1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
185E/2026 FORU AGINDUA, apirilaren 9koa, Osasuneko kontseilariak emana, Ana Valencia Moreno andrea Osasunbidea-Nafarroako Osasun Zerbitzuko Nafarroako Ospitale Unibertsitarioko Kontratazioa eta Deiak Kudeatzeko Zerbitzuko buru izendatzen duena.
Osasunbidea-Nafarroako Osasun Zerbitzuaren Estatutuak onesten dituen irailaren 3ko 171/2015 Foru Dekretuaren 20.1 artikuluan ezarritakoaren arabera, Osasun Departamentuko titularrari dagokio zerbitzuko buruak izendatzea eta kargutik kentzea, betiere Osasunbidea-Nafarroako Osasun Zerbitzuko zuzendari kudeatzaileak proposaturik.
Espedientean Osasunbidea-Nafarroako Osasun Zerbitzuko zuzendari kudeatzailearen txostena dago, 2026ko martxoaren 31koa, non proposatzen baita Ana Valencia Moreno andrea Nafarroako Ospitale Unibertsitarioko Kontratazioa eta Deiak Kudeatzeko Zerbitzuko buru izendatzea.
Osasunbidea-Nafarroako Osasun Zerbitzuaren estatutuak onesten dituen irailaren 3ko 171/2015 Foru Dekretuak eman dizkidan eskumenak erabiliz,
AGINTZEN DUT:
1. Ana Valencia Moreno andrea Osasunbidea-Nafarroako Osasun Zerbitzuko Nafarroako Ospitale Unibertsitarioko Kontratazioa eta Deiak Kudeatzeko Zerbitzuko buru izendatzea, 2026ko apirilaren 14tik aurrerako ondorioekin.
2. Foru agindu hau interesdunari jakinaraztea, eta igortzea, behar diren ondorioak izan ditzan, Funtzio Publikoko Zuzendaritza Nagusira, Osasunbidea-Nafarroako Osasun Zerbitzuko zuzendari kudeatzaileari, Profesionalen Zuzendaritzara, Ordainsari eta Prestazioen Zerbitzura, Langileriaren Prozesu eta Ebaluazio Zerbitzura eta Langileen Antolamendu eta Araubidearen Atalera, eta Nafarroako Ospitale Unibertsitarioko kudeatzaileari, Profesionalen Zuzendaritzara eta Langileriaren eta Lan Harremanen Zuzendariordetzako Kudeaketa Administratiboaren Unitatera, bai eta Industriako eta Enpresen Trantsizio Ekologiko eta Digitalerako Departamentuko Idazkaritza Tekniko Nagusira ere.
3. Foru agindu hau Nafarroako Aldizkari Ofizialean argitaratzea.
Iruñean, 2026ko apirilaren 9an.–Osasuneko kontseilaria, Fernando Domínguez Cunchillos.
Iragarkiaren kodea: F2605435
