I. NAFARROAKO FORU KOMUNITATEA
1.3. BESTELAKO XEDAPENAK
1.3.3. Nahitaezko Desjabetzapenak
457/2004 EBAZPENA, irailaren 6koa, Herri Lan zuzendari nagusiak emana, "Zangoza-Sos del Rey Católico (Zangozako iparraldeko sarbidea) NA-127 errepideko 2+650 k.p.ko gurutzagunea hobetzeko" proiektuak ukituriko ondasun eta eskubideak okupatu aitzineko aktak egiteko dei egiten duena.
Herri Lan zuzendari nagusiak emandako otsailaren 26ko 139/2003 Ebazpenaren bidez, "Zangoza-Sos del Rey Católico NA-127 errepideko 2+650 k.p.ko gurutzagunea (Zangozako iparraldeko sarbidea) hobetzeko" proiektua behin betikoz onetsi zen, azaroaren 20ko 1000/2002 Ebazpenaren bidez jendaurrean egon ondoren.
Nafarroako Gobernuak, abuztuaren 30eko 293/2004 Foru Dekretuaren bidez, proiektuak ukitutako ondasun eta eskubideen okupazioa presakoa dela adierazi du.
Horrenbestez, Herri Lan, Garraio eta Komunikazio kontseilariaren martxoaren 2ko 207/2004 Foru Aginduak emandako ahalmenak erabiliz, Zuzendaritza Nagusi honek
EBATZI DU:
1. "Zangoza-Sos del Rey Católico (Zangozako iparraldeko sarbidea) NA-127 errepideko 2+650 k.p.ko gurutzagunea hobetzeko" proiektuak" ukituriko ondasun eta eskubideen titularrei dei egitea, urriaren 8an, Zangozako Udaletxean ager daitezen, okupatu aitzineko aktak egiteko eta, hala bada, ukituriko ondasun eta eskubideak behin betikoz okupatzekoak.
2. Egintza horretara norberak joan beharko du, edo bere izenean aritzeko behar bezala ahalordetutako pertsona batek; titularra dela frogatzen duten agiriak eraman beharko ditu (eskritura publikoa, jabetza erregistroko ziurtagiria, etab.); egoki baderitzo, perituak edo/eta notarioa eraman ditzake, baina, betiere, norberak ordaindu beharko die.
3. Ebazpen hau argitara ematea Nafarroako ALDIZKARI OFIZIALean, Komunitateko bi egunkaritan eta Zangozako Udaletxeko iragarki oholean. Halaber, ohartarazten da honako hau argitaratu dela Administrazio Publikoen Araubide Juridikoari eta Guztiendako Administrazio Prozedurari buruzko Legearen 59. artikuluko 5. idatz-zatian xedatzen diren ondorioetarako.
4. Ukituriko titularrei jakinaraztea banakako zitazio zedula baten bidez.
5. Ebazpen hau Zangozako Udalera eta Proiektu, Trenbide eta Lan Hidraulikoen Zerbitzuko Desjabetzapen Atalera igortzea.
Iruñean, 2004ko irailaren 6an._Herri Lan zuzendari nagusia, José Luis Echávarri Arraiza.
Iragarkiaren kodea: F0414014
