Iragarkia

40. ALDIZKARIA - 2020ko otsailaren 27a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

196/2019 EBAZPENA, abenduaren 10ekoa, Hezkuntzako zuzendari nagusiak emana, udalen musika eskolei dirulaguntzak emateko deialdian aurreikusitakoari jarraikiz, urteko bigarren ordainketa, bigarren seihilekoari dagokiona, baimentzen duena. Deialdi hori apirilaren 8ko 181/2019 Ebazpenaren bidez onetsi zen 2019rako, uztailaren 1eko 395/2019 Ebazpenaren bidez aldatu zen eta abuztuaren 5eko 474/2019 Ebazpenaren bidez ebatzi zen. DDBN identifikazioa: 449219.

2019ko azaroaren 15ean amaitu zen epea dirulaguntzaren onuradunek musika eskolen diru-sarrera eta gastuen aurrekontua aurkezteko, 2019ko azaroaren 1ean hein batean exekutatua edo gauzatua, musika eskolaren entitate titularraren organo eskudunak onetsia.

2019ko abuztuaren 27an argitaratu zen udalen musika eskolentzako 2019ko dirulaguntzen deialdia ebazten duen abuztuaren 5eko 474/2019 Ebazpena. Eskatutako informazioak eta aitorpenak apirilaren 8ko 181/2019 Ebazpenaren I. eranskineko 12. oinarrian ezarritako epearen barruan jaso dira, zein den kasua eta musika eskola bakoitzaren titular mota (181/2019 Ebazpen hori uztailaren 1eko 395/2019 Ebazpenaren bidez aldatu zen).

2019ko azaroaren 27an, Hezkuntza Zuzendaritza Nagusiko Eleaniztasunaren eta Arte Ikasketen Zerbitzuko zuzendariak txosten bat aurkeztu du musika eskolen funtzionamendu-gastu orokorrei hein batean aurre egiteko ordaindu beharreko dirulaguntzei buruz.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,

EBAZTEN DUT:

1. Dirulaguntzaren bigarren ordainketa egin dadila agintzea, entitate titular bakoitzari dagokion zenbatekoaren arabera, ebazpen honen eranskinarekin bat. Banatu beharreko diru-zenbatekoa, guztira, 1.499.999,86 eurokoa da, eta 2019ko aurrekontuetako “Musika eskolentzako dirulaguntza” izeneko 420001-42440-4609-322502 partidaren kargura ordainduko da (40005302 kontabilitate espedientea), apirilaren 8ko 181/2019 Ebazpenaren bidez 2019rako onetsi zen deialdian ezarritako arauei jarraikiz (uztailaren 1eko 395/2019 Ebazpenaren bidez aldatu zen deialdia eta abuztuaren 5eko 474/2019 Ebazpenaren bidez ebatzi).

2. Ebazpen hau eta eranskina Nafarroako Aldizkari Ofizialean argitara daitezela agintzea.

3. Ebazpen hau eta eranskina igortzea Ekonomia eta Ogasun Departamentuak Hezkuntzakoan duen kontu-hartzaile delegatuari, Hezkuntzako Ikuskapen Zerbitzuari, Azterlan Ekonomikoen eta Nominen Zerbitzuari, Eleaniztasunaren eta Arte Ikasketen Zerbitzuari, Ikastetxeen, Finantzaketaren eta Ikasketetarako Laguntzen Atalari, Arte Ikasketen Atalari, Kudeaketa Ekonomikoaren Bulegoari eta interesdunei, behar diren ondorioak izan ditzaten.

4. Administrazio ebazpen honen kontra administrazio publiko interesdunek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, galarazi gabe Nafarroako Gobernuan aurretiazko errekerimendua egiteko aukera, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.

Iruñean, 2019ko abenduaren 10ean.–Hezkuntzako zuzendari nagusia, Gil Sevillano González.

ERANSKINA

Udal musika eskolentzako dirulaguntzak 2019. urterako

181/2019 Ebazpena, apirilaren 8koa, Hezkuntzako zuzendari nagusiak emana.

395/2019 Ebazpena, uztailaren 1ekoa, Hezkuntzako zuzendari nagusiak emana.

474/2019 Ebazpena, abuztuaren 5ekoa, Hezkuntzako zuzendari nagusiak emana.

Iragarkiaren kodea: F2002123