1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA. Soberakinak dituen autokontsumorako eguzki-instalazio fotovoltaikoa, Vegetales Línea Verde Navarra SAk sustatua Tuterako udal-mugartean. Espedientearen kodea: 5314-2-CE.
Energia elektrikoa garraiatu, banatu, merkaturatu eta haren horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluan xedatutakoa betez, jendaurrean jartzen da espediente hau:
–Xedea: proiektua jendaurrean jartzea, aurretiazko administrazio-baimena eta eraikitzeko administrazio-baimena lortzeko.
–Instalazioen deskribapena: soberakinak dituen autokontsumorako instalazio fotovoltaikoa, 1.500 kW-ekoa, Vegetales Línea Verde Navarra SArena, Tuterako udal-mugartean.
Instalazio fotovoltaiko horren bidez handituko da gaur egungo 990 kW-eko instalazio fotovoltaikoa, soberakinik gabeko autokontsumokoa (5314-CE espedientea). Hortaz, azken instalazioa 2.490 kW-ekoa izanen da. Gainera, modalitatea aldatuko da, soberakinak dituen autokontsumorako instalazioa izanen baita.
–Sustatzailea: Vegetales Línea Verde Navarra SA.
–Organo eskuduna: Enpresen Sustapenerako eta Azpiegituretako Zuzendaritza Nagusia.
Ingurumen-ebaluazioari buruzko abenduaren 9ko 21/2013 Legearen 45. artikuluan ezarritakoaren arabera, sustatzaileak ingurumen-inpaktuaren ebaluazio sinplifikatua eskatu du proiekturako.
Dokumentazioa jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/autokontsumo-eguzki-planta-fotovoltaikoa-espediente-5314-2-ce
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industriako eta Enpresen Trantsizio Ekologiko eta Digitalerako Departamentuko Industria Antolamenduaren, Azpiegitura Energetikoen eta Meatzeen Zerbitzua), espediente-kodea adierazita.
Iruñean, 2026ko maiatzaren 7an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2606806
