Iragarkia

104. ALDIZKARIA - 2023ko maiatzaren 18a

1. NAFARROAKO FORU KOMUNITATEA

1.7. BESTELAKOAK

60/2023 EBAZPENA, apirilaren 24koa, Industriaren, Energiaren eta S4 Proiektu Estrategikoen zuzendari nagusiak emana, zeinaren bidez ematen baita aurretiazko administrazio baimena energia elektrikoa ekoizteko "Tudela I" eguzki-instalazio fotovoltaikorako eta haren hustuketa azpiegituretarako.

1.– Aurretiazko administrazio baimenaren, eraikitzeko administrazio baimenaren eta zehazki onura publikoko deklarazioaren eskaera.

2020ko abenduaren 3an, eta Sektore Elektrikoari buruzko abenduaren 26ko 24/2013 Legean eta energia elektrikoko instalazioetako garraio, banaketa, merkaturatze eta hornidura jarduerak eta baimentzeko prozedurak arautzen dituen abenduaren 1eko 1955/2000 Errege Dekretuan ezarritakoarekin bat etorriz, EDP Renovables España SLk aurretiazko administrazio baimena eta eraikitzeko administrazio baimena eskatu zituen energia elektrikoa ekoizteko honako instalazio honetarako: 48,360 MWn-eko (49,986 MWp) "Tudela I" eguzki-instalazio fotovoltaikoa eta haren transformazio eta hustuketa azpiegiturak. Azken horiek 30 kV-eko linea elektriko batez (zangan lurperatua), "Tudela 30/220 kV" TAEaz eta "Tudela 30/220 kV" TAEren eta "Tudela Promotores" TAEren arteko aireko eta lurpeko linea elektriko batez (220 kV) daude osatuta. Guztiak Ablitasko udalerrian daude. 2021eko urtarrilaren 21ean, EDP Renovables España SLk proiektu bererako onura publikoa deklaratzeko eskaera aurkeztu zuen, 5064-CE espediente kodearekin.

Sortutako energia elektrikoa garraio sarera eramateko, SAT11162 espedientean jasotako azpiegiturak erabiltzen dira. Honako azpiegitura hauetarako, sustatzaileak aurretiazko administrazio baimena, eraikitzeko administrazio baimena eta onura publikokotzat deklaratzea eskatu zituen: "Tudela Promotores" TAE eta 220 kV-eko aireko eta lurpeko linea, "Tudela Promotores" TAEren eta "Tudela 220 kV" TAEren artekoa (Red Eléctrica de España SAUren jabetzakoa), Ablitasen, Cascanten eta Tuteran daudenak.

2.–Proiektua eta ingurumen eraginaren azterketa jendaurrean jartzea eta kontsultak egitea.

Abenduaren 1eko 1955/2000 Errege Dekretuaren 125. eta 144. artikuluetan eta Ingurumen Ebaluazioari buruzko abenduaren 9ko 21/2013 Legearen 36. artikuluan ezarritakoarekin bat etorriz, EDP Renovables España SLren eskaerak jendaurrean egon zen 30 egun baliodunez, iragarkia argitara emanda honakoetan: iragarkiak argitaratuz (5064-CE eta SAT11162 espedienteak) 2021eko 45. Nafarroako Aldizkari Ofizialean, otsailaren 25ekoan; 2021eko otsailaren 26ko Diario de Noticias egunkarian; eta Ablitas, Cascante eta Tuterako Udalen ediktu tauletan; era berean, dokumentazioa Nafarroako Gobernu Irekiaren dagokion web fitxan argitaratu zen.

Alegazio hauek jaso ziren (aurkeztu ziren egunaren araberako hurrenkeran daude):

–1. alegazioa, Richard Sada Antonena, 2021eko apirilaren 13koa.

–2. alegazioa, Gurelur elkartearena, 2021eko apirilaren 13koa.

–3. alegazioa, Eólica Ablitas SLUrena, 2021eko apirilaren 13koa.

–4. alegazioa, Sistemas Energéticos El Boyal SLrena, 2021eko apirilaren 13koa.

–5. alegazioa, Roberto Pascual Orcajorena, 2021eko apirilaren 14koa.

–6. alegazioa, Eduardo Navascues Santosena, 2021eko apirilaren 14koa.

–7. alegazioa, Sustrai Erakuntza Fundazioarena, 2021eko apirilaren 14koa.

–8. alegazioa, Enerfin Sociedad de Energía SLUrena, 2021eko apirilaren 14koa.

–9. alegazioa, Nafarroako Ekologistak Martxan elkartearena, 2021eko apirilaren 14koa.

–10. alegazioa, Zangozerriko Ongaiz-Ekologistak Martxan elkartearena, 2021eko apirilaren 14koa.

–11. alegazioa, Ana Gurbindo Cizurrena, 2021eko apirilaren 15ekoa.

Jasotako alegazioen edukia eta azterketa ebazpen honen I. eranskinean laburbiltzen dira.

Halaber, abenduaren 1eko 1955/2000 Errege Dekretuaren 127. eta 131. artikuluetan eta Ingurumen Ebaluazioari buruzko abenduaren 9ko 21/2013 Legearen 37. artikuluan ezarritakoa aplikatuz, Industria Antolamenduaren, Azpiegitura Energetikoen eta Meatzeen Zerbitzuak honako erakunde hauei bidali zizkien proiektuaren separatak, eta taulan adierazten diren txostenak jaso zituen:

Txosten horien edukia eta azterketa ebazpen honen II. eranskinean laburbiltzen dira.

Abenduaren 1eko 1955/2000 Errege Dekretuaren 126., 127., 131. eta 145. artikuluen eta Ingurumen Ebaluazioari buruzko abenduaren 9ko 21/2013 Legearen 38. artikuluaren arabera, aipatutako alegazioak eta txostenak EDP Renovables España SLri bidali zitzaizkion.

3.–Ingurumen eraginaren ebaluazio arrunta hasteko eskaera.

Ingurumen Ebaluazioari buruzko abenduaren 9ko 21/2013 Legearen 39. artikuluan xedatutakoa aintzat hartuz, 2021eko azaroaren 26an, EDP Renovables España SLk ingurumen eraginaren ebaluazioa hasteko eskatu zuen, alegazioen eta txostenen erantzuna barne.

Proiektua jasotako alegazio eta txostenetara egokitzeko, EDP Renovables España SLk aurkeztutako dokumentazio teknikoan hustuketa azpiegiturari buruzko zenbait doikuntza jasotzen dira.

Aipatu artikuluan ezarritakoa betez, aipatutako eskaera eta horrekin batera zihoan dokumentazioa Ingurumen Eraginaren Atalari helarazi zitzaion.

4.–Kontsulten izapidea.

