Iragarkia

116. ALDIZKARIA - 2024ko ekainaren 6a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

OBANOS

Deialdia, zerbitzu anitzetako enplegatuaren bi lanpostu oposizio-lehiaketa bidez betetzeko. Izangai onartu eta baztertuen behin betiko zerrenda

Obanosko Udaleko alkateak honako ebazpen hau eman zuen 2024ko maiatzaren 27an:

Ikusi da prozeduraren zein unetan dagoen izapidetutako espedientea, Obanosko Udaleko zerbitzu anitzetako enplegatuaren bi lanpostu izendatzeko (bat etorrita alkateak 2024ko martxoaren 6ko ebazpen batek onetsitako oinarriekin).

Eskabideak aurkezteko epea amaituta, alkatearen ebazpen baten bidez, izangai onartu eta baztertuen behin-behineko zerrenda onetsi zen, eta argitara eman zen Nafarroako Aldizkari Ofizialean eta Udalaren web-orrian eta iragarki-taulan; hori guztia, deialdiaren 4.1 oinarrian xedatutakoaren arabera.

Onartuen eta baztertuen behin-behineko zerrenda argitara eman zen 2024ko 95. Nafarroako Aldizkari Ofizialean, maiatzaren 9an. Interesdunei hamar egun balioduneko epea eman zitzaien, ebazpena Nafarroako Aldizkari Ofizialean argitaratu eta biharamunetik hasita, erreklamazioak aurkezteko eta, akatsik egin balituzte, zuzentzeko.

Erreklamazioak egiteko epea iragan denez, bidezkoa da izangai onartu eta baztertutakoen behin betiko zerrenda onestea, eta argitara ematea Nafarroako Aldizkari Ofizialean eta Patronatuaren web-orrian eta iragarki-taulan; hori guztia, deialdiaren 4.2. oinarrian xedatutakoaren arabera.

Nafarroako Administrazio Publikoetan sartzeko Erregelamenduaren 27. artikuluan xedatutakoaren arabera (ekainaren 5eko 113/1985 Foru Dekretuaren bidez onetsia), eta Toki Araubidearen Oinarriak arautzen dituen apirilaren 2ko 7/1985 Legearen 21.1.g) artikuluak ematen dizkidan eskumenak erabiliz, honako hau,

EBAZTEN DUT:

Lehenengoa.–Izangai onartu eta baztertuen behin betiko zerrenda onestea, Obanosko Udaleko zerbitzu anitzetako enplegatuaren bi lanpostu oposizio-lehiaketaren bidez betetzeko deialdian.

Onartuen zerrenda:

Baztertuen zerrenda: inor ez.

Bigarrena.–Adieraztea kalifikazio-epaimahaiak aldaketa bat egin duela 4. epaimahaikideari dagokionez. Ander Eslava de Miguel izendatu da, Izarbeibarko Zerbitzu Administratiboen Mankomunitateko idazkaria.

Hirugarrena.–Proba egiten hasteko eguna, tokia eta ordua honako hauek izanen dira:

–Osteguna, ekainaren 20a, 09:00etan, Iruñeko Udalak Calderería kaleko 11n duen aretoan.

Proba egin ahal izateko, izangaiek Nortasun Agiri Nazionala, gidabaimena edo pasaportea eraman beharko dute.

Laugarrena.–Ebazpen hau argitaratzea Nafarroako Aldizkari Ofizialean eta Udalaren web-orrian eta iragarki-taulan.

Bosgarrena.–Ebazpen honen aurka, errekurtso hauetako bat aurkezten ahal da:

a) Berraztertzeko errekurtsoa, egintzaren organo egileari zuzendua, hilabeteko epean, errekurtsoaren xedeko egintza argitaratu edo jakinarazi eta biharamunetik hasita.

b) Administrazioarekiko auzi-errekurtsoa, Administrazioarekiko Auzien Jurisdikzioko organo eskudunari zuzendua, uztailaren 13ko 29/1998 Legean xedatutakoaren arabera (Administrazioarekiko Auzien Jurisdikzioa arautzen duen Legea), bi hilabeteko epean, errekurritutako egintza jakinarazi edo argitaratu eta biharamunetik zenbatzen hasita.

c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurtsoaren xedeko egintza edo erabakia jakinarazi edo argitaratu eta biharamunetik hasita.

Obanosen, 2024ko maiatzaren 27an.–Alkatea, Arantxa Hernández Lacalle.

Iragarkiaren kodea: L2408502