Iragarkia

5. ALDIZKARIA - 2001eko urtarrilaren 10a

I. NAFARROAKO FORU KOMUNITATEA

Xedapen Orokorrak. Foru Aginduak

FORU AGINDUA, 2000ko abenduaren 27koa, Nekazaritza, Abeltzaintza eta Elikadura kontseilariak emana, nekazaritzako zenbait produkturi azaleragatik ordaindu beharrekoari, nekazarien primei, nekazaritza eta inguramen arloetako laguntzei eta eskualde behartsu batzuk konpentsatzeko kalteordainari buruzkoa.

Abenduaren 10eko 1893/1999 Errege Dekretuak, nekazaritzako zenbait produkturi azaleragatik ordaindu beharrekoari buruzkoak, estatuko oinarrizko arautegia ezarri du, ondoren Autonomi Erkidego bakoitzean zehaztu eta definitzekoa. Espainian oinarrizko araudi hori kasu hauetan aplikatzekoa da: a) belarkien laborantzei azaleragatik eman beharreko ordainketak, Kontseiluaren 1251/1999 EE Erregelamenduan aipatuak; b) arrozaren laborantzarako konpentsazio ordainketak, Kon- tseiluaren 3072/1995 EE Erregelamenduko 6. artikuluan aipatuak; c) zenbait aletarako lekaduni azaleragatik eman beharreko ordainketak, Kontseiluaren 1577/1996 EE Erregelamenduan aipatuak; d) liho eta kalamuaren sektoreari azaleragatik eman beharreko ordainketak, Kontseiluaren 1308/1970 EE Erregelamenduan aurreikusiak, bertan ezartzen baita zuntzak ekoizteko lihoaren eta kalamuaren sektorean merkatuko antolamendu bateratua.

Abenduaren 23ko 1973/1999 Errege Dekretuak, Europako Batasunak abeltzaintzarako dituen laguntzei buruzkoak, estatuko oinarrizko arautegia ezarri du, ondoren Autonomi Erkidego bakoitzean zehaztu eta definitzekoa. Espainian oinarrizko araudi hori behi-aziendaren sektoreari egin beharreko ordainketei buruzkoa da, Kontseiluak maiatzaren 17an eman 1254/1999 EE Erregelamenduan aipatua (behi haragiaren sektoreko merkatuen antolamendu bateratua ezartzen duena). Bestetik bi erregelamendu hauetan aipatzen diren ordainketei aplikatzekoa da: Kontseiluaren 2467/98 EE Erregelamendua, azienda zuriaren haragiaren sektoreko merkatuen antolamendu bateratua ezartzen duena, eta Kontseiluaren 1323/1990 EE Erregelamendua, zenbait eskualde behartsutan azienda zuria hazteko laguntza berariazkoa ezartzen duena.

Kontseiluaren 1257/1999 Erregelamenduak, maiatzaren 17koak, zeinak arautzen baitu zer laguntza emanen diren Nekazaritzaren Berme eta Orientaziorako Europako Fondotik (FEOGA) eta zenbait erregelamendu indargabetzen eta aldatzen, araubide bat ezartzen du eskualde behartsuei eta ingurumen aldetik mugak dituzten horiei komunitatearen laguntzak emateko eta nekazaritzako ingurumena zaintzeko zenbait neurri bultzatzeko, aipatu Fondoaren Berme Atalarekin batera finantzatua. Neurri horiek Nafarroako Nekazaritza Garatzeko 2000-2006 Programan ere aurreikusiak daude (2000ko irailaren 14an Batzordeak onetsia, C(2000) 2660).

Nafarroako Nekazaritza Garatzeko 2000-2006 Programan aurreikusten diren neurrietako bat Nafarroako eskualde behartsuetan diren ustiategiei laguntzea da. Nekazaritza, Abeltzaintza eta Elikadura kontseilariak 2000ko maiatzaren 31n emandako Foru Aginduan 2000. urtean Nafarroako eskualde behartsuei laguntzak emateko araubidea ezarri zen. Beharrezkoa da 2001eko laguntzak emateko araubidea definitzea, araubide hori Europako Batzordearen irizpideei egokitzeko, eta bide batez nekazariei laguntza-eskabidea eta aurkezteko prozedura errazteko.

Maiatzaren 17ko 1257/1999 EE Erregelamenduaren VI. kapituluak nekazaritzako ingurumena zaintzeko neurriak jarri beharra agertzen du, ingurumena, natur baliabideak, aniztasun genetikoa eta lurzorua babestu eta hobetzeko eta paisajea eta landalurrak kontserbatzeko gero eta nabarmenagoa den beharrarekin bateragarriak diren nekazaritza praktikak sartu eta mantentzearren, horrela, nekazari eta abeltzainak inplikatuz, landa giroko eskualdeen garapen orekatua sustatzeko eta gizartearen kezka gero eta handiago horri erantzuteko.

Nafarroako Foru Komunitateak proposatu dituen ingurumenaren arloko neurrietan garrantzitsuetariko bat, produkzio integratua bultzatzeaz gain, produkzio ekologikoa sustatzea da, hala edukien aldetik, nola izan dezakeen hedapenaren aldetik. Ingurumenaren arloko bi neurri horiek produkzio integratua eta produkzio ekologikoa bultzatzekoak, Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660).

Aurreko programarekin alderatuta, oraingoan sendoago ageri da produkzio ekologikoa, laguntza-sariak handiagoak baitira eta ustiapen bakoitzarentzako gehieneko diru-muga ere handitzen baita. Hobekuntza horiek sartu dira produkzio sistema nekazarientzat zorrotzagoa eta murriztaileagoa izan dadin eta ingurunea babesteko bermea handiagoa izan dadin. Laguntza horiek eskuratzeko baldintzak Nekazaritza, Abeltzaintza eta Elikadura kontseilariak 2000ko irailaren 11n emandako Foru Aginduan daude zehazturik (Produkzio Integraturako laguntzak arautzen dituen Foru Agindua). 2001.eko kanpainarako laguntza horien araudian zenbait aspektu aldatu, zehaztu eta argitu beharra dago, batez ere laguntza-eskaerak aurkezteko prozedurari dagokionez. Hori hain zuzen da Foru Agindu honetan "eskabide bakar" gisa hartzen dena.

Produkzio integratua gauza berria da lehengo programaren aldean eta aurrerabide nabarmena ere bai natur ingurunearen babesean, produkzio sistema horrek handiagoko mugak baititu bere ibilbide teknikoetan eta bai kontrol eta zertifikazio mekanismoak ere. Laguntza horiek eskuratzeko baldintzak Nekazaritza, Abeltzaintza eta Elikadura kontseilariak 2000ko irailaren 11n emandako Foru Aginduan daude zehazturik (Produkzio Integraturako laguntzak arautzen dituen Foru Agindua). 2001.eko kanpainarako, produkzio ekologikorako laguntzekin bezalaxe, laguntzen araudian zenbait aspektu aldatu, zehaztu eta argitu beharra dago, batez ere laguntza-eskaerak aurkezteko prozedurari dagokionez. Hori hain zuzen da Foru Agindu honetan "eskabide bakar" gisa hartzen dena.

Laguntza horiek Nafarroako Foru Komunitatean 2001eko ekitaldian aplikatu ahal izateko, beharrezkoa da lehenago aipatu abenduaren 10eko 1893/1999 eta abenduaren 23ko 1973/99 Errege Dekretuek aipatzen dituzten laguntzak izapidatu, ebatzi, ordaindu eta kontrolatzeko kontu batzuk garatzea Nafarroarentzat. Bestetik, beharrezkoa da eskualde behartsuentzako konpentsazioko kalteordainei, produkzio integratuari eta produkzio ekologikoari dagozkien dirulaguntzak emateko arau orokorrak ezartzea. Hori dena Nafarroako Gobernuak 2000ko abenduaren 27an hartutako Erabakiaren bidez onetsitako Nafarroako Nekazaritza garatzeko 2000-2006 Programako aurreikuspenen barrenean.

Hori horrela, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 36.2 artikuluaren bidez esleitu zaizkidan ahalmenen arabera,

AGINDU DUT:

I. KAPITULUA

Xedapen orokorrak

1. artikulua. Xedea eta aplikazio esparrua.

1.-Foru Agindu honen xedea da Nafarroako Foru Komunitateko lurraldean Europako Batasunaren laguntzak emateko araubide hauei aplika dakiekeen Estatuko oinarrizko arautegia garatzea.

I.-Nekazaritzaren arloan:

a) Kontseiluaren 1251/1999 EE Erregelamenduan aipatzen diren belarkien laborantzei azaleragatik eman beharreko ordainketei.

b) Kontseiluaren 3072/1995 EE Erregelamenduko 6. artikuluan aipatzen den arroz-alorrean ereiteko konpentsatze ordainketari.

c) Kontseiluaren 1577/1996 EE Erregelamenduan aipatzen diren laguntzei (zenbait aletarako lekaduni azaleragatik eman beharrekoak).

d) Kontseiluaren 1673/2000 EE Erregelamenduan aipatzen diren laguntzei (zuntzak ekoizteko lihoaren eta kalamuaren sektorean merkatuko antolamendu bateratua ezartzen duena).

II.-Abeltzaintzaren arloan:

a) Kontseiluak maiatzaren 17an eman 1254/1999 EE Erregelamenduan zezen ekoizleendako aipatzen den prima bereziari. Erregelamendu horren bidez behi haragiaren sektoreko merkatuen antolamendu bateratua ezarri zen.

b) Kontseiluaren 1254/1999 EE Erregelamenduko 6. artikuluan behi ume-hazleak dauzkaten ekoizleendako ezartzen den primari.

c) Kontseiluaren 1254/1999 EE Erregelamenduko 11. artikuluan abereak hiltzeagatik aipatzen den primari.

d) Erregelamendu horretako 13. artikuluan estentsibo bihurtzeagatik ezartzen den ordainketari.

e) Ordainketa osagarriei, Erregelamendu horretako 15. artikuluan ezartzen denaren arabera.

f) 2467/98 eta 1323/90 EE Erregelamenduetan azienda zuriaren ekoizleendako ezartzen den primari.

g) Komunitateko eskualde behartsu batzuetan azienda zuria hezitzeko berariazko laguntzari, 1323/90 EE Erregelamenduan ezarririkoaren arabera.

h) Bazka-azaleraren justifikazioari, Kontseiluaren 1254/1999 EE Erregelamenduan ezarririko azienda-dentsitatea neurtzeko.

2.-Halaber, Foru Agindu honek 2001. urtean laguntzak eskatu eta emateko baldintzak ezartzen ditu, honako araubideetarako:

a) Nafarroako eskualde behartsuak konpentsatzeko kalteordainerako. Neurri horiek Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660).

b) Ingurumen arloko neurriak, produkzio integratuaren aldekoak. Neurri horiek Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660).

c) Ingurumen arloko neurriak, produkzio ekologikoaren aldekoak. Neurri horiek Nafarroako Nekazaritza Garatzeko 2000-2006 Programan aurreikusiak daude (2000ko irailaren 14an Batzordeak onetsia, C(2000) 2660).

3.-Foru Agindu honek, azkenik, 2001. urtean irailaren 7ko 265/1998 Foru Dekretuan aipatzen diren laguntzak eskatzeko baldintzak ezartzen ditu (lurraldea eta naturguneak babestearekin zerikusia duten nekazaritza eta ingurugiroaren arloko laguntzak).

2. artikulua. Definizioak.

Foru Agindu honen ondorioetarako, Europako araudian eta Espainiako oinarrizkoa araudian diren definizioez gain, ondoko hauek erabiliko dira:

1.-"Nekazaritzako ustiapenak": nekazaritzako jardueran batez ere merkatu helburuetarako titularrak enpresa gisa antolatutako ondasun eta eskubideen multzoa. Berez, unitate tekniko-ekonomikoa osatzen du.

2.-"Ustiategiaren titularra": nekazaritzan diharduen pertsona fisiko edo juridikoa, ustiategia osatzen duten ondasun eta eskubideak enpresa irizpideekin antolatzen dituena eta haren kudeaketaren arrisku eta erantzukizun zibil, fiskal eta sozialak bere gain hartzen dituena.

3.-"Nagusiki nekazaria den pertsona": nekazaritzako ustiategi baten titularra izanik bi baldintza hauek betetzen dituen pertsona fisikoa: bere errenta osoaren % 50 gutxienez bere ustiategian egiten duen nekazaritzako jardueratik ateratzea eta bere ustiapenari loturik ez dauden jardueretan bere lan denbora osoren erdia baino gutxiago ematea.

4.-"Ustiategiaren titularraren errenta osoa": ustiategiaren titularrak azken ekitaldian deklaratutako errentak, ondarearen gehikuntzak eta murriztapenak kontatu gabe. Ondorio horietarako, ondoko hauek egotziko zaizkio ustiategiaren titularrari:

-Ustiapenaren nekazaritzako jardueraren errenta.

-Enpresa edo lanbide arloko bestelako jardueretatik heldu diren errentak, hala nola ustiapenetik at egindako lanak sortuak, deklaratu beharreko pentsio eta hartzeko pasiboak barne.

-Kapital higigarriaren eta higiezinaren errentak, ustiapenaren titularrari egozten ahal zaizkionak.

Hori horrela dela ere, zilegi izanen da ustiategiko titularraren errenta osoa ebaluatzeko azken bost urteetako hirutan hark fiskoari deklaratu dizkion errenten bataz bestekoa hartzea. Azken ekitaldia ere sartuko du bost urteko talde horretan eta ondare gehitzeak eta gutxitzeak ez dira kontuan hartuko.

