1. NAFARROAKO FORU KOMUNITATEA
1.7. BESTELAKOAK
212/2022 EBAZPENA, uztailaren 5ekoa, Vianako Printzea Erakundea-Kulturako zuzendari nagusiak emana, zeinaren bidez interes sozialeko deklaratzen baitira zenbait proiektu, kultur jarduera eta ereduko programa, Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legean xedatutakoarekin bat etorriz.
2022ko maiatzaren 1etik 31ra arte, honako pertsona eta entitate hauek eskaera aurkeztu zuten proiektuak, kultur jarduerak edo ereduko programak interes sozialeko deklaratzeko:
Navarra Cultural fundazioa | “Cintruénigo hasta el Siglo XX” liburuaren dokumentazioa, ikerketa eta argitalpena |
Laxoa Elkartea | Laxoaren mantentze, sustapen eta hedapen programa |
Berriozarko San Esteban parrokia | Parrokia-elizaren estalkia aldatzea |
Berdesia elkartea | Tafallako nekazaritza-paisaia kulturala ikertzea, berreskuratzea eta zabaltzea |
Dos Navarras elkartea | Dos Navarras elkartearen kultura jarduerak |
Berria Hedabideen fundazioa | Euskal kultura eta hedabideak sustatzeko proiektua |
Mencos fundazioa | Mencos fundazioaren jarduera kultural eta historikoak |
Raquel Idoate Ancín | Nafarroatik Amerikara eta Ozeaniara. XVI. mendetik XIX. mendera arteko emigrazioa |
Katanga Microcoop. | Mariposa Negra, Katanga DUBena |
Pulpa elkartea | La Zurda, sormen kolektiborako gunea |
Karrikaluze elkartea | Karrikaluze elkartea |
Arkitekturari buruzko gogoeta estrategikorako elkartea (AREA) | Arkitektura latino-amerikarraren biurtekoa (BAL) |
“Entzunaldi” kultur eta musika elkartea | “Solsticio” Iruñeko Orkestra |
Ruth Munguira Elizondo | Animalien ihauteria |
veinte21Ensemble elkartea | Turrillas sinfonikoa |
Trapezistaren Zorabioa kultur elkartea | ARIMA |
Astronavarra Sarea elkartea | Astronomia amateurraren mugaz gaindiko topaketak, «Mugarik gabe zeruan» leloarekin |
Iruñeko Gazte Orkestra elkartea (JOP) | Iruñeko Gazte Orkestra (JOP) elkartearen jarduera 2022-2023 |
Aralar Mendi elkartea (Kultur, kirol, aisia eta gastronomia elkartea) | Nafarroako Artzai Eguna |
Nelli Movsesyan Poghosyan | GAEL-Espazio Sortzailea |
Untzueko San Millan parrokia | San Millan parrokiako erretaula zaharberritzea |
Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 12. artikuluan aurreikusitako jarduketak egin ondoren, Mezenasgo Batzordeak eskaera hauek eta dagokien dokumentazioa igorri zizkion Nafarroako Kulturaren eta Arteen Kontseiluari, ebaluazioa egin zezan.
Eskaeren balorazioa egin ondoren, Nafarroako Kulturaren eta Arteen Kontseiluak, uztailaren 4an, proposamen bat igorri dio Vianako Printzea Erakundea-Kulturako zuzendari nagusiari, interes sozialeko deklara ditzan kulturalak diren proiektuak, jarduerak eta ereduko programak, bat etorriz Nafarroako Foru Komunitatean kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 2.2 artikuluan ezarritakoarekin, hala hartuak izatea merezi dutenez legezko testu horren 6.2 artikuluan aurreikusitako irizpideak aplikatuz.
Ereduko programa interes sozialekotzat deklaratzeko proposamen bati dagokionez, zehazki Mencos fundazioak aurkeztutakoari dagokionez, uste da gehiago zehaztu behar direla eskatutako ereduko programako jarduerak, hurrengo urteetan garatu beharrekoak; beraz, ez da bidezkoa aurkeztutako proiektua ereduko programa deklaratzea, eta bai interes sozialekoa, betiere 2023ko abenduaren 31ko bukaera datarekin aurkeztu den proiektuaz ari garela.
Horrenbestez, Nafarroako Foru Komunitatean kultur mezenasgoa eta bere zerga-pizgarriak arautzen dituen maiatzaren 16ko 8/2014 Foru Legean eta Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduan xedatutakoari jarraituz,
EBAZTEN DUT:
1. Ebazpen honen I. eranskinean ageri diren kultur jarduerak eta proiektuak interes sozialeko deklaratzea.
2. Ebazpen honen II. eranskinean azaltzen diren kultur jardueren eta proiektuen ereduko programak interes sozialeko deklaratzea.
3. Ebazpen honen III. eranskinean ageri diren kultur jarduerak eta proiektuak interes sozialeko deklaratzea, 2023ko abuztuaren 31eko bukaera datarekin betiere, eta ez ematea ereduko programaren izaera.
