Iragarkia

118. ALDIZKARIA - 2020ko ekainaren 2a

1. NAFARROAKO FORU KOMUNITATEA

1.7. BESTELAKOAK

44/2020 EBAZPENA, maiatzaren 7koa, Lanbide Heziketaren zuzendari nagusiak emana, aldatzen duena otsailaren 25eko 26/2020 Ebazpena, zeinaren bidez deialdia egin baitzen Lanbide Heziketako heziketa zikloetan, Arte Plastikoetako eta Diseinuko heziketa zikloetan eta Kirol Irakaskuntzetako zikloetan sartzeko probak egiteko, 2020. urtean.

Lanbide Heziketaren zuzendari nagusiak emandako otsailaren 25eko 26/2020 Ebazpenaren bidez, deialdia egin zen 2020. urtean Lanbide Heziketako eta Arte Plastikoetako eta Diseinuko prestakuntza zikloetan eta Kirol Irakaskuntzetako zikloetan sartzeko probetarako.

Ebazpen horrek inskribatzeko eskaerak aurkezteko epea (2020ko martxoaren 23tik 27ra) eta probak egiteko egunak (maiatzaren 20a, erdi mailako zikloetan sartzeko probarako, eta maiatzaren 21a, goi mailako zikloetan sartzeko probarako) finkatu zituen.

Osasun Ministerioak, 2020ko martxoaren 12an, autonomia erkidego guztiei gomendatu zien euste neurri indartuak hartzeko. Hezkuntzaren esparruari dagokionez, horrek esan nahi zuen irakaskuntzako jarduera presentziala eta hezkuntza arloko jarduera osagarriak bertan behera uztea hezkuntza maila guztietan.

Horregatik, eta Nafarroako Gobernuko Osasuneko kontseilariak emandako foru aginduen ondorioz, Hezkuntzako kontseilariaren martxoaren 13ko 26/2020 Foru Agindua aldatu da, Hezkuntzako kontseilariaren martxoaren 15eko 27/2020 Foru Aginduaren bidez. 26/2020 Foru Aginduaren bidez, hezkuntzaren esparruan neurriak hartu ziren koronabirusaren (COVID-19) egoeraren eta bilakaeraren ondorioz. Aldaketa horrek honako hau xedatzen du: “COVID-19ak eragindako osasun krisia kudeatzeko alarma egoera deklaratzen duen martxoaren 14ko 463/2020 Errege Dekretuaren hirugarren xedapen gehigarrian ezarritakoaren arabera, bertan behera gelditzen eta eten egiten dira Nafarroako Foru Komunitateko ikastetxe, ziklo, gradu, ikasturte eta irakaskuntza maila guztietako ikasleen aurreinskripzio- eta matrikulazio-epe guztiak”.

Lehen aipatu den bezala, COVID-19ak eragin duen osasun publikoko larrialdi egoeraren ondorioz, martxoaren 14ko 463/2020 Errege Dekretua eman zen, alarma egoera deklaratzen duena. Aipatu errege dekretuak, hirugarren xedapen gehigarrian, sektore publikoko prozedurak tramitatzeko epeak etetea eta mugaegunak bertan behera uztea xedatu du.

Aurrekoa gorabehera, hirugarren xedapen gehigarriaren 4. puntuak honako hau xedatzen du: “Deusetan galarazi gabe aurreko ataletan ezarritakoa, errege dekretu honek indarra hartzen duen unetik sektore publikoko entitateek ahalmena izanen dute alarma egoera justifikatzen duten egitateei zuzen-zuzenean lotutako egoerei buruzko prozedura administratiboei jarraipena emateko, behar bezala arrazoituta, baita, interes orokorra babesteko edo zerbitzuen oinarrizko funtzionamenduari begira, ezinbestekoak diren prozedurei ere”.

Zikloetan sartzeko proben deialdia arautzeak ahalbidetzen du araudian ezarritako baldintzak betetzen ez dituzten herritarrek erdi mailako eta goi mailako zikloetan sartzeko aukera izatea, baldin eta hezkuntzako administrazioek egindako sarrera proba bat gainditzen badute; horregatik, funtsezkotzat jotzen da interes orokorra babesteko, eta oinarrizkoa da hezkuntzako zerbitzu publikoaren funtzionamenduari begira.

