I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
608/2005 EBAZPENA, apirilaren 13koa, Industria eta Teknologia, Merkataritza, Turismo eta Lan Departamentuko Lan zuzendari nagusiak emana, Hastapenerako Promex dirulaguntza, Nafarroako Enpresa Nazioarteratzeko Planean jasoa, 2005ean emateko deialdia onesten duena.
Industria eta Teknologia, Merkataritza eta Lan Departamentuak bere gain du, besteak beste, Nafarroako produktu eta zerbitzuak kanpoan sustatzeko eginkizuna.
Hori gauzatzeko, enpresei eta enpresa-batasunei laguntza-programak eskaintzen zaizkie, haiek enpresen nazioartekotasuna bultza dezaten fasez fase.
Hastapenerako Promex delakoak, ohiko Promex programa zatitzean sortu baitzen, laguntza ekonomikoa eskaintzen die nazioarteratzeko prozesuari ekin edioten enpresa eta batasunei.
Esportazio bolumena 100eko 30 baino gutxiagokoa duten enpresa edo batasunak kanpoan sustatzea du helburu programa honek, horrela hobetzen baita Nafarroako enpresa txiki eta ertainen egonkortasuna eta lehia-gaitasuna.
Deialdi honetan 2004ko uztailaren 1etik 2005eko ekainaren 30era bitarte eginiko ekintzak sartzen dira; izan ere, horrek espedienteen kudeaketa administratiboa hobeto kudeatzeko aukera ematen du.
Ebazpen honetako laguntzak "de minimis" araubidearen menpe daude; hau da, hiru urteko epean jaso diren dirulaguntza guztien batura ezin izanen da 100.000 eurotik gorakoa izan.
Deialdi honi Nafarroako Foru Komunitateko Administrazioaren eta haren erakunde autonomoen dirulaguntzak eman, kudeatu eta kontrolatzeko araubide orokorra ezartzen duen ekainaren 9ko 8/1997 Foru Legea aplikatuko zaio eta urtean behin egiten den deialdiaren bitartez bideratzen da.
2005eko urtarrrilaren 1az geroztik indarrean da Europar Batzordearen 2003/361/EE Gomendioa, 2003ko maiatzaren 6koa, mikroenpresa, enpresa txiki eta ertainen definizioari buruzkoa, deialdi honetan aplikatzekoa dena.
Horrenbestez,
EBATZI DUT:
1. Hastapeneko Promex dirulaguntza 2005erako emateko deialdia onestea.
2. Deialdiko oinarri arau-emaileak onestea. Oinarri horiek ebazpen honen eranskinean azaltzen dira.
3. Deialdi honen konpromisoei aurre egiteko, 2005eko Gastuen Aurrekontuko ondoko kredituak baimentzen dira, eta, betiere, aldaketak egiten ahal dira, jasotako eskaeren arabera:
_800.000 euro gehienez ere, "Kanpo sustapenerako ekintzak" izeneko 850001/81410/4709/431300 kontu-sailaren kargura.
_50.000 euro gehienez ere, "Kanpo sustapenerako ekintzak" izeneko 850001/81410/4810/431300 kontu-sailaren kargura.
4. Ebazpen hau eta eranskinak Nafarroako ALDIZKARI OFIZIALean argitaratzea.
Ebazpen honen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari zuzendua, argitaratu eta biharamunetik hilabeteko epean.
Iruñean, 2005eko apirilaren 13an._Industria eta Merkataritza zuzendari nagusia, Enrique Díaz Moreno.
1. ERANSKINA, CNO00501O.REC EBAZPENARENA
1. oinarria._Xedea.
Deialdi honen xedea da Hastapeneko Promex Programa osatzen duten oinarri arau-emaileak ezartzea, laguntza ekonomikoa eskaintzen baitie nazioarteratzeko prozesuari ekin dioten enpresei. Horrela erakunde horien lehiagarritasuna eta egonkortasuna hobetu nahi dira.
Dirulaguntza jaso dezaketen jarduerak 2004ko uztailaren 1etik 2005eko ekainaren 30a bitarte gauzatu beharko dira.