Aurrekoa ikusita, eta abenduaren 1eko 1955/2000 Errege Dekretuaren 127. eta 131. artikuluetan ezarritakoa aplikatuz, Industria Antolamenduaren, Azpiegitura Energetikoen eta Meatzeen Zerbitzuak proiektuaren separata berriak bidali zizkien erakunde hauei, eta taulan adierazten diren txostenak jaso zituen:

Txosten horien edukia eta azterketa ebazpen honen II. eranskinean laburbiltzen dira.

Artikulu horiekin bat, txostenak EDP Renovables España SLUri bidali zitzaizkion.

5.–Ingurumen eraginaren adierazpena.

2022ko martxoaren 14an, EDP Renovables España SLk jakinarazi zuen zenbait ingurumen hobekuntza jasotzen dituen dokumentazio eguneratua aurkeztuko duela. Adierazitakoarekin bat, 2022ko ekainaren 9an hustuketa linea behe tentsio batera lurperatzeko proposamena erregistratu zuen, baita trazadura aldatzeko proposamena ere, luzera murrizteko. Estepako hegazti faunari laguntzeko neurri konpentsatzaileak ere jaso zituen. Azkenik, 2022ko azaroaren 11n, sustatzaileak "Tudela Promotores" TAErainoko 30 kV-eko hustuketa linearen trazadura zehatza aurkeztu zuen.

Aurrekoaren emaitza gisa, Ingurumeneko zuzendari nagusiaren urtarrilaren 13ko 9E/2023 Ebazpenaren bitartez, aldeko ingurumen eraginaren adierazpena ematen zaie "Tudela I" eguzki-instalazio fotovoltaikoaren proiektuari eta "Tudela II" eguzki-instalazio fotovoltaikoaren proiektuari Ablitasko 11. poligonoko 800. lurzatian, 804. - 816. lurzatietan, 823. - 826. lurzatietan, 828. - 834. lurzatietan, 837. eta 867. lurzatietan eta 869. - 872. lurzatietan eta 12. poligonoko 351. lurzatian, "Tudela 220 kV" TAEraino (REE) eramateko hustuketa azpiegitura barne; eta kontrako ingurumen eraginaren adierazpena ematen zaio "Tudela II" eguzki-instalazio fotovoltaikoaren proiektuari Ablitasko 11. poligonoko 866. eta 875. lurzatietan eta 12. poligonoko 350. lurzatian, ingurumen ebazpenean bertan ezartzen diren baldintzen mende, besteak beste, honako hau nabarmenduz: Eguzki-instalazioetan sortzen den energia Tudela Promotores TAEra eramateko linea lurpean eginen da, sustatzaileak 2022ko azaroan aurkeztutako dokumentazioan adierazten den bezala.

Ingurumen eraginaren adierazpenak adierazten duen moduan, proiektuak ingurumenean dituen ondorio nagusiak honako hauek dira: uraren kalitatea, lurzorua, berezko landaredia, Batasunaren Intereseko Habitatak, fauna, Naturagune Babestuak, eta Natura 2000 Sareko gune babestuak (RN2000) eta paisaia.

6.–Proiektua jendaurrean jartzeko eta kontsultak izapidetzeko bigarren prozedura.

Proiektua, besteak beste, ingurumen eraginaren adierazpenean eskatutako baldintzetara egokitzeko, 2023ko urtarrilaren 27an, EDP Renovables España SLk dokumentazio hau aurkeztu zuen, zenbait aldaketa eginda, 2020ko abenduan erregistratutako dokumentazioaren aldean:

–"Tudela I" eguzki-instalazio fotovoltaikoko doikuntzak, perimetro hesi berean, honako ezaugarri nagusi hauekin:

• 93.888 modulu fotovoltaiko, 61,97 MWp-ko puntako potentzia osoarentzat.
• 200 inbertsore fotovoltaiko, 50 MW-eko potentzia instalaturako.
• 9 transformazio zentro.
• Azalera okupatuaren 85,51 ha.

–"Tudela 30/220 kV" TAEa kendu da, eta horren ordez, "Tudela I" eta "Tudela II" eguzki-instalazio fotovoltaikoetan sortutako energia biltzen duen zentro kolektore bat jarri da.

–Zentro kolektorearen eta "Tudela Promotores" TAEren arteko hustuketa lineako tentsioa lurperatu eta murriztea, 220 kV-etik 30 kV-era pasatuz.

–"Tudela Promotores" TAEren ezaugarriak eta kokapena aldatzea, Tuteran kokatzeko.

• 220 kV-eko hiru linea posizio.
• 220 kV-eko barra posizio bat.
• Hiru transformadore posizio:
  • 220/33 kV-eko transformadore posizio bat.
  • 220/66 kV-eko transformadore-linea posizio bat.
  • 220/30 kV-eko transformadore posizio bat.

–"Tudela Promotores" TAE eta "Tudela 220 kV" TAE (lehendik dagoena eta Red Eléctrica de España, SAUren jabetzakoa) lotzeko 220 kV-eko linea elektrikoa egokitzea, lehenengoaren kokapen berria dela eta, hasierako eta amaierako zatiak lurperatuz.

Aldaketa horien ondorioz, "Tudela I" eguzki-instalazio fotovoltaikoa eta haren transformazio eta hustuketa azpiegiturak Ablitasko, Ribaforadako, Fontellasko eta Tuterako udalerrietan kokatuko dira.

Aurrekoa ikusirik, eta abenduaren 1eko 1955/2000 Errege Dekretuaren 125. eta 144. artikuluetan ezarritakoarekin bat etorriz, Industria Antolamenduaren, Azpiegitura Energetikoen eta Meatzeen Zerbitzuak espedientea jendaurrean jarri zuen 30 egun balioduneko epean, iragarkia argitara emanda honako hauetan: 2023ko 30. Nafarroako Aldizkari Ofizialean, otsailaren 13koan; 2023ko otsailaren 14ko Diario de Navarra egunkarian eta Ablitas, Ribaforada, Fontellas eta Tuterako udalen ediktu tauletan; era berean, dokumentazioa Nafarroako Gobernu Irekiaren web fitxan argitaratu zen.

Alegazio hauek jaso ziren (aurkeztu ziren egunaren araberako hurrenkeran daude):

–12. alegazioa. Moncayoko Ur Mankomunitatearena, 2023ko otsailaren 16koa.

–8 bis alegazioa. Renovables del Cierzo SLUrena (Enerfín Sociedad de Energía SLU), 2023ko martxoaren 27koa.

–13. alegazioa Enériz Villafranca José David y Concepción SCrena, 2023ko martxoaren 22koa.

–3 bis alegazioa. Eólica Ablitas SLUrena, 2023ko martxoaren 27koa.

–7 bis alegazioa. Sustrai Erakuntza Fundazioarena, 2022ko martxoaren 28koa.

Jasotako alegazioen edukia eta azterketa ebazpen honen I. eranskinean laburbiltzen dira.