Lanbide Heziketaren Plangintza eta Berrikuntzarako Zerbitzuko zuzendariak aldeko txostena aurkeztu du, otsailaren 25eko 26/2020 Ebazpena aldatzeko ebazpena eman dadin. Ebazpen berriak eraginen die hezkuntza sistemako Lanbide Heziketako irakaskuntzetan, Arte Plastikoetako eta Diseinuko lanbide irakaskuntzetan eta araubide bereziko Kirol Irakaskuntzetan sartzeko proben 2020ko deialdiaren egutegiari eta haren garapenari eta kudeaketari buruzko alderdi batzuei.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,

EBAZTEN DUT:

1. Aldatzea, ebazpen honen eranskinean xedatutakoaren arabera, Lanbide Heziketaren zuzendari nagusiaren otsailaren 25eko 26/2020 Ebazpena, zeinaren bidez deialdia egiten baita 2020. urtean Lanbide Heziketako heziketa zikloetan, Arte Plastikoetako eta Diseinuko heziketa zikloetan eta Kirol Irakaskuntzetako zikloetan sartzeko probetarako.

2. Ebazpen honen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

3. Ebazpen hau eta eranskina Nafarroako Aldizkari Ofizialean argitara daitezela agintzea.

4. Ebazpen hau eta eranskina igortzea Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Lanbide Kualifikazio, Enpresa eta Enplegurako Zerbitzura eta Lanbide Heziketaren Plangintza eta Berrikuntzarako Zerbitzura; era berean, Nafar Lansare-Nafarroako Enplegu Zerbitzuko Enplegua Sustatzeko eta Enpresentzako Zerbitzuetarako Zerbitzura, Lanbide Gaitasunak Garatzeko Zerbitzura eta Lan Aktibaziorako eta Lurralde Koordinaziorako Zerbitzura; Ikasketak Antolatzeko Atalera, Inklusio Atalera, Arte Ikasketen Atalera, Kudeaketa Juridiko-administratiboaren Atalera, Eskolatze Bulegora, Orientazio Bulegora eta Ikastetxeetako Informazioa Kudeatzeko Bulegora, behar diren ondorioak izan ditzaten.

Iruñean, 2020ko maiatzaren 7an.–Lanbide Heziketaren zuzendari nagusia, Tomás Rodríguez Garraza.

ERANSKINA

Hezkuntzako zuzendari nagusiaren otsailaren 25eko 26/2020 Ebazpena aldatzea. Ebazpen horren bidez, deialdia egiten da 2020. urtean Lanbide Heziketako heziketa zikloetan, Arte Plastikoetako
eta Diseinuko heziketa zikloetan eta Kirol Irakaskuntzetako
zikloetan sartzeko probetarako

1. Otsailaren 25eko 26/2020 Ebazpenaren 1. eranskineko 16. oinarriaren testua aldatzea. Oinarri horrek data zehatz bati aipamena egiten dio. Data zehatzari edo zehatzei buruzko aipamena honela idatzita geldituko da:

“Ebazpen honen 7. eranskinean zehaztutako eguna(k)”.

2. Otsailaren 25eko 26/2020 Ebazpenaren 1. eranskineko 17. oinarria aldatzea. Honela idatzita agertuko da:

“17. Honako hau da probak egiteko egokitzapenen bat eskatzen duten pertsonek aurkeztu behar duten dokumentazioa:

a) Proba egiteko egokitzapenak, desgaitasuna izateagatik. Desgaitasuna frogatzeko hurrengo agirietako bat aurkeztu beharko da, sartzeko probetan izena emateko eskabidearekin batera entregatuko dena:

–Adinekoen eta Gizarte Zerbitzuen Institutuak (IMSERSO) edo autonomia erkidegoko organo eskudunak emandako ebazpena edo ziurtagiria.

