74. ALDIZKARIA - 2000ko ekainaren 19a

I. NAFARROAKO FORU KOMUNITATEA

- Beste Xedapenak

203/2000 FORU AGINDUA, maiatzaren 25ekoa, Hezkuntza eta Kultura kontseilariak emana, Iruñeko "Escuela Nocturna del Sagrado Corazón" ikastetxe pribatuak Pertsona Helduen Oinarrizko Hezkuntzako ikasketen I eta II. mailetan izanen duen osaera juridikoa ezartzen duena.

Pertsona Helduen Oinarrizko Hezkuntzako ikasketak arautzen dituen abuztuaren 24ko 295/1999 Foru Aginduaren lehenbiziko xedapen iragankorrean ezarritakoari jarraikiz (urriaren 6ko Nafarroako ALDIZKARI OFIZIALa), Monserrat Riu Rovira de Villar andreak, "Religiosas del Sagrado Corazón de Jesús" Kongregazioa ordezkatuz, eskatu du Iruñeko "Escuela Nocturna del Sagrado Corazón" ikastetxe pribatuak Pertsona Helduen Oinarrizko Hezkuntzako ikasketen I eta II. mailetan izanen duen osaera juridikoa finka dadila. Ikasketa horiek emateko baimena du uztailaren 6ko 255/1999 Foru Dekretuko xedapen iragankorrean ezarritakoaren arabera (abuztuaren 30eko Nafarroako ALDIZKARI OFIZIALa). Foru Dekretu horrek Pertsona Helduen Oinarrizko Hezkuntza arautzen du eta ikasketa horiek Nafarroako Foru Komunitatean izanen duten egitura eta berariazko curriculuma ezartzen du.

Horrekin batera ikasketen III. maila emateko baimena eskatu du.

Horiek horrela, Zerbitzuak Ikuskatzeko eta Ikuskapen Teknikorako Zerbitzuak egindako txostena ikusirik, kontuan harturik uztailaren 6ko 251/1992 Foru Dekretuaren 19. artikuluan ezarritakoa (abuztuaren 3ko Nafarroako ALDIZKARI OFIZIALa), horren bidez ezarri baitzen Nafarroako Foru Komunitatean araubide orokorreko ikasketa ez-unibertsitarioak ematen dituzten ikastetxe pribatuak baimentzeko prozedura; eta Ikastetxeen eta Ikasketetarako Laguntzen Zerbitzuak proposaturik,

AGINDU DUT:

1. Iruñeko "Escuela Nocturna del Sagrado Corazón" ikastetxe pribatuak Pertsona Helduen Oinarrizko Hezkuntzako ikasketen I eta II. mailetan izanen duen osaera juridikoa zehaztea, Foru Agindu honen 3. idatz- zatian adierazten den bezala. Ondorioak 1999/2000 ikasturteren hasieratik aurrera izanen ditu. Ikasketa horiek Helduen Hezkuntza Iraunkorrekoak (OHOkoen parekoak) ordeztu dituzte eta ikastetxeak halako ikasketak emateari utzi dio, 1998/99 ikasturtearen amaieran iraungi baitziren Nafarroan.

2. Ikasketa horien III. maila emateko baimendu da ikastetxea; ondorioak 2000/2001 ikasturtean hasiko dira.

3. Hezkuntza eta Kultura Departamentuaren Ikastetxeen Erregistroan sartuko diren ikastetxearen datuak ondokoak dira:

Izen generikoa: Pertsona Helduen Oinarrizko Hezkuntzako ikastetxe pribatua.

Izen berezia: "Escuela Nocturna del Sagrado Corazón".

Helbidea: Zaraitzu Ibarraren kalea, 2.

Herria: Iruña.

Udalerria: Iruña.

Titularra: "Religiosas del Sagrado Corazón de Jesús" Kongregazioa.

Baimendu diren ikasketak: Pertsona Helduen Oinarrizko Hezkuntzako hiru mailak: I, II eta III.

Osaera juridikoa:

-I. maila: unitate 1, gutxienez ere 6 ikasle eta gehienez 12.

-II. maila: unitate 1, gutxienez ere 15 ikasle eta gehienez 25.

-III. maila: 2 unitate, gutxienez ere 40 ikasle (bakoitzean 20) eta gehienez 60 (bakoitzean 30).

4. Ikastetxeko egituraren aldaketaren batek Foru Agindu honen 3. idatz-zatian ageri diren erregistro datuak aldatu beharra ekartzen badu, ikastetxeak Hezkuntza eta Kultura Departamentuaren baimena eskatu beharko du, uztailaren 6ko 251/1992 Foru Dekretuan ezarritakoari jarraikiz (abuztuaren 3ko NAO).

5. Baimen hau baliorik gabe utzi ahal izanen da aurreko idatz-zatian aipatu den Foru Dekretuaren laugarren tituluan ezarritako kasuetan.

6. Foru Agindu honen kontra interesatuek gora jotzeko errekurtsoa paratu ahalko dute, Nafarroako Gobernuari zuzendua, honako hau jakinarazi edo argitara eman eta hilabeteko epean.

7. Foru Agindu hau Nafarroako ALDIZKARI OFIZIALean argitara dadila agintzea.

8. Foru Agindu hau igortzea ikastetxeko titularrari, Zerbitzuak Ikuskatzeko eta Ikuskapen Teknikorako Zerbitzura, Pedagogi Berrikuntzako Zerbitzura, Ikastetxeen eta Ikasketetarako Laguntzen Zerbitzura, Ikasketak Antolatzeko Atalera, Ikastetxeen eta haien Finantzaketaren Atalera, Helduen Hezkuntzaren eta Osabidezkoaren Unitate Teknikora, Estatistikako Unitate Teknikora eta Ikastetxeak Baimendu eta Erregistratzeko Bulegora.

Iruñean, bi milako maiatzaren hogeita bostean.-Hezkuntza eta Kultura kontseilaria, Jesús Laguna Peña.

Iragarkiaren kodea: A0005071