1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
563/2021 EBAZPENA, otsailaren 24koa, Funtzio Publikoko zuzendari nagusiak emana, zeinaren bidez igortzen baita Nafarroako Justizia Auzitegi Nagusiko Administrazioarekiko Auzien Salara José Javier Duque Ancheta jaunak jarritako administrazioarekiko auzi-errekurtsoari buruzko administrazio espedientea, 17/2021 prozedura arruntean gauzatua.
Nafarroako Justizia Auzitegi Nagusiko Administrazioarekiko Auzien Salan administrazioarekiko auzi-errekurtsoa aurkeztu du José Javier Duque Ancheta jaunak, Funtzio Publikoko zuzendari nagusiaren irailaren 11ko 242E/2020 Ebazpenaren aurka. Ebazpen horren bidez ezetsi zen, modu nabarian oinarririk gabekoa izateagatik, José Javier Duque Ancheta jaunak etxezain izateko 24 lanpostu oposizio bidez betetzeko deialdiko hautapen proben behin betiko emaitzen aurka aurkeztutako gora jotzeko errekurtsoan jasotako alegazioa, bigarren probako A ereduko 73. galderari (B ereduko 63. galdera) dagokiona. Deialdia Funtzio Publikoko zuzendari nagusiaren azaroaren 20ko 2782/2018 Ebazpenaren bidez onetsi zen. Gora jotzeko errekurtsoan jasotzen diren gainerako alegazioak ezesten dira.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, epaitegiak eskatu du administrazio espedientea igor diezaiotela eta epatzeko deiak egin daitezela, Legearen 49. artikuluan ezarri bezala.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBAZTEN DUT:
1. Nafarroako Auzitegi Nagusiko Administrazioarekiko Auzien Salara igortzea José Javier Duque Ancheta jaunak aurkeztu duen 17/2021 prozedura arruntean gauzatutako administrazioarekiko auzi-errekurtsoari buruzko espediente administratiboa.
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea, autoetan demandatu gisa agertu ahal izan daitezen Nafarroako Justizia Auzitegi Nagusiko Administrazioarekiko Auzien Salan, ebazpen hau argitaratu ondoko bederatzi eguneko epean.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salari eta Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikoaren Zerbitzuari, eta José Javier Duque Ancheta jaunari jakinaraztea, behar diren ondorioak izan ditzan.
Iruñean, 2021eko otsailaren 24an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2103571