–Gizarte Segurantzako Institutu Nazionalaren (GSIN) ebazpena; Lanaren, Migrazioen eta Gizarte Segurantzaren Ministerioarena; edo Defentsa Ministerioarena.

–Nafarroako Gobernuko Eskubide Sozialetako Departamentuko Pertsonen Autonomiarako eta Garapenerako Nafarroako Agentziak emandako txartela, desgaitasun maila aitortzen duena, identifikatzeko baliozko dokumentu batekin batera.

b) Proba egiteko egokitzapenak, ikasteko zailtasun berariazkoak, arreta-defizitaren eta hiperaktibitatearen nahasmendua edo hezkuntza premia bereziak izateagatik hezkuntza laguntzako berariazko premiak dituztenentzat. Hezkuntza laguntzako berariazko premiak dituzten ikasleen egoera egiaztatuko da hezkuntza laguntzako berariazko premiak dituzten ikasleen ziurtagiriaren bidez, derrigorrezko edo derrigorrezkoaren ondoko ikasketak zein ikastetxetan egin dituen, hango orientatzaileak sinatua, ebazpen honen 8. eranskineko ereduari jarraikiz. Ziurtagiria aurkeztu beharko da sartzeko probetan izena emateko eskabidearekin batera. Agiri horretan zehaztuko da zer egokitzapen mota egin behar den”.

4. Otsailaren 25eko 26/2020 Ebazpenaren 2. eranskineko oinarri hauetako atalak aldatzea: 4. oinarria, 10. oinarria, 11. oinarria, 12. oinarria, 30. oinarria eta 39. oinarria. Atal horiek data zehatz bati aipamena egiten diote. Horietan guztietan, data zehatzari edo zehatzei buruzko aipamena honela idatzita geldituko da:

“Ebazpen honen 7. eranskinean zehaztutako eguna(k)”.

4. Otsailaren 25eko 26/2020 Ebazpenaren 2. eranskineko 5. eta 6. oinarriak aldatzea. Honela idatzita agertuko dira:

“5. Sartzeko probetarako inskripzioa bidali beharko da Lanbide Heziketako eta Arte Plastikoetako eta Diseinuko erdi mailako eta goi mailako zikloak ematen dituzten Nafarroako edozein ikastetxe publiko edo itundutara, edo bertan entregatu beharko da. Ikastetxe horiek zehazten dira Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan, helbide honetan:

http://www.navarra.es/home_es/Servicios/ficha/3104/Pruebas-de-acceso-a-ciclos-de-FP-de-Artes-Plasticas-y-Diseno-y-de-Ensenanzas-Deportivas

6. Sartzeko probetarako inskripzioa honela egiten ahalko da:

a) Internet bidezko inskripzioa, lehen aipatutako tramiteen fitxaren estekatik.

b) Bertaratuta.

Bi kasuetan, inskripzioa bideratuko da lehen aipatutako ikastetxeetako edozeinetara.

Ikastetxeak laguntza eta sostengua emanen die 2019-2020 ikasturtean bertan matrikulaturik egon diren ikasleei Internet bidezko inskripzioa egin dezaten.

2020ko deialdian, salbuespenez, sartzeko probetan inskribatzeko eskabideak jasotzen dituzten ikastetxeetako zuzendariek irakasle batzuei eskatzen ahalko diete egin ditzatela antolaketa eta kudeaketa lan batzuk 2020ko deialdiko sartzeko probetarako inskripziorako”.

5. Otsailaren 25eko 26/2020 Ebazpenaren 2. eranskineko 9.b) oinarria aldatzea, atal horretan bigarren marra bat gehituta. Marra hori honela idatzita agertuko da:

“–Hezkuntza laguntzako berariazko premiak dituen ikaslea dela egiaztatzen duen agiria, zer egokitzapen mota behar duen adierazita, ebazpen honen 8. eranskineko ereduari jarraikiz”.