5.-"Azienda larriaren unitatea (ALU)": zezenak, behiak eta bi urtez goitiko behi-aziendako beste abere batzuk, hala nola sei hilabetez goitiko ekidoak. Bestelako adin eta espezieetarako, ondoko baliokidetzak hartuko dira:

-Sei hilabetetik bi urte bitarteko behi-azienda: 0,60 ALU.

-Ardiak eta ahuntzak: 015 ALU.

6.-"Eskualde behartsuak": mendialdeko edo behartsu gisara katalogatutako udalerriak, edo fazeriak edo bestelako lurralde-entitateak. Foru Agindu honen I. eranskinean ageri dira.

7.-"Bazkarako azalera": aziendak jateko utzitako nekazaritzako azalera erabilgarria, larre edo sega-belardi gisakoa.

8.-"Bazkatzeko lurra". Bazkatzeko lurtzat hartuko da berezko edo ereiniko edozein landare laborantzak hartzen duen azalera, abelgorriak edo azienda zuria bazkatzen baditu, bazkatzearen bidez edo bitariko moduan (hots, bazkatzearen bidez eta bazka-landare gisa, delarik berdea, delarik kontserbatua). Lurzati horiek bazkatzeko lurtzat joko dira. Gainera, eskabidean adieraziko da erabilera mota, bai bazkatzerako, bai bitarikorako, hots, bazkatzerako eta uztarako.

Nafarroan bazkatzeko lurtzat hartuko dira definizio hauekin bat datozenak:

-Zuhaixka-larrea: Zuhaixka eta sasiak dituen lurra, azaleraren % 20 baino gehiago hartzen dutenak, gutxienez ere azaleraren % 50 larrerako baldin bada. Aprobetxamendua hortzekin bakarrik erabiliko dute abereek zenbait urtez. Estentsibo bihurtzeko prima kalkulatzeko, zuhaixka- larretzat jotzen den azaleraren erdia bazkatzeko lurtzat hartuko da.

-Zuhaitz-larrea: Oihan eta bazka aprobetxamenduko azalera, abereendako irekia, zuhaixkarik gabeko lurrarekin, abereak bertan bazkatzeko erabili izan baldin bada. Abereek bakarrik hortzekin aprobetxatzen dute. Estentsibo bihurtzeko prima kalkulatzeko zuhaitz-larretzat jotzen den azaleraren % 25 bazkatzeko lurtzat hartuko da. Udalek edo beste edozein erakunde eskudunek eragozpenak dituztenenan sartzeko edo erabiltzeko zuhaitz azalerak ez dira aintzakotzat hartuko, ez eta aprobetxamendu hori Antolamendu Proiektuetan, Kudeaketarako Plan Teknikoetan edo haien berrazterketetan xedatzen denarekin ez datorrenean ere.

-Larrerako alfer lurrak: Nekazaritzako aspaldiko lurrak, eskutik utziak izateagatik, lugorri edo lur etze bihurtu direnak. Bertan berezko landareak daude, bakar-bakarrik bazkatzerako erabiltzen direnak.

-Belardiak: Gehienbat hotzekin aprobetxatzen diren larreak, gramineo nagusi latzek osatzen dituztenak. Eguraldia dela eta udan agortzen ahal dira. Lurreko landaredia aldatzen ahal da. Tarteka-marteka espezie egurtsuak agertzen dira. Aldian-aldian aprobetxatzen ahal da, belarra moztuta.

-Berezko larrea: Berezko landaredia duen lurra (erein gabe). Abereek zuzenean aprobetxatzen ahal dute edo bestela hortz, belar edo siloratzearen bidez, zenbait urtez.

-Larre artifiziala: Gehienbat gramineoez eta lekadunez osaturiko laborantza, abereak bazkatzeko, mantentzeko landatzen direnak. Bitariko aprobetxamendua.

-Bazka-landare monofitoak edo nahasketa bakunekoak, 1251/1999 EE Erregelamenduko 1. eranskineko belarkien laborantzak, bitariko aprobetxamendukoak.

-Bortuko larreak: Udako mendiko larrea, belar finekoa, gehienbat zuhaitzen mailatik goiti, bakar-bakarrik hortzekin aprobetxatzen dena.

-Ohiko lugorria: Berezko landaredia, nekazaritzako lurretan agertzen dena, lurra urtebete edo gehiago erabili gabe uzten denean. Azienda zuzenean bazkatzekoa izanen da.

9.-"Bazkarako azalera konputagarria". Nafarroako eskualde behartsuetan konpentsazioko kalteordainetarako kalkuluan aintzat hartzekoa den bazkarako azalera da. Zuhaixka-larrearen kasuan deklaratutako azaleari 0,5eko koefizientea jarriz aterako da. Zuhaitz-larrea denean koefizientea 0,25ekoa izanen da eta lugorri edo galondoaren kasuan 0,15ekoa.

10.-"Azalera hautagarria": konpentsazioko kalteordainen ondorioetarako, ustiategiko nekazaritzako azalera erabilgarria, ondoko atal hauetako batean sartua dagoena:

a) Ustiategiko azienda elikatzeko xede nagusia ez duen nekazaritzako azalera erabilgarria.

b) Ustiategiko azienda erabiltzen ari den bazkarako azalera. Haren konputua ustiategiko ALU kopuruaren arabera mugatuko da, honela:

-Gehieneko azienda-zama onargarria nekazaritzako ohiko praktika egokien kodean jarritako mugatik goitikoa baldin bada (2 ALU hektareako), bazkarako azalera ez da aintzat hartuko laguntza zenbatekoa den kalkulatzerakoan.

-Azienda-zama hektareako 1,4 ALUtik goitikoa baina nekazaritzako ohiko praktika egokien kodean jarritako mugatik beheitikoa denean (2 ALU hektareako), laguntza kalkulatzeko kontuan hartuko den azalera biderketa batetik ateratzen dena izanen da, alegia, deklaratutako hektareak bider 1,4, zati ustiategiko abeltzaintzako dentsitate egiazkoa.

-Bazkarako azalera, hektareatan, ez da inoiz ustiategiko ALUen balioa baino handiagoa izanen.

11.-"Azalera ez-hautagarria": laguntza jasotzeko modukotzat hartzen ez den azalera, ondoko azalera hauek barne hartzen dituena:

-Zereala ekoiztekoak eta gainerako belarki-laboreak, Espainiako belarki-laboreka eskualdekatzeko 1999ko Planaren arabera, lehorreko batez besteko errendimendua hektarea bakoitzeko 3,2 tonakoa baino handiagoa duten eskualdeetan daudenak. Aipatu Plana hainbat belarki-laboreri azalerengatik egin beharreko ordainketei buruzko abenduaren 10eko 1893/1999 Errege Dekretuan agertzen da.

-Udareak, sagarrak eta mertxikak ekoitzeko azalera guztiak, laboreek ustiategiaren hektarea bat baino gehiago hartzen baldin badute.

-Ureztapen azalerak eta eskualde behartsuetan ardoa ekoiztekoak.

12.-"Ustiapenaren koefizientea": nekazaritzako ustiapenaren balorazioa da, kontuan harturik haren kokalekua eta ezaugarriak. Eragin zuzena du laguntzaren zenbatekoan. Foru Agindu honen II. eranskinaren ezarritako puntuazioen batura da eta oinarrizko moduluari aplikatzen ahal zaion gehikuntzaren portzentaia osatzen du. Gehikuntza hori ez da inoiz aipatu oinarrizko moduluaren 100eko 100 baino handiagoa izanen.

13.-"Oinarrizko modulua": laguntza publikoaren baterako zenbatekoa zehazteko Nekazaritza, Abeltzaintza eta Elikadura Departamentuak urtero ezartzen duen kuantifikazio ekonomikoa da, eurotan adierazia, ordainaren xede izan daitekeen azaleraren hektarea bakoitzeko. 2000ko ekitaldirako, kopuru hori 30 eurokoa da hektarea bakoitzeko (4.992 pezeta/ha) eskualde behartsuetan eta 37,5 eurokoa hektarea bakoitzeko (6.240 pezeta/ha) mendialdeko eskualdeen sailean sartutakoentzat.

14.-"Produkzio integratua": nekazaritza produkzioko sistema jakin bat, nekazaritza ustiategien jardueretan baliabide naturalak eta erregulazio mekanismoak integratzen dituena, kanpotikako intsumoak gutxientzeko, elikagaien eta kalitate handiko beste produktu batzuen produkzio jasangarria segurtatzeko, ustiategiaren dirusarrerak mantentzeko, kutsadura sorguneak kendu edo gutxitzeko eta nekazaritzak dituen askotariko funtzioak mantentzeko, ahal den guztian ingurugiroa errespetatzen duten teknologiak erabiliz.

15.-"Produkzio ekologikoa": Kontseiluaren ekainaren 24ko (EE) 2092/91 Erregelamenduan eta abenduaren 20ko 617/1999 Foru Dekretuan xedatutakoaren arabera egindako produkzioa. Foru Dekretu horren bidez onetsi zen Nafarroako Foru Komunitatearen eremuan nekazaritza produkzio ekologikoaren eta nekazaritzako produktu eta elikagaietan horren adierazpena egitearen gaineko Erregelamendua. Produkzio hori Nafarroako Nekazal Produkzio Ekologikoaren Kontseiluak (NNPEK) kontrolatu eta ziurtatuko du, produkzio ekologikoa Nafarroan kontrolatzeko organoa baita. Ziurtapena lortzeko arauak aipatu Foru Dekretuaren 3. artikuluan ageri dira.

16.-"Produkzio Integratuko araudi berariazkoa edo Erregelamendu teknikoa": Nekazaritza, Abeltzaintza eta Elikadura Departamentuak onetsitako dokumentua, zeinean hazkuntza edo hazkuntza klase bakoitzerako ibilbide teknikoaren puntu nagusiak biltzen baitira, zehaztuz zein praktika debeku diren, zein gomendagarri, zein ez gomendagarri eta zein nahitaezko.

17.-"Ustiategiko liburua": Produkzioaren arduradunak bete behar duen dokumentua, zeinean jasoko diren lurzati horretan edo produkzio bereko lurzati talde horretan egin diren ekintza guztiak, eta bai ere zenbait kasutan, erabakiak hartzeko behar ziren irizpideak segitu direlako justifikazioa.

18.-"Kontrol eta zertifikazio entitatea": Nekazaritza, Abeltzaintza eta Elikadura Departamentuak aitortutako edo izendatutako entitatea, Nafarroan Produkzio Integraturako ezarri arauak betetzen direla begiratu, kontrolatu eta zertifikatzeko.

19.-"Nekazaritza praktika onak": nekazari batek eskualde horretan, Batzordearen uztailaren 3ko 1750/1999 (EE) Erregelamenduak definitzen duen moduan, erabiliko lituzkeen praktika normalak. Praktika horiek Nekazaritza, Abeltzaintza eta Elikadura kontseilariak 2000ko abuztuaren 21ean emandako Foru Aginduan definitzen dira.

3. artikulua. Eskatzaileak.

1.-Nafarroan, Foru Agindu honetako 1. artikuluan aipatzen diren laguntzak eskatzen ahalko dituzte Foru Komunitateko lurraldean osorik edo gehienbat dauden abeltzaintzako ustiategien titularrek.

2.-Halarik ere, azienda zuriko edo abelgorrien ustiategi baten ekoizleek abeltzaintzarako primak eskatzen ahalko dituzte, osorik edo gehienbat Nafarroako Foru Komunitateko lurraldean kokaturik badago, azaleraren adierazpenik ez aurkeztuagatik ere, egoera hauetan egoteagatik:

a) Behi ume-hazleen eta zezenen ekoizleak izateagatik, ustiategiko abere zama zehazteko kontuan hartu beharreko azienda larriko abelburuak hamabost baino gehiago ez badira eta estentsibo bihurtzeagatik ordaindu beharrari onurarik atera nahi ez badiote.

b) Bakarrik abereak hiltzeko primen onura izan nahi duten abelgorri ekoizleak izateagatik.

c) Abelgorrien sektoreko primen onuradun izan nahi ez duten azienda zuriaren ekoizleak izateagatik, salbu eta abereak hiltzeko primenak, edo abelgorrien sektoreko primen onuradun izan nahi izateagatik, a) idatz-zatian sarturik badaude.

4. artikulua. Nafarroako Nekazaritza Ustiategien Erregistroko inskripzioa.

Neurrietarako laguntzak eskuratzeko ezinbestekoa baldin bada izena emanik egotea Nafarroako Nekazaritza Ustiategien Erregistroan (abenduaren 15eko 20/1997 Foru Legearen bidez onetsia), ustiategien titularrek erregistroan inskribatzea eska dezakete Foru Agindu honetan aipatzen den laguntza- eskabidea egiten duten unean berean.

5. artikulua. Inprimakiak eta eskabideen aurkezpena.

1.-Foru Agindu honetako 1. artikuluan aipatzen den edozein laguntza eskuratzeko, ustiategiaren titularrak eskabide bakar bat aurkeztu beharko du azalera, abeltzaintza, inguramen eta konpentsatzeko kalteordainerako, eta nekazaritzarako ingurumen- neurrietarako. Horretan ustiategiko lurzatia eta abereak zehaztuko dira (behi, ardi, ahuntz eta zaldi azienda), Foru Agindu honetan ezartzen den moduan eta epean.

