I. NAFARROAKO FORU KOMUNITATEA
Beste Xedapenak
101/2001 FORU AGINDUA, maiatzaren 16koa, Lehendakaritza, Justizia eta Barne kontseilariak emana, Bortziri, Sakana, Malerreka eta Leitzako Mankomunitateek euskararen erabilerari buruzko araudia euskal eremuan aplikatzeko ekintza-planaren aurka jarritako 435/01 zenbakiko administrazioarekiko auzi-errekurtsoari buruzko espediente administratiboa Nafarroako Auzitegi Nagusiko Administrazioarekiko Auzien Sailera igortzen duena; araudi hori Nafarroako Gobernuak onetsi zuen, 2001eko otsailaren 5eko Erabakiaren bidez.
Nafarroako Auzitegi Nagusiko Administrazioarekiko Auzien Sailak 435/01 zenbakiko administrazioarekiko errekurtsoari buruzko espediente administratiboa igortzeko agindua eman du. Aipatu administrazioarekiko errekurtsoa Bortziri, Sakana, Malerreka eta Leitzako Mankomunitateek jarri zuten euskararen erabilerari buruzko araudia euskal eremuan aplikatzeko ekintza-planaren aurka
araudi hori Nafarroako Gobernuak onetsi zuen, 2001eko otsailaren 5eko Erabakiaren bidez.
Aipatu espedientea 2001eko ekainaren 5a baino lehen igorri behar da.
Halaber, Administrazioarekiko Auzien Sailak eskatu dio administrazio honi aipatu espedientean interesatu gisa ageri diren guztiei dei egin diezaiela, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritako moduan.
Hori horrela,
AGINDU DUT:
1. Bortziri, Sakana, Malerreka eta Leitzako Mankomunitateek jarritako 435/01 zenbakiko administrazioarekiko auzi-errekurtsoari buruzko espediente administratiboa Nafarroako Auzitegi Nagusiko Administrazioarekiko Auzien Sailera igortzea.
2. Interesatuei dei egitea autoetan ager daitezen, ebazpen hau argitaratzen denetik bederatzi eguneko epean.
3. Foru Agindu hau Nafarroako ALDIZKARI OFIZIALean argitaratzea.
Iruñean, bi mila eta bateko maiatzaren hamaseian.-Lehendaka- ritza, Justizia eta Barne kontseilaria, Rafael Gurrea Induráin.
Iragarkiaren kodea: A0105174
