Zerbitzuko zuzendariak.

Nafarroako Unibertsitate Publikoko errektoreak errektoretza-taldearen egitura orokorra onetsi eta haren funtzioak zehazteko 2023ko ekainaren 20an eman zuen 1306/2023 Ebazpenaren bidez eskuordetu dizkidan eskumenak erabiliz,

EBAZTEN DUT:

Lehenbizikoa.–Onestea izangaien bi zerrenda osatzeko hautaprobetarako deialdiak, mantentze-lanetako kudeaketari izateko lanpostua betetzeko (B maila), bata administrazio araubideko aldi baterako kontratazioaren bidez eta bestea prestakuntzako zerbitzu berezien egoeraren bidez, betiere Nafarroako Unibertsitate Publikoan sortzen diren beharrak betetzearren. Halaber, deialdiaren oinarriak eta gai-zerrenda onestea, ebazpenaren I. eta II. eranskinetan daudenak, hurrenez hurren.

Bigarrena.–Ebazpen hau Nafarroako Aldizkari Ofizialean eta Nafarroako Unibertsitate Publikoaren iragarki ohol elektroniko ofizialean argitara dadila agintzea, behar diren ondorioak izan ditzan.

Hirugarrena.–Ebazpen honek administrazio bidea agortzen du, Unibertsitate Sistemari buruzko 2023ko martxoaren 22ko Lege Organikoaren 38.4 artikuluak xedatzen duenaren arabera, eta haren kontra zilegi da berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa, Iruñeko Auzialdiko Auzitegiko maila bereko atalari zuzendua, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.

Iruñean, 2026ko martxoaren 10ean.–Mar González Paredes, kudeatzailea.

I. ERANSKINA

I.–IZANGAIEN ZERRENDA BAT OSATZEKO DEIALDIA, MANTENTZE-LANETAKO KUDEAKETARI IZATEKO LANPOSTUA (B MAILA) ADMINISTRAZIO ARAUBIDEKO ALDI BATERAKO KONTRATAZIOAREN BIDEZ BETETZEKO

Hauek dira deialdia arautuko duten:

OINARRIAK

Lehenbizikoa.

Deialdi honen xedea da hautaproben bidez izangaien zerrenda bat egitea, administrazio araubideko aldi baterako kontratazioaren bidez mantentze-lanetako kudeaketari izateko lanpostua betetzeko (B maila), betiere Nafarroako Unibertsitate Publikoan sortzen diren beharrak betetzearren.

Aldi baterako kontrataziorako izangaien zerrenda hauek subsidiarioak izanen dira Nafarroako Unibertsitate Publikoko administrazioko eta zerbitzuetako funtzionarioen prestakuntza eta lanbide-hobekuntza arautzen dituen 2014ko azaroaren 25eko Gobernu Kontseiluaren erabakiak ezartzen duenaren babesean egiten den beste edozein funtzionario-zerrendaren aurrean.

Bigarrena.–Izangaiek bete beharreko baldintzak.

2.1.–Deialdian onartuak izateko, izangaiek baldintza hauek bete beharko dituzte eskaerak aurkezteko epea bukatzen den egunean:

a) Espainiako herritarra izatea edo Europar Batasuneko estaturen batekoa izatea, edo, Europar Batasunak izenpetu eta Espainiar Estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.

Halaber, Espainiako, Europar Batasuneko estatuetako eta aipatu nazioarteko itunak aplikatzen diren eremuko estatuetako herritartasuna dutenen ezkontideek parte hartzeko aukera dute, betiere zuzenbidearen arabera bananduak ez badaude; herritartasuna duenaren ondorengoek eta haren ezkontidearen ondorengoek ere parte hartzeko aukera dute, zuzenbidearen arabera bananduak ez badaude, baldin eta 21 urtetik beherakoak badira edo, adin horretatik gorakoak izanda ere, gurasoen kontura bizi badira.

b) Hamasei urte beteta edukitzea, eta langile publikoen nahitaezko erretirorako ezarritako gehieneko adina beteta ez edukitzea.

c) Honako titulu hauetako bat edukitzea: gradua, diplomatura, ingeniaritza teknikoa edo arkitektura teknikoa edo haren baliokidea edukitzea, edo, bestela, titulua erdiesteko eskubideak ordaindu izanaren egiaztagiria, eskabideak aurkezteko epea bukatzen den egunean.