2. oinarria._Onuradunak.
Honako hauek eskatzen ahal dituzte deialdian ezarritako laguntzak:
2.1. Enpresak.
_Helbide fiskala Nafarroako Foru Komunitatean izatea.
_Jarduera Ekonomikoen gaineko Zergaren edo Lizentzia Fiskalaren tarifak onesten dituen maiatzaren 28ko 7/1996 Foru Legearen I. eranskineko lehenbiziko atalean ezarritako sailkapenetakoren batean sartua behar du enpresaren jarduerak, honako hauek salbuetsirik:
_63tik 68ra bitartekoak.
_75ekoak, 756a salbu.
_81etik 83ra bitartekoak.
_85etik 86ra bitartekoak.
_97.
Halaber, sartu ahal izanen dira, eranskin bereko bigarren atalean jasotako jarduera korrelatiboak, honako hauek betetzen badituzte:
_Deialdia Nafarroako ALDIZKARI OFIZIALean argitaratzen denean gutxienez urtebete izatea eratuta daudela.
_ETEen beharkizunak betetzea, enpresa txiki eta ertainen definizioari buruz Batzordeak 1996ko apirilaren 3an emandako 2003/361/EE Gomendioan ezarritakoaren arabera.
_2004ko ekitaldian esportazioak salmenten guztizkoaren 100eko 30 edo hortik gora izatea.
_Programan esku hartu nahi duten zerbitzu-enpresek, aurretik aipatutako baldintzez gain, ondoko baldintza berariazko hauek bete beharko dituzte:
_Merkaturatzekoaz bestelako balio erantsi osagarria sortzea.
_Zerbitzua atzerrian ematea.
_Beren produktu edo diseinua edukitzea.
2.2. Enpresa-batasunak.
_Nafarroan kokatuak izatea. Enpresa-batasunean beste erkidego batzuetako enpresek parte hartzen badute, taldean diren Nafarroako enpresen kopuruaren arabera emanen dira laguntzak.
_Nortasun juridikoa izatea:
_Elkarteak.
_ICEX programatik kanpoko partzuergo esportatzaileak.
3. oinarria._Diruz laguntzen ahal diren gastuak.
3.1. Atzerriko hizkuntzan eginiko zabalkunde-materiala.
Katalogoak, liburuxkak, bideoak sartzen dira, baita web orrialdea sortzea ere, eta hura edo haren edukiak atzerriko hizkuntzetan jartzea ere bai. Ez da sartuko kontzeptu horien ondoriozko autofakturazioa.
Atzerriko hizkuntza bat bederen sartu beharko da material gisa.
3.2. Atzerriko hizkuntzan eginiko publizitatea.
Atzerriko hedabideetarako prestatutako iragarkiak bakarrik sartuko dira kontzeptu honen barrenean. Publizitate horretan, enpresa eskatzailearen izena eta marka agertu beharko dira.
3.3. Patente eta markak atzerrian homologatu, ziurtatu, normalizatu eta erregistratzea.
Barne sartzen dira atzerriko merkatu batera produktuak egokitzeko homologazio, ziurtapen eta normalizaziorako gastuak.
Halaber sartzen dira atal honetan kanpoko merkatuetarako patente eta markak erregistratzeko gastuak eta, halaber, beharrezko tramiteak egiteko kudeaketa-gastuak.
Atal honetan dirulaguntza jaso ahal izanen dute lehiaketetan parte hartzeko kostu zuzenekoek:
Era berean, lagungarritzat hartzen dira atzerriko bezeroek eskatzen dituzten ziurtapenak lortzeko auditoretza-gastuak.
3.4. Merkatu-azterketarako bidaiak.
Enpresarentzat interes estrategikoa edo merkatukoa duten herrialdeetara egindako joan-etorriak; betiere, Espainiatik abiatuta.
3.5. Atzerriko azoketan parte hartzea.
Nork bere erakustokia izanik edo beste batzuekin batera parte hartzen duten enpresentzat. Inportatzaileak edo banatzaileak ordezkatuta ere egoten ahal dira.