6. Otsailaren 25eko 26/2020 Ebazpenaren 2. eranskineko 11. oinarriko hirugarren paragrafoaren ondorengo bi marrak aldatzea eta hirugarren marra gehitzea. Honela idatzita agertuko dira:

“–Inskripzioa egin den ikastetxean, baldin eta, eranskin honen 15. oinarriaren arabera, onarpenak eta salbuespenak egitea ikastetxeko idazkaritzaren eskumena bada. Erreklamazioa egiteko, Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan dagoen ereduari jarraituko zaio.

–Hezkuntza Departamentuan, sarrera probak koordinatzeko epaimahaiko buruari zuzenduak, egokitzapen eskaeretarako eta salbuespenetarako eta aurreko deialdietan gainditutako arloen araberako esparruen kalifikazioetarako. Erreklamazioa egiteko, Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan dagoen ereduari jarraituko zaio.

–Inskripzioa egin den ikastetxean, ikasteko zailtasun berariazkoak, arreta-defizitaren eta hiperaktibitatearen nahasmendua edo hezkuntza premia bereziak izateagatik hezkuntza laguntzako berariazko premiak dituzten ikasleen egokitzapen eskaeren kasuan”.

8. Otsailaren 25eko 26/2020 Ebazpenaren 2. eranskineko 16. oinarria aldatzea. Honela idatzita agertuko da:

“16. Honako honi dagokio sartzeko probaren egokitzapen eskaeren gaineko ebazpena ematea:

Onartuen behin-behineko eta behin betiko zerrendetan, EDUCA aplikazioan, sartzeko probaren egokitzapen eskaeraren gaineko ebazpena adieraziko da, eta ukoaren arrazoia emanen da”.

9. Otsailaren 25eko 26/2020 Ebazpenaren 2. eranskineko 18. oinarria aldatzea. Honela idatzita agertuko da:

“18. 2019-2020 ikasturtean lanbide lantegi bat egiten ari diren ikasleek proban inskribatu beharko dute eta eskatu beharko dute probaren hiru esparruak egitetik salbuesteko. Erdi mailako zikloetan sartzeko probaren ariketak egiten direnez lanbide lantegia bukatu ondoren, lantegia gainditzen duten ikasleak ez dira probaren ariketak egitera aurkeztu behar, eta, aldiz, lanbide lantegia gainditzen ez duten ikasleek probaren ariketak egin beharko dituzte”.

10. Otsailaren 25eko 26/2020 Ebazpenaren 2. eranskineko 21. oinarria aldatzea. Honela idatzita agertuko da:

“21. 2019-2020 ikasturtean Oinarrizko Lanbide Heziketako ziklo bateko bigarren maila egiten ari diren ikasleek nahi badute inskribatu Arte Plastikoetako eta Diseinuko eta Kirol Irakaskuntzetako erdi mailako ziklo batean, proban inskribatzen ahalko dira.

Erdi mailako zikloetan sartzeko probaren ariketak egiten direnez Oinarrizko Lanbide Heziketako zikloa bukatu ondoren, Oinarrizko Lanbide Heziketako zikloa DBHko graduatu titulua lortu gabe gainditzen duten ikasleak ez dira probaren ariketak egitera aurkeztu behar, eta, aldiz, Oinarrizko Lanbide Heziketako zikloa gainditzen ez duten ikasleek probaren ariketak egin beharko dituzte”.

11. Otsailaren 25eko 26/2020 Ebazpenaren 2. eranskineko 29. oinarria aldatzea. Honela idatzita agertuko da:

“29. Erdi mailako zikloetan sartzeko proba ebazpen honen 7. eranskinean adierazitako egunean edo egunetan eginen da. Proba egiteko ikastetxeak 7. eranskin horretan aipatutakoen artean zehaztuko dira.

12. Otsailaren 25eko 26/2020 Ebazpenaren 2. eranskineko 30. oinarriko lehenbiziko paragrafoa aldatzea, azken esaldi bat gehituta. Honela idatzita geldituko da:

“30. Proba egiteko, aldean izan behar da nortasun agiri nazionala, pasaportea, nortasuna egiaztatzen duen bidaia agiri bat, bisa edo atzerritarren identifikazio txartela, eta, horretaz gain, ariketak egiteko behar den materiala. Nortasuna egiaztatzeko behar den agiriren bat ekartzen ez bada, ezin izanen da proba egin. Halaber, probara joan beharko da osasun agintaritzak egun horretan ezarritako neurriak hartuta”.