Horrekin batera, abenduaren 1eko 1955/2000 Errege Dekretuaren 127. eta 131. artikuluetan ezarritakoa aplikatuz, proiektuaren separatak bidali zitzaien erakunde hauei, eta taulan adierazten diren txostenak jaso ziren:

Txosten horien edukia eta azterketa ebazpen honen II. eranskinean laburbiltzen dira.

Abenduaren 1eko 1955/2000 Errege Dekretuaren 126., 127., 131. eta 145. Artikuluekin bat etorriz, aipatutako alegazio eta txostenak EDP Renovables España SLUri bidali zitzaizkion.

7.–Lurzoru urbanizaezinean jarduerak eta erabilerak baimentzea.

EDP Renovables España SLk lurzoru urbanizaezineko jarduera eta erabileren baimena izapidetzen hasteko eskatu zuen, 2023ko urtarrilaren 27an aurkeztutako dokumentazioarekin batera. Ezarritakoa betez, uztailaren 26ko 1/2017 Legegintzako Foru Dekretuaren 118.1.c) artikuluan ezarritakoaren arabera, aipatutako eskabidea eta harekin batera doan dokumentazioa Lurralde eta Paisaia Zerbitzuko Lurraldearen Antolamenduaren Atalari bidali zitzaizkion.

Lurralde eta Paisaia Zerbitzuaren zuzendariaren apirilaren 24ko 233E/2023 Ebazpenaren bidez, lurzoru urbanizaezinean jarduerak eta erabilerak egiteko baimena eman zen.

8.–Aurretiazko administrazio baimenaren proposamena.

Lurzoru urbanizaezineko jarduera eta erabileren baimenean apirilaren 24an eskatutakoaren ondorioz, sustatzaileak instalazio fotovoltaikoaren azken konfigurazioa eta potentzia zehazten dituen eskabidea aurkeztu zuen.

Horrela, sustatzaileak "Tudela I" eguzki-instalazio fotovoltaikoaren ezaugarriak aldatzen ditu, Nekazaritzako Azpiegituren Atalaren eskakizunak betetzeko. Eguzki-instalazio fotovoltaikoari aldaketa hori eginda, "Tudela I" instalazioaren ezarpena ureztalurren 0,98 ha-ra murrizten da, eta ezarpenaren gainerakoa lehorreko lurren 16,3 ha-tan mantentzen da.

"Tudela I" eguzki-instalazio fotovoltaikoaren azken ezaugarriak honako hauek dira:

–21.016 modulu fotovoltaiko, 13,87 MWp-ko puntako potentzia osoarentzat.

–52 inbertsore fotovoltaiko, 13 MW-eko potentzia instalaturako.

–3 eraldaketa zentro.

–Azalera okupatuaren 17,28 ha.

Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa betez, espedientean frogatu da EDP Renovables España SLUren gaitasun legala, teknikoa eta ekonomikoa.

Era berean, abenduaren 1eko 1955/2000 Errege Dekretuaren 123.2 artikuluan eskatutakoarekin bat etorriz, espedientean dokumentu bat dago, alderdientzat loteslea den akordio bat dagoela egiaztatzen duena, hustuketa azpiegituren erabilera partekatuari dagokionez. Akordio hori garraio sarearen azpiestaziora iristeko linearen posizioan emandako sarbide eta konexio baimenak dituzten instalazioen titular guztiek sinatu dute.

Bestalde, Sektore Elektrikoari buruzko abenduaren 26ko 24/2013 Legearen 53. artikuluak ezartzen duenarekin bat, EDP Renovables España SLk garraio sarearen kudeatzailearen baimena du sarbidea eta konexioa egiteko proiektuan jasotzen den puntuan.

Horregatik, aurkeztutako dokumentazioa aztertuta, eta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa aintzat hartuta, Industria Antolamenduaren, Azpiegitura Energetikoen eta Meatzeen Zerbitzuaren Azpiegitura Energetikoen Atalak ondorioztatu du prozedura era egokian burutu dela, eta EDP Renovables España SLUri aurretiazko administrazio baimena ematea proposatu du.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,

EBAZTEN DUT:

1. Aurretiazko administrazio baimena ematea EDP Renovables España SLri, energia elektrikoa ekoizteko 13 MW-eko "Tudela I" eguzki-instalazio fotovoltaikoa instalatzeko, eta orobat haren transformazio eta hustuketa azpiegituretarako, Ablitas, Ribaforada, Fontellas eta Tuterako udal-mugarteetan, Ingurumeneko zuzendari nagusiaren urtarrilaren 13ko 9E/2023 Ebazpenean eta Lurralde eta Paisaia Zerbitzuko zuzendariaren apirilaren 24ko 160E/2023 Ebazpenean ezarritako baldintzak betetzearen mende.

2. Aurretiazko administrazio baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.

3. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzura, Biodibertsitatearen Zerbitzuko Ingurumen Eraginaren Atalera, Lurralde eta Paisaia Zerbitzuaren Lurraldearen Antolamenduaren Atalera, Basoen eta Ehizaren Zerbitzura, Ondare Historikoaren Zerbitzuaren Ondare Arkitektonikoaren Atalera eta Erregistro, Ondasun Higigarri eta Arkeologia Atalera eta Herri-lanen eta Azpiegituren Zuzendaritza Nagusiko Zainketa Zerbitzura, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea EDP Renovables España SLri, Richard Sada Antoni, Gurelur elkarteari, Eólica Ablitas SLUri, Sistemas Energéticos El Boyal SLri, Sustrai Erakuntza Fundazioari, Enerfín Sociedad de Energía SLUri, Renovables del Cierzo SLUri, Nafarroako Ekologistak Martxan elkarteari, Zangozerriko Ongaiz-Ekologistak Martxan elkarteari, Enagás Transporte SAUri, Edistribución Redes Digitales SLUri, Telefónica de España SAUri, Nafarroako Toki Azpiegiturak SAri (NILSA), Nedgia Navarra SAri, I-DE Redes Eléctricas Inteligentes SAUri eta Red Eléctrica de España Saren Lineen Mantentzeko Sailari eta Sareko Sarbideko Sailari, eta ohartaraztea ebazpen honek ez diola amaiera ematen administrazio bideari, eta, horren aurka, gora jotzeko errekurtsoa aurkezten ahal zaiola Garapen Ekonomiko eta Enpresarialeko kontseilariari, hilabeteko epean, ebazpena jakinarazi eta hurrengo egunetik aurrera, espediente kodea adierazita.

