1. NAFARROAKO FORU KOMUNITATEA
1.7. BESTELAKOAK
153E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez ofizioz berrikusten baita Kasedako udal mugartean elikagaien bilgarri artifizialak fabrikatzen dituen instalazio baten ingurumen-baimen integratua, ebazpen honen eranskinean zehazturiko aldaketak kontuan hartuta. Instalazioaren titularra Viscofan España SLU da.
Espediente mota | Ingurumen-baimen integratuaren baldintzen ofiziozko berrikuspena |
Espedientearen kodea | 0001-0053-2026-000002 | Hasiera eguna | 2026-02-25 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 ELD, abenduaren 16koa | I. eranskina / 4.1 h) |
2010/75/EB Zuzentaraua, azaroaren 24koa | I. eranskina / 4.1 h) |
21/2013 Legea, abenduaren 9koa | I. eranskina / 5.a) 2. taldea |
Instalazioa | Elikagaien bilgarri artifizialen fabrikazioa |
Titularra | |
Ingurumen identifikaziorako zenbakia | 3106900869 |
Tokia | Oibar-Kaseda errepideko 5. km, 7. poligonoko 26., 33., 34., 35., 37., 38., 39., 40., 41., 42., 46. eta 189. lurzatiak-Kaseda |
Koordenatuak | UTM-ETRS89, 30N eremua, X: 635.043,000 eta Y: 4.711.593,000 |
Udalerria | KASEDA |
Proiektua | Landa Garapeneko eta Ingurumeneko kontseilariaren otsailaren 24ko 47E/2026 Foru Aginduak eskatutako aldaketak. Foru agindu horren bidez, baietsi egiten da VISCOFAN ESPAÑA SLUk Ekonomia Zirkularraren eta Berrikuntzaren Zerbitzuko zuzendariaren urriaren 4ko 382E/2025 Ebazpenaren aurka jarritako gora jotzeko errekurtsoa |
Instalazio horrek badu ingurumen-baimen integratua, Ingurumeneko eta Lurralde Antolamenduko zuzendari nagusiaren uztailaren 5eko 402E/2019 Ebazpenaren bidez emana, gero Ekonomia Zirkularraren eta Berrikuntzaren Zerbitzuko zuzendariaren urtarrilaren 20ko 3E/2026 Ebazpenaren bidez aldatu zena.
Landa Garapeneko eta Ingurumeneko kontseilariaren otsailaren 24ko 47E/2026 Foru Aginduaren bidez, baietsi egin zen VISCOFAN ESPAÑA SLUk Ekonomia Zirkularraren eta Berrikuntzaren Zerbitzuko zuzendariaren urriaren 4ko 382E/2025 Ebazpenaren aurka jarritako gora jotzeko errekurtsoa.
Landa Garapeneko eta Ingurumeneko kontseilariaren otsailaren 24ko 47E/2026 Foru Aginduaren bidez, agindua ematen da aldaketak egiteko Ingurumen eta Lurralde Antolamenduko zuzendari nagusiaren uztailaren 5eko 402E/2019 Ebazpenean ezarritako funtzionamendu-baldintzetan. Hain zuzen, aldaketa hauek egitea agintzen da:
1. Komunetako prozesu-hondakinei EHZ 02 02 03 "Kontsumorako edo elaboraziorako material desegokiak" kodea esleitzea
Kasu honetan, ondorioztatu da gertatzen direla Kutsaduraren Prebentzio eta Kontrol Integratuaren Legearen testu bateginaren 26.4 artikuluaren e) letran adierazitako inguruabarrak (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, horrenbestez, bidezkoa da ofizioz berrikustea ingurumen-baimen integratuan ezarritako baldintzak, bat etorriz Kutsaduraren Prebentzio eta Kontrol Integratuaren Legea garatu eta Industriako Isurien Erregelamendua onesten duen urriaren 18ko 815/2013 Errege Dekretuaren 16.5 artikuluan ezarritako administrazio prozedurarekin.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenengoa.–Ofizioz berrikustea Kasedako udal mugartean dagoen VISCOFAN ESPAÑA SLU enpresaren titulartasuneko elikagaien bilgarri artifizialak fabrikatzeko instalazioaren ingurumen-baimen integratua, ebazpen honen eranskinean zehaztutako aldaketak kontuan hartuta.
Bigarrena.–Ebazpen honetan jasotzen diren baldintzak ez betetzeak berekin dakar ingurumeneko diziplina neurriak hartzea, hain zuzen ere, Kutsaduraren Prebentzio eta Kontrol Integratuari buruzko Legearen testu bateginaren IV. tituluan jasotakoak (testu bategin hori abenduaren 16ko 1/2016 Legegintzako Errege Dekretuaren bidez onetsi zen), ezertan galarazi gabe sektoreko legerian ezarritakoa, aplikatzekoa izaten segituko baitu, eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoa.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau igortzea VISCOFAN ESPAÑA SLUri, Kasedako Udalari eta Ebroko Konfederazio Hidrografikoari, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2605830
