I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
251/2005 FORU AGINDUA, abenduaren 30ekoa, Nekazaritza, Abeltzaintza eta Elikadura kontseilariak emana, 2006ko zenbait nekazaritza asegururen kontratazio kosturako dirulaguntzak ematen dituena, Nekazaritzako Aseguru Konbinatuen 2006. urteko Planaren barnean.
Nekazaritzako Finantzaketari buruzko lege mailako xedapenen Testu Bateginak, otsailaren 16ko 54/1998 Legegintzako Foru Dekretuak onetsiak, 1. eta 2. artikuluetan xedatzen du Nafarroako Gobernuak asegurupean sar daitezkeen nekazaritzako ekoizpen eta arriskuen asegurua egitea bultzatuko duela laguntza bitartez, eta, horretarako, nekazaritzako ondasunen gaineko aseguruak kontratatzeko kostuan esku hartuko duela. VI. titulua nekazaritza eta abeltzaintzako aseguru-sarietarako laguntzak arautzeari buruzkoa da, eta ezartzen du Nekazaritza, Abeltzaintza eta Elikadura kontseilariak urtero onetsi eta argitaratuko dituela laguntzak jasoko dituzten aseguru lerroak, Aseguru Konbinatuen Urteko Planean sartutako aseguru bakoitzaren ezaugarrien berri izan eta gero.
Laguntzen kudeaketa Agrupación Española de Entidades Aseguradoras de los Seguros Agrarios Combinados (Agroseguro, S.A.) sozietatearekin batera eginen da. Harekin 1991eko azaroaren 4an sinatutako hitzarmenaren arabera, Nafarroako Gobernuaren dirulaguntza aseguratuak poliza izenpetzeko unean ordaindu behar duen zenbatekotik kenduko da.
Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. artikulua. Laguntzetan sartutako aseguru lerroak.
Nekazaritzako Finantzaketari buruzko lege mailako xedapenen Testu Bategina onetsi zuen otsailaren 16ko 54/1998 Legegintzako Foru Dekretuak ezartzen dituen baldintzetan eta betebehar orokorren arabera, honakoak kontratatzeko kosturako dirulaguntzak emanen dira:
a) Nekazaritzako Aseguru Konbinatuen 2006ko Planaren bidez hitzartutako nekazaritzako aseguruak, laboreen aseguru lerro hauetan: arbeletxekoa, gerezia, arana, sagarra, mertxika, udarea, kiwia, ardotarako mahatsa eta ardo kooperatiben kostu finkoak estaltzeko berme gehigarria, arroza, udaberriko zerealak, zerba, baratxuria, orburua, brokolia, tipula, azalorea, ziazerba, ilar berdea, baba berdea, leka, letxuga, patata, piperra, tomatea eta azenarioa, almendrondoaren, olibondoaren, basaranaren eta belarkien lehorreko laborantza estentsiboen etekinen aseguruak, neguko lehorreko zerealen aseguru integrala eta fruta ustiapenetako eta ardotarako mahatsaren aseguruak.
Inolako kasutan ez da dirulaguntzarik emanen aipatu laboreen aseguru osagarrietarako.
b) 2006ko Planaren abeltzaintzako aseguruak: haragi eta arrautzatarako hegaztien, zaldi-aziendaren, ardi-aziendaren eta ahuntz-aziendaren ustiapena, ugalketarako eta aurrerakoen hazkuntzarako behi-aziendaren ustiapena, gizentzeko behi-aziendaren ustiapena, zezenketetarako behi-aziendaren ustiapena, balorazio genetiko altuko behi-azienda, lehorteak larreetan eragindako kalteak estaltzeko asegurua, behi-aziendaren entzefalopatia espongiformea eta ustiategian hildako behi-azienda deuseztatzearen ondoriozko gastuak.
2. artikulua. Dirulaguntzaren zenbatekoa.
1. Nafarroako Gobernuko Nekazaritza, Abeltzaintza eta Elikadura Departamentuak aurreko artikuluko aseguruei eman beharreko dirulaguntzetarako hurrengo portzentaje hauek finkatu dira, Estatuak Nekazaritzako Aseguruen Estatuko entitatearen bidez (ENESA) horretarako ematen duen dirulaguntzei dagokienez:
a) % 58 orburuaren, brokoliaren eta azalorearen aseguru konbinatuetan.
b) % 48 arbeletxeko, gerezi, aran, kiwi, sagar, mertxika, udare, arroz, udaberriko zereal, zerba, baratxuri, tipula, ziazerba, ilar berde, baba berde, leka, letxuga, patata, piper, tomate eta azenarioaren aseguru konbinatuetan.
c) % 43 almendrondoaren, olibondoaren, basaranaren eta ardotarako mahatasaren etekinen aseguruetan, fruta ustiategien aseguruetan eta ardotarako mahatsaren aseguruan eta ardo kooperatiben kostu finkoak estaltzeko berme gehigarrian eta ardotarako mahatsa ustiatzeko aseguruan.
d) Belarkien lehorreko laborantza estentsiboen ustialekuen etekinen aseguruetan eta neguko lehorreko zerealen aseguru integralean, ondoko dirulaguntza hauek emanen dira, ENESAk ematen dituenei buruz:
_% 58 Erribera eskualdean, udal mugape guztietan.
_% 58 Erdialdeko eskualdeko ondoko mugape hauetan: Caparroso, Zarrakaztelu, Faltzes, Melida, Murillo el Cuende, Murillo el Fruto, Erriberri, Pitillas, Santakara eta Plano de Bardenas, Estellerriko ondoketan: Allo, Los Arcos, Arellano, Armañantzas, Arroitz, Bargota, Deikaztelu, El Busto, Mues, Santsol, Torres del Río eta Viana.
