Iragarkia

93. ALDIZKARIA - 2026ko maiatzaren 14a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑERRIKO MANKOMUNITATEA

Iruñerriko ibai-parkea handitzeko proiekturako desjabetzea 5. zatian, Elortz ibaian (Noain-Zabalegi zatia). Behin betiko onespena

Iruñerriko Mankomunitateko Batzorde Iraunkorrak, 2026ko apirilaren 27an egin zuen saioan, akordio hau hitzartu zuen:

"Batzorde Iraunkorrak, 2024ko martxoaren 21ean egin zuen saioan, Noain-Elortzibarko Udalaren eta IMren arteko lankidetza-hitzarmena onartu zuen, Iruñerriko Ingurumen Zentroa zuzen ezartzea bermatzera eramango duten jarduketak garatzeko. Zehazki, gauzatu beharreko jarduketen artean, hitzartu zen Elortz ibaian ibai-pasealekua egitea, Noain-Elortzibarren igarotzean, berariazko hitzarmen baten bidez bideratuko zen jarduketa.

Ondorioz, Batzorde Iraunkorrak 2024ko apirilaren 29an egin zuen saioan Iruñerriko Mankomunitatearen eta udal horren arteko lankidetza-hitzarmen bat onartu zuen, Elortzeko udal-barrutian igarotzean ibai-pasealekua egiteko.

Hitzarmen horretako bigarren klausulan hau ezarri zen: "Iruñerriko Mankomunitateak, IZSAren bidez, 2009an idatzitako eraikuntza-proiektuaren eguneratzea garatuko du, eta haren ibilbidea eta behin betiko ezaugarriak Udalarekin adostutakoak izango dira, beharrezkoak diren lursailak eskuratzen eta administrazio-izapideak bideratzen hasi aurretik".

Hasierako proiektua eguneratu zen, eta "Iruñerriko Ibai Parkea handitzea (5. zatia, Elortz ibaia): Noain-Zabalegi zatia (00000632–001)" proiektua idatzi zen. Haren xedea da Parkea hedatzea Elortz ibaian, Elortzibarren udal-barrutian, Noain, Imarkoain, Dorre eta Zabalegi kontzejuen artean.

Obra horiek "Iruñerriko Ibai Parkea handitzea" Udalez gaindiko Plan Sektorialerako aurreikusitakoen parte dira, Nafarroako Gobernuaren akordioaren bidez behin betiko onartua 2010eko martxoaren 29an.

Ikusita 2025eko azaroaren 27an Iruñerriko Zerbitzuak SAko Administrazio Kontseiluak "Iruñerriko Ibai Parkea handitzea (5. zatia, Elortz ibaia): Noain-Zabalegi zatia (00000632–001)" proiektua onartu zuela. Administrazioak jakiteko aurrekontu zenbatetsia 1.800.461,83 eurokoa da (%21eko BEZa barne).

Iruñerriko Mankomunitateko Batzorde Iraunkorrak, 2025eko abenduaren 29an egin zuen saioan, hartu zuen akordioaren bidez, Batzar Nagusiaren eskuduntzak Batzorde Iraunkorraren esku utzita, "Iruñerriko Ibai Parkea handitzea (5. zatia, Elortz ibaia): Noain-Zabalegi zatia (00000632–001)" proiektua onartu zen, desjabetzeko espedientea hasi zen eta proiektu horrek ukitzen dituen ondasunen eta eskubideen zerrenda hasiera batean onartu zen (zerrenda hori akordioari gehitu zitzaion). Onuraduna Iruñerriko Zerbitzuak SA da. Gainera, proiektu horrek ukitutako ondasunen eta eskubideen onura publikoa eta okupatu beharra aitortu eta deklaratu ziren, onarpenari lotuta baitaude.

Akordio horretan, proiektua eta ukitutako ondasunen eta eskubideen zerrenda jendaurrean jarri ziren hamabost eguneko eperako.

Onartze horren iragarkia Nafarroako Aldizkari Ofizialean eman zen argitara, 10. zenbakikoan, 2026ko urtarrilaren 15ean (akatsen zuzenketa 31. zenbakiko NAOn, 2026ko otsailaren 12an), Diario de Navarra eta Diario de Noticias egunkarietan, 2026ko urtarrilaren 20an, eta Iruñerriko Mankomunitateko eta Elortzibarko udaletxeko iragarki-oholetan. Eta horrez gain, jakinarazpenak bidali zitzaizkien ukitutako ondasunen eta eskubideen zerrendan ageri zirenei, eta jakinarazpena egin zitzaien, 70. zenbakiko Estatuko Aldizkari Ofizialeko Jakinarazpenen Gehigarriaren bidez, 2026ko martxoaren 20an, titular ezezagunei eta, jakinarazpena egiten saiatu arren, jakinarazterik egon ez zen titularrei.

