I. NAFARROAKO FORU KOMUNITATEA
Herrilanak eta Zerbitzu Publikoak
354/2002 EBAZPENA, apirilaren 16koa, Industri zuzendari nagusiak emana, Iberdrola D.E.S.A.U. enpresari Garesen goi tentsioko instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.
Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen linea elektrikoaren instalazioa baimendu, proiektua onetsi eta, zehazki, bide zortasuna ezartzearren, haren onura publikoa deklaratzeko, eta ukitutako ondasun eta eskubideen presazko okupazioa deklara dadin:
a) Eskatzailea: Iberdrola D.E.S.A.U.
b) Instalazioa jartzeko tokia: Gares.
c) Instalazioaren xedea: industrialde berri baten hornidura.
d) Ezaugarri nagusiak: lur azpiko deribazioa, 13,2 KV-koa, "STR Mendigorria-Gares" lineako 07-04 euskarritik egina, DHZ 1/240 225 metrokoa 1 zk.ko T.Z berrian bukaera duena, 1 x 630 KVA; 13,2-20/0, 42-0,23 KV-koa, eta hortik 200 metroko lotura 02-01 zk.arekin "Central-Garés" T.Z.ra eta 1 zk.ko T.Z.tik lur azpiko 290 lotura 2 zk.ko T.Z.an bukaera duena, 1 x 400 KVA; 13,2-20/0,42-0-23 KV, bertatik 265 metroko lotura lehen aipatu den lineako 07-06 zk-ko euskarri berri batekin eta B.T. sareak Gares-Lezaun NA-7040 errepideko 1 k.p.an, Garesko Udalerriaren mugapean, dagoen industrialderako
e) Nongo materialak: nazionalak.
f) Aurrekontua: 222.564,37 euro (37.031.595 pezeta).
Kontuan harturik, horretarako irekitako espedientean behar ziren erregelamenduzko tramiteak bete direla.
Horiek horrela, Industria eta Teknologia, Merkataritza, Turismo eta Lan kontseilariaren urriaren 14ko 572/1999 Foru Aginduaren bidez (133. Nafarroako ALDIZKARI OFIZIALa, 99-10-25ekoa) esleitu zaizkidan ahalmenak erabiliz,
EBATZI DUT:
1.-Aipatu instalazio elektrikoa jartzeko baimena ematea.
2.-Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan eta abenduaren 1eko 1955/2000 Errege Dekretuaren 148. eta 149.etan aipaturiko ondorioekin.
3.-Instalazio hori egiteko aurkeztu proiektua onestea eta 12 hilabeteko epea ematea lanak egiteko. Proiektu hori Cintruénigon datatua da, 2000ko urrian, Ángel García Alvero industri ingeniari jaunak sinatua.
Ebazpen honen aurka, gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, jakinarazi eta biharamunetik aitzina.
Ebazpen honen berri emanen zaio Iberdrola D.E.S.A.U.ri (Orregako etorbidea, 7, 31002 Iruña), eta Nafarroako ALDIZKARI OFIZIALean argitaratuko da.
Iruñean, bi mila eta biko apirilaren hamaseian.-Industri zuzendari nagusia, Enrique Jiménez Goicoa.
Iragarkiaren kodea: A0204269
