I. NAFARROAKO FORU KOMUNITATEA
Herrilanak eta Zerbitzu Publikoak
321/2001 FORU AGINDUA, abuztuaren 10ekoa, Hezkuntza eta Kultura kontseilariak emana, 246.414,96 euroko (41.000.000 pezeta) gastua egiteko baimena ematen duena, Hezkuntza eta Kultura Departamenturako datu eta aplikazioen sistema zerbitzaile bat erosteko.
Departamentu honetako Araubide Bereziko Irakaskuntzaren eta Teknologia Berrien Zerbitzuko zuzendariak txosten bat aurkeztu du, zeinean adierazten du datu eta aplikazioen sistema zerbitzaile bat erosi beharra dagoela.
Nafarroako Administrazio Publikoen kontratuei buruzko ekainaren 16ko 10/1998 Foru Legearen 12. artikuluaren eta Hezkuntza eta Kultura kontseilariari Nafarroako Ikastetxeetarako eta Herri Liburutegietarako hornidura kontratuak egiteko eskumena ematen dion urriaren 19ko 307/1998 Foru Dekretuaren bidez emandako eskurantzak erabiliz.
AGINDU DUT:
1. 246.414,96 euroko (41.000.000 pezeta) gastua egiteko baimena ematea Hezkuntza eta Kultura Departamenturako datu eta aplikazioen sistema zerbitzaile bat erosteko.
2. Hornidura kontratuak arautuko dituzten administrazio baldintza partikularren eta manu teknikoen pleguak, eranskin gisara ageri direnak, onestea.
3. Zehaztea hornidura lehiaketa publikoaren bidez eginen dela, Nafarroako Administrazio Publikoen kontratuei buruzko ekainaren 16ko 10/1998 Foru Legearen arabera.
4. Lehiaketa Nafarroako ALDIZKARI OFIZIALean eta "Europako Komunitateen Aldizkari Ofizial"ean argitaratzeko agindua ematea.
5. Inbertsio hauek 2001. urteko gastuen aurrekontuko 422002-41720-6060-421202 kontusailaren kargura finantzatuko dira.
6. Foru Agindu hau Nafarroako ALDIZKARI OFIZIALera, Hezkuntza Departamentuan diharduen kontu-hartzaile delegatuari, Araubide Bereziko Irakaskuntzaren eta Teknologia Berrien Zerbitzura eta Kudeaketa Ekonomikoaren Bulegora igortzea.
Iruñean, bi mila eta bateko abuztuaren hamarrean.-Hezkuntza eta Kultura kontseilaria, Jesús María Laguna Peña.
Iragarkiaren kodea: A0108720