Kontzeptu hauei ematen ahal zaie dirulaguntza:
_Lekua errentan hartzea.
_Erakustokia dekoratzea.
_Produktuak garraiatzea.
_Erakusle eta interpreteak kontratatzea.
_Joan-etorriak eta ostatua.
_Izena ematea eta nahitaezko asegurua, hala nola azokaren katalogoan sartzea.
3.6. Bezero eta kazetarien bidaiak.
Kontzeptu hau batasunei bakarrik aplikatuko zaie.
Ikuspegi honetatik bezero izan litezkeenen bisitak, baldin eta bidaiatzen duen pertsonak enpresan nolabaiteko ardura baldin badu. Laguntzek modukoak dira halaber kazetarien bidaiak.
3.7. Merkatu-azterlanak.
Kontzeptu hau batasunei bakarrik aplikatuko zaie.
Merkatuei buruzko informazioa jasotzea, kanpo-sustapeneko ekintzak antolatu eta gauzatzeko.
3.8. Egitura-gastuak
Kontzeptu hau jarduera nagustizat esportazioa bultzatzea duten batasunei bakarrik aplikatzen ahal zaie.
Dirulaguntzaren xedeko egitura gastuetan sartzen dira kanpo merkataritzako langileen soldata eta gizarte-segurantza, elektrizitate-hornidura eta komunikazio gastuak (telefonoa, posta eta faxa).
4. oinarria._Laguntzen zenbatekoa.
4.1. Atzerriko hizkuntzan eginiko zabalkunde-materiala.
Dirulaguntza gastuen % 50 arterainokoa izanen da, eta 6.000 euro, gehienez ere.
4.2. Atzerriko hizkuntzan eginiko publizitatea.
Dirulaguntza gastuen % 50 arterainokoa izanen da, eta 6.500 euro, gehienez ere.
4.3. Patente eta markak atzerrian homologatu, ziurtatu, normalizatu eta erregistratzea.
Dirulaguntza gastuen % 50 arterainokoa izanen da, eta 6.500 euro, gehienez ere.
4.4. Merkatu-azterketarako bidaiak.
Gehienez ere bi bidaia enpresa eta urteko. Batasunen kasuan, lau bidaia onartuko dira batasun eta urteko.
Merkatua aztertzeko bidaietarako dirulaguntzetan pertsona batek turista-klasean bidaiatzeko eta ostatatzeko gastuak sartzen ahal dira, eta lurraldeko ezarria den bidaia-poltsaren zenbatekoraino iristen ahal da gehienez ere.
Ondorio horietarako, ez dira bidaia-gastutzat hartuko lekualdaketak.
Bidaiak herrialde bat baino gehiago hartzen baditu, bidaia-poltsa handiena emanen da.
4.5. Atzerriko azoketan parte hartzea.
Laguntza gastuen % 50era iritsiko da, lekualdatze eta ostatatze gastuetan izan ezik.
Atal honetan pertsona batek turista-klasean bidaiatzeko eta ostatatzeko izanen dituen gastuak sartzen ahal dira, eta lurraldeko ezarria den bidaia-poltsaren zenbatekoraino iristen ahal da gehienez ere.
Ondorio horietarako, ez dira bidaia-gastutzat hartuko lekualdaketak.
12.000 euro dira, gehienez ere, azoka bakoitzeko.
Enpresak edo batasunak lortzen badu ICEX delakoaren laguntza azoka baterako, bidaiarako eta ostatatzeko ezarritako dirulaguntza besterik ez du jasoko.
Enpresa edo batasun bakoitzak 4 azokatarako laguntza eskatzen ahal du, gehienez ere.
4.6. Bezero eta kazetarien bidaiak.
Kontzeptu hau batasunei bakarrik aplikatuko zaie.
Laguntzan sartuko dira turista-klasean bidaiatzeko eta ostatu hartzeko gastuak, eta betiere abiapuntuko herrialdean bidaia-poltsarako ezarritako kopururaino gehienez ere.