Epe hori igarotakoan, alegazio hauek jaso ziren:

1.–Elortzibarko Udala, Noaingo 1. poligonoko 356. lurzatiari dagokionez.

2.–Potasas de Subiza SA (POSUSA), Noaingo 2. poligonoko 337. eta 272. lurzatiak gurutzatzen dituzten hodiei dagokienez.

3.–Luis Miguel López Archanco jauna, Noaingo 2. poligonoko 349. lurzatiari dagokionez.

4.–Francisco José Zuza Arraiza jauna, Noaingo 2. poligonoko 336. lurzatiari dagokionez.

5.–Adif-eko (Espainiako Trenbide Azpiegituren Administratzailea) Ondare eta Hirigintzako Zuzendaritzako Ipar Ondare eta Hirigintza Arloko kudeatzailetza, NO138, IM159 eta IM160ko jabari publikoko tokiei dagokienez.

Iruñerriko Zerbitzuak SAk dagokion txostena egin du 2026ko apirilaren 23an, aurkeztutako alegazioei erantzuteko, eta bertan hau proposatu du:

1) Egokia da Elortzibarko Udalak eta Luis Miguel López Archanco jaunak egindako alegazioak gaitzestea.

2) Egokia da partzialki onartzea Francisco José Zuza Arraiza jaunak egindako alegazioa.

3) Egokia da Potasas de Subiza SA enpresak (POSUSA) eta Adif Espainiako Trenbide Azpiegituren Administratzaileak aurkeztutako alegazioak onartzea.

Beste alde batetik, Iruñerriko Zerbitzuak SAren txosten horretan, adierazten da, onartutako alegazioetatik eratorritako aldaketez gain, beste aldaketa hauek ere egin behar direla ukitutako ondasunen eta eskubideen behin betiko zerrendan:

1) Bi titular sartzea NO-109 eta NO-150en, hasierako onespenaren ondoren Lurralde Aberastasuneko Zerbitzuak igorritako zerrendan ageri den moduan.

2) 1. poligonoko (NO-109) 361B lurzatiko 369,09 metro koadroko azalera bat behin-behineko okupazio moduan sartzea, proiektuan jasota ageri zena jada.

3) NO-135 eta NO-136n poligonoa zuzen adieraztea, hasierako zerrendan jartzen baitzuen ukitutako 337A eta 272A lurzatiak 1. poligonokoak zirela, baina 2. poligonoa jarri behar zuen. Biak ala biak hasierako zerrendan hurrenez hurren ageri ziren jabe berberarenak dira.

4) Proiektuko IM-161 finkari dagokionez, titularra zuzendu, "Imarkoaingo Kontzejua" jarri beharrean, "Imarkoaingo Kontzejuaren herri-lurrak" jarri behar baitu.

Ondorioz, Nahitaezko Desjabetzeari buruzko Legearen 20. artikuluan xedatuta dagoenaren arabera, eta aintzat hartuta, Nafarroako Toki Administrazioaren Foru Legearen 47.4 eta 29. artikuluen, Toki-araubidearen oinarriak arautzen dituen Legearen 4.1.d) artikuluaren eta Iruñerriko Mankomunitatearen Estatutuen 4. artikuluaren arabera, erakunde honek desjabetze-ahalmena gauzatu ahal duela, egokia da desjabetzeko espedientea behin betiko onartzea.

Batzar Nagusiak 2023ko urriaren 19an egin zuen saioan onartu zen Batzar Nagusiaren eskumenak Batzorde Iraunkorraren alde eskuordetzea, nahitaez desjabetzeko espedienteak izapidetzeko.

HITZARTU DA:

1.–Elortzibarko Udalak eta Luis Miguel López Archanco jaunak egindako alegazioak gaitzestea, Iruñerriko Zerbitzuak SAk egindako txostenean adierazitakoaren arabera.

2.–Partzialki onartzea Francisco José Zuza Arraiza jaunak egindako alegazioa, Iruñerriko Zerbitzuak SAk egindako txostenean ageri den zentzuan.