_% 28 Estellerriko eta Erdialdeko gainerako udal mugapeetan.
_% 10 Kantauriko Eskualdea-Mendialde Beherean eta Pirinioetako eskualdean.
e) % 26 behi-aziendaren ustiapeneko eta ugalketarako eta aurrerakoen hazkuntzarako behi-aziendaren ustiapeneko aseguruetan, eta berdin zezenketetarako behi-aziendaren, gizentzeko behi-aziendaren, ardi eta ahuntz aziendaren, haragitarako eta arrautzatarako hegaztien, zaldi-aziendaren eta balorazio genetiko altuko behi-aziendaren ustiapenekoetan eta lehorteak larreetan eragindako kalteak estaltzeko aseguruetan.
f) % 50 behi-aziendaren entzefalopatia espongiformearen aseguruan.
g) % 62 ustiategian hildako behi-azienda deuseztatzearen ondoriozko gastuen aseguruan.
2. Nolanahi ere, ENESAk eta Nafarroako Gobernuak ematen dituzten dirulaguntzek, guztira, aseguruaren kostu garbiaren % 80 eginen dute gehienez. Portzentaje horretara iristen bada, behar diren puntuak kenduko zaizkio Foru Komunitateko Administrazioak eman beharreko dirulaguntzari.
3. artikulua. Laguntzak aseguru sarien zenbatekotik kentzea.
Nafarroako Gobernuaren eta Agroseguroren artean egindako Hitzarmenari jarraikiz, Nafarroako Foru Komunitateak, foru agindu honetan finkaturikoa aplikatuz, aseguratu bakoitzari ordaindu beharreko dirulaguntza, aseguratuak poliza izenpetzeko momentuan ordaindu behar duen zenbatekotik kenduko da, eta zenbateko hori polizan adierazi beharko da. Murrizketa hori ondoren emanen den dirulaguntzaren baldintzapean egonen da. Era horretan kendutako dirua Nafarroako Foru Komunitateko Administrazioak ordainduko dio Agrosegurori, aipatutako hitzarmenean ezarritako prozedura kontuan harturik.
4. artikulua. Eskabideen aurkezpena.
1. Nekazaritzako Finantzaketari buruzko lege mailako xedapenen Testu Bategina onetsi zuen otsailaren 16ko 54/1998 Legegintzako Foru Dekretuan xedatutakoari jarraikiz, eta foru agindu honen 3. artikuluan ezarritakoa galarazi gabe, aseguru hartzaileek ondokoa aurkeztu beharko dute Nekazaritza, Abeltzaintza eta Elikadura Departamentuan: laguntza eskabidearen inprimaki ofiziala, izenpetutako polizen fotokopiak eta zerrenda moduko laburpena, non adieraziko baitira, aseguratu bakoitzaren kasuan, aseguratutako unitateak, aseguratutako ekoizpenak, aseguratutako ekoizpenaren balioa, aseguruaren kostu osoa, hobariak eta deskontuak, ENESAren dirulaguntza, Nafarroako Gobernuaren dirulaguntza eta nekazariak ordaintzen duen aseguruaren kostua, edo aukeran, izenpetutako polizen zerrenda euskarri magnetikoan, non polizako kontzeptu guztiak adieraziko baitira, aseguratu bakoitzaren kasuan.
2. Aurreko atalean adierazitako eskabidea eta dokumentazioa aurkezteko epea, gehienez, hogeita hamar egunekoa izanen da, asegurua izenpetzeko epea amaitzen den egunetik hasita.
5. artikulua. Nekazaritzako Ustiategien Erregistroko inskripzioa.
Aseguratuak, foru agindu honetan ezartzen diren laguntzak jaso ahal izateko, nekazaritzako ustiategi baten titularra izan beharko du eta ustiategia Nafarroako Nekazaritza Ustiategien Erregistroan inskribatuta eduki (uztailaren 2ko 150/2002 Legegintzako Foru Dekretuak arautzen du erregistroa).
6. artikulua. Behar ez bezala jasotako dirua erreklamatzea.
1. Foru agindu honen 4. eta 5. artikuluetan xedatutakoa betetzen ez bada, behin-behinekoz emandako dirulaguntza deuseztatu egin ahalko da, eta, hala bada, Foru Komunitateko Administrazioak erreklamatu eginen dio interesatuari.
2. Halaber, Nekazaritza, Abeltzaintza eta Elikadura Departamentuak egindako egiaztapenen ondorioz, izenpetutako polizak aztertu eta ikusten bada horietakoren batek ez dituela betetzen legegintzako foru dekretuan edo foru agindu honetan ezarritako betebeharrak, Departamentuak horren zenbatekoa erreklamatuko dio aseguratuari.
3. Interesatuari emandako laguntzen erreklamazioa Dirulaguntzei buruzko azaroaren 9ko 11/2005 Foru Legean xedatutakoari jarraikiz eginen da.
Azken xedapen bakarra. Ondorioak sortzea.
Foru agindu hau Nafarroako ALDIZKARI OFIZIALean argitaratuko da eta 2006ko urtarrilaren 1etik aurrera izanen ditu ondorioak.
Iruñean, 2005ko abenduaren 30ean._Nekazaritza, Abeltzaintza eta Elikadura kontseilaria, José Javier Echarte Echarte.
Iragarkiaren kodea: F0600485