Atzerrian lortutako titulazioen kasuan, homologazioa egiaztatzen duen baliokidetasun-ziurtagiri edo kredentziala eduki beharko da. Baldintza hori ez zaie aplikatuko lanbide arautuen eremuan prestakuntza profesionalaren aitorpena Europar Batasuneko xedapenen babespean erdietsi duten izangaiei.

d) Behar diren zereginak betetzeko gaitasun fisikoak eta psikikoak edukitzea.

e) Eginkizun publikoetarako desgaitua edo gabetua ez egotea eta administrazio publiko baten zerbitzutik bereizia ez izatea.

Espainiakoa ez beste nazionalitate bat dutenek ere funtzio publikoetarako sarbidea galarazten dion diziplina-zehapen edo zigor-kondenarik ez dutela adierazten duen zinpeko aitorpena aurkeztu beharko dute.

2.2.–Eskaerak aurkezteko epea bukatzen den egunean bete behar dira oinarri hauetan ezarritako baldintzak, bai eta hautaketa-prozedurak edo kontratazio epeak dirauen bitartean ere.

Hirugarrena.–Hautaketa-prozesuaren garapena eta balorazioa.

Hautaketa-prozesua bi deialdietan arau komunek ezartzen dutenaren arabera eginen da.

II.–IZANGAIEN ZERRENDA BAT OSATZEKO DEIALDIA, MANTENTZE-LANETAKO KUDEAKETARI IZATEKO LANPOSTUAN (B MAILA) PRESTAKUNTZAKO ZERBITZU BEREZIEN EGOERAN ARITZEKO

Hauek dira deialdia arautuko duten:

OINARRIAK

Lehenbizikoa.

Deialdi honen xedea da hautaproben bidez izangaien zerrenda bat egitea, mantentze-lanetako kudeaketari izateko lanpostua betetzeko (B maila) prestakuntzako zerbitzu berezien egoeran, betiere Nafarroako Unibertsitate Publikoan sortzen diren beharrak betetzearren.

Bigarrena.–Izangaiek bete beharreko baldintzak.

2.1.–Deialdian onartuak izateko, izangaiek baldintza hauek bete beharko dituzte eskaerak aurkezteko epea bukatzen den egunean:

a) Nafarroako Unibertsitate Publikoko administrazioko eta zerbitzuetako funtzionarioa izatea, eta C edo D maila edo multzokoa izatea.

b) Nafarroako Unibertsitate Publikoan zerbitzu ematen hiru urteko antzinatasuna izatea gutxienez.

c) Eszedentzian ez egotea, non eta eszedentziak ez duen ezartzen lanpostua erreserbatzeko eskubidea; edo Gobernu Kontseiluaren 2014ko azaroaren 25eko erabakiaren xedapen iragankorrean adierazitako egoeran egotea –Nafarroako Unibertsitate Publikoko administrazioko eta zerbitzuetako funtzionarioen prestakuntza eta lanbide-hobekuntza arautzen dituen erabakia–.

d) Honako titulu hauetako bat edukitzea: gradua, diplomatura, ingeniaritza teknikoa edo arkitektura teknikoa edo haren baliokidea edukitzea, edo, bestela, titulua erdiesteko eskubideak ordaindu izanaren egiaztagiria, eskabideak aurkezteko epea bukatzen den egunean.

Eskatutako kategoria betetzeko aukera ematen duten ikasketa baliokideak alegatzen dituzten izangaiek baliokidetasun hori aitortzen duen legezko edo erregelamenduzko xedapena aipatu beharko dute, edo arlo horretan eskumen duen ministerioak emandako ziurtagiria aurkeztu.

Atzerrian lortutako titulazioen kasuan, homologazioa egiaztatzen duen baliokidetasun-ziurtagiri edo kredentziala eduki beharko da. Baldintza hori ez zaie aplikatuko lanbide arautuen eremuan prestakuntza profesionalaren aitorpena Europar Batasuneko xedapenen babespean erdietsi duten izangaiei.

2.2.–Eskaerak aurkezteko epea bukatzen den egunean bete behar dira oinarri hauetan ezarritako baldintzak, bai eta hautaketa-prozedurak edo prestakuntza-epeak dirauen bitartean ere.

2.3.–Gorago aipatutako baldintzak betetzen dituzten funtzionarioek ezin dute aldi berean parte hartu aldi baterako kontrataziorako izangaien zerrenda osatzeko deialdian eta prestakuntzako zerbitzu berezien egoeran aritzeko izangaien zerrenda osatzeko deialdian.

