2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LARRAUN
Kudeaketa-esleipena, ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiekturako
Kudeaketa-esleipena Larraungo Udala eta Larraungo Kontzeju batzuren artean, proiektu hau egiteko:
Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua.
Erabakia:
Lehena.–Onartzea "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua".
Bigarrena.–Kudeaketa-esleipena onartzea, Larraungo Udalak langileak kontratatu ditzan "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua" gauzatzeko, kontratazioaren oinarri den eta horretarako sinatzen den hitzarmenean jasotako baldintza, betebehar eta eskubideekin.
Hirugarrena.–Alkateari ahalmena ematea dagokion hitzarmena sinatzeko.
Laugarrena.–Erabakia jakinaraztea esleipena egiten duten kontzejuei, dagozkien ondorioetarako, eta Nafarroako Aldizkari Ofizialean argitaratzea.
Mugiron (Larraun), 2024ko apirilaren 30ean.–Alkatea, Mikel Uharte Martija.
KUDEAKETA-ESLEIPENERAKO HITZARMENA, LARRAUNGO UDALAREN ETA LARRAUNGO KONTZEJU BATZUEN ARTEAN, "INGURUMEN ETA HONDAKINEN ETA TURISMO JASANGARRIAREN ARLOAN LANGABEEKIN INTERES OROKORREKO ETA SOZIALEKO OBRAK ETA ZERBITZUAK EGITEKO PROIEKTUA" EGITEKO
PARTE-HARTZAILEAK:
Alde batetik, Mikel Uharte Martija, Larraungo Udaleko alkatea, Larraungo Udalaren izenean eta hura ordezkatuz.
Bestetik, Jose Javier Okiñena Argaña, Albiasuko Kontzejuko presidentea, Albiasuko Kontzejuaren izenean eta hura ordezkatuz.
Bestetik, Martin Jose Bildarraz Arraras, Aldazko Kontzejuko presidentea, Aldazko Kontzejuaren izenean eta hura ordezkatuz.
Bestetik, Eukeni Celaya Zubieta, Alliko Kontzejuko presidentea, Alliko Kontzejuaren izenean eta hura ordezkatuz.
Bestetik, Joxe Mari Astiz Iriarte, Arruizko Kontzejuko presidentea, Arruizko Kontzejuaren izenean eta hura ordezkatuz.
Bestetik, Eneko Etxetxikia Juanbeltz, Azpirotz-Lezaetako Kontzejuko presidentea, Kontzejuaren izenean eta hura ordezkatuz.
Bestetik, Maite Huarte Martija, Baraibarko Kontzejuko presidentea, Baraibarko Kontzejuaren izenean eta hura ordezkatuz.
Bestetik, Jose Mari Azpirotz Satrustegi, Astizko Kontzejuko presidentea, Astizko Kontzejuaren izenean eta hura ordezkatuz.
Bestetik, Asier Urkizu Lope, Gorritiko Kontzejuko presidentea, Gorritiko Kontzejuaren izenean eta hura ordezkatuz.
Alderdiek Larraungo Udala eta Albiasu, Aldatz, Alli, Arruitz, Astitz, Azpirotz-Lezaeta, Baraibar eta Gorritiko kontzejuen arteko hitzarmena izenpetzeko lege ahalmen nahikoa aitortzen diote elkarri, eta horretarako,
ADIERAZI DUTE:
Aintzat hartuta 251/2018 Ebazpena, martxoaren 7koa, Nafar Lansare-Nafarroako Enplegu Zerbitzuko zuzendari kudeatzaileak emana, interes orokorreko edo sozialeko obra eta zerbitzuak egiteko langabeak kontratatzeagatik Nafarroako toki entitateei emanen zaizkien dirulaguntzen deialdia onesten duena.
Larraungo Udalak, Larraungo Udalerriko toki entitateen artean egitura administratibo handiena duenez, "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua" sustatuko du lau hilabetez bi langile kontratatu eta Larraungo herriguneetan mantentze lanak egiteko eta, modu horretan, herriak txukun eta garbi manten daitezen.
Albiasu, Aldatz, Alli, Arruitz, Astitz, Azpirotz-Lezaeta, Baraibar eta Gorritiko kontzejuek baliabide tekniko gutxi dituzte eta ez dute langilerik, eta horregatik zailtasuna dute herriguneetako mantentze lanen zerbitzua kudeatu eta gauzatzeko. Horrenbestez, beste administrazio batzuen laguntza behar dute kontzeju horiek arlo horretan legez esleiturik dituzten eskumenak betetzeko.