6. Ebazpen hau jakinaraztea Ablitas, Cascante, Tutera, Ribaforada eta Fontellasko udalei, Erriberako Mankomunitateari, Moncayoko Ur Mankomunitateari, Ebroko Konfederazio Hidrografikoari, Defentsa Ministerioaren Azpiegitura Zuzendaritza Nagusiari eta Garraioetako, Mugikortasuneko eta Hiri Agendako Ministerioari, eta ohartaraztea ebazpen honen kontra administrazioarekiko auzi-errekurtsoa jartzen ahal dela Nafarroako Justizia Auzitegi Nagusiko Administrazioarekiko Auzien Salaren aurrean, bi hilabete iragan baino lehen, eta aurretik Nafarroako Gobernuari errekerimendua egiten ahal zaiola Administrazioarekiko Auzien Jurisdikzioa arautzen duen uztailaren 13ko 29/1998 Legeak 44. artikuluan ezartzen duen bezala eta bertan finkatzen den epean.

Iruñean, 2023ko apirilaren 24an.–Industriaren, Energiaren eta S4 Proiektu Estrategikoen zuzendari nagusia, Uxue Itoiz Mariñelarena.

I. ERANSKINA.–JASOTAKO ALEGAZIOAK

Jaso diren alegazioen eta txostenen laburpena eta analisia azalduko dira jarraian.

1. alegazioa.–Richard Sada Antonena.

2021eko apirilaren 13ko alegazioaren bidez, Richard Sada Antonek adierazi zuen proiektuak erasaten dituen hiru lurzati dituen nekazaritzako ustiategi baten titularra dela. Lurzati horietako bi bere jabetzakoak dira eta bestea, herri-lurretakoa. Hortaz, ezarpenaren aurka dago erabat, nekazaritzako ustiategia bere jarduera profesionala eta diru-sarreren bide bakarra izateagatik.

Erantzuna:

Azkenean baimendutako ezarpenak ez die eragiten alegazio-egileak adierazitako lurzatiei.

2. alegazioa.–Gurelur elkartearena.

2021eko apirilaren 13an, Gurelur elkarteak idazki bat aurkeztu zuen, aurkeztutako dokumentazioari buruzko alegazio hauek jasotzen dituena, batez ere ingurumen eraginaren azterketari dagokionez:

1.–Proiektuak zatitzea, "Tudela I" eguzki-instalazio fotovoltaikoa (5064-CE), "Tudela II" eguzki-instalazio fotovoltaikoa (5065-CE) eta 11162TAE espedienteak, berez, eguzki-instalazio fotovoltaikoko proiektu bakarra direla argudiatuz, non bi azpiestazio elektriko eta hustuketa linea bat baitaude.

2.–Ez dago azpiegitura guztien ebaluazioa barne hartzen duen ingurumen eraginaren azterketa bakarrik.

3.–Lur eremu handiak okupatzea, kontsumo guneetatik urrun, Nafarroako 2030 Energia Planean jasotakoaren kontra.

4.–Ingurumen eraginaren azterketak irregulartasunak ditu alternatibak aztertzean.

5.–Estepako hegaztien gaineko eragina.

6.–Informazio erreala falta da, erasandako lurzatien egungo topografiari eta hasierako eta amaierako egoeraren profilei dagokienez.

7.–Mugak eta eremu landareztatuak okupatzea.

8.–Hegazti faunaren, zuhaitzen eta paisaiaren gaineko erasana.

Erantzuna:

Proiektuen zatikatzeari dagokionez, bi instalazio fotovoltaiko instalazio independentetzat jo dira, honako parametro hauek ebaluatu ondoren:

–Sustatzailearen ahalmena. Instalazio elektrikoaren diseinu eta definizioa sustatzailearen ahalmena da, Konstituzioaren 38. artikuluan eta Sektore Elektrikoari buruzko Legearen 2.1 artikuluan jasotako enpresa ekimen librearen babesean. Gogoan izan behar da araudi sektorialak energia ekoizteko instalazioak baimentzeko orduan araubide substantibo bakar bat ezartzen duela, kasuan-kasuan hori baimentzeko eskuduna den administrazioa edozein delarik ere. Instalazioa baimentzea Administrazio baten edo beste baten eskumenekoa izateak legez ez du esan nahi interes orokorraren edo sektorearen funtzionamenduaren babesa handiagoa edo txikiagoa denik.

–Ingurumen ebaluazioa. Proiektuak proiektu independentetzat jotzeak ez du ekarri araubide juridikoa onuragarriagorik ingurumen ebaluazioaren ikuspuntutik. Hain zuzen ere, proiektuak aldi berean jarri dira jendaurrean, eta ingurumen organoak instalazio fotovoltaikoen ingurumen ondorioak aztertu ditu, dagozkien eragin metakor eta sinergikoekin, baliabide naturalen gainean. Bi proiektuentzat ingurumen eraginaren adierazpen bakarra egin du.

–Betekizun elektromekanikoak eta neurketakoak. Sustatzaileak aurkeztutako dokumentazioa ikusita, ulertzen ahal da instalazio fotovoltaikoek, banaka hartuta, beren xedea betetzeko betekizun elektromekanikoak eta neurketakoak betetzen dituztela. Zehazki, bakoitza berezko elementu elektromekanikoekin osatuta dago, baita berezko neurketa gailuekin ere. Hala, sorkuntza unitate erabat autonomoak dira, bakoitzak bere finantzaketa du, baita berezko mantentze programak ere, eta beste instalazioekiko modu independentean funtzionatzen ahal du.

–Transformazioko azpiestazio elektriko partekatua: parkeen autonomia ez da txikiagoa instalazioak azpiestazio berera konektatzeagatik, beste zenbait proiekturekin batera.

Gainerako kontuei dagokienez, ingurumen arlokoak dira eta ingurumen eraginaren adierazpenean ebaluatu eta aintzat hartu dira. Horretan, beste zenbait neurriren artean, "Tudela I" eta "Tudela II" eguzki-instalazio fotovoltaikoen eta "Tudela Promotores" TAEren arteko hustuketa linea lurperatzea eskatzen da. Linea hori, gainera 220 kV-etik 30 kV-era igarotzen da.

3. eta 3 bis alegazioak.–Eólica Ablitas SLUrenak

2021eko apirilaren 13an eta 2023ko martxoaren 27an, Eólica Ablitas SL enpresak "Ablitas" instalazio eolikoan proiektuak sortzen dituen erasanak deskribatu zituen, eta, horren ondoren, EDP Renovables España SLUri eskatu zion "Tudela I" eguzki-instalazio fotovoltaikoaren eta hari loturiko azpiegituren diseinua alda zezan, ez dezaten inolaz ere erasan "Ablitas" instalazio eolikoko azpiegiturarik; edo, halakorik egin ezean, izapidetzearekin aurrera jarraitu ez zezaten nahitaezko administrazio baimenak eskuratzeko.

Erantzuna:

Azkenean baimendutako ezarpenak ez ditu jasotzen alegazio-egileak adierazten dituen erasanetako asko eta, irauten dutenei dagokienez, sustatzaileak adierazten du goi tentsioko linea elektrikoei buruz indarrean dagoen araudia eta haren jarraibide tekniko osagarriak errespetatuko direla, eta obren fasean Ablitas instalazio elektrikoaren jabeekin koordinatuko dela.