Hirugarrena.–Hautaketa-prozesuaren garapena eta balorazioa.

Hautaketa-prozesua bi deialdietan arau komunek ezartzen dutenaren arabera eginen da.

III.–BI DEIALDIEN ARAU KOMUNAK

2015eko urriaren 1eko 39/2015 Legearen 45.1.b) artikuluan ezarritakoaren arabera –Administrazio Publikoen Administrazio Prozedura Erkideari buruzkoa–, hautaketa-prozesu honek eragiten dituen argitalpenak, Nafarroako Aldizkari Ofizialari dagokiona izan ezik (bi deialdien arau komunen 1. oinarrian aipatutakoa), Nafarroako Unibertsitate Publikoaren iragarki ohol elektroniko ofizialean azalduko dira, deialdi honi dagokion atalean, eta ez dira baliozkoak izanen bestelako tokietan agertzen direnak.

Lehenbizikoa.–Eskabideak aurkezteko epea.

Bi deialdietan parte hartzeko eskabideak aurkezteko epea hamar egun baliodunekoa izanen da, deialdiak onesten dituen ebazpena Nafarroako Aldizkari Ofizialean argitaratzen den egunaren biharamunetik kontatzen hasita.

Bigarrena.–Eskabideen aurkezpen telematikoa eta agiriak.

2.1.–Eskabidearen aurkezpen telematikoa.

Hautaketa-prozesu honetan parte hartu nahi dutenek telematikoki aurkeztu beharko dute eskabidea, Nafarroako Unibertsitate Publikoaren egoitza elektronikoaren bidez. Hartara sartzeko, deialdi honi dagokion atalean sartu beharko dute, nabigazio bide honi jarraikiz:

https://www.unavarra.es/sede/tablon-electronico/empleo-publico/convocatorias-pas?submenu=yes&opcion=2

Izangai batek parte hartzeko eskabide bat baino gehiago aurkezten badu, aurkeztu duen azkena hartuko da kontuan.

2.2.–Erantsi beharreko agiriak.

–Deialdien bigarren oinarrian aipatzen den titulazio akademikoaren baldintza betetzen dela egiaztatzen duten agiriak.

–Hizkuntza-eskakizunen bat duten lanpostuetarako deietara aurkeztu nahi izanez gero, hizkuntza-gaitasunak egiaztatzen dituzten agiriak.

–%33ko edo hortik gorako desgaitasuna duten izangaiek, hautaprobak egiteko denbora edo bitartekoak egokitzeko eskatu nahi badute, eskabidea erantsi beharko dute aurreko apartatuan adierazitako helbide elektronikoetan.

Horretarako, izangaiek beren kondizioa egiaztatu beharko dute, IMSERSOk edo autonomia-erkidegoko erakunde eskudunak emandako ziurtagiri baten bidez, edo Gizarte Segurantzako Institutu Nazionalaren ebazpen baten bidez, zeinak prestazioa jasotzeko eskubidea aitortzen baitu ezintasun iraunkor osoa, ezintasun iraunkor absolutua edo baliaezintasun handia izateagatik. Era berean, zilegi izanen dute eskatutako egokitzapena justifikatzeko komenigarritzat jotzen duten dokumentazioa ere aurkeztea.

Hirugarrena.–Izangaien onarpena.

3.1.–Eskaerak aurkezteko epea bukatu eta gero, Nafarroako Unibertsitate Publikoko kudeatzaileak ebazpen bat emanen du onartutako eta baztertutako izangaien behin-behineko zerrendak onesteko, azken horiek baztertzearen zergatiak azalduta, eta Nafarroako Unibertsitate Publikoaren iragarki ohol elektroniko ofizialean argitaratuko dira, deialdi honi dagokion atalean.

Bi deialdien arau komunetako bigarren oinarrian aipatutako agiriak ez aurkezteagatik izangaiak behin-behinean baztertzea galarazi gabe, haiek baztertzeko arrazoi zuzendu ezinak izanen dira eskaera epez kanpo aurkeztea eta lehiaketaren bidez lortu nahi den lanpostuan aritzeko bete behar diren baldintzak ez betetzea.

Baztertutako izangairik ez badago, behin betiko onetsiko dira onartutako izangaien zerrendak.

3.2.–Behin-behineko zerrendetan ageri ez diren izangaiek edo behin-behinean baztertutakoek zilegi dute erreklamazioa egitea eta, akatsen bat egin badute, akatsak zuzentzea, behin-behineko zerrenda argitaratu eta hurrengo hamar egun balioduneko epean.