Horren ondorioz, goian aipatutako kontzejuen iritziz, premia hori asetzeko irtenbide hoberena da kudeaketa-esleipena egitea Larraungo Udalari "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua" izeneko memorian dauden lanak egiteko; hain zuzen ere, Larraungo Udala, bere izaera, eskumenak, baliabide teknikoak eta giza baliabideak kontuan harturik, gai da aipatu zeregina modu eraginkorragoan gauzatzeko.
Sektore Publikoaren Araubide Juridikoari buruzko urriaren 1eko 40/2015 Legearen 11.3.b) artikuluan xedatutakoaren arabera, kudeaketa-esleipena egiteko, udal guztiek aldi berean formalizatu behar dute aipatu zerbitzua kudeatzeko hitzarmena.
Horregatik guztiagatik, administrazio publikoen arteko harremanak gidatu behar dituen elkarrekiko lankidetzaren esparruan, eta zerbitzua egiteko behar diren baliabide teknikoak ez izateagatik,
ERABAKI DUTE:
Lehenbizikoa.–Xedea.
Hitzarmen honen xedea da kudeaketa-esleipenaren baldintzak ezartzea "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua" gauzatzeko; Larraungo Udalak eginen die zerbitzua Albiasu, Aldatz, Alli, Arruitz, Astitz, Azpirotz-Lezaeta, Baraibar eta Gorritiko kontzejuei.
Bigarrena.–Finantzaketa.
Larraungo Udalak langileak kontratatuko ditu.
Larraungo Udalak "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua" izeneko memorian dauden lanak eginen ditu.
Larraungo Udalak "Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektuko" lanak egiteko behar diren arropa, tresna, eta makinaria erosi, konpondu eta ordainduko ditu.
"Ingurumen eta hondakinen eta turismo jasangarriaren arloan langabeekin interes orokorreko eta sozialeko obrak eta zerbitzuak egiteko proiektua" amaitzerakoan, Nafar Gobernuaren dirulaguntza izan ez duen langileen kostua, Albiasu, Aldatz, Alli, Arruitz, Astitz, Azpirotz-Lezaeta, Baraibar, eta Gorritiko kontzejuek ordainduko diote Larraungo Udalari, herrigune bakoitzean egindako lanorduen proportzioan, eta Udalak eginen duen likidazioaren arabera.
Larraungo Udalaren kontura izanen dira Larraungo Udaletxeko lursailetan eginen diren lanak, eta Plazaolako naturbidean egiten direnak ere bai.
Hirugarrena.–Alderdiek obligazioak eta konpromisoak ez betetzearen ondorioak.
Hitzarmena sinatu duen alderdi batek alde bakarretik hutsaltzen badu hitzarmena indarraldia agortu baino lehen, ordaina eman beharko dio Udalari kalte-galerengatik.
Laugarrena.–Hitzarmena eta alderdietako konpromisoak betetzearen jarraipen, zaintza eta kontrol mekanismoak.
Hitzarmen honetan ezarritakoaren jarraipena egiteko, jarraipen batzorde bat eratzen da, alderdi bakoitzak izendatutako kide banak osatua (ordezkari bat ere izendatuko dute), eginkizun hauekin:
–Hitzarmen honen babesean egindako jardueren jarraipena eta ebaluazioa egitea, bai eta hitzarmena garatzeko akordioak ere.
–Hitzarmena interpretatu eta betetzeko moduari buruzko arazoak ebaztea.
Bosgarrena.–Hitzarmena aldatzea.
Hitzarmenaren edukia aldatzeko, hura sinatu duten guztien adostasuna beharko da.
Seigarrena.–Hitzarmenaren iraupena.
Hitzarmenaren indarraldia 2024ko abenduaren 31n agortuko da; hitzarmena urtez urte luzatzeko, hitzarmena sinatu duten udal guztietako osoko bilkurek erabaki hori hartu behar dute.
Zazpigarrena.–Hitzarmena hutsaltzea.
a) Hitzarmenaren indarraldia igarotzea haren luzapena adostua izan gabe.
b) Sinatzaile guztiek hala adostea.
c) Sinatzaileetako batek hartutako betebehar eta konpromisoak ez betetzea.
d) Hitzarmenaren deuseztasuna aitortzen duen epai judiziala.
Adostasunaren eta onarpenaren adierazgarri, eta aurrekoa guztia jasota uzteko, agiri hau sinatzen da, bi aletan (alderdi bakoitzari ale bat emateko), ondorio bakar baterako.
Iragarkiaren kodea: L2408561
