1. NAFARROAKO FORU KOMUNITATEA
1.7. BESTELAKOAK
121E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez ukatzen baita Ezkabarteko udal mugartean hondakinak kudeatzeko dagoen instalazio baten ingurumen baimen bateratuan ezarritako funtzionamendu baldintzen aldaketa. Instalazioaren titularra Manipulados Ulzama SL da.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2025-000022 | Hasiera eguna | 2025-05-08 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 5.1 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | II. eranskina / 9.b) taldea |
Instalazioa | HONDAKINEN KUDEAKETA |
Titularra | MANIPULADOS ULZAMA SL |
Ingurumen identifikaziorako zenbakia | 3110102988 |
Tokia | Frantziako errepidea 8. km, 14. poligonoko 557. lurzatia, Sorauren |
Koordenatuak | UTM-ETRS89, 30N eremua, X: 613.086,000 eta Y: 4.746.115,000 |
Udalerria | EZKABARTE |
Proiektua | Instalazioan sortutako hondakinen zerrendan hondakin berriak sartzea (191204 eta 200139 EHZ kodeak). |
Egun jardunean den instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskinean.
2025eko maiatzaren 8an, titularrak eskatu zuen bere ingurumen baimen bateratuan ezarritako baldintzak aldatzeko, zehazki, ingurumen baimen bateratuaren III. eranskinean, instalazioan sortzen diren hondakinen zerrendan, bi hondakin mota berri sartzeko, 19 12 04 eta 20 01 39 EHZ kodeak dituztenak.
Zerbitzu honek dokumentazioa hobetzeko errekerimendua egin zuen 2026-02-19an, eta titularrak 2026-02-27an erantzun zuen, 2026/251983 instantziaren bidez.
Ekonomia Zirkularraren eta Berrikuntzaren Zerbitzuak aztertu du aurkeztutako eskaera, eta balorazio hau egin du:
EHZ KODEA | DESKRIBAPENA | BALORAZIOA |
19 12 04 | Plastikoa eta kautxua | Ezin da onartu instalazioan kudeatu beharreko hondakinen zerrendan sartzea, arrazoi hauengatik: –Titularrak, gaur egun, ez du R0307 balorizazio prozesurako baimenik, apirilaren 8ko 7/2022 Legearen II. eranskinaren arabera, kudeatzea eskatzen duen EHZ hondakinari dagokiona, alegia. |
20 01 39 | Plastikoak | Ezin da onartu instalazioan kudeatu beharreko hondakinen zerrendan sartzea, arrazoi hauengatik: –Titularrak, gaur egun, ez du R0307 balorizazio prozesurako baimenik, apirilaren 8ko 7/2022 Legearen II. eranskinaren arabera, kudeatzea eskatzen duen EHZ hondakinari dagokiona, alegia. –Gainera, eskatutako hondakina ez dator bat titularrak identifikatutako jatorriarekin (industria-jatorria). |
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenbizikoa.–Ukatzea Ezkabarteko udal mugartean hondakinak kudeatzeko dagoen instalazio baten ingurumen baimen bateratuan ezarritako funtzionamendu baldintzen aldaketa. Instalazioaren titularra Manipulados Ulzama SL da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio-bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau Manipulados Ulzama SLri eta Ezkabarteko Udalari igortzea, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Iragarkiaren kodea: F2605627