Urbasa eta Andiko bazkatokien aprobetxamenduaren kasuan, eskatzaileek hauek adierazi beharko dituzte: zer azienda mota den, zenbat azienda-buru diren eta noiz egonen diren bazkatzen toki horietan. Nekazaritza, Abeltzaintza eta Elikadura Departamentuak erabakiko du eskatzaile bakoitzari zer bazka-eremu dagokion, guztira zenbat ALU dauden eta eskatzaileak deklaratutako ALU kopurua aztertutakoan.

2.-Interesatuek formulario edo inprimakietan eskatuko dute laguntza, baita euskarri informatikoaren bidezkoak ere. Nafarroako Gobernuko Nekazaritza, Abeltzaintza eta Elikadura Departamentuak luzatuko ditu.

3.-Inprimakiak Nekazaritza, Abeltzaintza eta Elikadura Departamentuko bulego nagusietan, eskualdeetakoetan eta barrutietakoetan egonen dira eskuragarri.

4.-Aratxeei buruzko eskabide bakarra eta, hala bada, baita osagarriak ere, Nekazaritza, Abeltzaintza eta Elikadura Departamentuan aurkeztuko dira, arestiko idatz- zatian aipatzen diren bulegoetan, hain zuzen ere, bestelako erregistroetan aurkezteko aukera deusetan galarazi gabe, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen arabera (urtarrilaren 13ko 4/1999 Legeak aldatua).

5.-Eraintzarik ezaren jakinarazpenak, baita aldaketak ere, Nekazaritza, Abeltzaintza eta Elikadura Departamentuak luzatuko dituen formulario edo inprimakietan aurkeztuko dira, arestiko idatz-zatietan aipatzen diren bulego eta erregistroetan.

6. artikulua. Eskabideak aurkezteko epeak.

1.-Foru Agindu honetako 1. artikuluan aipatzen diren laguntza eskabideak azaleragatik nekazaritzako zenbait produkturi ordaindu beharrekoari eta Europako Batasunak abeltzaintzarako ematen dituen zenbait laguntzari buruzko Estatuko arautegian ezarririko epeetan aurkeztuko dira. Epea 2001eko urtarrilaren 1etik martxoaren 9ra bitartekoa da. Horrek ez du esan nahi luza ez litekeenik.

Nolanahi ere, salbuespen gisa, eskabide bakarrean arroz- lursailak deklaratu eta 2001. urteko kanpainarako arrozaren produkzio integraturako laguntzak eskuratu nahi dituztenek labore horretarako eskabide berariazkoa aurkeztu beharko dute Foru Agindu bidez erabakitzen diren datan eta moduan, betiere araudi teknikoa onetsitakoan.

2.-Aratxe ekoizleek, bazka-azalera justifikatu nahi badute, hamabost azienda larriko abelburutik goitiko laguntza edo estentsibo bihurtzeko prima hartu ahal izateko, aurreko zenbakian ezarririko epean adieraziko dute bazka-azalera. Hala ere, abenduaren 31 arte, prima bereziaren eskabide osagarriak aurkezten ahalko dira.

3.-Abereak hiltzeko eskabideak bereiztuta aurkeztuko dira, abereak hil eta hiru hilabeteko epean, Estatuko oinarrizko arautegian aurreikusi bezala.

4.-Zekor-eskaera osagarriak urtarrilaren 2tik aurrera aurkezten ahalko dira, eskabide bakarra edonoiz aurkezturik ere.

7. artikulua. Eskabideko agiri osagarriak. Datu orokorrak.

Neurri bakoitzerako ezartzen den dokumentazio berariazkoaz gain, eskabidearekin batera, nekazaritzako ustiategien titularrek agiri hauek aurkeztu beharko dituzte:

a) Pertsona fisikoak izanez gero, NANaren fotokopia eta pertsona juridikoak izanez gero, IFZarena.

b) Eskabidean aipatzen den kontu korrontea edo libreta eskatzailearena dela frogatzen duen banku-ziurtagiria.

c) Eskabidea titularrak ez bestek izenpetzen duenean, haren baimen espresua. Eskatzailea adinez txikia bada, haren legezko ordezkari edo tutoreak espreski bere baimena eman beharko du.

d) Elkarteen kasuan, adierazpena lehenbizikoz egiten badute edo aurreko urteko adierazpenaz geroztik estatutuak aldatu badituzte, osaera edo aldaketaren eskritura eta kasuan kasuko Erregistroan inskribaturiko estatutu edo erregelamenduak.

8. artikulua. Azaleragatik eman beharreko eskabideko agiri osagarriak.

Ustiategien titularrek, Nekazaritzako lurzatiak edo bazkatarako azalerak deklaratu badituzte, honako dokumentazioa aurkeztu beharko dute:

a) Krokis akotatuak, gehienbat lurzatietako zedulak, konpentsatzeko kalteordainen xede diren edo bazka-lurtzat aitortzen diren nekazaritzako lurzatiak non dauden adierazten dutenak, lurzati horiek ez datozenean bat osorik katastroko lurzati bat edo batzuekin, kasu hauetan:

-Hein batean harturiko katastroko lurzatietako azalera hamar hektareaa baino gehiago denean.

-Laborantza, gari gogorra, ehungintzako lihoa edo kalamua kentzeko aitortzen direnean eta katastroko lurzati osoa hartzen ez dutenean.

b) Bazka-azalerak ekoizle batek baino gehiagok aprobetxatzen dituenean, azalera horren jabeak luzatzen duen ziurtagiria edo, herrilurrak izanez gero, toki entitateek luzatua.

c) Hazi egiaztatua erosi izanaren fakturaren kopia, laguntza olio-landareetarako, lihorako eta zuntzetarako kalamurako eskatzen denean edo gari gogorrerako osagarria edo laguntza berariazkoa eskatzen denean.

d) Lehenbiziko hartzaileak edo lehenbiziko eraldatzaileak sinatutako kontratuaren kopia, baldin eta produkziotik kendu eta orain elikagai ez den beste labore baterako erabiltzen diren lurzatietarako dirulaguntza eskatzen bada.

e) Titularrak uste badu dirulaguntzaren xede den merkaturatze-kanpainan bere eskualdeari ezarritako ohiko lugorri-indizea handiagoa dela bere ustiategian uzten duen lugorria baino, hala dela egiaztatu beharko du aurreko ekitaldietan justifikatu gabeko lurzatien dokumentazioa aurkeztuz.

Horretarako, adieraziko da zer lurzatitarako eskatzen duen nekazaritzako praktikatzat har daitezela, horretarako luzatzen den inprimakian. Bertan zehaztuko dira kontuan hartu beharreko azalera, katastroko erreferentziak eta haien frogagiriak. Ondorio horietarako, ondoren aipatzen diren agiriak onartuko dira:

-Laborantzen asurantzetako polizen fotokopiak, halakorik baldin bada, eta 1990, 1991 eta 1992ko uztetakoak.

-Trabajos Catastrales, S.A. elkarteak luzaturiko txostena, Nekazaritza, Abeltzaintza eta Elikadura Departamentuak eginiko teledetekzio azterlanetako agirien arabera. Azterlan horiek elkarte publiko horretan daude.

-Eskabidearen fotokopia. Horretan belarkien laborantzetarako lurrak aldi baterako kentzeko araubideko lurzatiak agertuko dira, 1991/92 ekinaldirako (1992ko uztetarako) 1991ko abuztuaren 1eko Ministerioaren Aginduan arautu bezala.

-Proteaginosoak eta aletarako lekadunak ekoizteko laguntza eskatzeko laborantzen adierazpenen fotokopia. 90/91 eta 91/92 landatze ekinaldietan (1991ko eta 1992ko uztetan) ziren aurkeztekoak.

-Koltza, soia eta ekilore ekoizleendako laguntza eskatzeko laborantzen adierazpenen fotokopia (1992/93 merkaturatze ekinaldia, 1992ko uztak).

-Nekazaritzako praktikak (lugorria ez) frogatzen dituen txostena, Nekazaritza, Abeltzaintza eta Elikadura Departamentuak aurreko ekinaldirako luzatua.

9. artikulua. Abeltzaintzako primak eskatzeko agiri osagarriak.

Abeltzaintzako ustiategien titularrek, abereak biltzen dituzten konpentsatzeko kalteordaina eskatu nahi dutenean, abeltzaintzako primen eskabidearekin batera, Estatuko oinarrizko arautegiak xedaturiko agiriak ezezik hauek ere aurkeztuko dira:

a) Larreen esleipena frogatzen duen ziurtagiria, jabeak edo kudeatzaileak luzatua, eskualde behartsuko ustiategia frogatu nahi duten azienda zuriaren eskatzaileen kasuan, ustiategi hori kategoria ezberdineko bi udalerri edo gehiagotan dagoenean.

b) Zezen ekoizleendako primen eskabidearen kasuan, irailaren 18ko 1980/1998 Errege Dekretuan aipatzen diren identifikazio agirien jatorrizkoak. Agiri horiek Nekazaritza, Abeltzaintza eta Elikadura Departamentuaren esku geldituko dira aratxeak atxikitzen diren bitartean.

Zezen ekoizleendako prima bereziaren eskabidearen kasuan, irailaren 18ko 1980/1998 Errege Dekretuan aipatzen diren identifikazio agirien jatorrizkoak aurkeztuko dira. Agiri horiek administrazioak zigilatu eta segituan emanen zaizkio bueltan eskatzaileari.

c) Hilabetetik 7 hilabetera bitarteko animaliak Espainian hiltzeko primaren eskabide guztietan, hiltegiaren ziurtagiria beharko da, eta ziurtagiri horretan, gutxienez, abeltzaintzarako laguntzei buruzko estatuko oinarrizko araudian deskribatzen diren datuak aipatuko dira.

d) Animaliak hiltzeko primak eskatzeko eskabideen kasuan (Espainiatik kanpo hilak direnean edo Espainiatik kanpora bidaltzekoak)

1.-Espainiatik kanpoan baina Europako Batasuneko herri batean hilak baldin badira, Nazioarteko Osasun Ziurtagiria aurkeztu beharko da eta horrekin batera behi-aziendaren identifikazio-agiria.

2.-Animaliak Europako Batasuneko kanpo herri batera saltzekoak baldin badira, Europako Batasunaren mugetatik atera izanaren froga aurkeztu beharko da eta horrekin batera Nazioarteko Osasun Ziurtagiria, prima eskatzeko animalien zerrenda daramana.

10. artikulua. Konpentsatzeko kalteordaina eskatzeko agiri osagarriak.

Konpentsatzeko kalteordaina eskatzen dutenek dokumentazio berariazko hau aurkeztu beharko dute:

a) Bizilekuko ziurtagiria, kasuan kasuko toki entitateak luzatua, zeinean aipatzen baita zenbateko antzinatasuna duen udal erroldan.

b) Gizarte Segurantzan afiliaturik daudela frogatzen duen ziurtagiria.

c) Nekazari kooperatiba bateko bazkide direla frogatzen duten agiriak, hala bada.

d) Ustiategian nekazaritzako produktuak eraldatzen dituztela frogatzen duten agiriak, hala bada.

e) Azienda zuriko ustiategien kasuan, belarkietarako azalerak deklaratzen direnean lurzatiak katastroaren arabera identifikatu gabe, jabeak edo entitateak luzatutako ziurtagiria aurkeztu behar da, aprobetxamendurako baimena ematen duena alegia. Ziurtagiri horretan bereiz agertaraziko dira azalera guztiak: larrea, zuhaixka-larrea, zuhaitz-larrea, galondoa eta lugorria.

f) Aurreko kanpainetan aurkeztu ez bada, edo abeltzaintzako ustiategien instalazioak aldatu badira, albaitariak luzatutako ziurtagiri edo txostena beharko da, zeinetan egiaztatzen baita betetzen direla Europako Batasunaren arauak, bereziki abeltzaintzako ustiategietako animaliak babesteko arauak eta zekorrak, zerriak edo arrautzatarako oiloak babesteko gutxieneko arauak.

g) Produkzio intentsiboko edo erdi-intentsiboko abeltzaintzako ustiategien kasuan udalak irekitzeko emandako lizentzia beharko da, baldin eta aurreko kanpainetan aurkeztu ez badute edo ustiategiko instalazioak aldatu badira. Bestela, Jarduera Sailkatuei buruzko Foru Legeari loturiko jarduerak direnean, jarduera sailkatuaren lizentzia edo ustiategia dagoen herriko udalak luzatutako txostena, ingurumenarentzako eragin kaltegarririk ez dagoela ziurtatzen duena.

11. artikulua. Nekazaritza ekologikorako eta produkzio integraturako laguntza-eskarien dokumentazio gehigarria.

Nortasun juridikoa duten elkarteek, estatutuekin batera, honakoa aurkeztu beharko dute: bazkideen zerrenda, sozietatearen kapitalean bazkide bakoitzak duen partea, eta entitatearen gobernu-organoaren akordioa, zeinetan erabakitzen baita laguntza eskatzea eta ordezkaria izandatzea.

12. artikulua. Konpentsazioko kalteordainak eta produkzio integraturako eta ekologikorako laguntzak eskatzeko eta ebazteko prozedura.