4. alegazioa.–Sistemas Energéticos El Boyal SLrena

2021eko apirilaren 13an, Sistemas Energéticos El Boyal SLk proiektuak "66 kV goi tentsioko linea - Cortes TAE-La Serna TAE" instalazioaren gainean sortzen dituen erasanak deskribatu zituen. Horren ondoren, EDP Renovables España SLUri bere diseinua aldatzeko eskatu zion, "66 kV goi tentsioko linea - Albor TAE-La Serna TAE" instalazioaren azpiegituretan eraginik izan ez dezan, edo, bestela, nahitaezko administrazio baimenak lortzeko izapideekin ez jarraitzea.

Erantzuna:

Ebazpen honen azalpen apartatuan adierazi den bezala, EDP Renovables España SLk ingurumen eraginaren ebaluazioari hasiera ematea eskatzeko 2021eko azaroaren 26an aurkeztutako dokumentazioan, proiektuaren hustuketa azpiegiturari buruzko doikuntza batzuk jaso ziren. Doikuntza horiekin kontsulta izapidea egin zen; besteak beste, alegazio-egileak kontsultatu zituen, eta ez da erantzunik jaso. Ez da Sistemas Energéticos El Boyal SLren alegaziorik jaso jendaurreko informazioaren bigarren prozeduran ere.

5. alegazioa.–Roberto Pascual Orcajorena.

Roberto Pascual Orcajok, 2021eko apirilaren 14ko alegazioan, jotzen du, Nafarroako energia egoeraren analisirik ez dagoenez, "Tudela I" eta "Tudela II" eguzki-instalazio fotovoltaikoak zatikatuta daudenez, zenbait ingurumen arrazoiren ondorioz (CO2 emisioak, lur mugimenduak, naturaguneen eta faunaren gaineko erasana, erosio eta uholde arriskua......) eta ingurumen eraginaren azterketan zenbait urritasun daudenez (adibidez, alternatiben azterketa), proiektua egitea kaltegarria litzatekeela Nafarroako ingurumen eta gizarte balioentzat. Hori dela eta, bertan behera uzteko eskatzen du eta, hedaduraz, baita mota horretako proiektu guztiak geldiaraztea ere, eta Nafarroan behar dugun energia ereduaren hausnarketa eta planifikazio egokia egitea. Gainera, proiektuan interesdun gisa onartzeko eta hari buruz emanen den ebazpenaren berri emateko eskatzen du.

Erantzuna:

Proiektua Nafarroako egoera energetikorako egokia izateari dagokionez, proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen dira, eta bat dator Estatuko sektore elektrikoaren planarekin eta 2030erako Nafarroako Energia Planarekin.

Zatikatzeari dagokionez, Gurelur elkarteari (2. alegazioa) emandako erantzuna kontsultatzen ahal da.

Gainerako kontuei dagokienez, ingurumen arlokoak dira eta ingurumen eraginaren adierazpenean ebaluatu eta aintzat hartu dira. Horretan, beste zenbait neurriren artean, "Tudela I" eta "Tudela II" eguzki-instalazio fotovoltaikoen eta "Tudela Promotores" TAEren arteko hustuketa linea lurperatzea eskatzen da. Linea hori, gainera 220 kV-etik 30 kV-era igarotzen da.

Interesdun gisa onartzeko eskaerari dagokionez, Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluan xedatutakoaren arabera, esan beharra dago alegazio-egileak ez duela frogatu zer eskubide edo interesetan eragiten ahal dion ebazpen honek.

6. alegazioa.–Eduardo Navascues Santosena.

2021eko apirilaren 14an, Eduardo Navascues Santosek alegazio idazkia aurkeztu zuen. Bertan biltzen dira Nafarroako energia egoerari buruzko azterketa orokorra, honelako proiektuen inpaktuaren azalpena eta proposatutako alternatibak edo konponbideak: energia gutxiago kontsumitzea, energia efizientzia, autokontsumoa, erregai fosilen ordez energia berriztagarriak erabiltzea, egungo parkeen potentzia handitzea, Ingurumen Erantzukizunari buruzko Legea aldatzea.

Gainera, alegazioaren puntu batean "Tudela I" eguzki-instalazio fotovoltaikoaren inguruneko ingurumen balioak eta parkearen ingurumen eragina aztertzen dira, eta ondorio gisa adierazten da hura Nafarroako ingurumen eta gizarte balioentzat kaltegarria litzatekeela. Horregatik eskatzen du hura bertan behera uztea eta hedaduraz, bidean diren mota honetako proiektu guztiak ere geldiarazteko, eta Nafarroan behar dugun eredu energetikoari buruzko hausnarketa eta plangintza prozesu egoki bat abian jartzeko.

Azkenik, proiektuan interesdun gisa onartzeko eta hari buruz emanen den ebazpenaren berri emateko eskatzen du.

Erantzuna:

Alegazio honen edukia Roberto Pascual Orcajok (5. alegazioa) aurkeztutakoaren antzekoa denez, ildo beretik erantzuten zaio.

7. eta 7. bis alegazioak.–Sustrai Erakuntza Fundazioarenak.

2021eko apirilaren 14an, Sustrai Erakuntza Fundazioak Roberto Pascual Orcajok (5. alegazioa) aurkeztutakoaren berdina zen alegazio idazkia erregistratu zuen.

Bestalde, jendaurreko prozeduraren bigarren izapidearen esparruan, 2023ko martxoaren 28an, alegazio-egileak alderdi orokorrean (Nafarroako egoera energetikoari buruzko analisirik eza eta ingurumen arrazoiak) eduki bera zuen idazkia aurkeztu zuen, honako alderdi hauek erantsiz: "Tudela I" eta "Tudela II" eguzki-instalazio fotovoltaikoen zatikatze artifiziala, ingurumen eraginaren azterketarik eza jendaurrean jarritako dokumentazioan eta bestelako ingurumen eta hirigintza arrazoi batzuk.

Erantzuna:

Proiektua Nafarroako egoera energetikorako egokia izateari dagokionez, proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen dira, eta bat dator Estatuko sektore elektrikoaren planarekin eta 2030erako Nafarroako Energia Planarekin.

Zatikatzeari dagokionez, Gurelur elkarteari (2. alegazioa) emandako erantzuna kontsultatzen ahal da.

Bigarren aldiz jendaurrean jarri den dokumentazioan ingurumen eraginaren azterketarik ez egoteari dagokionez, argitu behar da dokumentazio hori ingurumen eraginaren azterketa egin ondoren prestatu dela, soilik abenduaren 1eko 1955/2000 Errege Dekretuaren 125. eta 144. artikuluetan aurreikusitako ondorioetarako.