13. Otsailaren 25eko 26/2020 Ebazpenaren 2. eranskineko 31. oinarria aldatzea. Honela idatzita agertuko da:

“31. Izangaiak egin beharreko esparruetako ariketetara soilik joanen dira, jarraian zehazten denaren arabera:

a) Komunikazioaren esparrua (Hizkuntzako ariketa) eta gizarte esparrua (Gizarte Zientzietako, Geografiako eta Historiako ariketa). Ebazpen honen 7. eranskinean zehaztutako egun eta orduan: deia, eta dokumentazioa egiaztatzea. Iraupena: 2 ordu (ordu bat esparru bakoitzeko ariketarako).

b) Esparru zientifiko-teknologikoa (Matematikako ariketa eta Natur Zientzietako eta Teknologiako ariketa). Ebazpen honen 7. eranskinean zehaztutako egun eta orduan: deia, eta dokumentazioa egiaztatzea. Iraupena: 2 ordu”.

14. Otsailaren 25eko 26/2020 Ebazpeneko 2. eranskinaren 33. oinarriko taula aldatzea. Honela idatzita agertuko da:

15. Otsailaren 25eko 26/2020 Ebazpenaren 2. eranskineko 34. oinarriaren lehenbiziko paragrafoa aldatzea. Honela idatzita agertuko da:

“34. Koordinazio epaimahaiko buruari igorritako idazkiaren bidez aurkeztuko dira erreklamazioak. Erreklamazioa egiteko, Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan dagoen ereduari jarraituko zaio.

16. Otsailaren 25eko 26/2020 Ebazpenaren 2. eranskineko 37. oinarria aldatzea. Honela idatzita agertuko da:

“37. Interesdunek probarako inskripzioa egin zuten ikastetxean eskuratzen ahalko dituzte erdi mailako zikloetan sartzeko proba gainditu izanaren ziurtagiriak. Ziurtagiriak eskuragarri egonen dira ebazpen honen 7. eranskinean zehaztutako egunetik aurrera”.

17. Otsailaren 25eko 26/2020 Ebazpenaren 3. eranskineko oinarri hauetako atalak aldatzea: 6. oinarria, 14. oinarria, 15. oinarria, 16. oinarria, 57. oinarria eta 67. oinarria. Atal horiek data zehatz bati aipamena egiten diote. Horietan guztietan, data zehatzari edo zehatzei buruzko aipamena honela idatzita geldituko da:

“Ebazpen honen 7. eranskinean zehaztutako eguna(k)”.

18. Otsailaren 25eko 26/2020 Ebazpenaren 3. eranskineko 7. eta 8. oinarriak aldatzea. Honela idatzita agertuko dira:

“7. Sartzeko probetarako inskripzioa bidali beharko da Lanbide Heziketako eta Arte Plastikoetako eta Diseinuko erdi mailako eta goi mailako zikloak ematen dituzten Nafarroako edozein ikastetxe publiko edo itundutara, edo bertan entregatu beharko da. Ikastetxe horiek zehazten dira Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan, helbide honetan:

http://www.navarra.es/home_es/Servicios/ficha/3104/Pruebas-de-acceso-a-ciclos-de-FP-de-Artes-Plasticas-y-Diseno-y-de-Ensenanzas-Deportivas

8. Sartzeko probetarako inskripzioa honela egiten ahalko da:

a) Internet bidezko inskripzioa, lehen aipatutako tramiteen fitxaren estekatik.

b) Bertaratuta.

Bi kasuetan, inskripzioa bideratuko da lehen aipatutako ikastetxeetako edozeinetara.

Ikastetxeak laguntza eta sostengua emanen die 2019-2020 ikasturtean bertan matrikulaturik egon diren ikasleei Internet bidezko inskripzioa egin dezaten.