Behin betiko bazterturik geldituko dira onartuen zerrendan egoteko eskubidea justifikatuz zerrenda horretan ez agertzearen aurka epearen barrenean alegaziorik aurkeztu ez duten izangaiak eta, bestetik, behin-behinean baztertuak gelditzea eragin zuten akatsak zuzenarazi ez dituztenak.

3.3.–Akatsak zuzentzeko eta erreklamazioak egiteko epea bukatu ondoren, eta azken horiek ebatzita, Nafarroako Unibertsitate Publikoko kudeatzaileak ebazpena emanen du onartutakoen eta baztertutakoen behin betiko zerrenda onesteko. Nafarroako Unibertsitate Publikoaren iragarki ohol elektroniko ofizialean argitaratuko da zerrenda hori, deialdi honi dagokion atalean. Ebazpen horretan jakinaraziko da noiz eta non eginen diren oinarri hauetan aipatzen diren hautaprobak.

3.4.–Hautaprobetako onartuen behin betiko zerrendan egoteak ez du esan nahi, inola ere, Unibertsitateak aitortzen duenik izangaiek deialdiko oinarrietan eskatzen diren baldintzak betetzen dituztela. Aurkeztutako dokumentazioa edo Unibertsitatearen eskura dagoena aztertuta, ikusten bada izangairen batek ez duela betetzen baldintzaren bat, bertan behera geldituko dira deialdietan parte hartzeak dakartzan eskubide guztiak.

3.5.–Onartutako eta baztertutako izangaien zerrendak argitaratuta, interesdunei jakinarazpena egin zaiela ulertuko da, Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legearen 45. artikuluak xedatzen duenarekin bat etorriz.

Laugarrena.–Proba.

4.1.–Hautaketa-prozesua honako proba honen bidez eginen da:

Idatziz erantzun beharko dira test motako galdera batzuk, ebazpenaren II. eranskineko gai-zerrendako gaiei buruzkoak. 70 galdera izanen dira gehienez. Galdera bakoitzak lau erantzun-aukera izanen ditu, eta haietako bat bakarra izanen da baliozkoa. Oker erantzundako galdera bakoitzagatik galderaren balioaren herena kenduko da.

Ezin izanen da beste testu edo dokumentaziorik kontsultatu, ez eta gailu elektronikorik edo bestelako materialik erabili (hiztegia, kalkulagailuak, etab.), salbu eta boligrafo urdin edo beltz bat, punta lodikoa.

4.2.–Proba gehienez 100 punturekin kalifikatuko da, eta gehieneko puntuazio horren erdia gutxienez lortzen ez duten pertsonak bazterturik geldituko dira.

Hala ere, aldi baterako kontrataziorako izangaien zerrendan ere sartuko dira probaren puntuazio osotik, hau da, 100etik, gutxienez 30 puntu lortzen dituzten izangaiak, bat etorriz Gobernu Kontseiluak 2025eko urtarrilaren 28an hartutako erabaki baten 6. artikuluarekin. Izan ere, aipatu erabaki horren bidez, Nafarroako Unibertsitate Publikoko aldi baterako kontrataziorako izangaien zerrendak kudeatzeko arauak onetsi ziren.

4.2.–Epaimahai kalifikatzaileak zehaztuko du probak zenbat denbora iraun behar duen gehienez, eta horren berri emanen du proba hasi baino lehen.

4.3.–Probarako deia deialdi bakarraren bidez eginen da, eta parte-hartzaileek Nortasun Agiri Nazionala, pasaportea, gidabaimena edo epaimahaiak nahikotzat jotzen duen beste identifikazio agiri bat eraman beharko dute bertara. Bazterturik geldituko dira beren identitatea egiaztatzen ez dutenak edo agertzen ez direnak.

4.4.–Desgaitasun aitortua izanik eskabidean eskaera egin duten izangaientzat, ahal diren egokitzapenak eginen dira proba egiteko behar diren denboran eta baliabideekin.

Bosgarrena.–Epaimahaia.

5.1.–Epaimahaia honako kide hauek osatuko dute:

–Epaimahaiburua: Santiago Álvarez Folgueras, Nafarroako Unibertsitate Publikoko Azpiegituren eta Zerbitzu Orokorren Zerbitzuko zuzendaria.

Ordezko epaimahaiburua: Mikel Echegaray Garaicoechea, Nafarroako Unibertsitate Publikoko Agirien Kudeaketaren eta Artxibo Nagusiaren Ataleko burua.