1.-Produkzio integraturako eta produkzio ekologikorako laguntzak Nekazaritza, Abeltzaintza eta Elikadura kontseilariaren 2000ko maiatzaren 15eko Foru Aginduaren arabera ebatziko dira. Foru Dekretu horrek finkatzen du zer prozeduraren bidez eman eta kudeatuko diren FEOGAren Berme Atalak kofinantzatzen dituen laguntzen kontzesioa eta kudeaketa, Landa Garapenerako Europako araudiarekin bat.

2.-Kasuan kasuko administrazio ebazpena jakinarazteko gehieneko epea sei hilabetekoa izanen da eskaera Nekazaritza, Abeltzaintza eta Elikadura Departamentuko Erregistroan sartzen denetik hasita.

3.-Laguntza ekonomikoa emanda ere, onuradunak hari uko egiten baldin badio idatziz adierazi beharko dio Nekazaritza, Abeltzaintza eta Elikadura Departamentuari, onartutako laguntzaren berri ematen duen ebazpena jakinarazi eta hogeita hamar eguneko epean. Horrela egiten ez badu, laguntza bera eta hura jasotzeko baldintzak onartzen dituela ondorioztatuko da.

4.-Laguntzen ordainketa urtero eginen da, eskatutako konpromiso eta betebehar guztiak betetzen direla egiaztatu ondoren. Hori helburu, laguntza eskatu den urteko ez, hurrengo urteetako ordainketei ekiteko, onuradunek ordainketa egiteko eskaera aurkeztu beharko dute, urtero- urtero, Nekazaritza, Abeltzaintza eta Elikadura Departamentuan, ezarriko den moduan eta epearen barrenean.

13. artikulua. Produkzio integraturako eta produkzio ekologikorako laguntzen aplikatzearen segida.

1.-Laborantza-talde bakoitzean, onuradunak konpromisoaren barrenean sartutako eremua handitu nahi baldin badu, lehenbiziko konpromisoaren ordez beste bat egiten ahalko du, bost urtekoa, dena delako azalera guztirako, aurreko konpromisorako ezarri ziren baldintza berberetan.

2.-Konpromiso-aldian onuradun batek ustiategiaren eremua handitzen baldin badu, honako aukerabide hauek izanen ditu:

a) Erantsitako eremua konpromisoaren esparruaren pean sartzea konpromiso-aldia bukatu arte, betiere neurri horretarako ingurumenaren arloko abantaila nabarmenak gertatzen badira, hasierako konpromiso-aldiaren hiru bosten iragan ez bada eta handitutako eremua bi hektareatik beherakoa baldin bada. Onuradun bakoitzeko handitze- espediente bat bakarra onartuko da.

b) Hasierako konpromisoaren ordez beste bat egitea eremu osorako, artikulu honetako lehenengo puntuan azaldutakoari jarraikiz.

3.-Konpromiso-aldian onuradunak laguntzaren xede den ustiapena osorik edo haren zati bat beste bati eskualdatzen baldin badio, lagapen-hartzaileak konpromisoari eutsi ahalko dio hura amaitu arte, betiere Foru Agindu honetan onuradunari eskatzen zaizkion beharkizunak betetzen baldin baditu. Bestela, onuradunak jasotako laguntzak itzuli beharko ditu gehi dagozkion korrituak, diru-zenbatekoa Espainia barrenean berreskuratzeko korritu-tasa aplikatuz, onuradunak dirulaguntza jaso zuenetik itzultzen duen arte kalkulatuak.

Nolanahi ere, onuradun baten ustiategiko zati baten eskualdaketaren ondorioz, ukitutako eremua hitzartutakoaren % 15etik beherakoa baldin bada, ez da laguntza itzuli beharko, ondoko jabeak hasierako konpromisoei eutsi ala ez.

Onuradunak nekazaritza jarduerari behin betikoz uzten baldin badio, hiru urte baino gehiago igaro baldin badira eta ezinezkoa baldin bada ondokoak konpromisoa bere gain hartzea, ez da laguntza itzuli beharrik izanen.

4.-Onuradunari ezinezkoa gertatzen baldin bazaio sinatutako konpromisoari eustea, ustiapena lurzati berrantolamendu baten edo lurzatiak antolatzeko beste esku- hartze publiko baten ondoriozko eragiketa baten xede izan delako, konpromisoak eta dirulaguntzaren zenbatekoak ustiategiaren egoera berrietara egokituko dira. Egokitzapena egiterik ez bada, konpromisoa bukatutzat hartuko da, konpromiso-aldiari dagokion diru-itzulketa eskatu gabe.

5.-Sinatutako konpromisoekin aurrera egitea eragozten duten ezinbesteko kasuetan, konpromisoaldi eraginkorragatik ez da inolako diru-itzultzerik eskatuko. Ezinbesteko kasuak honako hauek izanen dira:

a) Onuradunaren heriotza.

b) Onuradunaren lanerako ezintasun luzarokoa.

c) Neurria aplikatu zaion ustiategiaren zati inportante baten desjabetzapena, baldin eta konpromisoa sinatu zeneko egunean desjabetzapen hori ezin aurreikusi bazitekeen.

d) Hondamendi natural larriek laguntzak jaso dituen nekazaritza eremua hondatu izanagatik, hartutako konpromisoak betetzea ezinezkoa gertatzen denean.

e) Berrogeialdia eskatzen duten eritasun edo izurriteak hartzea, horiek desagertarazi edo menean hartzeko neurriak hartu beharra dakartenak (beti ere Nekazaritza, Abeltzaintza eta Elikadura Departamentuaren gainbegiradaren pean).

Ezinbesteko kasuak jakinarazi beharko zaizkio Nekazaritza, Abeltzaintza eta Elikadura Departamentuari hamar egun balioduneko epean, gehienez, gertakizuna izandako datatik kontatzen hasita.

6.-Labore bat uztea ez da neurriaren aplikazioaren etentzat hartuko, eta ez eta emandako laguntza itzultzeko arrazoitzat hartuko ere, baldin eta, labore hori jarri zenetik hilabete bat pasatuta, inguruabar agroklimatikoek ezinezko egiten badute aurrera egin eta merkaturako moduko uzta bat lortzea.

14. artikulua. Onuradunen betebeharrak.

Onuradunak honakook bete beharko dituzte:

a) Emandako dirulaguntzak direla eta, Nekazaritza, Abeltzaintza eta Elikadura Departamentuak egiten dituen egiaztapen ekintzak oro onartzea.

b) Beste edozein administraziori xede berarekin eskatutako nahiz lortutako dirulaguntzen berri ematea Nekazaritza, Abeltzaintza eta Elikadura Departamentuari.

c) Bere kontabilitatean edo erregistro-liburuan erregistratzea jasotako dirulaguntza, baldin eta indarrean den legeriaren arabera halako bat edukitzera behartuta badago.

15. artikulua. Ikuskapenak.

1.-Laguntzen onuradunak hainbat administrazio eta landa kontrolen eta diru zehapen edo murrizketaren menpean egonen dira, alegia, Europako Batasunaren laguntzen zenbait araubideri buruzko kudeaketa eta kontrolerako sistema integraturako arau komunitarioetan ezarritakoen menpean.

2.-1. atalean zehaztutako kontrolez gain, konpentsazioko kalteordainen eta produkzio integraturako eta ekologikorako onuradunek laguntza-lerro bakoitzaren kontrol berariazkoak egin beharko dituzte.

3.-Bazkatarako azalerak abeltzaintzako ustiategia ez dagoen udalerri batean deklaratu baldin badira, Nekazaritza, Abeltzaintza eta Elikadura Departamentuak egonaldiko, garraioko eta bestelako agiriak eskatzen ahalko ditu, azalera horiez baliatzen ari dela egiaztatzeko.

16. artikulua. Itzulketak, ez-betetzeak eta zehapenak.

1.-Foru Dekretu honetan aurreikusten diren laguntzei buruzko itzulketak, arau-hausteak eta administrazio zehapenak gobernatzeko, Batasunaren araudiek horri buruz agintzen dutena gorabehera, Nafarroako Foru Komunitateko eta haren erakunde autonomoetako Administrazioaren dirulaguntzak eman, kudeatu eta kontrolatzeko araubide orokorra ezartzen duen ekainaren 9ko 8/1997 Foru Legeko 21, 27 eta 28. artikuluek agintzen dutena hartuko da aintzat.

2.-Arau hausteak finkatzeko eta zehapenak ezartzeko Administrazioak erabiltzen duen prozedurak abenduaren 9ko 369/1997 Foru Dekretuak agintzen duena hartuko du aintzat. Foru Dekretu horren bidez nekazaritza, abeltzaintza eta elikagaien arloetan zehapenak ezartzeko administrazio prozedura ezarri zen.

3.-3387/92 EE Erregelamenduan aurreikusiriko zehapenen ondorioetarako, azalera edo abere zehaztu edo aurkitutzat joko dira administrazioaren kontroletan eta tokian-tokian balioztatuak.

4.-Nekazaritzako primak, bereziki, abereak identifikatzeko kontuak hartuko dira aintzakotzat, baita abereak Abeltzaintza Zerbitzuko Abereen Zentsuko datu basean inskribatzekoak ere.

5.-Aurrerako behi-aziendako abere batean 96/23 Zuzentarauaren bidez debekaturik dauden substantzien hondarrak aurkitzen direnean, edo baimendutako substantziak izan arren legeak agindu ez bezala erabilitako substantzien hondarrak baldin badira, hala nola ustiategian baimenduta ez dauden produktu edo substantziak, edozein modutan, aurkitzen badira, edo baimenduta badaude ere, legeak agindu ez bezala erabili baldin badira produktu edo substantzia horiek, ekoizlea Foru Agindu honetako laguntzetatik at geldituko da urte batez, gertaera horiek egiaztatu diren egunean hasita. Arau-haustea berriz egiten baldin bada, haren larritasunaren arabera, zehapena bost urte bitarte luzatuko ahalko da, errepikapena egiaztatzen den egunean hasita.

6.-Animalien jabeak edo edukitzaileak hondarren kontrolerako programa publikoak edo 96/23 Zuzentarauan aurreikusitako ikerketa eta ikuskapenak egiteko behar diren ikuskapen eta lagin-hartzeak oztopatzen dituenean, zenbaki honetako lehenbiziko lerroaldean ezarritako zehapena aplikatuko da.

7.-Halaber, Europako Batasunaren arauekin bat, deklarazio faltsu bat axolagabekeria larri baten ondorioa izan dela egiaztatzen baldin bada, onuraduna urte horretan herrien garapenerako 125/1999 Erregelamenduko dagokion kapituluan ezarritako neurrietatik bazter geldituko da. Nahita egindako deklarazio faltsua baldin bada, onuraduna zehapen hori hurrengo urtera luzatuko da.

II. KAPITULUA

Nekazaritzako zenbait produkturi azaleragatik ordaintzekoa

17. artikulua. Ureztaketa lurrak.

1.-Diru horiek hartu ahal izateko, Nafarroako Foru Komunitateko lurraldean, ureztaketa lurtzat hartuko dira Foru Agindu honetako 6. artikuluko 1. atalean eskabideak aurkezteko aipatzen den epe-egunean Nafarroako Lurralde Aberastasunaren Erregistro Fiskalean ureztaketa lurzat hartuak ziren nekazaritzako lurzatiak edo, halakorik ezean, egun hartan betebehar hauetariko baten bat biltzen zutenak:

Bestetik, ureztalurtzat hartuko dira ureztaketa-lur bihurtzeko prozeduretan edo lurzatien berrantolamendu prozeduretan sarturiko nekazaritzako lurzatiak, burutzen ari direnak izan edo bukatuak izan, Nekazaritza, Abeltzaintza eta Elikadura Departamentuak aurreko paragrafoko data baino lehen hasi bazituen.

2.-Arroz-alorrean ereiteko erabiltzen diren lurzatietan, Nafarroako Foru Komunitateko lurraldean, konpentsatze ordainketak nekazaritzako lurzatiei eginen zaizkie, osagarri moduan erabiltzen badira eta Nafarroako Lurralde Aberastasunaren Erregistro Fiskalean 1998ko abenduaren 20a baino lehen ureztaketa lurtzat ageri badira, edo, hala ez bada, 1998/1999 ekinaldian ureztaketa lurrak izateagatik konpentsatze ordainketak hartu badituzte.

18. artikulua. Salbuespenak lurrak kentzearen gehieneko portzentaietan.

1.-Produktorearen borondateaz kanpoko arrazoiengatik ustiategiaren egituran egindako aldaketengatik gainditu baldin bada kendutako lurren portzentaia (abenduaren 10eko 1893/1999 Errege Dekretuko 11. artikuluko 3. atalean aipatzen diren arrazoiengatik, bereziki ureztalurren berrantolamenduaren kasuan), portzentaia gainditze hori Nekazaritza, Abeltzaintza eta Elikadura Departamentuak onartu beharko du, Nekazaritzako Egituren Zerbitzuak aldeko txostena emandakoan.

2.-2000ko urri-azaroetan euri asko egin eta ohiko eraintza-lanean traba handia ekarri duenez, 2001eko kanpainako laguntza-eskarietarako, azaleraren % 75erainoko portzentaia onartzen da kendutako lehorreko lurretan ondoko zerrendako udalerrietan: Oibar, Agoitz, Aranguren ibarra, Kaseda, Gazteluberri, Eslaba, Ezporogi, Galipentzu, Ibargoiti, Itzangaondoa, Xabier, Leatxe, Leotz, Lerga, Ledea, Longida, Irunberri, Erromantzatua, Zare, Zangoza, Urraulgoiti, Urraulbeiti eta Esa.

