1. NAFARROAKO FORU KOMUNITATEA
1.7. BESTELAKOAK
128E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Cadreitako udal mugartean frutak eta barazkiak eraldatzen dituen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Industrias Alimentarias de Navarra SAU da.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2026-000004 | Hasiera eguna | 2026-01-21 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 13.2 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | Fruten eta barazkien eraldaketa |
Titularra | INDUSTRIAS ALIMENTARIAS DE NAVARRA SAU |
Ingurumen identifikaziorako zenbakia | 3106409011 |
Tokia | La Nava industrialdeko B kalea, 16 zk., 4. poligonoa, 1672. lurzatia |
Koordenatuak | UTM-ETRS89, 30N eremua, X: 608.359 eta Y: 4.675.140 |
Udalerria | CADREITA |
Proiektua | Instalazioan sortutako hondakin berriak sartzea, 150101, 020399 eta 150102EHZ kodeak dituztenak |
Egun jardunean den instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 13.2 taldean.
2026ko urtarrilaren 21ean, titularrak eskatu zuen bere ingurumen baimen bateratuan ezarritako baldintzak aldatzea; zehazki, ingurumen baimen bateratuaren III. eranskinean, instalazioan sortzen diren hondakinen zerrendan, hondakin berri hauek sartzeko:
EHZ KODEA | DESKRIBAPENA | ABIAPUNTUA |
15 01 01 | Paperezko eta kartoizko ontziak | Lehengaien eta gai osagarrien enbalajearen ondoriozko hondarrak. |
15 01 02 | Plastikozko ontziak | Lehengaien eta gai osagarrien enbalajearen ondoriozko hondarrak. |
02 03 99 | Beste kategoria batean zehaztuak ez dauden hondakinak | Hondakin ez-birziklagarrien nahasketa, adibidez: patioetako eta zoruetako ekorkinak, mantentze-lanetarako mahuka hautsien hondarrak, plastiko ez-birziklagarriko zumitzak, konposizio ez-birziklagarriko plastikoak, soka plastikoak, materia organikoz zikindutako kartoiak eta langileen jantokietako zaborra. |
Ekonomia Zirkularraren eta Berrikuntzaren Zerbitzuak aztertu du aurkeztutako eskaera, eta balorazio hau egin du:
EHZ KODEA | DESKRIBAPENA | BALORAZIOA |
15 01 01 | Paperezko eta kartoizko ontziak | Onartzen da instalazioan sortzen diren hondakinen zerrendan sartzea. |
15 01 02 | Plastikozko ontziak |
02 03 99 | Beste kategoria batean zehaztuak ez dauden hondakinak. | Onartzen da instalazioan sortzen diren hondakinen zerrendan sartzea, baina patioetako eta lurzoruetako ekorkinetara mugatuko da. EHZ kode horrekin sartzea eskatzen den gainerako hondakinei dagokienez, apirilaren 8ko 7/2022 Legearen 25. artikuluaren arabera, ez da onargarria instalazioan sortutako hondakinen zerrendan sartzea, hondakin horiek jatorrian bereizteko aukera dagoelako. EHZ kode horrekin sartu nahi diren hondakinak bereizi egin behar dira; horretarako, EHZ kode hauek gehitzen dira instalazioan sortutako hondakinen taulan: –160119 kodea, makinen mantentze-lanetarako mahuka hautsietarako. –150102 kodea, lehengaien eta gai osagarrien enbalajetik datozen plastiko ez-birziklagarriko zumitzetarako, soketarako eta konposizio ez-birziklagarriko beste plastiko batzuetarako. –150101 kodea, lehengaien eta gai osagarrien enbalajetik datozen eta materia organikoz zikindurik dauden kartoietarako. Hondakin hori R01 eragiketaren bidez balorizatu daiteke. Bestalde, langileek erabiltzen dituzten jantokietako hondarrei dagozkien hondakinak ez dira industria-hondakintzat hartzen, eta, beraz, ez da haiek kudeatzeko EHZ koderik sartzen instalazioaren ingurumen baimenean. |
Onartutako aldaketek ez dute eragozten instalazioaren funtzionamendu egokia ingurumenari dagokionez, eta bat datoz ingurumen baimen bateratuan ezarritako gehieneko isurketa balioekin eta gainerako eskakizunekin, bai eta teknika erabilgarri onenen aplikazioarekin ere.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Onartzea Cadreitako udal mugartean frutak eta barazkiak eraldatzen dituen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Industrias Alimentarias de Navarra SAU da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio-bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau Industrias Alimentarias de Navarra SAUri eta Cadreitako Udalari igortzea, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2605709
