113. ALDIZKARIA - 2001eko irailaren 17a

I. NAFARROAKO FORU KOMUNITATEA

Herrilanak eta Zerbitzu Publikoak

JENDAURREKO INFORMAZIOA, Cabanillasen (Nafarroa) gas naturala banatzeko sare instalazioen proiektuarena.

Hidrokarburoen Sektoreari buruzko urriaren 7ko 34/1998 Legearen 73 eta 104. artikuluetan, Nahitaezko Desjabetzapenari buruzko 1954ko abenduaren 16ko Legearen 17.ean eta haren Erregelamenduaren 56.ean aurreikusitakoari jarraikiz, ondoko ezaugarriak dituen instalazio proiektua jendaurrean jarri da:

Eskatzailea: Gas Navarra, S.A., helbidea, jakinarazpenerako, Iruñeko Antso Azkarra etorbideko 26, behea (PK 31008).

Eskabidearen helburua:

1) "Etxeetan, merkataritzan eta industrian erabiltzeko, gas naturala banatzeko sarea, Cabanillasko udal mugapean" proiektuari dagozkion instalazioak egiteko baimena eta administrazio baimena.

Instalazioaren ezaugarriak:

Proiektuak xedea du Cabanillasko udal mugapean gas naturala banatzeko sarea egitea, A presio ertainean. Gasa hartuko du Fustiñana-Ribaforada-Cabanillas gasbidearen V-99 erpinetik heldu den banaketa adarretik, A presio altuan eta 4"-ko DNkoa. Erpin horretatik abiatu eta Cabanillasko Nekazaritza-Abeltzaintzako eremuaren inguruetan bukatzen da. Bertan, herritik ekialdera, A presio altuko/A presio ertaineko Erregulazio Armairu bat eginen da. Erregulazio osoko linea bat eta erreserbako beste bat izanen ditu, bakoitza 1.000 Nm3/h-ko ahalmenarekin.

Erregulazio armairuko aterabidea 6"-ko DNko altzairuzkoa da eta banaketa sarearen hasieran lotzen da 200eko DNko polietilenozkoarekin 6x8"-ko alderantzizko murriztapena eginez, eta 8"-ko DNko altzairuzko 6 metroko hodia altzairu/polietilenozko trantsizio balbularaino. Hortxe konexioa eginen du 200eko DNko polietilenozkoarekin.

A Presio Ertaineko banaketa sarea PE-100 polietilenoarekin eginen da eta diametroak 200, 160, 110 eta 63 mm-koak izanen dira, denetara 10.577 m.l. eginda. Sareak gaurko populazioaren hiri-bilbea hartzen du eta etorkizunean sortuko den industrialdera zabaltzen da.

Diseinuko presioa 0,4 bar erlatibokoa da, diseinuko tenperatura +15ºC. eta diseinuko gehieneko emaria 734 Nm3/h. Gasaren gehieneko abiadura, puntako eskaera dagoenean, 20 m/s-koa izanen da.

Aurrekontua: lauretan hogeita lau milioi bederatziehun eta berrogeita hamahiru mila laurehun eta hiruretan hogeita zortzi (84.953.468) pezeta.

Egiteko epea: udalerrian gas horniduraren kontsolidaziorako 20 urte aurreikusi dira, baina lehenbiziko urtean egiten ahal dira ERMa eta gas naturalaren oinarrizko banaketa sarea (110etik 200 mm-ra bitarteko diametroak), herrian litezkeen bezeroen %25ari zerbitzua emateko moduan.

Finken ukipenak: sarearen bide osoa lurzoru publikoan joanen da eta ERMa Cabanillasko Udalak utzitako lurzati batean eginen da.

Aditzera ematen da orok jakin dezan. Espedientea Industri Segurtasunerako Zerbitzuan aztertzen ahalko da, Iruñeko Tomás Caballero Parkea, 1-5. solairua. Han berean interesatuek egoki iruditzen zaizkien alegazioak aurkezten ahalko dituzte, hiru kopiatan, iragarki hau Nafarroako ALDIZKARI OFIZIALean argitara eman eta biharamunetik hasita 20 eguneko epean.

Iruñean, bi mila eta bateko abuztuaren zortzian.-Industri Segurtasunerako Zerbitzuko zuzendaria, José Antonio Ayesa Usabiaga.

Iragarkiaren kodea: a0108616