2020ko deialdian, salbuespenez, sartzeko probetan inskribatzeko eskabideak jasotzen dituzten ikastetxeetako zuzendariek irakasle batzuei eskatzen ahalko diete egin ditzatela antolaketa eta kudeaketa lan batzuk 2020ko deialdiko sartzeko probetarako inskripziorako”.

19. Otsailaren 25eko 26/2020 Ebazpenaren 3. eranskineko 11.b) oinarria aldatzea, atal horretan bigarren marra bat gehituta. Marra hori honela idatzita agertuko da:

“–Hezkuntza laguntzako berariazko premiak dituen ikaslea dela egiaztatzen duen agiria, zer egokitzapen mota behar duen adierazita, ebazpen honen 8. eranskineko ereduari jarraikiz”.

20. Otsailaren 25eko 26/2020 Ebazpenaren 3. eranskineko 12.b) oinarria aldatzea, atal horretan bigarren marra bat gehituta. Marra hori honela idatzita agertuko da:

“–Hezkuntza laguntzako berariazko premiak dituen ikaslea dela egiaztatzen duen agiria, zer egokitzapen mota behar duen adierazita, ebazpen honen 8. eranskineko ereduari jarraikiz”.

21. Otsailaren 25eko 26/2020 Ebazpenaren 3. eranskinaren 15. oinarriko lehenbiziko marraren testua aldatzea. Honela idatzita agertuko da:

“–Sartzeko proben koordinazio epaimahaiko buruari aurkeztuko edo zuzenduko zaizkio probaren zati batzuen salbuespen hauekin lotuta dauden erreklamazioak: Nafarroan sarrera proben aurreko deialdietan (2008tik aurrera) zati horiek gaindituta izateagatiko salbuespena; lan esperientziaren salbuespena; 2019-2020 ikasturtean erdi mailako ziklo bateko bigarren maila egitearen salbuespena; eta probaren egokitzapenen salbuespena, desgaitasuna izateagatik. Erreklamazioak eginen dira Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan dagoen ereduari jarraituz.

24. Otsailaren 25eko 26/2020 Ebazpenaren 3. eranskineko 25. oinarria aldatzea. Honela idatzita agertuko da:

“25. Aurreko oinarrietan jasotzen ez diren salbuespenak sarrera probak koordinatzen dituen epaimahaiak ebatziko ditu.

Honako honi dagokio sartzeko probaren egokitzapen eskaeren gaineko ebazpena ematea:

Onartuen behin-behineko eta behin betiko zerrendetan, EDUCA aplikazioan, salbuespenaren ebazpena eta sartzeko probaren egokitzapen eskaeraren gaineko ebazpena adieraziko dira, eta ukoaren arrazoia emanen da”.

25. Otsailaren 25eko 26/2020 Ebazpenaren 3. eranskineko 56. oinarria aldatzea. Honela idatzita agertuko da:

“56. Goi mailako zikloetarako sarrera proba eta kirol irakaskuntzen goi mailako zikloetarako sarrera proba ebazpen honen 7. eranskinean adierazitako egunean edo egunetan eginen dira. Proba egiteko ikastetxeak 7. eranskin horretan aipatutakoen artean zehaztuko dira”.

26. Otsailaren 25eko 26/2020 Ebazpenaren 3. eranskineko 57. oinarriko lehenbiziko paragrafoa aldatzea, azken esaldi bat gehituta. Honela idatzita geldituko da:

“57. Proba egiteko, aldean izan behar da nortasun agiri nazionala, pasaportea, nortasuna egiaztatzen duen bidaia agiri bat, bisa edo atzerritarren identifikazio txartela, eta, horretaz gain, ariketak egiteko behar den materiala. Nortasuna egiaztatzeko behar den agiriren bat ekartzen ez bada, ezin izanen da proba egin. Halaber, probara joan beharko da osasun agintaritzak egun horretan ezarritako neurriak hartuta”.

