I. NAFARROAKO FORU KOMUNITATEA
Agintariak eta Langileak
496/2000 FORU AGINDUA, abenduaren 15ekoa, Hezkuntza eta Kultura kontseilariak emana. Euskaraz birziklatzeko ikastaro trinkoetan onarturiko irakasleen zerrendak osatzeko aparteko deialdia onetsi du.
162/1988 Foru Dekretuak, maiatzaren 19koak, Nafarroako Foru Komunitateko ikastetxe publiko eta pribatuetako maila ez-unibertsitarioetako irakasleendako Euskarazko Birziklapen Ikastaroak arautu zituen. Foru Dekretu horren Azken Xedapenetako lehenean ahalmena ematen zaio Hezkuntza eta Kultura kontseilariari urteroko deialdiak onesteko, Foru Dekretu hura aplikatzearren.
Hezkuntza eta Kultura kontseilariak, martxoaren 29ko 112/2000 Foru Aginduaren bidez, onetsi zuen Nafarroako Foru Komunitateko maila ez-unibertsitarioko irakasleen eta hezkuntzako ikuskatzaileen Euskarazko Prestakuntzarako Planaren XX. Deialdia, 2000-2001 ikasturtekoa.
Ikusirik Euskara Zerbitzuak euskaraz birziklatzeko ikastaro trinkoetarako postu hutsei buruz eginiko txostena eta Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36.2 c) eta d) artikuluak esleitu dizkidan ahalmenak erabiliz,
AGINDU DUT:
1. Euskaraz birziklatzeko ikastaro trinkoetan onarturiko irakasleen zerrendak osatzeko aparteko deialdia onestea eta irakasle haiei lanera ez joateko baimena ematea. Deialdi hori I. eranskinean aipatzen diren baldintzekin bat arautuko da.
2. Foru Agindu hau eta eranskinak Nafarroako ALDIZKARI OFIZIALean argitara daitezela agintzea.
3. Foru Agindu hau eta eranskinak igortzea Nafarroako ALDIZKARI OFIZIALera, Euskara Zerbitzura, Giza Baliabideen Zerbitzura, Zerbitzuak Ikuskatzeko eta Ikuskapen Teknikorako Zerbitzura, Irakaslegoaren Birziklai Ikastegira eta Idazkaritza Teknikora igortzea, ondorio egokiak izan ditzan.
4. Deialdi honen eta haren oinarrien kontra gora jotzeko helegitea paratzen ahal da Nafarroako Gobernuan, Foru Agindu hau Nafarroako ALDIZKARI OFIZIALean argitaratu eta biharamunetik hasi eta hilabetez.
Iruñean, bi milako abenduaren hamabostean.-Hezkuntza eta Kultura kontseilaria, Jesús Laguna Peña.
I. ERANSKINA
Euskaraz birziklatzeko ikastaro trinkoetan onarturiko irakasleen zerrendak osatzeko aparteko deialdia
1. Euskaraz birziklatzeko ikastaro trinkoetan onarturiko irakasleen zerrendak osatzeko aparteko deialdia onetsi da. Gehienez ere hamar postu izanen dira, 2001eko otsailetik ekainera bitarte.
2. Aparteko deialdi honetan parte hartzen ahalko dute funtzionarioak diren irakasleek, Nafarroako Foru Komunitateko ikastetxe ez-unibertsitarioetan behin betiko edo behin-behineko destinorik ez badute eta EGA edo antzeko agiririk ez badute.
3. Postu horiek eskuratzeko beharko dute frogatu lanera ez doazen bitartean ikastaroa aprobetxatzeko adina euskara badakitela eta 2001erako aurreikusiriko deialdietan EGA lortu dutela.
4. Maila hori 2001eko urtarrilaren 17ko 14:00ak baino lehen Hezkuntza eta Kultura Departamentuko iragarki oholean deituko diren proben bidez frogatuko da. Deialdiarekin batera proba horietan onartu eta baztertu direnen zerrenda emanen da.
5. Onarturiko eskatzaileek irakasleendako EGAko probetara aurkeztu beharko dute. Proba horiek 2001eko urtarrilaren 22an izanen dira.
6. Euskara Zerbitzuak hautatuko ditu partaideak. Lehentasuna emanen die jakite-maila handiena dutela frogatzen duten irakasleei.
7. Aparteko deialdi honetan parte hartzeko eskabideak 2001eko urtarrilaren 15a baino lehen aurkeztuko dira, II. eranskinari jarraituz, Hezkuntza eta Kultura Departamentuko Erregistroaren Bulegoan, Nafarroako Gobernuko Erregistro Orokorrean edo Administrazio Publikoen Araubide Juridikoari eta Guztiendako Administrazio Prozedurari buruzko 30/1992 Legeko 38.4 artikuluan eta hura aldatzen duen urtarrilaren 13ko 4/1999 Legean aipatzen diren bulegoetan.
8. Aparteko deialdi honetan parte hartzeak ez dakarkio inolako konpromisorik Administrazioari ikastaroko jarduerak bukatutakoan lanera ez joateko baimenari dagokionez.
9. Euskaraz birziklatzeko ikastaro trinkorako onartu eta baztertu direnen zerrenda Hezkuntza eta Kultura Departamentuko iragarki oholean argitaratuko da, 2001eko urtarrilaren 30eko 14:00ak baino lehen.
10. Foru Agindu honetan espresuki arauturik ez dauden kontuetarako Hezkuntza eta Kultura kontseilariak martxoaren 29an eman zuen 112/2000 Foru Aginduari jarraituko zaio. Foru Agindu horren bidez onetsi zen Nafarroako Foru Komunitateko maila ez-unibertsitarioko irakasleen eta hezkuntzako ikuskatzaileen Euskarazko Prestakuntzarako Planaren XX. Deialdia, 2000-2001 ikasturtekoa. curso escolar 2000/2001.
ANEXO II
Iragarkiaren kodea: A0012134