4.7. Merkatu-azterlanak.
Kontzeptu hau batasunei bakarrik aplikatuko zaie.
Dirulaguntza kostuaren % 50 arterainokoa izan daiteke, honako muga hauekin: 6.000 euro gehienez ere azterlaneko eta bi azterlan gehienez ere batasuneko.
4.8. Egitura-gastuak
Kontzeptu hau jardueratzat esportazioa bultzatzea duten batasunei bakarrik aplikatzen ahal zaie.
Dirulaguntza gastuen % 50 arterainokoa izanen da, eta 24.000 euro, gehienez ere, enpresa-batasun bakoitzeko.
5. oinarria._Gehienezko dirulaguntza.
30.000 euroko muga dago enpresako, programa osorako, eta batasunen kasuan 35.000 eurokoa.
Enpresek Hastapenerako Promex delakoagatik edo hurrengo ekitaldietako haren baliokidekoagatik, hiru deialdi jarraitutan edo lau tartekatutan.
6. oinarria._Dirulaguntza emateko irizpideak:
Dirulaguntzak ondoko irizpide hauei jarraikiz emanen dira:
_4. eta 5. oinarrietan ezarritako gehieneko portzentajeen arabera kalkulatuko da dirulaguntzaren zenbatekoa babestutako ekintzetarako.
_Aurrekontuko diru kopurua aurreko puntuaren ondoriozko dirulaguntzen guztirakoa baino txikiagoa bada, hainbanaketa orokorra eginen da eskatzaile guztien artean.
_2005eko ekitaldirako aurrekontuan eskura izanen den diru kopurua igotzen bada, laguntza osagarri bat emanen da, 4. eta 5. oinarrietan ezarritako portzentaje eta kopurukoa, gehienez ere.
7. oinarria._Bateraezintasunak.
Laguntza hauek bateraezinak dira beste edozein erakunde edo organismok egintza beretarako eman dezakeen beste edozeinekin.
PIPE 2000 Programaren partaide direnek ezin dute PROMEX laguntzarik eskatu Programaren hiru faseak amaitu arte; jarraipen-programan dauden enpresek, ordea, badute haiek eskuratzeko aukera.
8. oinarria._De minimis.
Laguntza hauek " de minimis" dira, Europar Batzordearen 69/2001 Erregelamenduan ezarritakoari jarraituz; beraz, aurreko hiru urteetan "de minimis" gisa enpresak hartutakoari gehituta, ez du 100.000 eurotik gora eginen.
Ondorio horrekin, enpresak behartuta daude araubide honi jarraituz aurreko hiru urteetan eskatu edo hartutako laguntzak adieraztera, eskaera aurkezten dutenean.
9. oinarria._Eskaeren aurkezpena.
Eskabideak aurkeztuko dira Toki Administrazioko Departamentuko erregistroan, edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko38.4 artikuluan aurreikusitako lekuetako batean.
Dokumentazioa posta bulego batean aurkezten bada, gutunazal ireki batean egin beharko da, lehenengo orriko goiko aldean bulegoaren izena, eguna, tokia eta ordua (minutu eta guzti) adierazi ahal izateko. Datu horiek guztiak gordekinean ere azaldu beharko dira (posta zerbitzuak arautzen dituen abenduaren 3ko 1829/1999 Errege Dekretuaren 31. artikulua).
Hilabeteko epea dago, bazpen hau Nafarroako ALDIZKARI OFIZIALean argitaratu eta biharamunetik aurrera, Fc7.07.01 ereduaren arabera eskaerak aurkezteko.
Eskabidearekin batera, hurrengo agiri hauek aurkeztu beharko dira:
_Azaldutako ekintzetarako beste erakunde batzuei eskatutako laguntzen zinpeko aitorpena, eta "de mínimis" arauari jarraikiz emandako laguntzena, Fc7.07.07. inprimakiaren arabera eginak.
_Plan estrategikoa, parte hartzeko eskaeraren inprimakian ageri den edukien zerrendaren araberakoa.
_ETE izateari buruzko zinpeko aitorpena, Fc7.07.07 ereduaren araberakoa.
