1. NAFARROAKO FORU KOMUNITATEA
1.7. BESTELAKOAK
120E/2026 EBAZPENA, apirilaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez iraungitzen baita Tuterako udal mugartean dagoen plater prestatuak elaboratzeko instalazio baten ingurumen baimen bateratua. Instalazioaren titularra Precocinados Fridela SL da.
Espediente mota | Ingurumen baimen bateratua iraungitzea |
Espedientearen kodea | 0001-0058-2024-000001 | Hasiera eguna | 2023-11-17 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 9.5 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | Plater prestatuen elaborazioa |
Titularra | PRECOCINADOS FRIDELA SL. |
Ingurumen identifikaziorako zenbakia | 3123204121 |
Tokia | Canraso industrialdea, zeharkako bidea 1, 1. poligonoko 93., 118. eta 119. lurzatiak. |
Koordenatuak | UTM-ETRS89, 30N eremua, X: 614.155 eta Y: 4.657.880 |
Udalerria | TUTERA |
Proiektua | Instalazioa guztiz ixtea |
Instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 9.5 taldean.
2023ko azaroaren 17an, titularrak bere instalazioa guztiz ixteko proiektua jakinarazi zuen; proiektu horretan, jarduera guztia beste toki batera aldatuko dela azaldu eta geldituko diren instalazioen berri ematen da.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehena.–Iraungitzea Tuterako udal mugartean dagoen plater prestatuak elaboratzeko instalazio baten ingurumen baimen bateratua. Instalazioaren titularra Precocinados Fridela SL da.
Bigarrena.–Zentroak Nafarroako Foru Komunitateko Hondakinen Sortzaileen eta Kudeatzaileen Erregistroan hondakin arriskutsuen sortzaile txiki gisa duen inskripzioa kentzea (15P02232041212010 zenbakia).
Hirugarrena.–Kolektorean isurtzeko baimena kentzea (15AVC232041212017 zenbakia).
Laugarrena.–Ebazpen hau Nafarroako Aldizkari Ofizialean argitaratzea.
Bosgarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren kontra, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Seigarrena.–Ebazpen hau igortzea Precocinados Fridela SLra eta Tuterako Udalera, behar diren ondorioak izan ditzan.
Iruñean, 2026ko apirilaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Iragarkiaren kodea: F2605614