4. Proiektuak eta jarduerak gauzatzen diren bitartean bakarrik izanen du indarra interes sozialeko deklarazioak.
5. Interes sozialeko proiektuak eta jarduerak dituzten pertsona edo entitateak Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 22. artikuluak ezartzen dituen betebeharrei daude loturik, bai proiektuari, kultur jarduerari edo ereduko programari dagokionez, bai zerga administrazioari dagokionez.
6. Kultur proiektua edo jarduera interes sozialeko deklaratuta ere, onuradunek berdin-berdin eskuratu beharko dituzte hura gauzatzeko lizentzia, baimen edo komunikazioak, horiek ematea, zeinek bere eskumenen esparruan, beste erakunde batzuei dagokienean.
7. Interes sozialeko deklaratzen diren proiektuak eta kultur jarduerak Nafarroako Gobernuaren Atarian argitaratuko dira, Kulturako, Turismoko eta Erakunde Harremanetako kontseilariaren irailaren 16ko 77/2014 Foru Aginduaren 25. artikuluan ezarritakoari jarraituz.
8. Pertsona eta entitate onuradunek “Mecna zigilua” anagrama erabiltzen ahalko dute beren komunikazio, aurkezpen, argitalpen eta dokumentuetan; baldin eta zerikusia badute interes sozialeko deklaraturik dauden proiektuekin, kultur jarduerekin edo ereduko programekin.
9. Ebazpen hau Idazkaritza Tekniko Nagusira, Nafarroako Zerga Ogasunera eta Kultur Mezenasgoaren Batzordera igortzea, behar diren ondorioak izan ditzan.
10. Ebazpen hau Nafarroako Aldizkari Ofizialean argitaratzea.
Iruñean, 2022ko uztailaren 5ean.–Vianako Printzea Erakundea-Kulturako zuzendari nagusia, Ignacio Apezteguía Morentin.
I. ERANSKINA Kultur jarduerak eta proiektuak |
ESKATZAILEA | PROIEKTUAREN TITULUA | IRAUPENA |
Navarra Cultural fundazioa | “Cintruénigo hasta el Siglo XX” liburuaren dokumentazioa, ikerketa eta argitalpena | 2022/12/31 |
Laxoa Elkartea. | Laxoaren mantentze, sustapen eta hedapen programa | 2023/06/30 |
Berriozarko San Esteban parrokia | Parrokia-elizaren estalkia aldatzea | 2023/12/31 |
Dos Navarras elkartea | Dos Navarras elkartearen kultura-jarduerak | 2023/12/31 |
Raquel Idoate Ancín | Nafarroatik Amerikara eta Ozeaniara. XVI. mendetik XIX. mendera arteko emigrazioa | 2023/02/28 |
Karrikaluze elkartea | Karrikaluze elkartea | 2022/12/31 |
Trapezistaren Zorabioa kultur elkartea | ARIMA | 2023/05/31 |
Astronavarra Sarea elkartea | Astronomia amateurraren mugaz gaindiko topaketak, «Mugarik gabe zeruan» leloarekin | 2023/10/16 |
Iruñeko Gazte Orkestra elkartea (JOP) | Iruñeko Gazte Orkestra (JOP) elkartearen jarduera, 2022-2023 | 2023/08/31 |
Untzueko San Millan parrokia | San Millan parrokiako erretaula zaharberritzea | 2022/12/31 |
II. ERANSKINA Kultur jardueren eta proiektuen ereduko programak |
ESKATZAILEA | PROIEKTUAREN TITULUA | IRAUPENA |
Berdesia elkartea | Tafallako nekazaritza-paisaia kulturala ikertzea, berreskuratzea eta zabaltzea | 2027/06/30 |
Berria Hedabideen fundazioa | Euskal kultura eta hedabideak sustatzeko proiektua | 2027/06/30 |
Katanga Microcoop. | Mariposa Negra, Katanga DUBena | 2027/06/30 |
Pulpa elkartea | La Zurda, sormen kolektiborako gunea | 2026/06/30 |
Arkitekturari buruzko gogoeta estrategikorako elkartea (AREA) | Arkitektura latino-amerikarraren biurtekoa (BAL) | 2027/06/30 |
“Entzunaldi” kultur eta musika elkartea | “Solsticio” Iruñeko Orkestra | 2024/06/30 |
Ruth Munguira Elizondo | Animalien ihauteria | 2027/06/30 |
veinte21Ensemble elkartea | Turrillas sinfonikoa | 2026/06/30 |
Aralar Mendi elkartea (Kultur, kirol, aisia eta gastronomia elkartea) | Nafarroako Artzai Eguna | 2027/06/30 |
Nelli Movsesyan Poghosyan | GAEL-Espazio Sortzailea | 2027/06/30 |
III. ERANSKINA Kultur jarduerak eta proiektuak |
ESKATZAILEA | PROIEKTUAREN TITULUA | IRAUPENA |
Mencos fundazioa | Mencos fundazioaren jarduera kultural eta historikoak | 2023/12/31 |
Iragarkiaren kodea: F2209856