_Jasotako laguntzei buruzko balorazio-inkesta, FC7.07.16 ereduaren araberakoa.
10. oinarria._Laguntzak eman eta ordaintzeko prozedura.
Eskabideak jasotakoan, Merkataritza Zerbitzuak haien edukia aztertuko du, 2. oinarrian eskatutako baldintzak betetzen direla ziurtatzeko.
Ondoren, aurkeztutako plan estrategikoak homologatuko ditu.
Eskatutako dokumentazioa osorik ez badago, hamar eguneko epean osatzeko eskatuko zaio eskatzaileari. Horrela egiten ez badu, uko egiten diola ulertuko da eta espedientea artxibatuko da.
Eskaerek ez badituzte beharkizunak betetzen edo plana homologatua ez bada, laguntzak ukatu eginen dira.
Beharkizunak betetzen dituzten eskatzaileei eta plan estrategikoa homologatu zaienei, gutun bat bidaliko zaie horren berri emanez, eta epe bat emanen dirulaguntzak jaso ditzaketen ekintzak plana gauzatzeko burutu dituztela frogatzen duen dokumentazioa aurkez dezaten.
Honako hau izanen da dokumentazioa:
_Fc7.07.10 justifikazio inprimakia, behar bezala betea.
_Fakturen kopiak.
_Ordainketen frogagiriak, esaterako ordainagiriak, letrak edo banku-karguak.
_Hurrengo frogagiriak:
_Zabalkunde-materiala: ale bat aurkeztuko da, fakturetan dirulaguntza jasotzeko agertzen den kontzeptu bakoitzeko.
_Publizitatea atzerriko hedabideetan: agertu den hedabidearen ale bat aurkeztuko da, eta portadaren eta iragarkiaren kopia bat.
_Bezero eta kazetarien bidaiak: bidaiatzen duen pertsonaren bisita-txartela.
_Merkatu-azterlanak: azterlanaren kopia.
Dirua jaso dezaketen ekintzak justifikatzerakoan dokumenturen bat aurkeztu ezin bada, eskatzaileak gertaera horren arrazoiak eman beharko ditu eta epea luzatzeko eskatu, eta departamentua beharturik dago luzapen hori ematera.
Hala eta guztiz ere, Industria eta Teknologia, Merkataritza eta Lan Departamentuak eskatzaileari galdetzen ahal dio egindako eskaeraren tramitazio eta ebazpenerako egoki iruditzen zaion informazio eta dokumentazio osagarri guztia.
Industria eta Merkataritza zuzendari nagusiak dirulaguntza eman eta ordaintzeko ebazpena emanen da, dokumentazioa osorik baldin badago.
Bestela, laguntza emateko ebazpena emanen da, eta ordainketa, berriz, dokumentazioa osatutakoan eginen da.
11. oinarria._Ebazteko epea.
Eskabideen gaineko ebazpena beranduenik eskabideak aurkezteko epea bete eta handik lau hilabetera emanen da. Epe horretan ebazpen espresurik ematen ez bada, eskaera ezetsitzat jo beharko da.
Aurkeztutako eskaeraren berariazko edo ustezko ezespenaren aurka zilegi izanen da gora jotzeko errekurtsoa jartzea, Industria eta Teknologia, Merkataritza eta Lan kontseilariari zuzendua, administrazio prozedura erkideari buruzko legeriari jarraikiz.
12. oinarria._Arau-hausteen egiaztapena eta zehapenak.
Industria eta Teknologia, Merkataritza eta Lan Departamentuak beharrezkotzat jotzen dituen ikuskapen-jarduketak egiten ahal ditu; hain zuzen ere, dirulaguntzak jaso dituzten kontzeptuak benetan gauzatu direla egiaztatzeko, bai eta fondoak zertarako eman diren horretarako erabili direla egiaztatzeko ere.
Deialdi hau ekainaren 9ko 8/1997 Foru Legearen bidez ezarririko arau-hauste eta zehapen araubidearen menpe dago.
13. oinarria._Errekurtsoak.
Ebazpen honen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari zuzendua, argitaratu eta biharamunetik hilabeteko epean.
