1. NAFARROAKO FORU KOMUNITATEA
1.7. BESTELAKOAK
191/2026 EBAZPENA, martxoaren 27koa, Justiziako zuzendari nagusiak emana, zeinaren bidez Nafarroako Justizia Auzitegi Nagusiko Administrazioarekiko Auzien Salara igortzen baita STAJ-Sindicato de Trabajadores de la Administración de Justicia sindikatuak eskaturik jarritako administrazioarekiko auzi-errekurtsoari buruzko administrazio espedientea (61/2026 prozedura arrunta).
STAJ-Sindicato de Trabajadores de la Administración de Justicia sindikatuak administrazioarekiko auzi-errekurtsoa jarri du Nafarroako Justizia Auzitegi Nagusiko Administrazioarekiko Auzien Salan Justiziako zuzendari nagusiaren urriaren 1eko 366/2025 Ebazpenaren aurka, zeinaren bidez lanpostu zerrendak onesten baitira; batetik, Iruñeko barruti judizialean, non Auzialdiko Auzitegia eratuko baita 2025eko abenduaren 31n, egoitza duten Bulego Judizialari eta Erregistro Zibileko Bulego Orokorrari dagokiena, eta, bestetik, Nafarroako Justizia Auzitegi Nagusiko Gobernu Idazkaritzari dagokiona.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, sala horrek eskatu du igor diezaiotela administrazio espedientea, eta epatzeko deiak egin daitezela lege horren 49. artikuluan ezarritako moduan.
Horrenbestez, Barneko, Funtzio Publikoko eta Justiziako Departamentuaren egitura organikoa ezartzen duen azaroaren 15eko 254/2023 Foru Dekretuak ematen dizkidan eskudantziak erabiliz,
EBAZTEN DUT:
1. Nafarroako Justizia Auzitegi Nagusiko Administrazioarekiko Auzien Salara igortzea STAJ-Sindicato de Trabajadores de la Administración de Justicia sindikatuak Nafarroako Justizia Auzitegi Nagusiko Administrazioarekiko Auzien Salan Justiziako zuzendari nagusiaren urriaren 1eko 366/2025 Ebazpenaren aurka jarritako administrazioarekiko auzi-errekurtsoaren espedientea (61/2026 prozedura arrunta), eta organo judizialari jakinaraztea, Administrazioarekiko Auzien Jurisdikzioa arautzen duen Legearen 38.1 artikuluan xedatutakoarekin bat, ez dela jarri metatzeko modukoa izaten ahal den bestelako administrazioarekiko auzi-errekurtsorik.
2. Ebazpen hau balizko interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal daitezen, aipatu auzitegian, ebazpena argitaratu eta biharamunetik bederatzi eguneko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. eta 49. artikuluetan ezarritakoarekin bat.
3. Ebazpen hau Nafarroako Aldizkari Ofizialean argitaratzea.
4. Ebazpen hau jakinaraztea STAJ-Sindicato de Trabajadores de la Administración de Justicia sindikatuari, eta igortzea Nafarroako Justizia Auzitegi Nagusiko Administrazioarekiko Auzien Salara eta Lehendakaritza eta Berdintasun Departamentuko Aholkularitza Juridikora, behar diren ondorioak izan ditzan.
Iruñean, 2026ko martxoaren 27an.–Justiziako zuzendari nagusia, Maite Arenaza Sarasola.
Iragarkiaren kodea: F2604901
