1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
478E/2026 EBAZPENA, apirilaren 10ekoa, Nafarroako Kirolaren eta Jarduera Fisikoaren Institutuko zuzendari kudeatzaileak emana, Fernando Jesús Biesa Zufia jauna institutu horretako Entitateei Arreta Egiteko eta Kirol Errendimendurako Zuzendariordetzari atxikitako Zerbitzu Orokorren eta Mantentze-lanen Bulegoko buru izendatzen duena bitarte baterako, 2026ko apirilaren 13tik aurrerako ondorioekin.
Kultura, Kirol eta Turismo Departamentuko kontseilariaren 46/2024 Foru Aginduak, Nafarroako Kirolaren eta Jarduera Fisikoaren Institutua erakunde autonomoaren egitura organikoa bulegoen mailan garatzen duenak, 9. artikuluan ezartzen du Zerbitzu Orokorren eta Mantentze-lanen Bulegoa sortzea (11.979 plaza zenbakia), Entitateei Arreta Egiteko eta Kirol Errendimendurako Zuzendariordetzari atxikita.
Administrazio eta Kudeaketa Ataleko buruak proposatu du Fernando Jesús Biesa Zufia jaunak betetzea Zerbitzu Orokorren eta Mantentze-lanen Bulegoko burutza, 2026ko apirilaren 13tik aurrerako ondorioekin.
Hala ezartzen baitu bere lehenbiziko xedapen gehigarrian otsailaren 21eko 30/2005 Foru Dekretuak, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituenak, erakunde autonomoetako burutzak bitarte baterako betetzeko, kasuan kasuko erakundearen estatutuetan ezarritakoari jarraikiko zaio.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen bosgarren xedapen gehigarriak eskatzen duenez, atalburuen, bulegoburuen eta ataletik beherako beste unitateetako buruen bitarte baterako izendapenak egin baino lehen, Funtzio Publikoaren arloko eskumena duen departamentuak horren aldeko txostena eman behar du. Barneko, Funtzio Publikoko eta Justiziako Departamentuak 2026ko apirilaren 9an egin zuen txosten hori.
Martxoaren 11ko 11/2019 Foru Legearen bosgarren xedapen gehigarri horrek ezartzen du, halaber, ezen, beste departamentu bateko langile bat izendatzen bada, departamentu horretako titularraren adostasuna beharko dela. Izendapenerako proposatutako pertsona burutza bete behar duen departamentukoa ez denez, zehazki, Osasun Departamentukoa baita, beharrezkoa da departamentu horren baimena, eta dagoeneko jaso da haren adostasuna.
Horrenbestez, Nafarroako Kirolaren eta Jarduera Fisikoaren Institutuaren estatutuak onesten dituen azaroaren 15eko 257/2023 Foru Dekretuak eskuordetu dizkidan ahalmenekin bat,
EBAZTEN DUT:
1. Fernando Jesús Biesa Zufia jauna Nafarroako Kirolaren eta Jarduera Fisikoaren Institutuko Entitateei Arreta Egiteko eta Kirol Errendimendurako Zuzendariordetzari atxikitako Zerbitzu Orokorren eta Mantentze-lanen Bulegoko buru izendatzea bitarte baterako, 2026ko apirilaren 13tik aurrerako ondorioekin.
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
3. Ebazpen hau jakinaraztea, behar diren ondorioak izan ditzan, interesdunari, Kultura, Kirol eta Turismo Departamentuko Entitateei Arreta Egiteko eta Kirol Errendimendurako Zuzendariordetzari, Larrabide Estadioa Kirol Teknifikazioaren Zentroko zuzendariari, Administrazio eta Kudeaketa Atalari eta Idazkaritza Tekniko Nagusiari, Funtzio Publikoko Zuzendaritza Nagusiari eta Langileriaren Gastuaren Kontrolaren eta Nominen Zerbitzuari, Egiturako, Plantillako eta Langileen Aldi Baterako Kontratazioetako Zerbitzuari eta Langileriaren Prozedurak Kudeatzeko Zerbitzuari.
Iruñean, 2026ko apirilaren 10ean.–Nafarroako Kirolaren eta Jarduera Fisikoaren Institutuko zuzendari kudeatzailea, Jorge Aguirre Oviedo.
Iragarkiaren kodea: F2605690
