1. NAFARROAKO FORU KOMUNITATEA
1.7. BESTELAKOAK
329/2021 EBAZPENA, abenduaren 14koa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez kentzen baitira maisu-maistren kidegoko zenbait lanpostu, eta ikastetxeko lanpostu arruntetara atxikitzen baitira lanpostu ibiltariko izendapena duten maisu-maistren kidegoko irakasle batzuk.
Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 259/2021 Ebazpenaren bidez, argitara eman ziren Haur eta Lehen Hezkuntzako ikastetxe publikoen eta Derrigorrezko Bigarren Hezkuntzako lehenengo bi ikasmailatakoen zonifikazioa eta departamentu honen menpeko ikastetxe eta programetako plantillak, eta zehaztu ziren lanpostuak kentzeko eta lanpostu ibiltarietara atxikitzeko eskaerak egiteko prozedurak eta 2021-2022 ikasturteko lekualdatze-lehiaketaren deialdian bete beharreko behin-behineko lanpostu hutsak (maisu-maistren kidegoko irakasleenak).
Halaber, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 260/2021 Ebazpenaren bidez, argitaratu zen Bigarren Hezkuntzako, Batxilergoko, Lanbide Heziketako eta Arte eta Hizkuntzen Irakaskuntzetako ikastetxe publikoen zonifikazioa, ezarri zen lanpostuak kentzea eskatzeko prozedura, eta zehaztu zen zein behin-behineko lanpostu huts sartzen diren 2021-2022 ikasturtean honako kidego hauetako irakasle funtzionarioentzat egindako lekualdatze-lehiaketaren deialdian: Bigarren Hezkuntzako katedradunen eta irakasleen kidegoa, Lanbide Heziketako irakasle teknikoen kidegoa, Hizkuntza Eskola Ofizialetako katedradunen eta irakasleen kidegoa, Musikako eta Arte Eszenikoetako katedradunen eta irakasleen kidegoa eta Arte Plastikoetako eta Diseinuko katedradunen, irakasleen eta Lantegiko maisu-maistren kidegoa.
Ebazpen horien 5. apartatuak ezartzen duenez, behin betiko destinoa duten irakasleek, baldin eta beren lanpostua onetsitako plantilletan aurreikusita ez badago, beren lanpostua kentzeko eskatzen ahalko dute.
Kentzeko eskabidea aurkezteko epea amaituta, bidezkoa da lanpostua kendu zaien irakasleen zerrenda onestea.
Bestalde, Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 259/2021 Ebazpenaren 6. puntuak xedatzen duenez, maisu-maistren kidegoko irakasleak, ikastetxe bati atxikitako lanpostu ibiltaria badute eta ikastetxeko lanpostu arrunt gisa agertzen bada plantillan, ofizioz ikastetxeko lanpostu arrunt berrira atxikiko dira, ondorioak 2022ko irailaren 1etik aurrera dituela.
Hori dela eta, bidezkoa da maisu-maistren kidegoko irakasleen zerrenda onestea, lanpostu arrunt batera ofizioz atxikiko den lanpostu bat dutenena, hain zuzen.
Horiek horrela, Hezkuntza Departamentuko Hezkuntza Baliabideen zuzendari nagusiaren azaroaren 28ko 208/2019 Ebazpenaren bidez eskuordetutako eskudantziak erabiliz,
EBAZTEN DUT:
1. Zerrenda bat onestea, Irakasleak Hautatzeko eta Lanpostuak Betetzeko Zerbitzuko zuzendariaren urriaren 8ko 259/2021 eta 260/2020 ebazpenetan xedatutakoarekin bat kendu diren lanpostuak betetzen zituzten irakasle funtzionarioena, hain zuzen; zerrenda ebazpen honen I. eranskinean dago.
Lanpostua kentzeak 2021eko azaroaren 5etik aurrera izanen ditu ondorioak.
2. Ebazpen honen II. eranskin gisa onestea lanpostua kentzeko eskaera onartu ez zaien irakasle funtzionarioen zerrenda, horretarako arrazoia zein den adierazita.