Nafarroako Foru Komunitateko gainerako herrietan, 2001. urteko kanpainarako ere, kendutako lehorreko lurren portzentaia % 45erainokoa izan daiteke (konpentsazioko kalteordaina jasotzeko aurkeztutako azaleraren % 45 hain zuzen).

19. artikulua. Aletarako lekadunengatik eta hazitarako lekadunengatik ordaintzekoa baterazina da.

Europako Batasunak hazien sektorerako dituen laguntzei buruzko urriaren 29ko 1680/1999 Errege Dekretuaren 6. artikuluan eta hura aldatzeko xedapenetan ezarritakoari jarraikiz, haziak ugaltzeko hazi saltoki batekin kontratu bat izenpetzen duten ekoizleek edo zuzeneko laborantzan haziak ugaltzen dituzten hazi saltokiek, 1680/1999 Errege Dekretuko laguntzak eskatu nahi badituzte Foru Agindu honetan arautzen den eskabide bakarrean deklaratutako lurzatietan produzitutakoarentzat, adierazi beharko dute, deklarazio batean, uko egiten dietela aletarako lekadunetarako laguntzei.

Uko egiteko deklarazioan behar bezala adierazi beharko da zein diren hazi-produkziorako laguntzetarako lurzatiak.

Laguntzei uko egiteko deklarazioa Nekazaritza, Abeltzaintza eta Elikadura Departamentuko Nekazaritza eta Nekazaritzako Finantzaketaren Zerbitzuko Etekinetarako Laguntzen Atalean aurkeztuko dira 2001eko ekainaren 30a baino lehenago, hori baita estatuko oinarrizko araudian finkatu den epea.

III. KAPITULUA

Abeltzaintzarako primak

20. artikulua. Estentsibo bihurtzeko prima.

Estentsibo bihurtzeko saria kobratu ahal izateko, ustiategiko abere zama honela zehaztuko da:

a) Ustiategiko zezen eta behi guztiak kontuan hartuz, Abereen Zentsuaren arabera, urtean-urtean, baita primaren eskabidearen xede diren azienda zuriko abelburu guztiak ere (zuzenbideari lotuak).

b) Abere zama kalkulatzeko gutxienez ere ehuneko 50eko bazkatzeko lurrek osatzen duten bazka-azalera kontuan hartuz. Bazka-lurtzat ezin hartuko dira belarkien laborantzak ekoizteko erabiltzen direnak, maiatzaren 17ko EE Erregelamenduko 1. eranskineko definizioaren arabera. Erregelamendu horretan zenbait belarkien laborantzaren ekoizleei laguntzeko araubidea ezartzen da.

21. artikulua. Ustiategiko abereen mantentzea.

1.-Azienda zuriko, behi ume-hazleendako primetarako eta aratxeendako prima berezirako eskubidea izateko, ekoizleak bere ustiategian mantendu beharko ditu, atxikialdietan, primaren eskabidean aipatzen diren abere guztiak. Abere kopurua aldatzen bada, baita lekualdatzen badira ere, idatziz, hamar eguneko epean, Nekazaritza, Abeltzaintza eta Elikadura Departamentuko Abeltzaintza Zerbitzuari jakinarazi beharko diote.

2.-Primarako aitortzen den behi edo bigantxa baten ordez, atxikialdian hiltzen bada, beste behi edo bigantxa bat sartzen ahalko da, baldin eta ordezpen horrekin ere behi ume-hazleak laguntzaren xede diren abereen ehuneko 80 badira eta bigantxak abere guztien ehuneko 20 baino gehiago ez badira. Ordezpen horiek, beti ere, Nekazaritza, Abeltzaintza eta Elikadura Departamentuko Abeltzaintza Zerbitzuari jakinarazi beharko zaizkio, idatziz, hamar eguneko epean.

22. artikulua. Abereak hiltzeko prima. Hiltegietan parte hartzearen adierazpena.

Abereak hiltzeko primen kudeaketa eta haien kontrola errazteko, abereak hiltzeko primen araubidean laguntzaile gisa parte hartu nahi duten Nafarroako Foru Komunitateko hiltegiek, aldez aurretik, parte hartzen dutela jakinarazi beharko diote Nekazaritza, Abeltzaintza eta Elikadura Departamentuko Abeltzaintza Zerbitzuari, Estatuko oinarrizko arautegian aurreikusiriko moduan, eta Zerbitzu horrek ezartzen dituen kontrolen menpe jarri beharko dute eta kontrol horiekin elkarlanean aritu.

23. artikulua. Abereen hiltzearen ziurtagiriak. Sisteman parte hartzen duten hiltegiek, ekoizleek eskaturik, laguntzarako eskubidea duten abere bakoitza hiltzean, ziurtagiri bat luzatuko dute. Horietan, gutxienez ere, Estatuko oinarrizko arautegian aipatzen diren datuak bilduko dira, baita Europako Batasunean indarra duen arautegiaren arabera kanalen sailkapena ere.

24. artikulua. Ordainketa osagarriak. Ordainketa osagarriak zortzi hilabetetik goitiko abelgorriak hiltzeko primaren gehigarri gisa emanen dira, Nafarroari dagokion kopurua ekinaldi bakoitzeko abereak hiltzeko prima kopuruarekin banatzetik ateratzen den zenbatekoan, Estatuko oinarrizko arautegiaren arabera.

IV. KAPITULUA

Eskualde behartsuetarako konpentsazio-laguntzak

25. artikulua. Onuradunen betebeharrak.

1.-Foru Agindu honetan 2001. urterako ezarritako laguntzak Nafarroako eskualde behartsuetan kokaturiko nekazaritzako ustiategien titular diren pertsona fisikoek jasotzen ahalko dituzte, betiere ondoko baldintza hauek betetzen badituzte:

a) Nagusiki nekazaria izatea eta afiliatua egotea Gizarte Segurantzako Nekazaritzako Araubide Berezian bere konturako langile gisara, edo Gizarte Segurantzako Araubide Orokorrean nekazaritzako bere jarduerarengatik.

Deklaratutako errenten ehuneko berrogeita hamarra nekazaritzatik ateratzeko betebeharretik salbuetsirik egonen dira beren jarduera laguntza hauek eskatu baino bi urte lehenago hasi duten nekazari gazteak.

Laneko baja ezinbesteko arrazoia izanen da titularra nagusiki nekazaria den pertsonatzat hartzeko.

b) 1998ko ekitaldiko Pertsona Fisikoen Errentaren gaineko Zergaren dirusarrerei buruz deklaratutako errentaren zerga oinarria ekitaldi horretako lanbide arteko gutxieneko soldataren halako 2,5 baino handiagoa ez izatea.

c) Ustiategia non dagoen, udalerri horretako bizilaguna izatea, edo, bestela, inguruko udalerri batekoa, beti ere behartsu gisara katalogatuak badaude eta udal erroldan bost urteko gutxieneko antzinatasuna badute.

d) Nekazaritzako ustiategi baten titularra izatea edo, bestela, ustiategi asoziatibo bateko kidea; kasu horretan, elkartea Nafarroako Nekazaritzako Ustiategien Erregistroan inskribaturik egonen da, abenduaren 15eko 20/1997 Foru Legearekin bat. Bazkide bakoitzak laguntza jaso ahalko du bere partaidetzaren arabera, eta, hala behar denean, laguntza hori erantsi eginen zaio banakako ustiapenarengatik dagokionari, konpentsazioko kalteordain bakarra kalkulatzeko.

e) Nafarroako eskualde behartsu batean gutxienez bi hektareako nekazaritzako azalera erabilgarria lantzea.

f) Nekazaritza jasangarrian arituz, nekazaritza praktika onen metodoak erabiltzea, beren esnahai orokorrean, ingurugiroa eta landa lurrak zaintzeko beharrarekin bat eginez.

2.-Laguntza jasotzea eta eskatutako betebeharren egiaztapena banaka eginen dira pertsona bakoitzarentzat, baita onuraduna ustiategi asoziatibo bateko bazkide denean ere.

3.-Nekazaritza, Abeltzaintza eta Elikadura Departamentuak betebehar horien egiaztapena eskatu ahalko du Zuzenbidean onatzen ahal den edozein bideren bitartez, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Foru Legearen 80 artikuluari jarraikiz.

26. artikulua. Nekazaritzako ustiategien betebeharrak.

Laguntza hauen onuradunen nekazaritzako ustiategiek ondoko baldintza hauek bete beharko dituzte:

a) Nafarroako Nekazaritzako Ustiategien Erregistroan inskribaturik egotea, abenduaren 15eko 20/1997 Foru Legeari jarraikiz.

b) Laguntza jaso ahal duen azaleraren 100eko 50ean gutxienez, Nafarroako Foru Komunitatean eskualde behartsu gisara katalogaturiko zona batean egotea.

c) Eskualde behartsu baten gutxienez bi hektareako nekazaritzako azalera erabilgarria izatea.

d) Ingurugiro, higiene eta animalien ongizateari buruzko gutxieneko arauak betetzea.

27. artikulua. Onuradunen konpromisoak.

Laguntzak emateko ezinbesteko baldintza da nekazariek berariazko konpromisoa hartzea laguntza lehen aldiz eman ondoko bost urteetan gutxienez nekazaritzan aritzeko, eskualde behartsu batean eta nagusiki nekazaria den pertsona gisara, Batzordeak 1999ko ekainaren 20an emandako 1750/1999 Erregelamenduaren 20.1 artikuluan ezarritako ezinbesteko kasuetan izan ezik, eta, bereziki, ustiategia onura publikoko arrazoiengatik erosten zaionean eta jubilazio pentsio bat hartzen hasten denean edo nekazaritzako jarduerak aldez aurretik uzteko laguntzak jasotzen dituenean salbu.

28. artikulua. Ustiategiaren ordainaren xede izan daitekeen azaleraren kalkulua.

1.-Foru Agindu honetan aurreikusitako laguntzak nekazaritzako ustiategiaren ordainaren xede izan daitekeen hektarea bakoitzeko.

2.-Ordainaren xede izan daitekeen azaleraren hektareak kalkulatzeko, bazkarako azalera ez-hautagarria eta ustiategiaren azalera hautagarriak batuko dira, Foru Agindu honen 2. artikuluan definituak denak, ondoko koefizienteak aplikatu ondoren:

-Ureztapen hektarea: 1,00.

-Laborantza estentsiboko eta lehorreko landaketetako hektarea: 0,50.

-Zuhaitz eta zuhaixka landaketak, zuretakoak ez direnak: 0,30.

3.-Ustiategi bakoitzean ehun hektareatarako laguntza emanen da gehienez.

29. artikulua. Laguntza kalkulatzeko aplikatuko diren koefizienteak.

Laguntza kalkulatzeko ondoko koefiziente hauek aplikatuko dira:

a) Ordainaren xede izan daitekeen ustiategiko azaleraren hektareen arabera:

-5 hektareakoa edo gutxiagokoa: 1,00.

-5-25 hektarea: 0,75.

-25-50 hektarea: 0,50.

-50-100 hektarea: 0,25.

b) Eskaeraren titularrak deklaratutako errentaren arabera:

-Lanbide arteko gutxieneko soldataren halako 1,5 baino gutxiago: 1,20.

30. artikulua. Konpentsazioko kalteordainaren zenbatekoa.

1.-Konpentsazioko kalteordainaren gutxieneko zenbatekoa ondoko faktoreen emaitza izanen da:

a) Ordainaren xede izan daitekeen azaleraren hektareak, Foru Agindu honen 28. artikuluari jarraikiz.

b) Ustiapenaren koefizientea, Foru Agindu honen 2. artikuluan definitua.

c) Eskualde behartsuetan eta mendialdekoetan oinarrizko moduluarentzat finkaturiko urteko zenbatekoa.

Ustiategi bat eskualde behartsu batean edo mendialdeko batean kokatzeko, kontuan hartuko dira ustiategiari buruz deklaratutako azalera guztiak.

Jarduketa eremua zehaztu ondoren, haren barruan ustiategiko udalerri izendatuko da azalera handiena biltzen duena.

d) Foru Agindu honen 29. artikuluaren arabera aplikatzen diren koefizienteak.

2.-Ez da dirulaguntzarik emanen baldin eta eskabideari dagokion zenbatekoa 50 eurotik beheitikoa bada.

31. artikulua. Bateraezintasunak.

Eskualde behartsuentzako laguntzen onuradunak ezin izanen du nekazaritzako jarduera aldez aurretik uzteko laguntza publikorik, jubilazio pentsiorik, langabezi sorospenik edo antzeko beste prestazio publikorik jaso.

V. KAPITULUA

Produkzio integraturako laguntzak

32. artikulua. Neurrien irispidea.

1.-Produkzio integraturako laguntzak honako laboretan aplikatuko dira Nafarroako Foru Komunitatean diren lurzatietan:

a) Baratzekoen taldea.

.Esparrago zuria.

.Kruziferoen familia: azalorea, brokolia, erromaneskoa, azak, etab.

.Letxuga, letxuburuak eta eskarola.

b) Berotegikoen taldea: letxuga, letxuburuak eta eskarola.

c) Arrozaren taldea: arroza.

Labore bakoitzerako Nekazaritza, Abeltzaintza eta Elikadura Departamentuak onesten dituen Produkzio Integraturako araudi berariazkoak paperean egonen dira nekazarien esku Departamentuan bertan, Nekazaritzaren Kudeaketarako Institutu Teknikoan eta Kontrol eta Zertifikazio Entitatean, hau da, kasu honetan Nafarroako Nekazaritzako Elikagaien Kalitatearen institutua (ICAN).

