III. NAFARROAKO TOKI ADMINISTRAZIOA
V A L T I E R R A
Kontratuaren esleipena: 6 koba-etxeren eta taberna baten errentamendua, eta ustiapena nahiz aprobetxamendua, turistikoa zein ostalaritzakoa
Valtierrako Udalak, 2003ko apirilaren 29ko osoko bilkuran, ondoko kontratua esleitzeko klausula tekniko nahiz partikularren plegua onetsi zuen: Udalaren 6 koba-etxeren eta taberna baten errentamendua, eta ustiapena nahiz aprobetxamendua, turistikoa zein ostalaritzakoa. Hona hemen ezaugarri nagusiak:
Adjudikatzeko prozedura: lehiaketa, prozedura irekiaren bidez.
Kontratuaren iraupena: hiru urte, eta beste bitarako ere luzatzen ahal da.
Prezioa: kanon edo prezio publiko finko bat ezarriko da eta beste bat aldakorra, baldintzen pleguen arabera.
Proposamenak: Udaletxean aurkeztuko dira bulego orduetan, iragarki hau Nafarroako ALDIZKARI OFIZIALean agertu ondoko 26 egun naturaleko epean.
Proposamenak non eta noiz irekiko diren: 1 eta 2 zk.ko gutunazalak, proposamenak aurkeztu ondoko hamar egun naturaleko epearen barnean.
3 zk.ko gutunazala, proposamenak aurkeztu ondoko hamaikagarren egun naturalean, 14:00etan.
Epeak larunbat edo jaiegunen batean bukatzen badira, hurrengo egun baliodunera arte luzatuko dira.
Behin-behineko fidantza: 216 euro.
Klausula tekniko eta partikularren plegua udal idazkaritzan dago.
Valtierran, bi mila eta hiruko maiatzaren seian. Alkatea, Alfonso Mateo Miranda.
Iragarkiaren kodea: A0304830