1. NAFARROAKO FORU KOMUNITATEA
1.7. BESTELAKOAK
129E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Uharteko udal mugartean garabiak fabrikatzen dituen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Construcciones Metálicas Comansa SA da.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2026-000006 | Hasiera eguna | |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 2.9 taldea |
1/2016 Legegintzako Errege Dekretua, abenduaren 16koa | I. eranskina / Sartu gabeko zentroa |
2010/75/EB Zuzentaraua, azaroaren 24koa | I. eranskina / Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | GARABIEN FABRIKAZIOA |
Titularra | CONSTRUCCIONES METALICAS COMANSA SA |
Ingurumen identifikaziorako zenbakia | 3112201378 |
Tokia | Urbizkain industrialdea 1, 2. poligonoko 1193. lurzatia |
Koordenatuak | UTM-ETRS89, 30N eremua, X: 616.393,529 eta Y: 4.742.990,577 |
Udalerria | UHARTE |
Proiektua | Sortutako hondakinen zerrenda eguneratzea, eta 19. fokua berriz sailkatzea atmosfera kutsa dezaketen jardueren katalogoaren (CAPCA) arabera |
Egun jardunean den instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 2.9 taldean.
2026ko urtarrilaren 22an, titularrak eskatu zuen bere ingurumen baimen bateratuan ezarritako baldintzak aldatzeko, zehazki:
–Ingurumen baimen bateratuaren III. eranskinean, sortutako hondakinen zerrendan sartzeko 12 01 99 eta 15 01 01 EHZ kodeak dituzten hondakinak; txatarra eta paperezko eta kartoizko ontziak dira, hurrenez hurren.
–Ingurumen baimen bateratuaren III. eranskinean, sortutako hondakinen zerrendatik kentzeko EHZ kode hauek dituzten hondakinak: 08 03 17*, 16 01 17*, 16 02 13*, 16 03 03*, 16 06 03* eta 20 01 01*.
–Azken tratamenduko R09 eragiketa sartzeko 12 01 09* EHZ kodea duen hondakinerako (ebaketa likidoaren hondarrak).
–19. fokuaren potentzia termiko izendatua aldatzeko, 1,5 MW-etik 90 kW-era. Horrek berekin dakar fokua berriz sailkatzea atmosfera kutsa dezaketen jardueren katalogoaren (CAPCA) arabera eta, horrela, C taldekoa izatetik talderik gabea izatera igarotzea (aipatu katalogoa 100/2011 Errege Dekretuak eguneratu zuen, eta 1042/2017 Errege Dekretuak aldatu).
Ekonomia Zirkularraren eta Berrikuntzaren Zerbitzuak, aurkeztutako eskaera aztertu ondoren, ondorioztatu du onargarria dela III. eranskinean aipatu hondakinak sartzea edo handik kentzea, 12 01 09* EHZ kodea duen hondakinerako azken tratamenduko R09 eragiketa sartzea eta, halaber, 19. fokuaren potentzia termikoa aldatzea, bat datorrelako instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Bestalde, instalazioan sortutako hondakinen zerrendatik (ingurumen baimen bateratuaren III. eranskinekoa) 20 01 33* EHZ kodea kenduko da, 20. kapituluko hondakina delako. Izan ere, kapitulu horretan etxeko hondakinak baino ez daude eta, hondakin horiek kasuan kasuko toki entitatearen bidez kudeatu behar direnez (kasu honetan, Iruñerriko Mankomunitatea), ez dira zerrenda horretan agertu behar.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Partez onartzea Uharteko udal mugartean garabiak fabrikatzen dituen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Construcciones Metálicas Comansa SA da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau Construcciones Metálicas Comansa SAri eta Uharteko Udalari igortzea, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2605712
