Iragarkia

229. ALDIZKARIA - 2021eko irailaren 30a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

2335/2021 EBAZPENA, abuztuaren 23koa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko zenbait funtzionario izendatzen dituena, liburutegiko arduradunaren lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren otsailaren 10eko 351/2020 Ebazpenaren bitartez, deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradunen hogeita bederatzi lanpostu oposizio bidez betetzeko. Ebazpena 2020ko 44. Nafarroako Aldizkari Ofizialean argitaratu zen, martxoaren 4koan.

Funtzio Publikoko zuzendari nagusiaren uztailaren 3ko 1651/2020 Ebazpenaren bidez, deialdian onartu eta baztertutako izangaien behin-behineko zerrenda onetsi zen. Ebazpen hori 2020ko 165. Nafarroako Aldizkari Ofizialean argitaratu zen, uztailaren 27koan.

Funtzio Publikoko zuzendari nagusiaren irailaren 28ko 2186/2020 Ebazpenaren bidez, izangai onartuen eta baztertuen behin betiko zerrenda onetsi, eta oposizioaldiko lehenbiziko ariketa egiteko eguna, tokia eta ordua finkatu ziren. Ebazpen hori 2020ko 235. Nafarroako Aldizkari Ofizialean argitaratu zen, urriaren 9koan.

Hautaprobak bukaturik, Funtzio Publikoko zuzendari nagusiaren maiatzaren 17ko 1476/2021 Ebazpenaren bidez, betebeharrak frogatzeko epea ireki zen, eta, ondoren, Funtzio Publikoko zuzendari nagusiaren ekainaren 7ko 1672/2021 Ebazpenaren bidez, lanpostu hutsak aukeratzeko ekitaldirako deia egin zen eta 10 egun balioduneko epea ireki zen lanpostuak aukeratzeko.

Azkenik, kalifikazio epaimahaiak izendapen proposamena egin zuen, probak gainditu dituzten izangaietatik deialdiko lanpostuetan sartzen direnak izenda daitezen, deialdian eskatutako betebeharrak betez gero. Proposamen hori 2021eko 155. Nafarroako Aldizkari Ofizialean argitaratu zen, uztailaren 5ekoan.

Eskatutako dokumentazioa behar zen epean aurkezturik eta proposatutako izangaiek betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Honako hauek izendatzea Nafarroako Foru Komunitateko Administrazioaren eta haren erakunde autonomoen zerbitzuko funtzionario, liburutegiko arduradunaren lanpostuetan aritzeko: María Inmaculada Nieto-Sandoval Delgado andrea, %33ko edo hortik gorako desgaitasuna dutenentzako txanda murriztukoa; Roberto Cormenzana López eta Rosa María Ruesta García jaun-andreak, igoera txandakoak; María Cruz Sánchez Valero, Kenia Yordanka Mendoza Corría, Óscar De Julián Fernández, Isabel Muñoz Mouriño, Irene Francés García, María Belén Huarte Nagore, María Lourdes Mañeru Zunzarren, José Xabier Elduayen Esquíroz, Elena Arteta Ballarín, Eduardo Mayordomo Carrasco, Lourdes Jiménez Zozaya, Arkaitz Delgado Tobías, Izarchu Hualde Martínez, Yolanda Hernandez Bretones, Raquel Azcona Solano, Raquel Navarro Cuesta, Amaia García Ibáñez, María Ángeles Rodríguez Bosch, Jorge Juan Repolles Berriochoa, María Victoria Cía García, Iosune Ojer Torres, Javier Berrocal Pérez, Sabela Insua Pardo, Asier Urquía Fernández, M.ª Del Mar Celaya Azqueta eta Virginia Gallardo Llorente jaun-andreak, txanda irekikoak.

2. Lanpostu hutsak esleitzea I. eranskinean xedatutakoarekin bat.

3. Xedatzea ezen proposatu diren izangaiek Liburutegi Zerbitzuaren bulegoetan hartu beharko dutela lanpostuaren jabetza (Antonio Pérez Goyena pasealekua 3, 31008 Iruña), hilabeteko epean, izendapena Nafarroako Aldizkari Ofizialean argitaratu eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean lanpostuaren jabetza hartzen ez duenak, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko ditu.

4. Ebazpen hau igortzea Kultura eta Kirol Departamentuko Idazkaritza Tekniko Nagusira, Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura eta Gizarte Prestazioen Zerbitzura, eta interesdunei jakinaraztea. Interesdunei aditzera ematen zaie ezen ebazpenaren aurka gora jotzeko errekurtsoa jartzen ahal dutela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.

5. Nafarroako Aldizkari Ofizialean argitara dadila agintzea.

Iruñean, 2021eko abuztuaren 23an.–Funtzio Publikoko zuzendari nagusia, Amaia Goñi Lacabe.

Iragarkiaren kodea: F2112887