Gainerako kontuei dagokienez, hirigintza eta ingurumen arlokoak dira eta Lurzoru urbanizaezinetako Jarduera eta Erabilerak Baimentzearen esparruan eta ingurumen eraginaren adierazpenean ebaluatu eta aintzat hartu dira. Horietan, beste zenbait neurriren artean, "Tudela I" eta "Tudela II" eguzki-instalazio fotovoltaikoen eta "Tudela Promotores" TAEren arteko hustuketa linea lurperatzea eskatzen da. Linea hori, gainera 220 kV-etik 30 kV-era igarotzen da.

Azkenik, Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluan xedatutakoaren arabera, interes ekonomiko eta sozialen ordezkari diren elkarte eta erakundeak interes kolektibo legitimoen titular izanen dira legeak onartzen dituen baldintzetan.

8. eta 8 bis. alegazioak.–Enerfín Sociedad de Energía SLU eta Renovables del Cierzo SLU.

2021eko apirilaren 14ko eta 2023ko martxoaren 27ko idazkien bidez, Enerfín Sociedad de Energía SL eta Renovables del Cierzo SL enpresek adierazi dute "Volandín" instalazio eolikoa (1182-CE espediente kodea) egiten ari direla, eta haien azpiegituren gainean eragina duela "Tudela I" eta "Tudela II" eguzki-instalazio fotovoltaikoen hustuketa linea elektrikoak.

Ildo horretan, aplikatzekoa den araudi elektrikoa bete dadin eskatzen du, baita separata bidal diezaieten ere, gurutzadurak eta paralelismoak nola eginen diren xehetasunez zehaztuz, eta ohartarazten dute kalte-galera oro behar bezala ordaindu beharko duela sustatzaileak.

Erantzuna:

Ebazpen honen azalpen apartatuan adierazi den bezala, EDP Renovables España SLk ingurumen eraginaren ebaluaziori hasiera ematea eskatzeko 2021eko azaroaren 26an aurkeztutako dokumentazioan, proiektuaren hustuketa azpiegiturari buruzko doikuntza batzuk jaso ziren. Doikuntza horiekin kontsulta izapidea egin zen; besteak beste, alegazio-egileak kontsultatu zituen, eta haien erantzuna espedientean jasota dago (14. txostena).

Jendaurreko informazioaren bigarren prozeduran aurkeztutako alegazioari dagokionez, sustatzaileak berretsi du instalazio fotovoltaikoa aplikatzekoa den araudi elektrikoarekin bat etorriz diseinatu dela eta, proiektua gauzatzean, aintzat hartuko direla Volandín instalazio eolikorako eta horren hustuketa azpiegituretarako azkenean eraikitzen diren azpiegiturak.

9. alegazioa.–Nafarroako Ekologistak Martxan elkartearena.

2021eko apirilaren 14an, Nafarroako Ekologistak Martxan elkarteak Eduardo Navascues Santosek (6. alegazioa) aurkeztutakoaren berdina zen alegazio idazkia erregistratu zuen.

Erantzuna:

Proiektua Nafarroako egoera energetikorako egokia izateari dagokionez, proiektuan Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak betetzen dira, eta bat dator Estatuko sektore elektrikoaren planarekin eta 2030erako Nafarroako Energia Planarekin.

Zatikatzeari dagokionez, Gurelur elkarteari (2. alegazioa) emandako erantzuna kontsultatzen ahal da.

Gainerako kontuei dagokienez, ingurumen arlokoak dira eta ingurumen eraginaren adierazpenean ebaluatu eta aintzat hartu dira. Horretan, beste zenbait neurriren artean, "Tudela I" eta "Tudela II" eguzki-instalazio fotovoltaikoen eta "Tudela Promotores" TAEren arteko hustuketa linea lurperatzea eskatzen da. Linea hori, gainera 220 kV-etik 30 kV-era igarotzen da.

Azkenik, Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluan xedatutakoaren arabera, interes ekonomiko eta sozialen ordezkari diren elkarte eta erakundeak interes kolektibo legitimoen titular izanen dira legeak onartzen dituen baldintzetan.

10. alegazioa.–Zangozerriko Ongaiz-Ekologistak Martxan elkartearena.

2021eko apirilaren 14an, Zangozerriko Ongaiz-Ekologistak Martxan elkarteak alegazio idazkia aurkeztu zuen, Nafarroako Ekologistak Martxan elkarteak aurkeztutakoaren (9. alegazioa) berdina.

Erantzuna:

Nafarroako Ekologistak Martxan elkarteari emandako erantzunaren ildo berean erantzuten zaio.

11. alegazioa.–Ana Gurbindo Cizur andrearena.

2021eko apirilaren 15ean, Ana Gurbindo Cizurrek jo zuen, Nafarroako egoera energetikoari eta zenbait ingurumen arrazoiri buruzko analisirik ez dagoenez (CO2 emisioak, lur mugimenduak, eremu naturalen gaineko eragina), proiektua gauzatzea kaltegarria litzatekeela Nafarroako ingurumen eta gizarte balioentzat, eta horregatik eskatzen du hura bertan behera uzteko eta bidean diren mota honetako proiektu guztiak ere geldiarazteko, eta Nafarroan behar dugun eredu energetikoari buruzko gogoeta eta plangintza prozesu egoki bat abian jartzeko. Gainera, proiektuan interesdun gisa onartzeko eta hari buruz emanen den ebazpenaren berri emateko eskatzen du.

Erantzuna:

Alegazio honen edukia Roberto Pascual Orcajok (5. alegazioa) aurkeztutakoaren antzekoa denez, ildo beretik erantzuten zaio.

12. alegazioa.–Moncayoko Ur Mankomunitatearena.

2023ko otsailaren 16an aurkeztutako idatzian, Moncayoko Ur Mankomunitateak aditzera eman zuen proiektuan hustuketa linea hornidura sarearekin gurutzatzea dagoela jasota. Halaber, adierazi zuen saneamenduaren instalazioa Nafarroako Toki Azpiegiturak SA (NILSA) enpresak kudeatzen duela eta, horregatik, hari egin beharko zaiola kontsulta.

Erantzuna:

Sustatzaileak berresten du hornidura sarearekiko gurutzaketei buruz ezarritako baldintzak beteko dituela eta separata bidaltzen dio NILSAri. Horren erantzuna espedientean dago (17. txostena).

13. alegazioa.–Enériz Villafranca José David y Concepción SCrena.