2.-Labore mota edo labore talde bakoitzerako laguntzak honako nekazaritza eskualde hauetan aplikatuko dira.

LABORE-MOTA NEKAZARITZAKO ESKUALDEAK

Esparragoa III, IV, V, VI eta VII eskualdeak

Kruziferoak V, VI eta VII eskualdeak

Letxuga, letxuburuak eta eskarola

aire zabalean V, VI eta VII eskualdeak

Letxuga, letxuburuak eta eskarola

berotegian Eskualde guztiak

Arroza VI eta VII eskualdeak

33. artikulua. Hartzaileen betebeharrak.

1.-Foru Agindu honetan aipatzen diren laguntzen hartzaile izan daitezke abenduaren 15ko 20/1997 Foru Legeak arautzen duen Nafarroako nekazaritza ustiategien Erregistroan inskribatutako nekazaritza ustiategi baten titular diren pertsona fisiko nahiz juridikoak, beren ustiategi guztian edo parte batean Produkzio Integratuaren sistema aplikatzen badute. Nolanahi ere laguntza finkatzeko, ustiategiak Nafarroako Foru Komunitatean duen azalera hartuko da aintzat

Izaera juridikoa edo antzeko izaera duten elkarteek, arestian azaldutakoaz gainera, egiaztatu beharko dute estatutuen arabera elkartearen helburu bakarra nekazaritza dela.

2.-Gainera, neurri hau erabiltzeko, gutxieneko azalera batzuk errespetatu behar dira. Honakook:

a) Produkzio Integratuko ustiategiko azalera gutxienekoa: hektarea 1, salbu eta berotegietan, horietan gutxienez 1000 metro koadrokoak izanen baita, behin neurripean sartu ondoren Nafarroako Nekazaritza garatzeko 2000-2006 Programak aurreikusten dituen labore guztiak.

b) Gutxieneko azalera, hazkuntzen arabera:

Baratzekoak 0,50

Berotegiak 0,10

Arroza 2,00

Aire zabaleko barazkien kasuan, behar den gutxieneko azalera 0,25 hektareakoa izanen da, baldin eta ez badira garatu, gutxienez, Nafarroako Produkzio Integratuko Laborantzako bost Neurri Tekniko, barazki horiei buruzkoak.

34. artikulua. Hartzaileen konpromisoak.

Eskatzaileak, laguntzaren hartzaile izan ahal izateko, honako konpromisoak hartu behar ditu, gutxienez bost urtetarako:

a) Nafarroako Produkzio Integratuaren Erregistro ofizialean inskribaturik egotea eta hortaz Kontrol eta Zertifikazio Entitatean ere bai.

b) Produkzio Integratuaren metodoak aplikatzea eta beraz produkzio klase horretarako kasuko Produkzio Integratuaren araudi Berariazkoan agindurik dagoena betetzea.

c) Aholku teknikoa hartzeko egitura batean inkribaturik egotea, Produkzio Integratua ere hartzen duen batean.

d) Parte hartzea, hala ematen zaionean aditzera, hartarako Nekazaritza, Abeltzaintza eta Elikadura Departamentuak antolatzen dituen prestakuntza ekintzetan, dela berak zuzenean, dela Nekazaritzaren Kudeaketarako Institutu Teknikoak, entitate horrek ardura baitu prestakuntzarako laguntza emateko Produkzio Integratuaren teknikak hobeki aplikatzeko. Horri dagokionez, konpromisoa bete dela juzgatuko da hartzailearen partez haren eskuordea egoten bada bertan, baldin eskuorde horrek bere gain badu laguntzapeko lurzatietan benetako laborantza lanak egiteko ardura.

e) Nafarroako Foru Komunitatean taldeka antola litezkeen babes fitosanitarioko programetan parte hartzea, baldin Nekazaritza, Abeltzaintza eta Elikadura Departamentuko edo Nekazaritzaren Kudeaketarako Institutu Teknikoko teknikariek hala gomendatzen badute.

f) Ustiategiko liburua betetzea konpromisopeko lurzatietarako, zeinean produkzio jarduerarekin lotura duten ekintza guztiak jasoko diren eta bai unitateei, datei, dosiei eta abarri buruzko datu osagarriak ere. Hartarako, ustiategiko liburu baliozko bakarrak izanen dira Nekazaritza, Abeltzaintza eta Elikadura Departamentuak egiten dituenak. Nekazariek Departamentuan bertan, nekazaritzako ITGan eta Nafarroako Nekazaritzako Elikagaien Kalitatearen Institutuan izanen dituzte eskuragai liburu horiek. Liburuak euskarri informatikoan ere egin ahalko dira. Horretara aplikazio baliozko bakarra izanen da Nekazaritza, Abeltzaintza eta Elikadura Departamentuak ematen duena.

g) Administrazioko eta Kontrol eta Zertifikazio Entitateko ikuskatzaileei libre uztea lurzatietara sartzen, eta laguntzapeko jardueraren gainean eskatzen zaien informazio guztia ematea.

2.-Esan direnez gain, hartzaileak ustiategi osoan nekazaritzako ohiko praktika egokiak bete beharko ditu.

3.-Konpromisoak betetzeari begira, hazkuntza galkorren kasuan, konpromisoak, bost urtez, azalera gutxieneko bat lotuko du urteko, baina aldi horretan hazkuntza ez da lurzati jakin bati lotuta egonen. Halaber, eta terrenoaren okupazio portzentaje txikia dakarten hazkuntzak direnean, konpromisoa bete dela juzgatuko da nekazaritza urte hartan gutxienez laguntzapeko hazkuntzaren uzta bat bildu bada, gainerako denbora lurzatia libre utzita beste edozer gauza produzitzeko.

Nolanahi ere, ez da zilegi izanen katastroko lurzati batek edo haren azpizati batek nekazaritza urte batean laguntza bat baino gehiago hartzea neurri ber honetan, nahiz eta azalera berean eta urte hartan errepikatu egiten diren laguntza hartzeko moduko hazkuntzak.

Labore ez-iraunkorren kasuan, orobat, labore-txandaketak erraztearren, hasierako konpromisoa ez dela urratu ondorioztatuko da baldin eta urteko txandaketari ekiteko asmoz lurzatian egiten den egokitzapenean labore-moten arteko aldaketa % 15etik beherakoa bada. Kasu guztietan, laguntza kalkulatzeko, urtean benetan lantzen den eremua kontuan hartuko da eta ezinezkoa izanen da hasiera batean onesten den diru-muga gainditzea.

4.-Egurtarako hazkuntza iraunkorren kasuan, konpromisoak lurzati bat bera lotzen du bost urtetarako. Plantazio baten bizitza baliagarria ahitu eta hortaz altxatu beharra bada, frogatu beharko da hurrengo urtean beste hainbesteko hazkuntza bat ezarri dela, azaleraz kendu denaren berdina edo handiagoa, gainerako konpromiso-aldian irautekoa. Halaber, egurtarako hazkuntza iraunkorren lurzatiak, halakotzat joko badira, plantazio erregularrek hartuak beharko dute, eta beti ere hektareako 60 ondo baino gehiago eduki.

35. artikulua. Laguntzak eskatzeko aurkezpen-urtea.

Urte bateko laboreen kasuan, laguntza-eskaera laborearen ziklo begetatiboaren erdia baino gehiago gertatzen den urtean aurkeztu behar da. Laborea landatu edo ereiten denetik bilketa egin bitartekoa hartzen da ziklo begetatibotzat. Urte askoko laboreen kasuan eskaerak bilketa egiten den urtean aurkeztuko dira.

Ondoko zerrendako laboreen kasuan irizpide hauek aplikatuko dira:

-Kruzifero eta letxugak: Azaroaren lehenaz geroztik landatutakoa hurrengo urtekotzat hartuko da.

-Esparragoa: bilketa-urtea aplikatuko da.

-Arroza: ereintza egiten den urtea aplikatuko da.

36. artikulua. Laguntzak.

1.-Aurreko artikuluan ezarritako baldintzak betetzen dituzten eskatzaileei gehieneko laguntza eman ahalko zaie, urteko eta azalera-unitate bakoitzeko ezartzen dena. Laguntza kalkulatzeko honako irizpide hauek hartuko dira kontuan: nekazariaren jarduera nagusia, ustitategiaren izaera eta labore-mota.

Hektarea bakoitzeko gehieneko laguntza, onuradunaren katalogazioaren arabera

Esparrago zuria 276,00 45.922 230,00 38.269

Kruziferoak 276,00 45.922 230,00 38.269

Letxuga, letxuburua eta eskarola

aire zabalean 276,00 45.922 230,00 38.269

Letxuga, letxuburua eta eskarola

berotegian 492,00 81.862 410,00 68.218

Arroza 180,00 29.949 150,00 24.957

2.-Pertsona fisikoen kasuan, laguntza eskuratu dezakeen gehieneko azalera 40 hektareakoa izanen da Esparrago zuri, kruzifero, eta aire zabaleko zein berotegiko letxuga, letxuburu eta eskaroletarako (denak batera), eta 50 hektareakoa arrozerako. Muga horiek % 20 goratuko dira titularra nagusiki nekazaria bada.

3.-Nortasun juridikoa duten elkarteen kasuan laguntza eskuratu dezakeen gehieneko azalera honako hauen arabera kalkulatuko da: bazkide-kopurua, sozietatearen kapitalean duten partea, eta ustiategiko produkzio ekologikoaren azalera. Bazkide bakoitzak laguntza eskuratzeko eskubidea duen gehieneko azalera bat sortuko du, aurrerago deskribatzen den moduan erabakia. Elkartearentzat, beraz, laguntza izateko eskubidea duen azalera bazkideek sortutako laguntza-eskubideen batura izanen da.

-Esparrago zuri, kruzifero, eta aire zabaleko zein berotegiko letxuga, letxuburu eta eskaroletarako (denak batera), bazkide bakoitzak laguntza eskuratzeko azalerak ez du gainditu behar, ez artikulu honetako 2. atalean ezarritako norbanakoaren muga, ez eta biderketa honen emaitza ere: elkartearen kapitalean duen portzentaia bider ustiategian produkzio integratuko laborantzari emandako azalera.

-Arrozerako bazkide bakoitzak laguntza eskuratzeko azalerak ez du gainditu behar, ez artikulu honetako 2. atalean ezarritako norbanakoaren muga, ez eta biderketa honen emaitza ere: elkartearen kapitalean duen portzentaia bider ustiategian produkzio integratuko laborantzari emandako azalera.

Sozietate aunonimoen kasuan edo zenbat bazkide diren esaterik ez dagoenetan, laguntza eskuratzeko gehieneko azalera ezartzen da, 200 hektarea esparrago zuri, kruzifero, eta aire zabaleko zein berotegiko letxuga, letxuburu eta eskaroletarako (denak batera), eta 250 hektarea arrozerako.

4.-Lehenbiziko urteko eskabidean laguntza izateko eskubidea zuen azalera (aurreko ataletan deskribatutakoari jarraikiz kalkulatua), hasiera batez titularrak agindu zuen azalera baino txikiagoa baldin bada, konpromisoa, ondorio guztietarako, murriztua dagoela ulertuko da, laguntza izateko eskubidea duen azalera murriztua hain zuzen. Murrizketa hori eraberan aplikatuko zaie laborantza-motei eta hasierako konpromisoko azalerei.

5.-(EE) 1257/1999 Erregelamenduaren eranskinean ageri diren diru-mugak ezin izanen dira gainditu, hau da, 600 euro (99.831 pezeta) hektarea bakoitzeko, urteko laboreentzat.

37. artikulua. Bateraezintasunak.

Ez da zilegi izanen konpromiso bat berak Kontseiluaren 1999ko maiatzaren 17ko 1257/1999 Erregelamenduaren ondorioz (arautzen du nekazaritzaren garapenerako zer laguntza emanen diren Nekazaritzaren Berme eta Orientaziorako Europako Fondotik-FEOGA) hartzea laguntza eta aldi berean Europako beste laguntza araubide batetik. Honi dagokionez:

a) Ezin baterako dira Produkzio Integraturako laguntzak eta Kontseiluaren 2200/1996 eta 2201/1996 (EE) Erregelamenduetan aurreikusten diren ekintza plan, programa operatibo eta berariazko neurrietan proposatzen diren balio eta konpromiso bereko laguntzak (Erregelamendu horiek fruta eta barazki fresko eta eraldatuen sektoreko merkatu erakunde komunei buruzkoak dira).

b) Ustiategi bat berean ezin baterako dira produkzio orientabide berentzako laguntzak (espeziea, laborantza eta barietatea) Produkzio Integratu eta nekazaritza ekologikoko konpromisoengatik.

c) Lurzati bat berean ezin baterako dira esparrago hazkuntzako produkzio ekologikoarentzako laguntzak eta azaroaren 2ko 323/1998 Foru Dekretua aplikatzearen ondoriozko laguntzak (finkatzen du zer laguntza emanen diren tratamendu fitopatologikoen kontrol integratua sustatzeko esparrago zuriaren hazkuntzan).

VI. KAPITULUA

Produkzio ekologikorako laguntzak

38. artikulua. Neurriaren eragin esparrua.

1.-Foru Agindu honetan aurreikusitako laguntzak Nafarroako Foru Komunitate osoan aplikatu ahalko dira, honako laborantza-mota hauetan: larreak, lehorreko belarkiak, ureztaketako belarkiak, almendrondoak, mahastiak, baratze-gaiak aire zabalean, fruta geziko frutarbolak eta berotegiak.

