1. NAFARROAKO FORU KOMUNITATEA
1.7. BESTELAKOAK
145E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onartzen baita Alloko udal mugartean tisu papera fabrikatzen eta eraldatzen duen instalazio baten ingurumen-baimen integratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Essity Operations Allo SL da.
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2026-000003 | Hasiera eguna | 2026-02-05 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 ELD, abenduaren 16koa | I. eranskina / 6.1.b) |
2010/75/EB Zuzentaraua, azaroaren 24koa | I. eranskina / 6.1.b) |
21/2013 Legea, abenduaren 9koa | I. eranskina / 5.a) 2. taldea |
Instalazioa | Tisu papera fabrikatu eta eraldatzea |
Titularra | ESSITY OPERATIONS ALLO SL |
Ingurumen identifikaziorako zenbakia | 3101200454 |
Tokia | Mirabete industrialdea z.g., 2. poligonoa, 1087. lurzatia |
Koordenatuak | UTM-ETRS89, 30N eremua, X: 583.763,000 eta Y: 4712214,000 |
Udalerria | ALLO |
Proiektua | Sortutako hondakin berri bat sartzea, 170604 LER kodea duena |
Instalazio horrek badu ingurumen-baimen integratua, Ingurumen, Lurraldearen Antolamendu eta Etxebizitzako kontseilariak 2005eko abenduaren 23an emandako 607 Foru Aginduaren bidez emana, gero Ingurumenaren eta Uraren zuzendari nagusiaren irailaren 2ko 404E/2014 Ebazpenaren bidez eguneratu zena.
2026ko otsailaren 5ean, ingurumen-baimen integratuan jasotako baldintzak aldatzeko eskatu zuen titularrak; zehazki, eskaera egin zuen ingurumen-baimen integratuaren III. eranskinean –sortutako hondakinen zerrendan– EHZ 17 06 04 kodea duen hondakin berri bat sartzeko. Kode hori duten hondakinak 17 06 01 eta 17 06 03 kodeetan zehaztutakoez bestelako isolamendu-materialetatik sortzen dira, hodi edo ekipo zaharkituak mantentzeko eta desmuntatzeko lanetan.
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du onargarria dela; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Onartzea Alloko udal mugartean tisu papera fabrikatzen eta eraldatzen duen instalazio baten ingurumen-baimen integratuan eskatutako aldaketa, ezarritako funtzionamendu baldintzei dagokiena. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Essity Operations Allo SL da.
Bigarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau igortzea Essity Operations Allo SLri eta Alloko Udalari, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2605823
