61. ALDIZKARIA - 2001eko maiatzaren 18a

I. NAFARROAKO FORU KOMUNITATEA

Agintariak eta Langileak

2/2001 FORU DEKRETUA, maiatzaren 15ekoa, Nafarroako Gobernuko lehendakariak emana, maiatzeko egun batzuetan zehar Lehendakaritza, Justizia eta Barne kontseilariaren ordez Nekazaritza, Abeltzaintza eta Elikadura kontseilaria ariko dela erabakitzen duena.

Lehendakaritza, Justizia eta Barne kontseilaria kanpoan izanen denez maiatzaren 21etik 27ra bitartean, beharrezko da haren ordezkoa izendatzea, hala ezartzen baitu Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 43. artikuluak.

Horrenbestez, eta aipatu Foru Legearen 24.g) artikuluak esleitzen dizkidan eskurantzak erabiliz,

DEKRETATU DUT:

Artikulu bakarra.-Lehendakaritza, Justizia eta Barne kontseilaria kanpoan den bitartean, 2001eko maiatzaren 21etik 27ra hain zuzen, Nekazaritza, Abeltzaintza eta Elikadura kontseilaria ariko da haren ordez eginkizunak betetzeko.

Iruñean, bi mila eta bateko maiatzaren hamabostean.-Nafarroako Gobernuko lehendakaria, Miguel Sanz Sesma.

Iragarkiaren kodea: A0105175