1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
829/2023 EBAZPENA, 2023ko maiatzaren 4koa, Nafarroako Unibertsitate Publikoko errektoreak emana. Haren bidez, Nafarroako Unibertsitate Publikoko zenbait funtzionario izendatzen ditu OLko teknikari izateko (Informatika Zerbitzua), eta lanpostu bat esleitzen die.
Ikusirik María Begoña Macicior Irazoqui, María Gema Aldaz Semberoiz eta Joseba Andoni Monreal Goicoechea jaun-andreen aldeko izendapen-proposamena, 2023ko apirilaren 25ean Nafarroako Unibertsitate Publikoaren iragarki-ohol elektronikoan argitaraturikoa.
Izangaiek deialdiaren 9.2 oinarrian eskatzen den dokumentazioa aurkezturik, eta ezarritako baldintzak betetzen dituztela egiaztaturik.
Ikusirik Langileria Kudeatzeko Ataleko buruak egin duen txosten-proposamena, Giza Baliabideen Zerbitzuko zuzendariak ontzat emana.
Nafarroako Unibertsitate Publikoaren Estatutuen 40. artikuluan esleituta dauzkadan eskudantziak betez,
EBAZTEN DUT:
Lehenbizikoa.–María Begoña Macicior Irazoqui andrea Nafarroako Unibertsitate Publikoko funtzionario izendatzea OLko teknikari izateko (Informatika Zerbitzua), eta 251 zenbakiko lanpostu hutsa esleitzea, A mailakoa, Informatika Zerbitzuko Campuseko Zerbitzuen Atalari atxikia (Iruñeko campusa).
Bigarrena.–María Gema Aldaz Semberoiz andrea Nafarroako Unibertsitate Publikoko funtzionario izendatzea OLko teknikari izateko (Informatika Zerbitzua), eta 255 zenbakiko lanpostu hutsa esleitzea, A mailakoa, Informatika Zerbitzuko Erabiltzaileari Laguntzeko Atalari atxikia (Iruñeko campusa).
Hirugarrena.–Joseba Andoni Monreal Goicoechea jauna Nafarroako Unibertsitate Publikoko funtzionario izendatzea OLko teknikari izateko (Informatika Zerbitzua), eta 469 zenbakiko lanpostu hutsa esleitzea, A mailakoa, Informatika Zerbitzuko Erabiltzaileari Laguntzeko Atalari atxikia (Iruñeko campusa).
Laugarrena.–Izendatutako izangaiek 2023ko uztailaren 1ean jabetu beharko dute lanpostuaz.
Bosgarrena.–Agintzea ebazpen hau Nafarroako Aldizkari Ofizialean argitara dadila, jakinaraz dakiela interesdunei eta helaraz dakiola Kudeatzailetzari.
Seigarrena.–Ebazpen honek administrazio bidea agortzen du, Unibertsitate Sistemari buruzko 2023ko martxoaren 22ko 2/2023 Lege Organikoaren 38.4 artikuluak xedatzen duenaren arabera, eta zilegi da berraztertzeko errekurtsoa jartzea, errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzien Epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2023ko maiatzaren 4an.–Errektorea, Ramón Gonzalo García.
Iragarkiaren kodea: F2307831