27. Otsailaren 25eko 26/2020 Ebazpenaren 3. eranskineko 58. oinarria aldatzea. Honela idatzita agertuko da:

“58. Izangaiak egin beharreko zatiko edo zatietako ariketetara baizik ez dira joanen, jarraian zehazten den moduan:

a) Probaren zati komuna proba modalitate guztietan eta kirol irakaskuntzen goi mailako zikloetan sartzeko proba. Ebazpen honen 7. eranskinean zehaztutako egun eta orduan: deia, eta dokumentazioa egiaztatzea. Iraupena: 2 ordu eta 30 minutu.

b) Probaren berariazko zatia modalitate hauetan: ‘Zientziak eta Ingeniaritza’, ‘Gizarte Zientziak’, ‘Giza Zientziak’ eta ‘Osasun Zientziak’. Ebazpen honen 7. eranskinean zehaztutako egun eta orduan: deia, eta dokumentazioa egiaztatzea. Iraupena: 2 ordu.

c) Probaren berariazko zatia ‘Arteak’ modalitatean. Ebazpen honen 7. eranskinean zehaztutako egun eta orduan: deia, eta dokumentazioa egiaztatzea. Iraupena: 2 ordu eta 30 minutu”.

28. Otsailaren 25eko 26/2020 Ebazpenaren 3. eranskineko 60. oinarriko taula aldatzea. Honela idatzita agertuko da:

29. Otsailaren 25eko 26/2020 Ebazpenaren 3. eranskineko 61. oinarriaren lehenbiziko paragrafoa aldatzea. Honela idatzita agertuko da:

“61. Koordinazio epaimahaiko buruari igorritako idazkiaren bidez aurkeztuko dira erreklamazioak. Erreklamazioa egiteko, Nafarroako Gobernuaren tramiteen katalogoan dagoen “Lanbide Heziketako, Arte Plastikoetako eta Diseinuko eta Kirol Irakaskuntzetako zikloetan sartzeko probak” fitxan dagoen ereduari jarraituko zaio.

30. Otsailaren 25eko 26/2020 Ebazpenaren 3. eranskineko 64. oinarria aldatzea. Honela idatzita agertuko da:

“64. Interesdunek probarako inskripzioa egin zuten ikastetxean eskuratzen ahalko dituzte goi mailako zikloetan sartzeko proba gainditu izanaren ziurtagiriak. Ziurtagiriak eskuragarri egonen dira ebazpen honen 7. eranskinean zehaztutako egunetik aurrera”.

31. Otsailaren 25eko 26/2020 Ebazpenaren 3. eranskineko 65. oinarria aldatzea. Honela idatzita agertuko da:

“65. Interesdunek Hezkuntza Departamentuko Lanbide Heziketaren Plangintza eta Berrikuntzarako Zerbitzuan eskuratzen ahalko dituzte Kirol irakaskuntzetako goi mailako zikloetan sartzeko proba gainditu izanaren ziurtagiriak. Ziurtagiriak eskuragarri egonen dira ebazpen honen 7. eranskinean zehaztutako egunetik aurrera”.

32. Otsailaren 25eko 26/2020 Ebazpenaren 4. eranskineko 2. oinarriaren h) atala aldatzea. Honela idatzita agertuko da:

“h) Probaren egokitzapenak zehaztea desgaitasunen bat dutenentzat”.

PROBAK EGITEKO GAITUTAKO IKASTETXEAK

(Ekainaren 19an argitaratuko da zein diren probak egiteko ikastetxeak; horretarako, aintzat hartuko dira osasun agintariek emandako gomendioak, batez ere mugikortasunari buruzkoak)

Ikastetxeak honako hauek izanen dira, ahal dela:

–Virgen del Camino IBP, Iruña.

–María Ana Sanz IB, Iruña.

–Iruñeko Arte eta Goi Mailako Diseinu Eskola.

–Burlata LH IB, Burlata.

–Zehazten ahal diren beste ikastetxe batzuk, betiere osasun agintariek emandako gomendioak eta Nafarroako eskualdeen arteko mugikortasuneko parametroak betetze aldera.

34. Otsailaren 25eko 26/2020 Ebazpenaren 8. eranskina aldatzea. Honela idatzita agertuko da:

“8. ERANSKINA

Hezkuntza laguntzako berariazko premiak dituen ikaslearen ziurtagiria” (PDFa).

Iragarkiaren kodea: F2004820