1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
70E/2026 FORU AGINDUA, apirilaren 1ekoa, Kultura, Kirol eta Turismoko kontseilariak emana, kargutik kentzen duena Jaione Mazquiarán Goicoechea andrea, Kultura, Kirol eta Turismo Departamentuko Idazkaritza Tekniko Nagusiari atxikitako Idazkaritza eta Administrazio Laguntzako Bulegoko burua.
Funtzio Publikoko zuzendari nagusiaren otsailaren 18ko 529/2026 Ebazpenaren bidez, amaiera eman zaio administrarien plaza hutsak lekualdatze-lehiaketa bidez betetzeko prozedurari. Jaione Mazquiarán Goicoecheari 33460 plaza hutsa esleitu zaio, Kultura, Kirol eta Turismo Departamentuko Vianako Printzea Erakundea-Kultura Zuzendaritza Nagusiari atxikita dagoena. Jaione Mazquiarán Goicoechea 2026ko apirilaren 13an jabetuko da plaza horretaz, eta horrek berekin ekarriko du gaur egun betetzen ari den bulegoko burutzatik kentzea.
Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuak hirugarren xedapen gehigarriko 2. zenbakian xedatzen duenez, atalburuen eta bulegoburuen bitarte baterako izendapenak libreki errebokatzen ahal ditu erabaki hori hartu zuen organoak berak.
Horrenbestez,
AGINTZEN DUT:
1. Kargutik kentzea Jaione Mazquiarán Goicoechea andrea, Kultura, Kirol eta Turismo Departamentuko Idazkaritza Tekniko Nagusiari atxikitako Idazkaritza eta Administrazio Laguntzako Bulegoko burua. Kargu-uzteak 2026ko apirilaren 12tik aurrera izanen ditu ondorioak, eta egun hori izanen da burutzan jarduteko azken eguna.
2. Foru agindu hau interesdunari jakinaraztea, eta igortzea, behar diren ondorioak izan ditzan, Idazkaritza Tekniko Nagusira eta Funtzio Publikoko Zuzendaritza Nagusira.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2026ko apirilaren 1ean.–Kultura, Kirol eta Turismoko kontseilaria, Rebeca Esnaola Bermejo.
Iragarkiaren kodea: F2605448