–Epaimahaikidea: Miguel Berazaluce Gómez, Nafarroako Unibertsitate Publikoko Azpiegituren Ataleko burua.

Ordezko epaimahaikidea: Elías Antoñanzas Malón, Nafarroako Unibertsitate Publikoko Mantentze Lanen Unitateko mantentze-lanetako kudeaketaria.

–Epaimahaikidea: José Vicente Aguinaga Zabalza, Nafarroako Unibertsitate Publikoko Azpiegituren Ataleko Mantentze Lanen Unitateko burua.

Ordezko epaimahaikidea: Juan José Góngora Yerro, Nafarroako Unibertsitate Publikoko Osasunaren Sustapenerako eta Jasangarritasunerako Ataleko laneko arriskuetako kudeaketaria.

–Epaimahaikidea: Nafarroako Unibertsitate Publikoko TEKAZEL bat, Teknikarien eta Kudeaketako eta Administrazioko eta Zerbitzuetako Langileen Batzordeak izendatua.

Ordezko epaimahaikidea: Nafarroako Unibertsitate Publikoko TEKAZEL bat, Teknikarien eta Kudeaketako eta Administrazioko eta Zerbitzuetako Langileen Batzordeak izendatua.

–Epaimahaikide idazkaria: José Luis Moneo Sánchez-Marco, Nafarroako Unibertsitate Publikoko Mantentze Lanen Unitateko mantentze-lanetako kudeaketaria.

Ordezko epaimahaikide idazkaria: David Pascal Artázcoz, Nafarroako Unibertsitate Publikoko Azpiegituren Ataleko mantentze-lanetako teknikaria.

5.2.–Administrazio prozedura erkidearen arauetan aipaturiko arrazoiren bat gertatzen denean, epaimahaiko kideek parte hartzeari uko egin beharko diote, eta horren berri eman deialdia egin duen organoari.

Izangaiek, halaber, zilegi dute epaimahaikideak errekusatzea, aipatu egoera horietako bat gertatzen denean.

Onartutako eta baztertutako izangaien behin betiko zerrenda onesten duen ebazpenean jasoko dira epaimahai kalifikatzailearen kideen izenak.

5.3.–Epaimahaia hautaprobak hasi baino lehen eratu beharko da.

Epaimahai kalifikatzailearen eraketak eta jardunak balio izan dezaten, gutxienez kide guztien gehiengo osoa beharko da. Halaber, epaimahaiaren eraketak eta jardunak balio izateko, epaimahaiburuak eta epaimahaikide idazkariak edo haien ordezkoek egon behar dute bertan.

5.4.–Hautaprobak aurrera egin ahala, epaimahaiak gehiengoz ebatziko ditu deialdi honen oinarriak interpretatzetik eta aplikatzetik sortzen diren zalantzak, baita deialdian kontuan hartzen ez diren arazoak konpontzeko behar diren neurriak hartu ere.

5.5.–Epaimahai kalifikatzaileak aukera izanen du hautaprobarako aholkulari adituak sartzeko. Aholkulariek beren espezialitate teknikoetan baino ez dute lagunduko.

5.6.–Jakinarazpenak egiteko eta bestelako gorabeheretarako, epaimahaiaren egoitza Nafarroako Unibertsitate Publikoko Administrazioko eta Kudeaketako eraikina izanen da.

Seigarrena.–Emaitzak.

6.1.–Probaren kalifikazioa amaiturik, epaimahaiak Giza Baliabideen Zerbitzuari bidaliko dizkio izangaiek lortutako puntuazioak, zerbitzu horrek Nafarroako Unibertsitate Publikoaren iragarki ohol elektronikoan argitara ditzan, hain zuzen, deialdiari dagokion atalean. Halaber, bost egun balioduneko epea irekiko du interesdunek eskubidez dagokiena modu telematikoan alegatu dezaten.

6.2.–Alegazioak ebatzi ondoren, edo epea alegaziorik aurkeztu gabe igarotakoan, Giza Baliabideen Zerbitzuak zerrenda hauek argitaratuko ditu, bereizita:

A) Aldi baterako kontrataziorako izangaien zerrenda.

Bi kontratazio zerrenda osatuko dira, bata iraupen luzeko kontratuetarako eta bestea iraupen laburreko kontratuetarako, eta ez dute loturarik izanen batak bestearekin.