2. ERANSKINA, CNO00501O.REC EBAZPENARENA
H E R R I A L D E A POLTSA
ALBANIA 850
ALEMANIA 400
ANGOLA 1700
SAUDIAR ARABIA 1200
ALGERIA 350
ARGENTINA 1700
ARMENIA 1000
AUSTRALIA 1900
AUSTRIA 600
AZERBAIJAN 1200
BANGLADESH 1500
BELGIKA 400
BIELORRUSIA 1000
BOLIVIA 1600
BOSNIA-HERZEGOVINA 600
BOTSWANA 1800
BRASIL 1500
BRUNEI 1900
BULGARIA 900
KAMERUN 1300
KANADA (EKIALDEKO KOSTA) 1100
KANADA (MENDEBALDEKO KOSTA) 1400
TXAD 1100
TXILE 1800
TXINA 2000
TXIPRE 700
KOLONBIA 1300
KONGO 1700
HEGO KOREA 2000
BOLI KOSTA 1300
COSTA RICA 1300
KROAZIA 600
KUBA 900
DANIMARCA 400
EKUADOR 1300
A.E.B. (ERDIALDEA) 1100
A.E.B. (EKIALDEKO KOSTA) 900
A.E.B. (MENDEBALDEKO KOSTA) 1400
EGIPTO 800
EL SALVADOR 1300
ARABIAR EMIRERRIAK 1200
ESLOVAKIA 600
ESLOVENIA 500
ESTONIA 1000
ETIOPIA 1200
FILIPINAK 1800
FINLANDIA 600
FRANTZIA (GAINERAKOA) 350
FRANTZIA (HEGOMENDEBALDEA) 200
GABON 1300
GEORGIA 1200
GHANA 1300
GREZIA 550
GUATEMALA 1300
GINEA BISSAU 900
GINEA 1000
EKUATORE GINEA 1100
HERBEHEREAK 400
HONDURAS 1300
HUNGARIA 700
INDIA 1500
INDONESIA 1800
IRAK 1100
IRAN 1300
IRLANDA 400
ISLANDIA 900
ISRAEL 800
ITALIA 400
JAMAIKA 1300
JAPON 2000
JORDANIA 900
KAZAKHSTAN 1400
KENYA 1200
KIRGIZISTAN 1400
KUWAIT 1200
LETONIA 1000
LIBANO 900
LIBERIA 1000
LIBIA 800
LITUANIA 1000
LUXENBURGO 400
MADAGASKAR 1800
MALAYSIA 1800
MALAWI 1800
MALI 1200
MAROKO 350
MAURITANIA 800
MEXIKO 1100
MOLDAVIA 1100
MONGOLIA 2000
NAMIBIA 1800
NEPAL 1700
NIKARAGUA 1300
NIGERIA 1300
NORVEGIA 600
ZEELANDA BERRIA 2000
OMAN 1200
PAKISTAN 1500
PANAMA 1300
PARAGUAI 1600
PERU 1600
POLONIA 700
PORTUGAL 200
PUERTO RICO 1000
ERRESUMA BATUA 400
AFRIKA ERDIKO ERREPUBLIKA 1300
TXEKIAR ERREPUBLIKA 700
KONGOKO ERREPUBLIKA DEMOKRATIKOA 1700
DOMINIKAR ERREPUBLIKA 900
ERRUMANIA 900
ERRUSIA 1000
SENEGAL 900
DOMINIKAR ERREPUBLIKA 600
SINGAPUR 1800
SIRIA 900
SOMALIA 1200
SRI LANKA 1800
HEGOAFRIKA 1300
SUEDIA 600
SUITZA 500
THAILANDIA 1800
TAIWAN 2000
TUNISIA 400
TURKMENISTAN 1400
TURKIA 800
UKRAINA 1100
URUGUAI 1700
UZBEKISTAN 1400
VENEZUELA 1300
VIETNAM 2000
YEMEN 1200
ZANBIA 1700
ZIMBABWE 1700
Iragarkiaren kodea: F0510636
