I. NAFARROAKO FORU KOMUNITATEA
Herrilanak eta Zerbitzu Publikoak
742/2001 EBAZPENA, ekainaren 26koa, Industri zuzendari nagusiak emana, Cortesen eta Buñuelen goi tentsioko instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.
Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen linea elektriko baten instalazioa baimendu, proiektua onetsi eta, zehazki, haren onura publikoa deklaratzeko, bide zortasuna ezartzearren, eta linea elektrikoak ukitutako ondasun eta eskubideen presako okupazioa deklara dadin:
a) Eskatzailea: Iberdrola D.E.S.A.U.
b) Instalazioa jartzeko tokia: Cortes eta Buñuel.
c) Instalazioaren xedea: Cortesko banaketa-sarea hobetzea.
d) Ezaugarri nagusiak: 13,2 KV-ko aireko linearen berritzea, "STR Cortes-Circunvalación-Cortes, tramo 04" izenekoa, 438 LA-180 euskarritik (hormigoizkoa eta metalezkoa, 7025 m); bukaera 0024 euskarrian, Cortesen eta Buñuelen.
LA-56rekiko deribazioak 04.06 euskarritik (20 m) Makinaren Bideko Eraldaketa Zentrora eta Eraldaketa Zentro berrira (lotu gabe); 04-10 euskarritik (14 m) Carlos Marcuelloren Eraldaketa Zentroa eta 30 metrokoa Cesar Belioren E.Z.ra; 04.13 euskarritik 17 metroko lotunea Sociedad Agraria izeneko E.Z.ra eta 57 metroko lotunea Prudencio Huertaren E.Z.ra; deribazioa 04.15. euskarritik (12 m), Cipriano Cirizaren E.Z.ra, horiek denak Cortesen; deribazioa 04.29. euskarritik (87 m), Luis Pardoren eta Antonio Alboren E.Z.etara; deribazioa 04.30 euskarritik (130 m) Gasolinera Avantiko E.Z.ra eta deribazioa 04.33 euskarritik (10 m) pardo Simónen E.Z.ra, Buñuelen.
e) Nongo materialak: nazionalak.
f) Aurrekontua: 26.209.840 pezeta.
Horretarako irekitako espedientean behar ziren erregelamenduzko tramiteak bete dira.
Horiek horrela, Industri, Merkataritza, Turismo eta Lan kontseilariaren urriaren 14ko 572/1999 Foru Aginduaren bidez (99-10-25eko Nafarroako ALDIZKARI OFIZIALa, 133. zk.) esleitu zaizkidan ahalmenak erabiliz,
EBATZI DUT:
1. Aipatu instalazio elektrikoa jartzeko baimena ematea.
2. Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52, 53 eta 54. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan aurreikusitako ondorioetarako.
3. Instalazioa egiteko aurkezturiko proiektua onestea eta 12 hilabeteko epea ematea lanak egiteko. Proiektua Iruñean datatua da, 2000ko martxoan, Francisco Iraizoz Indaberea industri ingeniari teknikoak sinatua.
Ebazpen honen kontra gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, jakinarazpena egin eta biharamunetik aitzina.
Ebazpen honen berri ematea Iberdrola D.E.S.A.U. enpresari (Orreaga etorbidea 7, Iruña 31002), Cortesko Udalari (Cortes 31530), Buñuelgo Udalari (Buñuel 31540) eta Teléfonica, S.A. enpresari (La Olivako monast. kalea, 9-1.a, Iruña 31011). Halaber, Nafarroako ALDIZKARI OFIZIALean emanen da argitara.
Iruñean, bi mila eta bateko ekainaren hogeita seian.-Industri zuzendari nagusia, Enrique Jiménez Goicoa.
Iragarkiaren kodea: a0106999