Iraupen luzeko eta laburreko kontratutzat hartuko dira Gobernu Kontseiluak 2025eko urtarrilaren 28an horri dagokionez hartutako erabakiaren 7. artikuluan adierazten direnak. Erabaki horren bidez, hain zuzen, Nafarroako Unibertsitate Publikoko teknikariak eta kudeaketako eta administrazioko eta zerbitzuetako langileak administrazio araubidearen arabera eta aldi baterako kontratatzeko izangaien zerrendak kudeatzeko arauak onetsi ziren.

Izangaien zerrendetako lehentasuna proban guztira lortutako puntuazioaren arabera ezarriko da (handienetik txikienera), salbu eta Gobernu Kontseiluak 2025eko urtarrilaren 28an hartutako erabakiaren 8. artikuluan adierazitako kasuetan, hau da, desgaitasuna duten pertsonen kasuan eta genero-indarkeriaren biktima diren emakumeen kasuan. Aipatu erabakiaren bidez, Nafarroako Unibertsitate Publikoko teknikariak eta kudeaketako eta administrazioko eta zerbitzuetako langileak administrazio araubidearen arabera eta aldi baterako kontratatzeko izangaien zerrendak kudeatzeko arauak onetsi ziren.

Berdinketak zozketa bakar baten bidez erabakiko dira, berdinketa duten izangaien artean. Zozketan ateratzen den pertsonaren deituretatik eta izenetik hasi, eta deituren hurrenkera alfabetikoari jarraikiz ebatziko dira berdinketa guztiak. Zozketaren emaitza Nafarroako Unibertsitate Publikoaren iragarki ohol elektroniko ofizialean argitaratuko da, deialdi honi dagokion atalean.

B) Prestakuntzako zerbitzu berezietan aritzeko izangaien deialdian hautaketa-prozesua gainditu dutenen zerrenda.

Izangaien zerrendetako lehentasuna proban guztira lortutako puntuazioaren arabera ezarriko da (handienetik txikienera). Puntuazioan berdinketarik izanez gero, deialdiak ezartzen duen eskabideak aurkezteko epea amaitzen denean antzinatasun handiena daukan izangaiaren alde ebatziko da.

6.3.–Epaimahaiak Nafarroako Unibertsitate Publikoko kudeatzaileari igorriko dizkio arau honek aipatzen dituen zerrendak, onets ditzan, hautaketa-prozesuaren espediente osoarekin batera.

Zazpigarrena.–Izangaien zerrendak.

7.1.–Behin betiko zerrendak.

Hautaketa-prozesuaren espediente osoa jaso ondoren, Nafarroako Unibertsitate Publikoko kudeatzailearen ebazpen baten bidez onetsiko dira bai aldi baterako kontrataziorako izangaien zerrendak, bai prestakuntzako zerbitzu berezien egoeran egonen diren izangaienak, eta deialdi honi dagokion atalean argitaratuko dira.

7.2.–Deia.

Aurreko apartatuan aipatzen diren zerrendetan dauden izangaien deia Gobernu Kontseiluaren erabaki hauekin bat etorriz eginen da: Gobernu Kontseiluaren 2025eko urtarrilaren 28ko erabaki bat –haren bidez, Nafarroako Unibertsitate Publikoko teknikariak eta kudeaketako eta administrazioko eta zerbitzuetako langileak administrazio araubidearen arabera eta aldi baterako kontratatzeko izangaien zerrendak kudeatzeko arauak onetsi ziren– eta Gobernu Kontseiluak 2014ko azaroaren 25eko erabaki bat –haren bidez, Nafarroako Unibertsitate Publikoko administrazioko eta zerbitzuetako langileen prestakuntza eta lanbide-hobekuntza arautu zen–. Kasu guztietan, prestakuntzako zerbitzu berezien egoeran egonen diren izangaien zerrendak lehentasuna izanen du aldi baterako kontrataziorako izangaien zerrendaren aldean.

Deialdietan adierazitako baldintzak betetzen ez dituztenak bazterturik geldituko dira hautaketa-prozesutik, Nafarroako Unibertsitate Publikoko kudeatzailearen ebazpen baten bidez, eta bertan behera geldituko zaizkie dagokien deialdian parte hartzetik erator litezkeen eskubide guztiak.

Zortzigarrena.–Prestakuntzarako zerbitzu berezien egoeran aritzeko gehieneko denbora.

