I. NAFARROAKO FORU KOMUNITATEA
Herrilanak eta Zerbitzu Publikoak
306/2001 EBAZPENA, martxoaren 12koa, Osasunbidea-Nafarroako Osasun Zerbitzuko zuzendari kudeatzaileak emana. Bideko Ama Birjina Ospitaleko Zirujia Anbulatorioko Zerbitzua berritzeko proiektuaren erredakziorako eta obra zuzendaritzarako laguntza kontratatzeko gastua baimendu (OB3/2001 lehiaketa) eta kontratazio espedienteari hasiera ematen dio.
Osasunbidea-Nafarroako Osasun Zerbitzuak lizitaziorako dei egin du, Bideko Ama Birjina Ospitaleko Zirujia Anbulatorioko Zerbitzua berritzeko proiektuaren erredakziorako eta obra zuzendaritzarako laguntza kontratatzeko (OB3/2001 lehiaketa).
Kontratuaren xedea: Bideko Ama Birjina Ospitaleko Zirujia Anbulatorioko Zerbitzua berritzeko proiektuaren erredakziorako eta obra zuzendaritzarako laguntza kontratatzea (OB3/2001 lehiaketa).
Adjudikatzeko modua: lehiaketa, prozedura irekia.
Lizitazio prezioa: 7.300.000 (zazpi milioi eta hirurehun mila) pezeta, 43.873,88 euro, BEZa barne, honela banatuta:
-4.000.000 pezeta. Bideko Ama Birjina Ospitaleko Zirujia Anbulatorioko Zerbitzua berritzeko proiektuaren erredakzioa (OB3/2001 lehiaketa), Segurtasun eta Osasun arloko koordinazioa proiektu fasean eta Segurtasun eta Osasuneko azterlana.
-3.300.000 pezeta. Obra zuzendaritza eta Segurtasun eta Osasun arloko koordinazioa obra fasean.
Behin-behineko fidantza: ez da beharrezkoa.
Aurkeztu beharreko agiriak: administrazio klausula partikularren eta baldintza teknikoen pleguan ageri direnak.
Proposamenak aurkezteko epea: lizitazio iragarki hau argitara eman eta biharamunetik hasita hogeita zazpi egun natural igaro arte, Osasunbidea-Nafarroako Osasun Zerbitzuko Erregistroan (Irunlarrea kalea, 39, Iruña).
Proposamen ekonomikoak jendaurrean irekitzeko eguna: lizitazio iragarkiko epea amaitu eta hamabost egun igarota, 12:00etan, Osasunbidea-Nafarroako Osasun Zerbitzuko bulegoetan (Irunlarrea kalea, 39, Iruña).
Administrazio klausula partikularren plegua eta baldintza teknikoak lizitatzaileen eskura daude Interneten (http://www.cfnavarra.es/sns-o/concursos), eta Osasunbidea-Nafarroako Osasun Zerbitzuan (Irunlarrea kalea, 39, 948-428800 telefonoa, 428894 faxa).
Iruñean, bi mila eta bateko martxoaren hamabian.-Osasunbidea - Nafarroako Osasun Zerbitzuko zuzendari kudeatzailea, Víctor Manuel Calleja Gómez.
Iragarkiaren kodea: a0102737