3. Zerrenda bat onestea, lanpostu ibiltaria ikastetxeko lanpostu arrunt bihurtua duten maisu-maistren kidegoko funtzionarioena, hain zuzen (ebazpen honen III. eranskinean dago); hortaz, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 14ko 193/2020 Ebazpenaren 6. puntuari jarraikiz, ikastetxeko lanpostu arrunt berriari atxikita gelditu dira.
Lanpostu berriko atxikipenak 2022ko irailaren 1etik aurrera izanen ditu ondorioak.
4. Ebazpen hau eta eranskinak Nafarroako Aldizkari Ofizialean argitara daitezela agintzea.
5. Ebazpen hau eta eranskinak igortzea, behar diren ondorioak izan ditzaten, Hezkuntza Departamentuko Idazkaritza Tekniko Nagusira, Hezkuntzako Ikuskapen Zerbitzura, Azterlan Ekonomikoen eta Nominen Zerbitzuko Nominen eta Gizarte Aseguruen Atalera, Langileen Araubide Juridikoaren Zerbitzuko Kontrol Administratiboaren Atalera, Aldi Baterako Langileak Kudeatzeko Zerbitzuko Plantillen Atalera, eta Irakasleak Hautatzeko eta Lanpostuak Betetzeko Zerbitzuko Lanpostuak Betetzeko Atalera.
6. Ebazpen honen aurka interesdunek gora jotzeko errekurtsoa aurkezten ahalko dute, Lehendakaritzako, Berdintasuneko, Funtzio Publikoko eta Barneko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita, honako hauekin bat: Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126. artikulua eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluak.
Iruñean, 2021eko abenduaren 14an.–Irakasleak Hautatzeko eta Lanpostuak Betetzeko Zerbitzuko zuzendaria, Amalia Cuartero Arteta.
I. ERANSKINA
Irakasleak, zeinen lanpostua kendu baita
A.–Maisu-maistren kidegoa.
–Izen-deiturak: García Magriña, Miren Usoa.
Kendutako lanpostua: Haur Hezkuntza, gaztelania.
Ikastetxea: Martín Azpilcueta HLHIP
Herria: Barasoain.
–Izen-deiturak: Guerra del Sol, Eva María.
Kendutako lanpostua: Ingelesa, gaztelania.
Ikastetxea: Santos Justo y Pastor HLHIP
Herria: Fustiñana.
–Izen-deiturak: Jimeno Marín, Ana Isabel.
Kendutako lanpostua: Haur Hezkuntza, gaztelania.
Ikastetxea: Virgen de la Cerca HLHIP
Herria: Andosilla.
–Izen-deiturak: Resano Jimeno, María Julia.
Kendutako lanpostua: Haur Hezkuntza, gaztelania.
Ikastetxea: Virgen de la Cerca HLHIP.
Herria: Andosilla.
B.–Bigarren Hezkuntzako irakasleak.
–Izen-deiturak: Goñi Garayoa, María Josefa.
Kendutako lanpostua: Hezkuntza Orientabidea / Euskara
Ikastetxea: Biurdana BHI.
Herria: Iruña.
II. ERANSKINA
Irakasleak, zeinen ezabatzeko eskaera ez baita onetsi
–Izen-deiturak: Ganuza Quel, Aitziber.
Arrazoia: berdinketa hausteko irizpideak aplikatu eta gero, lanpostua ez da ezabatzeko modukoa.
–Izen-deiturak: Riveiro Tassias, Gloria María.
Arrazoia: eskaera epez kanpo aurkeztu zen.
III. ERANSKINA
Ikastetxeko lanpostu arrunt bati atxikitako maisu-maistrak
–Izen-deiturak: Mendiberri Maisterrena, María Gema.
Lanpostua: Pedagogia Terapeutikoa, euskara.
Ikastetxea: San Miguel HLHIP.
Herria: Agoitz.
–Izen-deiturak: Perales Villanueva, María Carmen.
Lanpostua: Pedagogia Terapeutikoa, gaztelania.
Ikastetxea: Elvira España HLHIP.
Herria: Tutera.
Iragarkiaren kodea: F2117577