8.1.–Lanpostu batean prestakuntzan aritzea onartzen dutenak arrazoi horrengatik zerbitzu berezien egoeran daudela deklaratuko da, Nafarroako Unibertsitate Publikoko kudeatzailearen ebazpen baten bidez, gehienez ere urtebeterako, hasiera batean, eta epe hori urtebeteko aldietan luzatzen ahalko da, gehienez ere sei urte bete arte.

8.2.–Prestakuntzan sei urteko gehieneko epe hori bete eta gero, langile funtzionarioek automatikoki hasi beharko dute berriz ere zerbitzu aktiboan zerbitzu berezietan deklaratu zituztenean betetzen ari ziren lanpostuan, eta ezin izanen dituzte berriz ere zerbitzu berezietan deklaratu arrazoi beragatik. Izendapen libre bat edo bitarteko izendapen bat izan zuen lanpostu batetik badatoz, amaitutzat joko da egoera.

8.3.–Prestakuntza-zerrenda batean baino gehiagotan daudenak gehienez ere sei urtez egonen dira guztira prestakuntzarako zerbitzu berezien egoeran.

8.4.–Prestakuntzarako zerbitzu berezien egoera sei urtetik beherako epe baterako bada (hasierako deklarazioa eta bere luzapen guztiak barne), izangaiak zerrendan dagokion lekua izanen du berriz ere epe hori bukatzean.

Bederatzigarrena.–Datu pertsonalen tratamendua.

Nafarroako Unibertsitate Publikoak langileen kudeaketaren arloan antolatutako prozesuetan parte hartzeak interesdunen datuak tratatzea ekarriko du berekin. Datu horien tratamenduaren arduraduna Nafarroako Unibertsitate Publikoa da.

Datuen tratamendua aplikatzekoa zaion araudiari jarraikiz eginen da, hots, Datuak Babesteko 2016/679 EB Erregelamendu Orokorrari eta Datu Pertsonalak Babesteko 2018ko abenduaren 5eko 3/2018 Lege Organikoari jarraikiz. Tratamenduaren deskribapena Tratamendu Jardueren Erregistroan dago kontsultatzeko, hemen: https://www.unavarra.es/eu/sites/portal-transparencia/home.html.

Datuen tratamenduaren eraginpeko interesdunak hautaketa-prozesuetako izangaiak eta NUPeko langileak izanen dira. Datu pertsonal hauek tratatuko dira: izena, deiturak, NANa, datu akademikoak eta profesionalak eta, beharrezkoa denean, bankuko datuak eta Gizarte Segurantzakoak, edo ondoren deskribatzen den xedea betetzeko beharrezkoak direnak.

Datuen tratamendua justifikatzen duen xedea honako hauek tramitatzea da: hautaketa-prozedurak, mugikortasunekoak, egoera administratiboak, ziurtagiriak edo Giza Baliabideen arloan NUPen eskumenekoak diren beste batzuk.

Xede horrek interes publikoa edo botere publikoa legitimatzen du, Datuak Babesteko Erregelamendu Orokorraren 6.1.e) artikuluak ezartzen duen bezala. Hauek dira oinarri juridikoak, langileei buruzko beste arau batzuen artean: Enplegatu Publikoaren Oinarrizko Estatutuaren Legearen Testu Bategina onesten duen 5/2015 Legegintzako Errege Dekretua, 2015eko urriaren 30ekoa, eta Nafarroako Administrazio Publikoen zerbitzura dauden Langileen Estatutuaren Testu Bategina onesten duen 251/1993 Legegintzako Foru Dekretua, 1993ko abuztuaren 30ekoa.

Datuak tratatzeko jarduerei dagokienez, interesdunek eskubidea dute datuak eskuratzeko, zuzentzeko, ezabatzeko, mugatzeko, haiei kontra egiteko eta transferitzeko. Horretarako, mezu bat bidali behar dute delegado.protecciondatos@unavarra.es helbidera, Datu Pertsonalak Babesteko Lege Organikoaren 11. artikulutik 18. artikulura bitartekoei jarraikiz. Desadostasunen bat izanez gero, Datuak Babesteko Espainiar Agentziara jo dezakete, https://www.aepd.es/ domeinuaren bidez.

Hamargarrena.–Errekurtsoak.

