2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Desafektazioa, herri-lurren 184,5 metro karratu / 205 metro linealena, erabilera lagatzeko, lurpeko zuntz optikoko linea instalatzeko (13. euskarria, La Serna-Magallón lineatik PLDI ADIFera). Jendaurreko aldia
Tuterako Udalak, 2023ko otsailaren 27an egindako osoko bilkuran, erabaki zuen onestea 8. poligonoko 1046. eta 1047. lurzatietako herri-lurren 184,5 metro karraturen desafektazioa, Red Eléctrica de Infraestructura de Telecomunicación SA sozietateari (Red Eléctrica Corporación taldekoa) lagatzeko, lurpeko zuntz optikoko linea instalatzeko ("13. euskarria, La Serna-Magallón lineatik PLDI ADIFera= PDI–PK–81–AP13–400 SER–MARG" proiektua).
Aipatu desafektazioak Nafarroako Gobernuaren behin betiko onespena izan beharko du, eta hark ezarritako baldintzak bete beharko ditu.
Orobat onetsi zen herri-lurren erabilera Reintel SA sozietateari lagatzeko baldintzen agiria, lurpeko zuntz optikoko linea instalatzeko ("13. euskarria, La Serna-Magallón lineatik PLDI ADIFera= PDI–PK–81–AP13–400 SER–MARG" proiektua).
Desafektazioaren eta erabilera lagatzearen espedientea jendaurrean egonen da hilabetez, ukitutakoek alegazioak jartzeko aukera izan dezaten. Halakorik aurkezten ez bada, espedientea Nafarroako Gobernuari igorriko zaio onets dezan, Nafarroako Toki Administrazioari buruzko uztailaren 2ko 6/1990 Foru Legearen 140. artikuluak xedatzen duenari jarraikiz.
Jendaurrean egon bitartean, interesdunek erabakiaren testu osoa eta horrekin zerikusia duten agiriak ikus ditzakete Tuterako Udaleko Hiri Garapen Jasangarriko Alorrean (Nekazaritzako unitate administratiboa), aurretiko hitzordua eskatuta posta bidez (montes@tudela.es).
Erabaki hau izapide egintza da, eta ezin da beronen aurkako errekurtsorik aurkeztu.
Tuteran, 2023ko martxoaren 15ean.–Alkatea, Alejandro Toquero Gil.
Iragarkiaren kodea: L2304512