2.-Belarki-laboreen multzoan sartuko dira, halaber, urte bateko edo gehiagotako bazka-laboreak (gramineoak, lekadunak, e.a.) eta aurrekoen nahasketak, bildu ondoren, ziloratu edo idortzeko badira.

3.-Larreen izendapenaren barrenean, bazken aprobetxamendua, batez ere, "azienda zuzenean bazkatuz", hots, bazka moztu eta bildu behar izan gabe, egiten deneko eremuak sartzen dira. Horietan nolabaiteko kontserbatze, mantentze eta ontze ekintzaren bat egiten da eta, tarteka, karezko edo magnesiozko medeagarria edo medeagarri organikoa ere ematen ahal zaie. Nolanahi ere, lurra eta emankortasuna zaindu, hobetu edo mantentzeko lanik batere egiten ez direneko larreek ez dute laguntzarik jasoko, zuhaitzen estalpea izan ala ez.

39. artikulua. Onuradunek bete beharreko baldintzak.

1.-Nafarroako Nekazaritza Ustiategien Erregistroan (abenduaren 15eko 20/1997 Foru Legeak arautua) inskribaturik dauden nekazaritza ustiategietako titular diren pertsona fisiko eta juridikoek jaso ahalko dituzte Foru Agindu honetan ezarritako laguntzak, ustiapena oso- osorik edo zati bat nekazaritza produkzio ekologikora bideratzen baldin badute. Kasu guztietan, laguntza Nafarroako Foru Komunitatearen lurraldearen barrenean dagoen ustiategiko zatiari egokituko zaio eta titularrak NNPEKen lizentzia indarduna beharko du.

Izaera juridikoa edo antzeko izaera duten elkarteek, arestian azaldutakoaz gainera, egiaztatu beharko dute estatutuen arabera elkartearen helburu bakarra nekazaritza dela.

2.-Gainera, neurri horretara biltzen diren lurren azalerari dagokionez, gutxieneko neurri batzuk errespetatu beharko dira, labore-motaren arabera, honako hauek hain zuzen:

Larreak 2,00

Lehorreko belarkiak 2,00

Ureztaketako belarkiak 0,50

Almendrondoak 1,00

Mahastiak 1,00

Barazkiak aire zabalean 0,25

Olibondoak 0,50

Fruta gozoko frutarbolak 0,50

Berotegiak 0,10

40. artikulua. Onuradunek bete beharreko konpromisoak.

1.-Laguntza jaso ahal izateko, eskatzaileak hitz eman beharko du hurrengo bost urteotan honako konpromiso hauek bere gain hartuko dituela:

a) Nafarroako Nekazal Produkzio Ekologikoaren Kontseiluaren (NNPEK) lizentzia edukitzea.

b) Produkzio ekologikoaren metodoak bere egitea eta aplikatzea; hortaz, bete beharko du produkzio mota horretarako Kontseiluaren ekainaren 24ko (EE) 2092/91 Erregelamenduan eta Nafarroako Foru Komunitatearen eremuan nekazaritza produkzio ekologikoaren eta nekazaritzako produktu eta elikagaietan horren adierazpena egitearen gaineko Erregelamendua onetsi zuen abenduaren 20ko 617/1999 Foru Dekretuan ezarritakoa, hala nola onesten diren gainerako arauetan ezartzen dena. Hori guztia segurtatzeko, Nafarroako Nekazal Produkzio Ekologikoaren Kontseiluak ematen dituen betebeharrekin bat datozen metodoak erabili beharko ditu laborantzan.

c) Nafarroako Nekazal Produkzio Ekologikoaren Kontseiluak produkzio ekologikoa kontrolatzeko ezarrita duen programaren aplikazioa onartzea.

d) Administrazioko eta ziurtatu eta kontrolatzeko ardura duen entitateko ikuskatzaileei bide ematea labore-lurretan askatasunez sar daitezen, eta laguntzaren xede den jarduerari buruz eskatzen zaien informazio guztia ematea.

e) Nekazaritza, Abeltzaintza eta Elikadura Departamentuak agintzen dizkion prestakuntza ekintzetan parte hartzea. Horri gagozkiola, konpromiso hori betetzat hartuko da laguntzaren onuradunaren partez haren ordezkari bat joaten bada, betiere pertsona horrek laguntzaren xede diren lurretako laborantzaren ardura baldin badu.

2.-Horiez gainera, ustiategi osoan nekazaritzaren ohiko praktika egokiak bete beharko ditu.

3.-Konpromisoen betetze-mailaren ondorioetarako, kontuan hartu beharko da iraunkorrak ez diren laboreetan bost urterako konpromisoa urtero-urtero gutxieneko eremu bat gordetzekoa izanen dela; beraz, ez da ezinbestekoa urtero labore-mota eta katastroko lurzati berbera erabiltzea. Era berean, lurra denbora gutxi okupatu behar den labore-motak direnez, konpromiso hori bete dela hartuko da, nekazaritza urtean laguntzaren xede den labore-motaren uzta bat, gutxienez, biltzen baldin bada. Gainerako denbora, lurzatia libre geldituko da, beste produkzio baterako.

Bost urtez urteko gutxieneko azalera bat izate aldera, lehorreko belarkien kasuan kontuan har daitezke labore- txandaketan sartzen diren urteko lugorriak, betiere lurzati horiek mantentzeko lanak produkzio ekologikoaren metodoei eta Nafarroako Nekazal Produkzio Ekologikoaren Kontseiluak (NNPEK) ezarritako kontrol-programei lotuak baldin badaude, lugorri horiek inolako laguntzarik jaso gabe. Lurzati horiek larretarako laguntzak jasotzen ahal dituzte baldin eta, hazitu eta beste labore arruntetan usatzen diren tekniken bitartez landu badaitezke ere, produkzioa idortzen utzi gabe lurperatzen baldin bada, nahiz eta aurretik azienda zuzenean bazkatzeko aprobetxatu.

Nolanahi ere, neurri horretarako laguntza bakarra emanen da nekazaritza urte bakoitzeko eta katastroko lurzati edo horren puska bakoitzeko, nahiz eta urtean lurzati horretan berean laguntza jaso dezaketen uzta bat baino gehiago bildu.

4.-Labore ez-iraunkorren kasuan, orobat, nekazaritza ekologikoan beharrezkoa diren labore-txandaketak erraztearren, hasierako konpromisoa ez dela urratu ondorioztatuko da baldin eta urteko txandaketari ekiteko asmoz lurzatian egiten den egokitzapenean labore-moten arteko aldaketa % 15etik beherakoa bada. Kasu guztietan, laguntza kalkulatzeko, urtean benetan lantzen den eremua kontuan hartuko da eta ezinezkoa izanen da hasiera batean onesten den diru-muga gainditzea.

5.-Labore iraunkorrei dagokienez, lurzati bakoitzerako konpromisoa bost urterako izanen da. Landaketa baten erabilgarritasun-aldia amaituta, hura utzi behar denean, antzeko labore-mota bati ekin zaiola egiaztatu beharko da hurrengo urtean, utzitako lurzatiaren luze-zabalera berdineko edo handiagoko eremu batean, konpromisoa bukatu arte falta den denbora puskarako. Halaber, labore iraunkorreko lurzatiei dagokienez, labore iraunkorreko izaera edukitzeko, landaketa erregularrak egon beharko dira bertan, hektarea bakoitzeko 60 oin baino gehiago betiere.

41. artikulua. Laguntzak eskatzeko aurkezpen-urtea

Urte bateko laboreen kasuan, laguntza-eskaera laborearen ziklo begetatiboaren erdia baino gehiago gertatzen den urtean aurkeztu behar da. Laborea landatu edo ereiten denetik bilketa egin bitartekoa hartzen da ziklo begetatibotzat. Urte askoko laboreen kasuan eskaerak bilketa egiten den urtean aurkeztuko dira.

Zehazki, aire zabaleko laborantzaren kasuan eta berotegikoan honako irizpide hauek aplikatuko dira:

-Azaroaren lehenaz geroztik landatutakoa hurrengo urtekotzat hartuko da.

-Esparragoa: bilketa-urteari ezarriko zaio.

42. artikulua. Laguntzak.

1.-Aurreko artikuluan ezarritako baldintzak betetzen dituzten eskatzaileei gehieneko laguntza eman ahalko zaie, urteko eta azalera-unitate bakoitzeko ezartzen dena. Laguntza kalkulatzeko honako irizpide hauek hartuko dira kontuan: nekazariaren jarduera nagusia, ustitategiaren izaera eta labore-mota.

Hektarea bakoitzeko gehieneko laguntza, onuradunaren katalogazioaren arabera

Larreak 72,00 11.980 60,00 9.983

Lehorreko belarkiak 144,00 23.960 120,00 19.966

Ureztalurrreko belarkiak 216,00 35.939 180,00 29.949

Almendrondoak 216,00 35.939 180,00 29.949

Mahastiak 252,00 41.929 210,00 34.941

Barazkiak aire zabalean 360,00 59.898 300,00 49.916

Olibondoak 360,00 59.898 300,00 49.916

Fruta geziko frutarbolak 576,00 95.838 480,00 79.852

Berotegiak 594,00 98.832 495,00 82.361

e) Labore bat baino gehiago dituzten lurzatietan, eremurik handiena hartzen duen labore-mota zein den, huraxe hartuko da oinarri lurzati osorako.

2.-Pertsona fisikoen kasuan, laguntza eskuratu dezakeen gehieneko azalera 40 hektareakoa izanen da lehorreko lurreko belarkietarako, eta 30 hektareakoa beste hauetarako: ureztalurreko belarkiak, almendrondoa, mahastia, aire zabaleko barazkiak, olibondoa, fruta gozoko frutarbolak eta berotegiak. Muga horiek % 20 goratuko dira titularra nagusiki nekazaria bada.

3.-Nortasun juridikoa duten elkarteen kasuan laguntza eskuratu dezakeen gehieneko azalera honako hauen arabera kalkulatuko da: bazkide-kopurua, sozietatearen kapitalean duten partea, eta ustiategiko produkzio ekologikoaren azalera. Bazkide bakoitzak laguntza eskuratzeko eskubidea duen gehieneko azalera bat sortuko du, aurrerago deskribatzen den moduan erabakia. Elkartearentzat, beraz, laguntza izateko eskubidea duen azalera bazkideek sortutako laguntza-eskubideen batura izanen da.

-Lehorreko lurreko belarkietan, bazkide bakoitzak laguntza eskuratzeko azalerak ez du gainditu behar, ez artikulu honetako 2. atalean ezarritako norbanakoaren muga, ez eta biderketa honen emaitza ere: elkartearen kapitalean duen portzentaia bider ustiategian produkzio ekologikoko laborantzari emandako azalera.

-Gainerakoetan baturik (ureztalurreko belarkiak, almendrondoa, mahastia, aire zabaleko barazkiak, olibondoa, fruta gozoko frutarbolak eta berotegiak) bazkide bakoitzak laguntza eskuratzeko azalerak ez du gainditu behar, ez artikulu honetako 2. atalean ezarritako norbanakoaren muga, ez eta biderketa honen emaitza ere: elkartearen kapitalean duen portzentaia bider ustiategian produkzio ekologikoko laborantzari emandako azalera.

Sozietate aunonimoen kasuan edo zenbat bazkide diren esaterik ez dagoenetan, laguntza eskuratzeko gehieneko azalera ezartzen da, 200 hektarea lehorreko belarkietarako eta 150 hektarea beste hauetarako: ureztalurreko belarkiak, almendrondoa, mahastia, aire zabaleko barazkiak, olibondoa, fruta gozoko frutarbolak eta berotegiak.

4.-Lehenbiziko urteko eskabidean laguntza izateko eskubidea zuen azalera (aurreko ataletan deskribatutakoari jarraikiz kalkulatua), hasiera batez titularrak agin du zuen azalera baino txikiagoa baldin bada, konpromisoa, ondorio guztietarako, murriztua dagoela ulertuko da, laguntza izateko eskubidea duen azalera murriztua hain zuzen. Murrizketa hori eraberan aplikatuko zaie laborantza- motei eta hasierako konpromisoko azalerei.

5.-Larreen kasuan, laguntza izateko eskubidea duten hektarea kopurua ez da ustiategiaren "azienda larriaren unitateen" kopurua baino handiagoa.

6.-(EE) 1257/1999 Erregelamenduaren eranskinean ageri diren diru-mugak ezin izanen dira gainditu, hau da, 600 eta 900 euro (99.831 eta 149.747 pezeta) hektarea bakoitzeko, urteko laboreentzat eta labore iraunkor berezituentzat, hurrenez hurren.

43. artikulua. Bateraezintasunak.

