90. ALDIZKARIA - 2001eko uztailaren 25a

III. NAFARROAKO TOKI ADMINISTRAZIOA

M E N D A B I A

Lehiaketa, Mendabiako zaharretxe mistoaren eta eguneko zentroaren proiektua prestatu eta obra zuzendaritza egiteko aholkularitza lanak esleitzeko

Mendabiako Udalak lehiaketarako deia egin du Mendabiako zaharretxe mistoaren eta eguneko zentroaren proiektua prestatu eta obra zuzendaritza egiteko aholkularitza lanak esleitzeko.

Kontratuaren xedea: Mendabiako zaharretxe mistoaren eta eguneko zentroaren proiektua prestatu eta obra zuzendaritza egiteko aholkularitza lanak kontratatzea.

Esleipen bidea: lehiaketa, prozedura irekia.

Hasierako prezioa: 16.287.445 (hamasei milioi berrehun eta laurogeita zazpi mila laurehun eta berrogeita bost) pezeta, 79,889,52 euro, BEZa barne, honela banaturik:

9.005.125 pezeta. Lanak egiteko proiektua prestatzea; instalazioak gauzatzea; segurtasun eta osasun arloko koordinazioa, proiektua burutu bitartean; segurtasun eta osasun arloko proiektua.

7.282.319 pezeta. Obra zuzendaritza; instalazioen zuzendaritza teknikoa; segurtasun eta osasun arloko proiektuaren zuzendaritza; segurtasun eta osasun arloko koordinazioa, obrak burutu bitartean.

Behin behineko fidantza: ez da halakorik behar.

Aurkeztu beharreko agiriak: klausula administratibo nahiz partikularren eta manu teknikoen pleguan aipatzen dira.

Proposamenen aurkezpena: Udalaren erregistro orokorrean, bederatzietatik arratsaldeko ordu biak arte, iragarki hau Nafarroako ALDIZKARI OFIZIALean argitaratu eta hurrengo hogeita sei egun naturaletan.

Proposamenak postaz igortzen badira, igorpena zein egun eta ordutan egina den egiaztatu beharko du lehiatzaileak eta horren berri eman kontratazio organoari, dela fax dela telegrama bidez, eta betiere proposamenak aurkezteko epearen egun eta orduetan. Beharkizun horiek gabe ez da onartuko iragarki honetan aipatu epetik kanpo jasotako proposamenik.

Eskaintzak noiz irekiko: jendaurrean irekiko dira, Mendabiako Udaleko bilkura aretoan, proposamenak aurkezteko epea bukatu ondoko bosgarren egun balioduneko arratsaldeko ordu batean.

Klausula administratibo eta partikularren plegua, manu teknikoena eta agiri teknikoak, proiektua prestatzeko oinarria baitira, lehiatzaileen eskura daude Mendabiako Udaletxean (Udaletxeko plaza, 1 zenbakia); telefonoa: 948-685176; Faxa: 948-695303.

Mendabian, bi mila eta bateko uztailaren bian. Alkatea, Samuel Caro Sádaba.

Iragarkiaren kodea: A0107588