2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AÑORBE
2019ko zerga-tasak, tasak eta prezio publikoak
Añorbeko Udalak, 2018ko abenduaren 20an egin osoko bilkuran, honako erabaki hau hartu zuen:
Kontuan hartuz Nafarroako Toki Ogasunei buruzko martxoaren 10eko 2/1995 Foru Legearen 16., 64. eta 132. artikuluetan xedatutakoa, udalek horien arabera erabaki behar baitituzte nahitaez ordainarazi beharreko zergei aplikatzekoak diren karga-tasen zenbatekoak, foru lege horretan finkaturiko mugen barrenean, salbu eta trakzio mekanikoko ibilgailuen gaineko zerga, hala xedatzen baitu foru lege beraren 162. artikuluak. Orobat, beharrezkoa da finkatzea 2019ko ekitaldian aplikatzekoak diren tasak eta prezio publikoak Udalaren eskumeneko jarduerak egin eta zerbitzuak emateagatik, zeinak 2019ko aurrekontu-ekitaldiari dagozkion.
Aurrekoa ikusita, eta kontuan hartuta nahitaez ordainarazi beharreko zerga bakoitzari ezarritako mugak Nafarroako Toki Ogasunei buruzko martxoaren 10eko 2/1995 Foru Legearen 139.2, 154, 170.2 eta 175.2 artikuluetan, Añorbeko Udalak, osoko bilkuran,
ERABAKI DU:
Lehena.–Jarraian adierazten diren zerga-tasak finkatzea, nahitaez ordainarazi beharreko udal zergei baitagozkie, 2019ko ekitaldian aplikatzeko:
1. Hiri-lurreko ondasunen gaineko kontribuzioa ordainarazteko karga-tasa % 0,30 izanen da.
2. Landa-lurreko ondasunen gaineko kontribuzioa ordainarazteko karga-tasa %0,80 izanen da.
3. Jarduera ekonomikoen gaineko zergaren tarifei 1,2 indizea aplikatuko zaie.
4. Eraikuntza, obra eta instalazioen gaineko zerga ordainarazteko karga-tasa %4 izanen da.
5. Lurren balio-gehikuntzaren gaineko zerga.
5.1. Onestea lurraren balioaren gainean sortzapena egiteko unean aplikatu beharreko koefizienteak, zerga-oinarria zehazten duen balio-gehikuntzaren sortzealdiaren arabera. Hona hemen koefizienteak:
Sortzealdia:
0,63 20 urtekoa edo hortik gorakoa.
0,58 19 urtekoa.
0,51 18 urtekoa.
0,36 17 urtekoa.
0,21 16 urtekoa.
0,06 4-15 urtekoa.
0,11 3 urtekoa.
0,13 2 urtekoa.
0,13 urtebetekoa.
0,06 urtebetetik behera.
5.2. Kuota finkatzeko karga-tasa finkatzea; hala, %20 izanen da tasa bakarra.
Bigarrena.–Kalez kaleko salmentarako honako tasa hauek onestea, 2019. urteko aurrekontu ekitaldirako:
1. Eguneko tarifa: 10 euro.
2. Hiruhilekoko tarifa: 50 euro.
Hirugarrena.–Obretarako eta hirigintzako tramitazioetarako lizentziak emateko tasak, 2019ko aurrekontu ekitaldiari dagozkionak, Udaleko teknikari aholkulariek emandako hirigintzako txostenen kostuaren parekoak izanen dira.
Laugarrena.–Hilobien kontzesiorako eta udal hilerrian ehorzketa zerbitzuak emateko honako tasa hauek onestea, 2019ko aurrekontu ekitaldiari baitagozkio:
1. Ehorzteko tasa: 50 euro.
2. Hilobien kontzesioak:
–Hilobiak (20 urte): 500 euro.
–Horma-hilobiak (20 urte): 400 euro.
–Errauts-kutxategiak (20 urte): 200 euro.
–Kontzesioaren luzapena, 10 urterako 100 euro.
Borzgarrena.–Denboraldiko abonamenduen eta sarreren prezioak honako hauek izanen dira igerilekuan eta gimnasioan, 2019. urterako:
Igerilekua.
ABONAMENDUAK | DENBORALDIA | HILABETEA | HILABETE ERDIA |
Haurrak 0-3 urte | 0 euro | 0 euro | 0 euro |
Haurrak, 4tik 12 urtera bitartekoak | 30 euro | 20 euro | 10 euro |
Gazteak, 13tik 18 urtera bitartekoak | 40 euro | 30 euro | 20 euro |
Helduak (19-64 urte) | 60 euro | 40 euro | 30 euro |
65 urte edo gehiagokoak | 40 euro | 30 euro | 20 euro |
SARRERAK | EGUN ARRUNTA | JAIEGUNA |
Haurrak 0-3 urte | 0 euro | 0 euro |
Haurrak, 4tik 12 urtera bitartekoak | 2 euro | 3 euro |
Gazteak, 13tik 18 urtera bitartekoak | 3 euro | 4 euro |
Helduak (19-64 urte) | 4 euro | 5 euro |
65 urte edo gehiagokoak | 3 euro | 4 euro |
Gimnasioa.
ABONAMENDUAK | URTEA | HILABETEA |
18 urtetik beherakoak | 40 euro | 10 euro |
18 urtetik gorakoak | 60 euro | 20 euro |
Eguneko sarrera: 3 euro |
Beherapenak abonamenduetan:
Arestian aipatutako abonamenduetan %25eko beherapena izanen dute ondoko taldeetako batean dauden herritarrek:
–Langabeak.
–%25etik gorako minusbaliotasun aitortua dutenak.
–Familia ugarietako kideak.
Seigarrena.–Udal pilotalekua erabiltzeko prezioak hauek izanen dira 2019an:
–1. pilotalekua: 3 euro/ordua.
–2. pilotalekua: 3 euro/ordua.
–Pista: 3 euro/ordua.
–Txartelak lortzeko prezioa: 3 euro.
Zazpigarrena.–Aurreko zerga-tasek, tasek eta prezio publikoek 2019ko urtarrilaren 1ean hartuko dute indarra.
Zortzigarrena.–Erabaki hau Nafarroako Aldizkari Ofizialean eta Añorbeko Udalaren iragarki-taulan argitaratzea.
Añorben, 2018ko abenduaren 21ean.–Alkatea, Joaquín Sanz Goñi.
Iragarkiaren kodea: L1815885