3.–Potasas de Subiza SA enpresak (POSUSA) eta Adif Espainiako Trenbide Azpiegituren Administratzaileak aurkeztutako alegazioak onartzea, Iruñerriko Zerbitzuak SAk egindako txostenean adierazitakoaren arabera.

4.–Behin betiko onartzea "Iruñerriko Ibai Parkea handitzea (5. zatia, Elortz ibaia): Noain-Zabalegi zatia (00000632–001)" obrari dagokion proiektua, eta bai proiektuak ukitutako ondasunen eta eskubideen behin betiko zerrenda ere, hasiera batean onartu zenarekiko adierazi diren aldaketekin eta Iruñerriko Zerbitzuak SAren txostenean, 2026ko apirilaren 23koan, jasotzen diren eta akordio honen eranskinean ageri direnekin. Horrek berekin dakar onura publikoa eta okupatu beharra deklaratzea.

5.–Nafarroako Gobernuari eskatzea egindako obraren presazko deklarazioa egin dezala, Nahitaezko Desjabetzeari buruzko Legearen 52. artikuluan eta hurrengoetan jasota dauden eraginetarako, beharrezkoa baita obrak ahalik eta azkarrena egitea, Elortz ibaiaren ibai-ingurunearen ingurumen-baldintzak berehala hobetzeko premiarengatik, dagoen landaredia babestuz, babes-zerrenda naturalaren tokia handituz; herritarrek erabiltzeko tokiak eta ibilbideak egokitzeko, joan-etorrien segurtasuna indartuz, errepidearen ordezko bide batez hornitzean eta Elortzibarko herrien konektibitatea hobetzean Iruñerriko gainerako udalerriekin, jada badauden pasealekuen sarearen bidez.

6.–Ezartzea Iruñerriko Zerbitzuak SA sozietateak agindu beharko duela bere banku-kontuetan nahikoa diru egon behar dela eskuragai ukitutako ondasunen eta eskubideen balio justua ordaintzeko eta "Iruñerriko Ibai Parkea handitzea (5. zatia, Elortz ibaia): Noain-Zabalegi zatia (00000632–001)" obraren desjabetze-prozeduraren ondoriozko gainerako betebehar ekonomikoei aurre egiteko, modu horretan bermatua izan dadin balio justu gisa finkatutako diru-kopuruak ordaintzea ukitutakoei.

7.–Ahalmena ematea Iruñerriko Mankomunitateko lehendakariari edo berak eskuordetzen duen pertsonari sina ditzan okupatu aurreko aktak eta desjabetzea egiteko beharrezkoak izan daitezkeen bestelako agiriak.

8.–Akordio hau kaleratzea, ukitutako ondasunen eta eskubideen zerrendarekin batera, Nafarroako Aldizkari Ofizialean, eta Iruñerriko Mankomunitateko eta Elortzibarko udaletxeko iragarki-oholetan; eta Foru Komunitateko egunkari batean iragarki berberaren laburpen bat argitaratzea.

9.–Akordio hau jakinaraztea interesdunei –alegazioa aurkeztu dutenen jakinarazpenetan Iruñerriko Zerbitzuak SAren 2026ko apirilaren 23ko txostenaren kopia gehituta–, adierazita haren aurka errekurtso hauetako bat aurkez dezaketela, aukeran:

1) Berraztertzeko errekurtsoa, Iruñerriko Mankomunitateko Batzorde Iraunkorraren aurrean, egintza hau jakinarazi eta hurrengo egunetik aurrera zenbatuta hilabeteko epean.

2) Administrazioarekiko auzi-errekurtsoa, Administrazioarekiko Auzien Epaitegiaren aurrean, egintza hau jakinarazi eta hurrengo egunetik aurrera zenbatuta bi hilabeteko epean. Eta

3) Gora jotzeko errekurtsoa, Nafarroako Administrazio Auzitegiaren aurrean, egintza hau jakinarazi den egunetik aurrera zenbatuta hilabeteko epean.

Iruñean, 2026ko apirilaren 27an.–Lehendakaria, David Campión Ventura.

ERANSKINA.–UKITUTAKO ONDASUNEN ETA ESKUBIDEEN ZERRENDA

Proiektua: Iruñerriko ibai-parkea handitzea. 5. zatia, Elortz ibaia (Noain-Zabalegi zatia)

Iragarkiaren kodea: L2606326