96. ALDIZKARIA - 2001eko abuztuaren 8a

I. NAFARROAKO FORU KOMUNITATEA

Beste Xedapenak

788/2001 FORU AGINDUA, uztailaren 3koa, Ingurumen, Lurraldearen Antolamendu eta Etxebizitza kontseilariak emana, Elgorriagako Arau Subsidiarioak 777. lurzatiko U.U.11 unitatean aldatzeko espedientea, Fernando Martín Ibarra jaunak sustatua, behin betikoz onesten duena.

Elgorriagako Udalak idazpuruan zehaztutako espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz onets dadin.

Ikusirik ekarritako dokumentazioa eta Lurraldearen Antolamendu eta Hirigintza Zerbitzuak emandako adostasun txostena, bidezko da espediente hori behin betikoz onestea, Foru Agindu honen xedapen zatian aipatzen diren zehaztapenekin.

Horren ondorioz, Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 116. artikuluan xedatutakoari jarraikiz,

AGINDU DUT:

1. Elgorriagako Arau Subsidiarioak 777. lurzatiko U.U.11 unitatean aldatzeko espedientea, Fernando Martín Ibarra jaunak sustatua, behin betikoz onestea, Herrilan, Garraio eta Komunikazio Departamentuaren eta Iparraldeko Konfederazio Hidrografikoaren txostenetako zehaztapenekin.

2. Foru Agindu honen kontra gora jotzeko errekurtsoa jartzen ahal dela adieraztea, Nafarroako Gobernuari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik hilabeteko epean gehienez ere, azaroaren 26ko 30/1992 Legearen 114 eta 115. artikuluei jarraikiz (Administrazio Publikoen Araubide Juridikoari eta Guztiendako Administrazio Prozedurari buruzkoa). Espedientearen kontra administrazioarekiko auzi-errekurtsoa jartzen ahal da, Nafarroako Auzitegi Nagusiko arlo bereko Sailari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik bi hilabeteko epean, uztailaren 13ko 29/1998 Legearen 10. artikuluan xedatutakoari jarraikiz (Administrazioarekiko Auzien jurisdikzioa arautzen duen Legea).

3. Foru Agindu honen berri Elgorriagako Udalari eta Fernando Martín Ibarra jaunari ematea eta Nafarroako ALDIZKARI OFIZIALean argitaratzea, behar diren ondorioak izan ditzan.

Iruñean, bi mila eta bateko uztailaren hiruan.-Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.

Iragarkiaren kodea: A0107254