2023ko martxoaren 22an erregistratutako dokumentuan, Enériz Villafranca José David y Concepción SCek, proiektuan erasandako Ablitasko 11. poligonoko 805. lurzatiko titular denak, jakinarazten du, katastroan "lehorreko lur" gisa ageri den arren, gaur egun almendrondoak landatuta dituen ureztalurra dela. Horregatik, eskatzen du, batetik, katastroan adierazitako labore mota errealitatera egokitzeko, eta, bestetik, lurzati hori alde batera uzteko ingurumena zaintzeko jarduketa posible bakar gisa, edo, bestela, desjabetze espedientean dagokion kalkulu ekonomikoa egiteko, egindako inbertsioak eta almendrondoak kontuan hartuta.

Erantzuna:

Lurzati horren inguruabar zehatzak sustatzaileari jakinarazi zaizkio eta hori alegazio-egilearekin harremanetan jarriko da akordio batera iristen saiatzeko.

Bestalde, bidezkoa da adieraztea ureztalurren gaineko erasanak Ureztalurren eta Lurzati Berrantolamenduaren Atalak aztertu dituela, lurzoru urbanizaezinetako jarduera eta erabileren baimenaren esparruan.

Katastroan aldatzeari dagokionez, interesdunak Nafarroako Lur Ondasunen Erregistrora jo beharko du, eta kudeaketa honen xedea ez da izanen energia elektrikoa ekoizteko instalazio baten aurretiazko administrazio baimena izapidetzea.

II. ERANSKINA.–JASOTAKO TXOSTENAK

Jasotako txostenen laburpena eta analisia azalduko dira jarraian.

1., 1 bis eta 1 ter txostenak.–Ondare Historikoaren Zerbitzuko Ondare Arkitektonikoaren Atalarenak.

2021eko otsailaren 25eko, 2021eko abenduaren 20ko eta 2023ko otsailaren 14ko txostenetan, Ondare Historikoaren Zerbitzuko Ondare Arkitektonikoaren Atalak jakinarazi zuen ez zegoela erasanik atal horri dagokionez.

2. eta 2 bis txostenak.–Herri-lanen eta Azpiegituren Zuzendaritza Nagusiko Zainketa Zerbitzuaren Ustiapen Atalarenak.

2021eko martxoaren 2an, Herri-lanen eta Azpiegituren Zuzendaritza Nagusiaren Zainketa Zerbitzuaren Ustiapen Atalak Nafarroako errepide sarearen gaineko erasanetarako aintzat hartu beharko diren baldintzak zehaztu zituen.

Bestalde, 2021eko abenduaren 16ko txostenean, organismoak jakinarazi zuenez, aurkeztutako dokumentazio teknikoan baldintzak betetzen direla ikusten da; beraz, informatutako jarduketa, Nafarroako errepideetan duen eraginari dagokionez, baimengarria litzateke.

Azkenik, bi txostenetan gogorarazten zaio sustatzaileari, obrak egin aurretik, aipatu Zuzendaritza Nagusiaren baimena eskatu eta lortu behar duela.

3 eta 3 bis txostena.–Telefónica de España SAUrena.

2021eko martxoaren 4ko eta abenduaren 22ko txostenen bidez, Telefónica de España SAUk adierazi zuenez, ez du aipatu proiektuaren exekuzioari kontra egiteko arrazoirik, baldin eta betetzen badira telekomunikazioko lineen paralelismo eta gurutzaketen arloan indarrean dauden arauak, eta, bereziki, Goi eta Behe Tentsioko Erregelamendu Elektroteknikoak.

4. txostena.–Orkoiengo Udalarena.

2021eko martxoaren 11n aurkeztutako txostenean, Cascanteko Udalak jakinarazi zuenez, egin nahi den jarduera bateragarritzat jotzen da indarreko hirigintzako udal planeamenduarekin.

5. txostena.–Moncayoko Ur Mankomunitatearena.

2021eko martxoaren 15eko txostenean, Moncayoko Ur Mankomunitateak aditzera eman zituen bere arloko saneamendu eta hornidura sareen gaineko erasanak.

Erantzuna:

Sustatzaileak txostenarekiko adostasuna azaldu du, eta berretsi du han ezarritako baldintzak beteko dituela.

6. txostena.–Tuterako Udalarena.

2021eko apirilaren 14an, Tuterako Udalak hirigintza eta nekazaritza, abeltzaintza eta mendien atalek emandako txostenak aurkeztu zituen, eta bietan haien desadostasuna ematen zen aditzera, udal-mugarteari eragiten dioten eta izapidetzen ari diren azpiegitura elektrikoen kopuru handiarengatik.

Erantzuna:

Ebazpen honen azalpen apartatuan adierazi den bezala, EDP Renovables España SLk ingurumen eraginaren ebaluaziori hasiera ematea eskatzeko 2021eko azaroaren 26an aurkeztutako dokumentazioan, proiektuaren hustuketa azpiegiturari buruzko doikuntza batzuk jaso ziren. Doikuntza horiekin kontsulta izapidea egin zen; besteak beste, alegazio-egileak kontsultatu zituen, eta ez da erantzunik jaso. Ez da Tuterako Udalaren txostenik ere jaso jendaurreko informazioaren eta kontsulten bigarren izapidean.

7. eta 7 bis txostenak.–Garraio, Mugikortasun eta Hiri Agendako Ministerioarena.

2021eko apirilaren 19an eta 2023ko martxoaren 28an erregistratutako idazkietan, Garraio, Mugikortasun eta Hiri Agendako Ministerioko Errepideen Zuzendaritza Nagusiak, AP-68ko Ustiapen Ikuskaritzak eta AVASA Abertis-ek, AP-68 autobidearen sozietate emakidadunak, egindako txostenak kontuan hartuta, "aldeko txostena" eman zuen proiektuak Estatuko Sarean duen erasanari buruz, baldin eta ezartzen diren baldintzak betetzen badira.

8. eta 8 bis txostena.–Red Eléctrica de España SAUrena.

2021eko apirilaren 22ko txostenean, Red Eléctrica de España SAU enpresak jakinarazi zuen ez duela aurkakorik adierazten, arauzko distantziak betetzen direlako bere jabetzako lineekin.

Bestalde, 2022ko otsailaren 14ko txostenean, erakunde horrek berak adierazi zuen bere jabetzako linea batekin egiten duen gurutzatzea erregelamenduzkoa dela eta ez duela neurketa zentroaren aurka egiten, ez baitie eragiten bere jabetzako instalazioei, eta, aldi berean, bere jabetzako aireko linea batetik hurbil dagoen lurpeko linearen kanalizazioa egiteko baldintza zehatzak ezartzen ditu. Azkenik, proiektu fasean dagoen etorkizuneko linea bat dagoenez, jakinarazten du ondorengo komunikazioak beharrezkoak izanen direla, bi zerbitzuak koordinatzeko.

Erantzuna:

Sustatzaileak txostenekiko adostasuna azaldu du, eta berretsi du han ezarritako baldintzak beteko dituela.

9. txostena.–Lurraldearen Antolamenduaren Atalarena.

