III. NAFARROAKO TOKI ADMINISTRAZIOA
A L T S A S U
UE-17-A exekuzio unitateko konpentsazio batzordearen estatutuen proiektua eta jarduteko oinarriak
Alkatetzaren ebazpena, zenbaki honetakoa: 43/2000.
Regina Arregui Mendia andreak, Construcciones Arregui enpresaren izenean eta hura ordezkatuz, idazkia aurkeztu du, eta harekin batean estatutuak eta jarduteko oinarriak, tramita eta onets daitezen, Altsasuko Arau Subsidiarioetako UE-17-A exekuzio unitateko konpentsazio batzordea eratzearren.
Ikusirik Toki Araubidearen Oinarriei buruzko Legearen 21.1.j) artikulua, hirigintza kudeatzeko bitartekoak onesteko Alkatetzak duen eskumenaz.
Ikusirik Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 156. artikulua, konpentsazio batzordearen estatutuen tramitazioa arautzen duena.
Horiek horrela, ebatzi dut:
Lehenbizikoa.-Hasiera batez onestea UE-17-A exekuzio unitateko konpentsazio batzordearen estatutuen proiektua eta jarduteko oinarriak, Regina Arregui Mendiak Construcciones Arregui enpresaren izenean eta hura ordezkatuz aurkeztuak.
Bigarrena.-Agiri horiek jendaurrean jartzea, Nafarroako ALDIZKARI OFIZIALean argitaratuz eta, halaber, ukituriko lur-jabe guztiei banaka jakinaraztea, hamabost egunetako epean egoki iruditzen zaizkien alegazioak aurkeztu eta, hala behar badu, batzordean sartzeko eska dezaten.
Altsasun, bi milako azaroaren zortzian. Jarduneko alkatea, sinadura ulertezina.
Iragarkiaren kodea: A0010818
