I. NAFARROAKO FORU KOMUNITATEA
Herrilanak eta Zerbitzu Publikoak
45/2001 FORU DEKRETUA, otsailaren 26koa, Beintza-Labaiengo Udalaren herrilurreko 105 metro koadroren onura publikoa deklaratu eta haien desafektazioa onesten duena, ondoren jabetza partikularreko 105 metro koadroko lursail batekin trukatzeko.
Beintza-Labaiengo Udalak 105 metro koadroko herrilurra desafektatzeko onespena eskatu dio Nafarroako Gobernuari. Lursail hori 2. poligonoko 255. lurzatiari dagokio.
Asmoa da aipatu lurra Marcos Telletxea Mutuberria jaunak duen 105 metro koadroko lursail batekin trukatzea. Lursail hori 2. poligonoko 852. lurzatiari dagokio.
Trukearen xedea hauxe da: etxebizitza bat eraikitzea, ohiko bizilekua izan dadin.
Beintza-Labaiengo Udalak zorrotz bete du espediente honen xede den arloaren gainean Nafarroako Toki Administrazioari buruzko uztailaren 2ko 6/1990 Foru Legeak dioena, baita Nafarroako Toki Entitateen Ondasunei buruzko Erregelamenduan ezarritakoa ere (urriaren 18ko 280/1990 Foru Dekretuaren bidez onetsia).
Horrenbestez, Nekazaritza, Abeltzaintza eta Elikadura kontseilariak proposaturik, eta Nafarroako Gobernuak bi mila eta bateko otsailaren hogeita seian egindako bilkuran hartutako erabakiari jarraikiz,
DEKRETATU DUT:
1. artikulua. Beintza-Labaiengo Udalaren herrilurreko 105 metro koadroren onura publikoa deklaratu eta haien desafektazioa onestea. Lursail hori 2. poligonoko 255. lurzatian dago.
2. artikulua. Baimena ematen zaio Beintza-Labaiengo Udalari desafektatutako lur hori Marcos Telletxea Mutuberria jaunak duen 105 metro koadroko lursail batekin trukatzea. Lursail hori 2. poligonoko 852. lurzatiari dagokio.
Trukearen xedea hauxe da: etxebizitza bat eraikitzea, ohiko bizilekua izan dadin.
3. artikulua. Desafektazioaren onespena Beintza- Labaiengo Udalak onetsi zuen baldintza pleguak dioena zorrozki betetzearen baldintzapean dago, batez ere klausula berezi bat, zeinean adierazten baita herrilur hura herri ondarera itzuli behar dela desafektazioa eragin zuten helburuak desagertu edo betetzen ez badira. Aipatu klausula kontratua gauzatzen duen agiri publikoan agertaraziko da eta Jabetza Erregistroan inskribatuko.
4. artikulua. Beintza-Labaiengo Udala behartua da espediente honen xede diren lurren mugak jarri eta katastroko kartografia ofizialean jasotzera. Halaber, Nafarroako Zerga Ogasunari (Lurralde Aberastasunaren Zerbitzua) eta Nekazaritza, Abeltzaintza eta Elikadura Departamentuko Nekazaritzako Egituren Zerbitzuari aldaketaren berri emanen die.
AZKEN XEDAPENA
Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta bateko otsailaren hogeita seian.-Nafarroako Gobernuko lehendakaria, Miguel Sanz Sesma.-Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: A0102309
