1. NAFARROAKO FORU KOMUNITATEA
1.7. BESTELAKOAK
141E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onesten baita Tuterako udal mugartean ibilgailu motordunentzako beste osagai, pieza eta osagarri batzuk fabrikatzen dituen instalazio baten ingurumen baimen integratuan ezarritako funtzionamendu baldintzen aldaketa. Instalazioaren titularra Plastic Omnium Equipamientos Exteriores SA pertsona bakarreko sozietatea da.
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2025-000023 | Hasiera eguna | 2025-06-18 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 10.1 |
2010/75/EB Zuzentaraua, azaroaren 24koa | I. eranskina / 6.7 |
21/2013 Legea, abenduaren 9koa | Sartu gabeko zentroa |
Instalazioa | Motordun ibilgailuetarako osagaien, piezen eta osagarrien fabrikazioa |
Titularra | PLASTIC OMNIUM EQUIPAMIENTOS EXTERIORES SA PERTSONA BAKARREKO SOZIETATEA |
Ingurumen identifikaziorako zenbakia | 3123202050 |
Tokia | Nafarroako Foru Komunitatea 1, 38. poligonoa, 101. lurzatia |
Koordenatuak | UTM-ETRS89, 30N eremua, X: 612.661,304 eta Y: 4.657.454,026 |
Udalerria | TUTERA |
Proiektua | Instalazioan sortutako hondakinen zerrendan hondakin berriak sartzea, 150109 eta 130502 EHZ kodeak dituztenak. |
Instalazio horrek ingurumen baimen integratua du, Ingurumenaren eta Uraren zuzendari nagusiaren azaroaren 6ko 2132/2007 Ebazpenaren bidez emana, Ingurumenaren eta Uraren zuzendari nagusiaren urriaren 6ko 442E/2014 Ebazpenaren bidez eguneratu zena, eta ondoren honako hauen bidez aldatu zena: Ingurumen Kalitatearen eta Klima Aldaketaren Zerbitzuko zuzendariaren abenduaren 28ko 421E/2015 Ebazpena, Ekonomia Zirkularraren eta Uraren Zerbitzuko zuzendariaren azaroaren 9ko 376E/2016 Ebazpena, Ekonomia Zirkularraren eta Klima Aldaketaren Zerbitzuko zuzendariaren uztailaren 6ko 177E/2021 Ebazpena eta Ekonomia Zirkularraren eta Berrikuntzaren Zerbitzuko zuzendariaren ekainaren 20ko 249E/2025 Ebazpena.
2025eko ekainaren 18an, titularrak bere ingurumen baimen integratuan jasotako baldintzak aldatzea eskatu zuen; zehazki, eskatu zuen bi hondakin berri sartzea ingurumen baimen integratuaren III. eranskinean, instalazioan sortzen diren hondakinen zerrendan. Hondakin horiek ekoizpen prozesuan eta zerbitzu orokorretan sortzen dira eta 13 05 02 eta 15 01 09 EHZ kodeak dituzte, hain zuzen, ura eta substantzia oliotsuak bereizteko gailuetako lohiei dagokiena eta ehunezko ontziei dagokiena.
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du onargarria dela; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Onartzea Tuterako udal mugartean ibilgailu motordunentzako beste osagai, pieza eta osagarri batzuk fabrikatzen dituen instalazioaren ingurumen baimen integratuan ezarritako funtzionamendu baldintzen aldaketa; horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Plastic Omnium Equipamientos Exteriores SA pertsona bakarreko sozietatea da.
Bigarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Hirugarrena.–Ebazpen hau argitaratzea Nafarroako Aldizkari Ofizialean.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau Plastic Omnium Equipamientos Exteriores SA pertsona bakarreko sozietateari eta Tuterako Udalari igortzea, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2605739
