1. NAFARROAKO FORU KOMUNITATEA
1.7. BESTELAKOAK
122E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onartzen baita Mendigorriko udal mugartean dagoen eraikuntzako eta eraispeneko hondakinetarako instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Estructuras Encofrados Cimance SL da.
XEDEA | FUNTZIONAMENDU BALDINTZEN ALDAKETA |
HARTZAILEA | ESTRUCTURAS ENCOFRADOS CIMANCE SL |
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2025-000059 | Hasiera eguna | 2025-11-10 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 5.1 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | II. eranskina / 9.b) taldea |
Instalazioa | Eraikuntzako eta eraispeneko hondakinen zentroa |
Titularra | Estructuras Encofrados CIMANCE SL |
Ingurumen identifikaziorako zenbakia | 3116709018 |
Tokia | 7. poligonoko 416. eta 420. lurzatiak El Saso alderdia |
Koordenatuak | UTM-ETRS89, 30N eremua, X: 595.586,000 eta Y: 4.716.668,000 |
Udalerria | Mendigorria |
Proiektua | Hondakin berri bat (lurrak) sartzea kudeatzen direnen artean |
Egun jardunean den instalazio horrek ingurumen baimen bateratua du, Ekonomia Zirkularraren eta Berrikuntzaren Zerbitzuko zuzendari nagusiaren maiatzaren 13ko 188E/2025 Ebazpenaren bidez eman baitzitzaion; izan ere, jarduera hori sarturik dago Ingurumenean Eragina duten Jarduerak arautzen dituen abenduaren 16ko 17/2020 Foru Legearen 1. eranskineko 5.1 taldean.
2025eko azaroaren 7an, titularrak eskatu zuen bere ingurumen baimen bateratuan ezarritako baldintzak aldatzeko, zehazki, ingurumen baimen bateratuaren III. eranskinean, kudeatzen dituen hondakinen zerrendan, beste hondakin mota bat sartzeko, 170504 EHZ kodea duena (170503 kodean zehazten direnez besteko lurrak eta harriak).
Kudeatu beharreko hondakin berri hori sartzeak berekin dakar prozesu berri bat sartzea: R0508 Material inorganikoak balorizatzea betelan eragiketetan (backfilling-a).
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du onargarria dela; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenengoa.–Onartzea Mendigorriko udal mugartean dagoen eraikuntzako eta eraispeneko hondakinetarako instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Estructuras Encofrados Cimance SL da.
Bigarrena.–Suteen aurkako segurtasunari dagokionez (abenduaren 3ko 2267/2004 Errege Dekretua), instalazioan biltegiratutako hondakinen kopuruak ez du handituko ingurumen baimen bateratua emateko espedientearen dokumentazio teknikoan kalkulatutako arrisku intrintsekoaren maila.
Hirugarrena.–Ebazpen hau argitaratzea Nafarroako Aldizkari Ofizialean.
Laugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Bosgarrena.–Ebazpen hau igortzea Estructuras Encofrados Cimance SLri eta Mendigorriko Udalari, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2605636