Deialdi honen aurka, haren oinarrien aurka eta beroriek aplikatzeko ekintzen aurka, epaimahaiak egindakoak ez direnean, zilegi da ondoko errekurtsoetako bat jartzea, arau indardunekin bat etorriz:

a) Aukerako berraztertzeko errekurtsoa, errektoreari zuzendua, hilabeteko epean, aurkaratutako egintza jakinarazi edo argitaratu eta biharamunetik aurrera.

b) Administrazioarekiko auzi-errekurtsoa, Iruñeko Auzialdiko Auzitegiko maila bereko atalari zuzendua, bi hilabeteko epean, aurkaratutako egintza argitaratu edo jakinarazi eta biharamunetik aurrera.

Epaimahai kalifikatzaileak ematen dituen egintza eta ebazpenen kontra zilegi da gora jotzeko errekurtsoa jartzea, errektoreari zuzendua, hilabeteko epean, errekurtsoaren xede den egintza argitaratu edo jakinarazi eta biharamunetik aurrera.

II. ERANSKINA.–GAI-ZERRENDA

1.–Eraikinen klimatizazio-instalazioak. Tipologiak. Beroa eta hotza ekoizteko ekipoak, banaketa-sareak (hodiak, konduktuak, balbulak...), lokaletako elementu terminalak eta instalazioaren erregulazio elementuak. Diseinua eta mantentze-lanak. Efizientzia energetikoa. Aplikatzekoak diren arauak.

2.–Suteen kontrako babes instalazioak: Suteak itzaltzea: sua itzaltzen duten agenteak, sua itzaltzeko instalazio finko motak. Diseinua eta mantentze-lanak. Aplikatzekoak diren arauak.

3.–Suteen kontrako babes instalazioak: Sute detekzioa: instalazio motak. Diseinua eta mantentze-lanak. Aplikatzekoak diren arauak.

4.–Behe tentsioko instalazio elektrikoak: barne argiteria. Tipologiak. Diseinua eta mantentze-lanak. Efizientzia energetikoa. Aplikatzekoak diren arauak.

5.–Behe tentsioko instalazio elektrikoak: kanpoko argiteria. Tipologiak. Diseinua eta mantentze-lanak. Efizientzia energetikoa. Aplikatzekoak diren arauak.

6.–Behe tentsioko instalazio elektrikoak. Eraikinetan elektrizitatea banatzeko instalazioak, banaketa-koadroak. Babes elementuak. Etengabeko elikatze-iturriak. Ekipo elektrogenoak. Aplikatzekoak diren arauak. Eskema elektrikoak.

7.–Eraikinetan ura hornitzeko eta husteko sareak: Diseinua eta mantentze-lanak. Aplikatzekoak diren arauak.

8.–Etxeko ur beroaren instalazioak: tipologiak. Diseinua eta mantentze-lanak. Efizientzia energetikoa, legionelosiaren prebentzioa. Aplikatzekoak diren arauak.

9.–Goragailuak eta ate automatikoak. Tipologiak eta mantentze-lanak. Aplikatzekoak diren arauak.

10.–Ordenagailuaren bidezko mantentze-lanen kudeaketa. Ezarpena eta mantentze zuzentzaile eta prebentziozkoa. Informazioaren kudeaketa eta erabilgarritasuna.

11.–Eraikinetako instalazioen kudeaketari aplikatutako kontrol sistema zentralizatuak. Osagaiak. Funtzionatzeko modua. Abantailak. Efizientzia energetikoa.

12.–Berokuntza-instalazioak. Beroa produzitzea, tipologiak. Galdarak, aerotermia eta geotermia. Zirkulazio ponpak, banaketa-hodiak, isolamendu termikoa eta igorleak. Erregulazioa. Diseinua eta mantentze-lanak. Efizientzia energetikoa. Aplikatzekoak diren arauak.

13.–Energia berriztagarrien instalazioak eraikinetan. Energia fotovoltaikoa, metaketa elektrikoa, instalazio fotovoltaikoen kudeaketa.

14.–Lan arriskuen prebentzioa: prebentziozko jardueraren printzipioak. Lan-arriskuen prebentzioa enpresa-jardueren koordinazioan. Eraikuntza-lanetako gutxieneko segurtasun- eta osasun-neurriak. Aplikatzekoak diren arauak.

15.–Eraikinetako hozte-instalazioak. Hotzaren ekoizpena, tipologiak. Ura hozteko gailuak. Hozgarriak. Diseinua eta mantentze-lanak. Efizientzia energetikoa. Eurovent ziurtagiriak. Aplikatzekoak diren arauak.

Oharra: gaiei buruz eskatuko den edukia bat etorriko da deialdi hau argitaratzen den egunean indarrean diren legeekin.

Iragarkiaren kodea: F2603942