III. NAFARROAKO TOKI ADMINISTRAZIOA
B A Z T A N
Trafikoko salaketen jakinarazpena
Trafikoari, Ibilgailu Motordunen Zirkulazioari eta Bide Segurtasunari buruzko Legea hausteagatik, Udaltzaingoak eta trafikoko zaindariek ezarritako salaketak, ondoko zerrendan ageri direnak, jakinaraztea ezinezkoa suertatu denez, Administrazio Publikoen Araubide Juridikoari eta Guztiendako Administrazio Prozedurari buruzko Legean eta gainerako lege aplikagarrietan xedatutakoari jarraikiz, ediktu hau ematen da argitara Nafarroako ALDIZKARI OFIZIALean eta salatuak bizi diren herriko Udalaren iragarki oholean.
Espedientea: 2001058. Arau-hauslea: Casajús Gorostiaga, Eduardo. Matrikula: NA-4952-AZ. Tokia: Jaime Urrutia, 24, Elizondo. Eguna: 2001eko otsailaren 14a. Ordua: 12,13. Zenbatekoa: 10.000 pezeta. Arau-haustea: 94.1 ZEO.
Espedientea: 2001059. Arau-hauslea: Duró López, Vicente. Matrikula: V-9870-GS. Tokia: Jaime Urrutia, 14, Elizondo. Eguna: 2001eko otsailaren 14a. Ordua: 10,46. Zenbatekoa: 10.000 pezeta. Arau-haustea: 171 ZEO.
Espedientea: 2001056. Arau-hauslea: Piscinas San Fermín, S.L. Matrikula: NA-2884-AC. Tokia: Antxitoneko zubia, Elizondo. Eguna: 2001eko urtarrilaren 10a. Ordua: 15,45. Zenbatekoa: 10.000 pezeta. Arau-haustea: 94.1.1D ZEO.
Espedientea: 2001011. Arau-hauslea: Ugarte Gortari, Mª Asunción. Matrikula: NA-4287-AX. Tokia: Ziga plaza, Elizondo. Eguna: 2000ko abenduaren 21a. Ordua: 17,13. Zenbatekoa: 10.000 pezeta. Arau-haustea: 94.1.1D ZEO.
BSL: Trafikoari, Ibilgailu Motordunen Zirkulazioari eta Bide Segurtasunari Buruzko Legea. Martxoaren 2ko 339/1990 Legegintzako Errege Dekretua.
ZEO: Zirkulazioaren Erregelamendu Orokorra. 13/1992 Errege Dekretua.
1.-Ediktu hau Nafarroako ALDIZKARI OFIZIALean argitaratu eta ondoko hamar egun balioduneko epean, interesatuak % 20 merkeago ordaintzen ahalko du isuna, martxoaren 2ko 339/1990 Legegintzako Errege Dekretuaren 67. artikuluan ezarritakoa betez. Ordainketa Balleko Etxean berean egin daiteke, edo posta-igorpenaz, izen-abizenak, ibilgailuaren matrikula eta arau-hausketaren data jarriz.
2.-Ibilgailuaren jabea arau-haustearen erantzulea ez balitz, martxoaren 2ko 339/1990 Errege Dekretu Legegilearen 72.3 artikuluak ezarritakoa betez, jabeak, ediktu hau Nafarroako ALDIZKARI OFIZIALean argitaratu eta biharamunetik hasi eta hamabortz egun balioduneko epean arau-hauslea identifikatu beharko luke eta, horretarako, Balleko Etxeko Erregistro Nagusian edo azaroaren 26ko 30/1992 Legearen 38. artikuluak aurreikusitako bertze tokiren batean, arau-hauslearen izen-abizenak, nortasun agiriaren zenbakia eta helbidea idatzirik dituen idazkia aurkeztu. Identifikazio hori egin nahi izanen ez balu, ibilgailuaren jabeari arau-hausketa larriaren salaketa jarriko litzaioke. Salaketa horrek berrogeita hamar mila pezeta bitarteko isuna lekarkioke.
3.-Ibilgailuaren jabea pertsona juridiko bat (sozietate bat) baldin bada, betiere, identifikatu beharko da arau-haustea egin duen gidaria, bertzenaz sozietateari irekiko baitzaio espedientea, identifikazioa ez egiteagatik.
4.-Arau-hauste larrien egileak, dagokien isunaz gain, gidatzeko baimena hiru hilabete bitarte kenduz zehatzen ahal dira. Arau-hauste oso larriak, dagokien isunaz gain, gidatzeko baimena hirutik sei hilabetera bitarte kenduz zehatuko dira betiere (Trafikoari buruzko Legearen 67.1 art.).
5.-Martxoaren 2ko 339/1990 Legegintzako Errege Dekretuaren 79. artikuluan eta otsailaren 25eko 320/1994 Errege Dekretuaren 11 eta 12. artikuluetan xedatutakoari jarraikiz, ediktu honen bidez salaketa jakinarazten zaio ibilgailuaren titularrari, ustezko arau-hauslea den aldetik.
6.-Salatuak alegazio idazkirik edo probarik proposatzen ez badu, jakinarazpen hau ebazpen proposamentzat hartuko da, eta jaun alkatearen eskutan utziko da, hura baita zehatzeko eskumena duen organoa, martxoaren 2ko 339/1990 Legegintzako Errege Dekretuaren 68.2 artikuluak xedatzen duenari jarraikiz. Orduan, hartuko dira frogatutako egitatetzat, ekarri duten arau-haustetzat, dagokien kalifikaziotzat, pertsona erantzuletzat eta proposatzen den zehapentzat, bakoitzari dagokion laukian aipatzen direnak, alegia, izen hauen azpian daudenak: "salatutako egitatea", "hautsitako araua", "kalifikazioa", "salaketa eta zenbatekoa". Halaberean, jakinarazten da espedientea ikusgai dagoela Balleko Etxean, goizeko 9etatik arratsaldeko 2 orduak artio, lanegunetan, eta aztertu ahal izanen dela, bai eta dauden dokumentuen nahi bertze kopia eskatu ere.
7.-Nolanahi ere, interesatuak hamabortz egun balioduneko epea du, ediktu hau argitaratu eta biharamunetik hasita, alegazioak aurkeztu eta haien alde egoki juzkatzen dituen frogak proposatzeko. Horrela egitekotan, Udalaren Erregistro Orokorrean edo azaroaren 26ko 30/1992 Legearen 38. artikuluan aipatzen diren lekuetariko bertze batean aurkeztu beharko du idatzia.
Elizondon, Baztanen, bi mila eta bateko martxoaren bederatzian. Alkatea, Francisco José Oyarzabal Irigoyen
Iragarkiaren kodea: A0102619
