I. NAFARROAKO FORU KOMUNITATEA
Beste Xedapenak
ERABAKIA, 2001eko apirilaren 23koa, Nafarroako Gobernuak hartua, "Puiuko udal mugapean Zaragoza-Altsasu trenbideko 142/202 k.p.an dagoen pasagunea kentzea" izeneko proiektuko obrek ukituriko ondasun eta eskubideen okupazioa presakoa dela deklaratzen duena.
1999ko apirilaren 28an Akordio bat sinatu zen RENFErekin, Zaragoza-Altsasu linearen Nafarroako 18 pasagune kentzeko.
Akordio horretan ageri diren jarduketen arabera, Nafarroako Gobernuari dagokio "Puiuko udal mugapean Zaragoza-Altsasu trenbideko 142/202 k.p.an dagoen pasagunea kentzea" izeneko proiektuko obrak egitea.
Aurrekoarekin bat, Herrilan, Garraio eta Komunikazio Departamentua "Puiuko udal mugapean Zaragoza-Altsasu trenbideko 142/202 k.p.an dagoen pasagunea kentzea" proiektuko obren kontratazioa prestatzeko jarduketak egiten ari da. Pasagunea kenduta oraingo egoerak erabiltzaileentzat duen deserosotasun eta arriskua desagertuko da.
Behar diren lurrak eskuratzeko tramiteak arintzeko, beharrezkoa da Nafarroako Gobernuak ukitutako ondasun eta eskubideen okupazioa presako deklaratzea, Nahitaezko Desjabetzapenari buruzko Legearen 52. artikuluan ezarritakoaren babesean.
Horrenbestez, Nafarroako Gobernuak, Herrilan, Garraio eta Komunikazio kontseilariak proposaturik,
ERABAKI DU:
1. "Puiuko udal mugapean Zaragoza-Altsasu trenbideko 142/202 k.p.an dagoen pasagunea kentzea" izeneko proiektuak ukituriko ondasun eta eskubideen okupazioa presakoa dela deklaratzea.
2. Ukituriko ondasun eta eskubideak eskuratzeko eta desjabetzapenetako laguntza teknikorako kalkulatu den gastua 3.500.000 pezetakoa da (21.035,42 euro), zehazki: 3.500.000 pezeta (21.035,42 euro), 2001eko gastuen aurrekontuko "Azpiegituretarako lurrak desjabetzea" izeneko 611000-61340-6001-513400 kontusailaren kargura.
3. Erabaki hau Nafarroako ALDIZKARI OFIZIALean argitaratzea.
4. Erabaki hau jakinaraztea Herrilan, Garraio eta Komunikazio Departamentuari, Departamentuko Idazkaritza Teknikoari (Kudeaketa Ekonomikoaren Bulegoa), Ekonomi eta Ogasun Departamentuko kontu-hartzailetza delegatuari, Proiektu, Teknologia eta Obra Hidraulikoen Zerbitzuari (Desjabetzapen Atala), Trenbide eta Aireportuetako Azpiegituren Zerbitzuari eta Puiuko Udalari.
Iruñean, bi mila eta bateko apirilaren hogeita hiruan.-Lehendaka- ritzako idazkari nagusia, Joaquín Gortari Unanua.
Iragarkiaren kodea: a0104873