Konpromiso bakar batek ez ditu batera hartzen ahal Europako Kontseiluaren maiatzaren 17ko 1257/1999 EE Erregelamenduaren babespeko laguntza (arautzen baitu zer laguntza emanen diren Nekazaritzaren Berme eta Orientaziorako Europako Fondotik (FEOGA)) eta Europako Batasuneko beste laguntza-erregimen batzuetakoa. Horri dagokionez:

a) Produkzio ekologikorako laguntzak bateraezinak dira konpromiso berberak dituzten antzeko laguntzekin. Konpromiso horiek Kontseiluaren 2200/1996 eta 2201/1996 (EE) Erregelamenduetan aurreikusitako ekintza-plan, programa operatibo eta neurri berariazkoetan proposatuak dira, fruta eta barazki fresko eta eraldatuen arloko merkatuko erakunde bateratuei buruzkoak hain zuzen.

b) Lurzati bererako, bateraezinak izanen dira orientazio produktibo beretarako laguntzak jasotzea (espeziea, laborea edo mota), nekazaritza ekologikoan eta produkzio integratuan hartutako konpromisoengatikoak hain zuzen.

c) Lurzati bererako, bateraezinak izanen dira produkzio ekologikorako dirulaguntzak eta D1 eta D4 neurriak hartzetik datozen konpromisoengatikoak. D1 "Flora eta faunaren babesa laborantza estentsiboko sistemetan", D4 "Higaduraren kontrako borroka". Neurri horiek irailaren 7ko 265/1998 Foru Dekretuan jasoak daude, hau da, lurraldea eta naturguneak babestearekin zerikusia duten nekazaritza eta ingurugiroaren arloko laguntzak ezartzen dituen foru dekretuan.

d) Lurzati bererako, bateraezinak izanen dira esparragoaren produkzio ekologikorako dirulaguntzak eta azaroaren 2ko 323/1998 Foru Dekretua aplikatzearen ondoriozkoak. Foru Dekretu horren bidez Nafarroako esparrago zuria landatzeko Tratamendu Fitopatologikoen Kontrol Integratua sustatzeko laguntzak ezarri ziren.

XEDAPEN GEHIGARRIAK

Lehenbizikoa.-Produkzio integraturako neurriek sortzen dituzten gastuak honako kontusailaren kargura ordainduko dira: Nafarroako 2001. eta hurrengo urteetarako aurrekontu orokorren 71230-4700-7171 kontusaila, "PACaren erreforma. Ingurumeneko programak" izenekoa.

Bigarrena.-Produkzio ekologikorako neurriek sortzen dituzten gastuak honako kontusailaren kargura ordainduko dira: Nafarroako 2001. eta hurrengo urteetarako aurrekontu orokorren 71230-4700-7171 kontusaila, "PACaren erreforma. Ingurumeneko programak" izenekoa.

Hirugarrena.-Konpentsazioko kalteordainak sortzen dituen gastuak honako kontusailaren kargura ordainduko dira: Nafarroako 2001. ekitaldiko aurrekontu orokorren 71230- 4700-2-7171 kontusaila, "Mendialdeko eskualdeentzako eta eskualde behartsuentzako konpentsazioko kalteordaina" izenekoa.

XEDAPEN IRAGANKORRAK

Lehenbizikoa.-Azaroaren 2ko 323/1998 Foru Dekretuaren ondorioz Tratamendu Fitopatologikoen kontrol integratua sustatzeko laguntzen hartzaileek zilegi izanen dute laguntzei uko egitea eta Foru Agindu honetan aurreikusten direnak eskatzea, bost urteko beste aldi gutxieneko baterako, hartarako aurrez eskaera eginik eta baldintzak eta konpromisoak betetzen badituzte, ordura arte jasotako zenbatekoak itzuli beharrik gabe.

Bigarrena.-1995eko abenduaren 18ko Foru Aginduaren babespean Nekazaritza ekologikoa sustatzeko laguntzen hartzaileek zilegi izanen dute laguntzei uko egitea eta Foru Agindu honetan aurreikusten direnak eskatzea, bost urteko beste aldi gutxieneko baterako, hartarako aurrez eskaera eginik eta baldintzak eta konpromisoak betetzen badituzte, ordura arte jasotako zenbatekoak itzuli beharrik gabe.

AZKEN XEDAPENAK

Lehenbizikoa.-Indarrik gabe utzi dira Foru Agindu honetan ezarritakoaren kontrakoak diren maila bereko xedapen guztiak eta bereziki bi hauek: Nekazaritza, Abeltzaintza eta Elikadura kontseilariak 2000ko irailaren 11n emandakoa (Nafarroako Nekazaritza Garatzeko 2000-2006 Programaren esparruan aurreikusitako nekazaritza eta ingurumenaren arloko neurriak aplikatuz, produkzio integratuarentzako laguntzak arautu zituena) eta Nekazaritza, Abeltzaintza eta Elikadura kontseilariak 2000ko irailaren 11n emandakoa (Nafarroako Nekazaritza Garatzeko 2000-2006 Programaren esparruan aurreikusitako nekazaritza eta ingurumenaren arloko neurriak aplikatuz, produkzio ekologikoarentzako laguntzak arautu zituena).

Bigarrena.-Foru Agindu honek Nafarroako ALDIZKARI OFIZIALean argitaratu eta biharamunean hartuko du indarra.

Iruñean, bi milako abenduaren hogeita zazpian.-Nekazaritza, Abeltzaintza eta Elikadura kontseilaria, Ignacio Javier Fernández Alfaro

ERANSKINAK

I. ERANSKINA

Nafarroako mendialdeko udalerrien eta udalerri andegatuen zerrenda

a) Mendialdeko udalerriak:

3 ABAURREAGAINA

4 ABAURREPEA

8 AGILAR KODESKOA

10 ALTSASU

11 ALLIN

13 AMESKOABARREN

17 ANUE

19 AGOITZ

20 ARAITZ

21 ARANARATXE

22 ARANTZA

24 ARANO

25 ARAKIL

26 ARAS

27 ARBIZU

28 ARTZIBAR

31 ARESO

33 ARIA

34 ARIBE

37 ARRUAZU

40 ATETZ

43 AZUELO

44 BAKAIKU

47 BARGOTA

49 BASABURUA

50 BAZTAN

52 BERASKOAIN

54 BERTIZARANA

55 BETELU

58 AURITZ

59 BURGI

63 CABREDO

71 GAZTELUBERRI

73 ZIORDIA

75 ZIRITZA

81 DONAMARIA

82 ETXALAR

83 ETXARRI

84 ETXARRI-ARANATZ

87 ELGORRIAGA

90 ERATSUN

91 ERGOIENA

92 ERROIBAR

93 EZKAROZE

94 ESLABA

95 ESPARTZA

96 ESPRONTZEDA

98 ESTERIBAR

100 EULATE

101 EZKABARTE

102 EZKURRA

103 EZPOROGI

110 GALIPENTZU

111 GALOZE

112 GARAIOA

113 GARDE

115 GARRALDA

116 GENEVILLA

117 GOIZUETA

118 GOÑERRI

119 GORZA

120 GESALATZ

121 GIRGILLAO

123 UHARTE-ARAKIL

124 IBARGOITI

126 IMOTZ

127 IRAÑETA

128 IZABA

129 ITUREN

130 ITURMENDI

132 ITZAGAONDOA

133 ITZALTZU

134 JAURRIETA

135 XABIER

136 TXULAPAIN

137 LABAIEN

138 LAKUNTZA

139 LANA IBARRA

140 LANTZ

141 LAPOBLACION

143 LARRAGOA

144 LARRAUN

146 LEATXE

149 LEITZA

150 LEOTZ

151 LERGA

153 LESAKA

154 LEZAUN

156 LIZOAINIBAR

158 LONGIDA

159 IRUNBERRI

162 MARAÑON

170 MIRAFUENTES

172 ELO

181 NABASKOZE

182 NAZAR

185 OTSAGABIA

186 ODIETA

187 OITZ

188 OLAIBAR

189 OLAZTI

192 OLORITZ

194 OLLO

195 ORBAITZETA

196 ORBARA

198 ORONZ

199 OROTZ-BETELU

203 PETILLA DE ARAGON

209 ERROMANTZATUA

210 ERRONKARI

211 ORREAGA

213 SALDIAS

214 JAITZ

219 SANTSOL

221 DONEZTEBE

222 SARTZE

226 SUNBILLA

230 TORRALBA DEL RIO

235 UXUE

236 ULTZAMA

237 UNTZITIBAR

238 UNTZUE

239 URDAZUBI

240 URDIAIN

241 URRAULGOITI

242 URRAULBEITI

243 URROTZ

244 URROTZ-MALERREKA

245 URZAINKI

247 UZTARROZ

248 LUZAIDE

250 BERA

252 BIDANKOZE

253 BIDAURRETA

256 HIRIBERRI (AEZKOA)

259 IGANTZI

261 ESA

262 ZABALTZA

263 ZUBIETA

264 ZUGARRAMURDI

265 ZUÑIGA

691 ANDIA MENDIA

692 ARALAR MENDIA

693 LOKIZ MENDIA

694 URBASA

904 IRURTZUN

908 LEKUNBERRI

b) Eskualde andegatuetako udalerriak:

1 ABAIGAR

2 ABARTZUZA

5 ABERIN

9 OIBAR

12 ALLO

14 ANTZIN

29 LOS ARCOS

30 ARELLANO

35 ARMAÑANTZAS

36 ARROITZ

38 ARTAXOA

39 ARTAZU

41 AIEGI

45 BARASOAIN

46 BARBARIN

51 BEIRE

53 BERBINTZANA

61 EL BUSTO

65 CAPARROSO

67 ZARRAKAZTELU

69 KASEDA

74 ZIRAUKI

79 DESOJO

80 DEIKAZTELU

97 LIZARRA

99 ETAIO

104 FALTZES

114 GARINOAIN

125 IGUZKITZA

142 LARRAGA

145 ELIZAGORRIA

148 LEGARIA

155 LEDEA

160 LUKIN

161 MAÑERU

164 MELIDA

166 MENDAZA

167 MENDIGORRIA

168 METAUTEN

171 MIRANDA-ARGA

174 MORENTIN

175 MUES

177 MURIETA

178 MURILLO EL CUENDE

179 MURILLO EL FRUTO

184 OKO

190 OLEXA

191 ERRIBERRI

197 ORISOAIN

200 OTEITZA

204 PIEDRAMILLERA

205 PITILLAS

207 PUIU

212 ZARE

216 SANGOZA

217 SAN MARTIN UNX

220 SANTAKARA

224 SESMA

225 SORLADA

227 TAFALLA

231 TORRES DEL RIO

251 VIANA

255 VILLAMAYOR DE MONJARDIN

257 VILLATUERTA

260 DEIERRI

690 ERREGE BARDEA

c) Toki entitateen barneko biztanlerik gabeko eskualdeak edo entitate horiek administratzen dituztenak aurreko zerrendetan sartuko dira eskualde behartsu gisara, beti ere ondoko baldintza hauek betetzen badituzte: Nafarroako foru araubide bereziaren edo publikoaren arabera inongo udalerriri atxikirik ez izatea, tradiziozko korporazio publikoen barruan egotea edo fazeria izena hartzea eta haien titulartasuna edo kotitulartasuna duen udalerria edo toki entitatea aurreko bi zerrendetako batean agertzea.

II. ERANSKINA

Ustiapenen koefizienteak

1.-Sailkapenerako parametroak udalerriei dagokienez.

1.1. Kota eta malda: udalerri bakoitzaren puntuazioa ondokoen araberakoa izanen da:

a) Mendialdeko gisara katalogatutako udalerriak, batez besteko garaiera 600 m-koa baino handiagoa eta batez besteko malda % 20 baino handiagoa dutenak: 25 puntu.

b) Mendialdeko gisara katalogatutako udalerriak, batez besteko garaiera 600 m-koa baino handiagoa eta batez besteko malda % 15 baino handiagoa dutenak: 20 puntu.

c) Mendialdeko gisara katalogatutako gainerako udalerriak eta behartsu gisara katalogatuak daudenak.

1.2. Despopulaketa: udalerri bakoitza ondoko adierazle hauen arabera puntuatuko da

a) Populazioaren dentsitatea:

-10 bizt/km2 baino gutxiago dituztenak: 2 puntu.

-10-35 bizt/km2 dituztenak: puntu bat.

b) Herriak husteko joera (91 eta 96ko zentsuen konparazioa):

-Biztanleriaren beherakada % 10 baino txikiagoa duten udalerriak: 4 puntu.

-Biztanleriaren beherakada % 0tik 10era bitartekoa duten udalerriak: 2 puntu.

-Biztanleriaren gorakada % 5 baino txikiagoa duten udalerriak: puntu 1.

Biztanleriaren egitura:

-Biztanleen % 32 baino gehiago 60 urtez goitikoa duten udalerriak: 2 puntu.

-Gainerako udalerriak: 0 puntu.

d) Onuraduna bizi den udalerriaren tamaina:

-Egitatezko 500 biztanle baino gutxiago dituzten udalerriak: 2 puntu.

-Gainerako udalerriak: 0 puntu.

1.3. 2. helburuko herrialdeak: 10 puntu

1.4. Lehorreko lurren errendimendua 2,2 Tn/ha baino txikiagoa dutenak: 10 puntu.

1.5. Interes komunitarioko tokia duen udalerria, IKT(*): 15 puntu gehienez.

(*) Puntuazioa kalkulatzeko, IKT-k udalerrian ukitutako azalera, bateko hainbestean adierazia, 15 puntuz biderkatuko da.

2.-Sailkapen parametroak ustiategiei dagokienez.

2.1. Titularra nekazari gaztea bada: 15 puntu.

2.2. Hobetzeko plan batean dagoen ustiapena: 10 puntu.

2.3. Nekazaritzako kooperatibetako kidea: 5 puntu.

2.4. Ustiapenetik ateratako produktuen eraldaketa eta salmenta: 5 puntu.

2.5. Bertako aziendaren ustiapen estentsiboa: 10 puntu.

Iragarkiaren kodea: a