Lurralde Antolamenduaren Atalak txostena eman zuen maiatzaren 6an, 0003-OT12-2021-000071, 0003-OT12-2021-000072 eta 0003-OT12-2021-000073 espedienteetarako.

10. txostena.–Ingurumen Eraginaren Atalarena.

Ingurumen Eraginaren Atalak 003-0226-2021-000024 espediente kodea duen txostena eman zuen, 2021eko uztailaren 26an.

11. eta 11 bis txostenak.–Defentsa Ministerioarenak.

2021eko abuztuaren 12an erregistratutako idazkian, Defentsa Ministerioko Azpiegitura Zuzendaritza Nagusiak adierazi zuen, Aireko Armadako Estatu Nagusiak emandako txostenean oinarrituta, ez zuela instalazio horren aurkako inolako eragozpenik.

Ondoren, 2022ko martxoaren 2ko txostenaren bidez, erakunde berak jakinarazi zuen ezen, Aireko Armadako Estatu Nagusiak emandako aurkako idazkia ikusita, sustatzaileari baimena ukatzen ziola proiektua gauzatzeko.

Erantzuna:

Sustatzaileak justifikatzen du, ezarritako baldintzak betetzeko egindako aldaketen ondoren, besteak beste, ingurumen eraginaren adierazpenean, azpiegitura horiek Ablitasko Aerodromoko zortasun aeronautikoetatik kanpo geratzen direla; beraz, Defentsa Ministerioak egindako txostena, "Tudela I" eta "Tudela II" eguzki-instalazio fotovoltaikoen lehen informazio publikoaren zortasun aeronautikoei eta hustuketa azpiegiturei buruzkoa, bigarren informazio publikoak baztertu du.

12., 12 bis eta 12 ter txostenak.–Ebroko Konfederazio Hidrografikoarenak.

2021eko abuztuaren 18an eta 2012ko martxoaren 21ean, Ebroko Konfederazio Hidrografikoko Ur Komisariotzaren Ingurumen Kudeaketako Atalak zenbait baldintza helarazi zituen eta sustatzaileari gogorarazi zion beharrezkoa dela haien baimena eskatzea eta lortzea.

Bestalde, 2022ko ekainaren 29ko txostenean, Ebroko Konfederazio Hidrografikoaren Zuzendaritza Teknikoko 1. Ustiapen Zerbitzuak adierazi zuen ez dagoela zerbitzu horren azpiegitura hidraulikorik, erasaten ahal denik, eta gaineratu zuen erasandako azpiegiturak ureztalurretako erretenak izanen liratekeela, inguruko Ureztatze Sindikatuenak, eta, beraz, ulertzen dela sindikatu horiek eman beharko luketela horren berri.

Erantzuna:

Sustatzaileak txostenekiko adostasuna azaldu du, eta berretsi du han ezarritako baldintzak beteko dituela.

13. eta 13. bis txostenak.–Enagás Transporte SAUrenak.

2021eko abenduaren 22ko txostenaren bidez, Enagás Transporte SAUk informazio gehigarria eskatu zuen Bartzelona-Bilbo-Valentzia gasbidearen gaineko erasanari buruz; 2023ko otsailaren 13ko txostenean, berriz, ados zegoela adierazi zuen, txostenean jasotako baldintzen arabera, eta adierazi zuen kontsultan aipatzen diren erasanetako batzuk ez datozela bat bere jabetzako azpiegiturekin.

Azkenik, bi txostenetan gogorarazten da aipatu gasbidearen administrazio eskumena Gobernuak Nafarroan duen Ordezkaritzaren Industria eta Energia Atalari dagokiola, eta horrek baimendu beharko dituela lanak zortasun eremuetan eta erasan eremuetan, abenduaren 27ko 1434/2002 Errege Dekretuaren 69. artikuluarekin bat etorriz.

Erantzuna:

Sustatzaileak bere adostasuna adierazten du, berresten du ezarritako baldintzak beteko dituela eta separata helarazten dio Nedgia Navarra SAri. Horren erantzuna espedientean dago (16. txostena).

14. txostena.–Enerfín Sociedad de Energía SLUrena (Renovables del Cierzo SLU).

Renovables del Cierzo SLUk, 2022ko urtarrilaren 24ko txostenean, ados zegoela adierazi zuen, bere jabetzako linea batekin gurutzatzeari dagokionez, baina kalte edo galerarik gertatuz gero sustatzaileak kalte-ordaina ordaintzera baldintzatuta.

Erantzuna:

Jendaurreko informazioaren bigarren prozeduraren esparruan, Renovables del Cierzo SLUk alegazioa aurkeztu zuen. Horren laburpena eta analisia espedientean ageri dira (8 bis alegazioa).

15. txostena.–I-DE Redes Eléctricas Inteligentes SAUrena.

2023ko otsailaren 27ko txostenean, I-DE Redes Eléctricas Inteligentes SAUk, bere jabetzako azpiegituren gaineko erasanak xehetasunez aztertu ondoren, baimena eman zuen proiektuan jasotako lanak egiteko, zegozkion baldintzak ezarriz.

16. txostena.–Nedgia Navarra SArena.

2023ko apirilaren 4an erregistratutako idazkiaren bitartez, Nedgia Navarra SAk separata bat eskatu zion sustatzaileari, txostenean zehazten diren alderdi teknikoak zehazten zituena.

Horrez gain, adierazi zuen, uztailaren 28ko 919/2006 Errege Dekretuaren arabera, obren adjudikaziodunak lanen hasieraren berri eman behar diela eremuko zerbitzu teknikoei, baita egokiak iruditzen zaizkion azalpenak ere, adibidez, gas instalazioetatik hurbil egin beharreko lanetan kontuan hartu beharreko segurtasun neurriak.

Erantzuna:

Sustatzaileak adierazi du altzairuzko hodiak linea elektrikoekin gurutzatzeari eta paralelismoari buruz ezarritako baldintzak eta indarreko araudia beteko dituela, eta separata helarazi du, eskatutako xehetasun teknikoekin.

17. txostena.–Nafarroako Toki Azpiegiturak SArena (NILSA). 2023ko apirilaren 4ko txostenean, Nafarroako Toki Azpiegiturak SAk (NILSA) bere azpiegiturekiko gurutzatzeari eta paralelismoari buruz ezarritako baldintzak jakinarazi zituen eta adierazi zuen linea elektrikoaren eraikuntzak kontuan hartu beharko lituzkeela NILSAren azpiegiturak, obrak azpiegitura horiek kaltetu ez ditzan. Azkenik, zangen trazadura osoa zehazten duten artxibo geografikoak eskatu zituen.

Erantzuna:

Sustatzaileak txostenarekiko adostasuna azaldu du, eta berretsi du han ezarritako baldintzak beteko dituela. Halaber, eskatutako artxibo geografikoak helarazi ditu.

Iragarkiaren kodea: F2306489