2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BALLARIAIN
Herri-partzelak aprobetxatzeko eskaera
Jarraikiz Nafarroako Toki-erakundeen Ondasunen gaineko Erregelamenduari (280/1990 Foru Dekretua, urriaren 18koa), hamar egun naturaleko epea ezartzen da, iragarki hau Nafarroako Aldizkari Ofizialean argitaratu eta biharamunetik hasita, eskaerak egiteko Ballaraingo Kontzejuaren herri-lurretako lurzatien aprobetxamendua adjudikatzeko, 2021-2029 aldirako, herritarrendako zuzeneko adjudikazioaren bidez.
Interesdunek, baldin betetzen badituzte herri-lurretako aprobetxamenduak arautzen dituen egungo araudian ezarritako baldintzak, beren eskabideak aurkezten ahalko dituzte, Ballariaingo Kontzejuaren Idazkaritzan (Berriobeitiko Udala), jendea hartzeko ordutegian, astelehenetik ostiralera.
Adjudikazio hau arautzen duten baldintzak ikusgai daude Kontzejuko bulegoetan, interesdun guztien eskura.
Prozedura honen bidez adjudikatzen ez bada, enkante publikoaren bidez adjudikatuko da, indarra duen araudiari jarraikiz.
Ballariainen, 2021eko ekainaren 8an.–Kontzejuko burua, José Cortizo Gulías.
Iragarkiaren kodea: L2109303
